ARYNews.tv | Urdu – Har Lamha Bakhabar

Tag: پنجاب

  • پھانسی کےپانچ مجرموں کی اپیلیں سماعت کیلئےمنظور

    پھانسی کےپانچ مجرموں کی اپیلیں سماعت کیلئےمنظور

    لاہور : سزائےموت کےپانچ مجرموں کی اپیلیں سماعت کیلئےمنظورکرلی گئیں،تفصیلات کے مطابق  سابق صدر پرویز مشرف پر حملہ کے مقدمے میں ملوث سزائے موت پانے والے تین مجرموں نے عدالتی فیصلے کے خلاف لاہورہائیکورٹ راولپنڈی بینچ میں اپیل دائر کردی ہے۔

    جبکہ پھانسی کی سزاکے منتظردو قیدیوں نےہائیکورٹ میں انٹراکورٹ اپیل دائرکی ہے۔ عدالت نے مجرمان کی اپیلیں سماعت کیلئے منظور کرلیں۔

    مذکورہ درخواستوں پر سماعت یکم جنوری کو ہوگی، واضح رہے کہ اب تک سزائے موت کے پانچ مجرمان کو پھانسی دی جا چکی ہے، پھانسی لگنے والے مجرمان پر پرویز مشرف حملہ اور جی ایچ کیو پر حملے کے مقدمات تھے، جن کی سزاؤں پرعمل درآمد کیا جا چکا ہے۔

  • پنجاب اور خیبرپختونخوا میں دھند سے نظامِ زندگی درہم برہم

    پنجاب اور خیبرپختونخوا میں دھند سے نظامِ زندگی درہم برہم

    لاہور: پنجاب اور خیبرپختونخوا میں شدید دھند سے نظامِ زندگی متاثر ہو کر رہ گیا ہے، رحیم یارخان میں دھند کےباعث ٹریفک حادثے نے دو افراد کی جان لے لی، دیگر ٹریفک حادثات میں بھی کئی افراد زخمی ہوئے۔

    پنجاب اور خیبرپختونخوا میں دھند نے روزمرہ معمولات کو بری طرح متاثر کررکھا ہے، شدید دھند کی وجہ سے رحیم یار خان میں دو مسافر بسیں ٹکرا گئیں، جس کے نتیجے میں دو افراد جاں بحق اور متعدد زخمی ہوگئے ہیں۔

    ساہیوال میں شدید دھند کے باعث چار گا ڑیوں میں تصادم ہوگیا، رینالہ خورد میں جی ٹی روڈ پر بائی پاس پرٹریفک حادثے میں آٹھ افراد زخمی ہونے کی اطلاع ہے۔

    کوہاٹ انڈس ہائی وے پر ٹریفک حادثہ میں زخمی چار افراد زندگی اور موت کی کشمکش میں ہیں، دھند کے باعث پروازوں اور ٹرینوں کا شیڈول بھی درہم برہم ہوگیا ہے۔

    علی الصبح لاہور ایئرپورٹ پر فلائٹ آپریشن معطل کردیا گیا، حافظ آباد میں گیس لیکیج کے سبب سلنڈر دھماکے سے گھر میں موجود افراد زخمی ہوگئے ہیں۔

  • سرگودھامیں طبی سہولتوں کا فقدان ،مزید3بچے جاں بحق

    سرگودھامیں طبی سہولتوں کا فقدان ،مزید3بچے جاں بحق

    سرگودھا: ڈسٹرکٹ ہیڈ کوارٹر اسپتال سرگودھا میں آج مزید تین بچے دم چل بسے۔ چالیس دنوں میں جاں بحق بچوں کی تعداد چوہتر ہو گئی۔

    وزیراعلیٰ پنجاب شہباز شریف سرگودھا کے معاملے پر کب خواب غفلت سے بیدار ہوں گے۔ شاہینوں کے شہر سرگودھا کے باسیوں کو کوئی آس نظر نہیں آتی۔

    ڈسٹرکٹ ٹیچنگ ہسپتال سرگودھاکے بچہ وارڈمیں آج مزید تین ننھی کلیاں ہمیشہ کیلئے مرجھا گئیں۔ خادم اعلیٰ پنجاب کے غیرمعمولی اقدامات نہ جانے کہاں کھو گئے۔

    بچوں کی اموات کا سلسلہ رکنے کا نام ہی نہیں لے رہا۔جاں بحق بچوں کے والدین کے دلوں میں حکومت اور مقامی انتظامیہ خلاف نفرت بڑھتی جا رہی ہے۔

    نوحہ کناں والدین کہتے ہیں کہ انتظامیہ مسائل کے حل میں بے بس ہے۔حکومت نے وعدے تو بہت کیے لیکن اسپتال کو درکار تکنیکی سہولتیں تاحال فراہم نہیں کی گئیں۔

  • مختلف ٹریفک حادثات، 5افراد جاں بحق ،متعدد زخمی

    مختلف ٹریفک حادثات، 5افراد جاں بحق ،متعدد زخمی

    ایبٹ آباد: دھند کے باعث ایبٹ آباد میں بس کھائی میں جا گری،جس کے نتیجے میں پانچ افراد جاں بحق اور پانچ زخمی ہوگئے، دیگر شہروں میں ہونے والے ٹریفک حادثات میں بیس افراد زخمی ہوگئے ہیں۔

    سردی کے آتے ہی دھند نے پنجاب سمیت خیبرپختونخواہ کے کئی شہروں کو اپنی لیپٹ میں لے لیا ہے، ایبٹ آباد میں تھانہ لورہ کے حدود میں مسافر بس کھائی میں جا گری، حادثے میں پانچ افراد جاں بحق اور چھ زخمی ہوگئے ہیں، جاں بحق اور زخمیوں کو اسپتال منتقل کر دیا گیا ہے۔

    پولیس حکام کا کہنا ہے کہ حادثہ دھند کے باعث پیش آیا، جھنگ میں اٹھارہ ہزاری کے مقام پر حد نگاہ کم ہونے کے باعث مسافر بس اور کار کے تصادم میں پانچ افراد زخمی ہوگئے۔

    دوسری جانب ظفروال میں درمان سے لاہور جانے والی بس دھند کے باعث الٹ گئی، بس میں 50کے قریب مسافر سوار تھے، فوری طور پر نارووال سے ریسیکو کی ٹیمیں جائے حادثہ پر پہنچ گئی ہے۔

    ریسکیو حکام کا کہنا ہے کہ حادثے میں بیس مسافر زخمی ہوئے، جنہیں مقامی اسپتال منتقل کیا گیا ہے۔

  • سیکیورٹی خدشات: نرسنگ سکولز میں چھٹیاں

    سیکیورٹی خدشات: نرسنگ سکولز میں چھٹیاں

    لاہور: سیکیورٹی خدشات کے پیش نظر پنجاب کے نرسنگ سکولز میں چھٹیاں کردی گئیں۔

    محکمہ صحت پنجاب نے سیکیورٹی خدشات کے پیش نظر 9 جنوری تک پنجاب کے تمام نرسنگ سکولوں میں چھٹیاں کردیں ، پنجاب کے تعلیمی اداروں میں 19 دسمبر سے 5 جنوری تک چھٹیاں کردی گئیں تھی ، تعلیمی اداروں کو کسی ناخوشگوار واقعہ کے خدشے کے پیش نظر بند کردیا گیا ، نرسنگ سکول دس جنوری سے دوبارہ کھول دیئے جائے گے ، محکمہ صحت کے مطابق اسپتالوں کی سیکورٹی بھی بڑھا دی جائے گی۔

  • دہشت گردی کیخلاف پالیسی شام تک آجائےگی ،وزیرداخلہ پنجاب

    دہشت گردی کیخلاف پالیسی شام تک آجائےگی ،وزیرداخلہ پنجاب

    لاہور: صوبائی وزیر داخلہ پنجاب کرنل ریٹائرڈ شجاع خانزادہ نے کہ کہا ہے کہ دہشت گردی کےخلاف پالیسی شام تک آجائے گی ،پنجاب اسمبلی کے باہر میڈیا سے گفتگو کرتے ہوئے شجاع خانزادہ نے کہا کہ سانحہ پشاور کے بعد عوام اور دہشت گردوں کے درمیاں خون کی لکیر کھنچ گئی ہے۔

    آج شام تک دہشت گردی کے خلاف حکومتی پالیسی سامنے آجائے گی۔ شجاع خانزادہ نے کہا کہ ایمنسٹی انٹرنیشنل کا پھانسیوں کے حوالے سے کوئی دباؤ نہیں اعلیٰ عدلیہ نے پھانسیوں پر عملدرآمد کے لیے وقت تین سےسات دن کا کردیا ہے۔

    ان کا کہنا تھا کہ پنجاب میں موجودنوے فیصد مدارس کا دہشت گردی سے کوئی تعلق نہیں دہشت گردی پر قابو پانے کے لیے اعلیٰ سطح کی کمیٹی بنا دی گئی ہے جس کے سربراہ وزیر اعلیٰ پنجاب ہوں گے۔

    شجاع خانزادہ نے کہا کہ مولانا عبدالعزیز کی جتنی مذمت کی جائے کم ہے۔

  • پنجاب اور بلوچستان میں گیس کا بحران شدت اختیار کرگیا

    پنجاب اور بلوچستان میں گیس کا بحران شدت اختیار کرگیا

    بلوچستان : سوئی کے مقام پر گیس پائپ لائن کی مرمت نہ ہونے کے باعث پنجاب اور بلوچستان میں گیس کا بحران شدت اختیار کرگیا ہے، سردی میں گیس کی عدم فراہمی شہری ٹھٹھر کے رہ گئے۔

    بلوچستان میں سوئی کے مقام پر گیس پائپ لائن میں آتشزدگی کے باعث شارٹ فال دو سو چالیس ایم ایم سی ایف ڈی بڑھ گیا ہے، گیس پائپ لائن کی مرمت دو دن گزر نے کے بعد بھی نہ ہوسکی۔ مرمت نہ ہونے کے باعث پنجاب میں صنعتوں کو گیس کی فراہمی بند جبکہ گھریلو صارفین کے لیے گیس پریشر انتہائی کم ہوگیا ہے۔

    کوئٹہ میں گیس کی فراہمی دوسرے روز بھی معطل رہی، گیس کی فراہمی نہ ہونے کے باعث شہری شدید سردی میں ٹھٹھر کر رہ گئے ہیں، گیس عدم فراہمی کے باعث سی این جی اسٹیشنز کو بھی گیس کی سپلائی بند ہے۔

    سوئی سدرن گیس سپلائی کمپنی کے مطابق متاثرہ پائپ لائن کی مرمت کا کام منگل تک مکمل ہونے کا امکان ہے۔

  • سکیورٹی خدشات، پنجاب یونیورسٹی کےہاسٹلزکوخالی کرالیا گیا

    سکیورٹی خدشات، پنجاب یونیورسٹی کےہاسٹلزکوخالی کرالیا گیا

    لاہور: سکیورٹی خدشات کے باعث پنجاب یونیورسٹی کے ہاسٹلز کو خالی کرالیا گیا ہے۔

    پنجاب یونیورسٹی کی انتظامیہ کے مطابق ہاسٹلز میں کسی بھی طالب علم کو موسم سرما کی تعطیلات کے دوران رہنے کی اجازت نہیں صرف غیر ملکی طلبہ ہی موسم سرما کی چھٹیوں میں یونیورسٹی ہاسٹلز میں رہ سکتے ہیں یونیورسٹی انتظامیہ کے مطابق غیر ملکی طلبہ کے ہاسٹل میں آنے جانے والوں کا ریکارڈ مرتب بھی کیا جائے گا پنجاب یونیورسٹی انتظامیہ نے نو جنوری تک موسم سرما کی تعطیلات کا اعلان کررکھا ہے۔

  • پنجاب اور بالائی علاقوں میں سخت سردی، دھند کا راج

    پنجاب اور بالائی علاقوں میں سخت سردی، دھند کا راج

    پنجاب: سخت سردی کے ساتھ صبح سویرے دھند کا راج رہا، محکمہ موسمیات کے مطابق اگلے چوبیس گھنٹے کے دوران بھی میدانی علاقوں میں گہری دھند چھائی رہے گی۔

    پنجاب میں سخت سردی اور دھند کی وجہ سے لوگوں کو مشکلات کا سامنا ہے، لاہور میں محکمۂ موسمیات کے ترجمان کا کہنا ہے کہ اگلے چار دن بارش کا کوئی امکان نہیں، اس لئے دھند چھائی رہے گی۔

    دھند کے باعث لاہور کے علامہ اقبال ایئرپورٹ پر کئی غیر ملکی پروازیں بھی منسوخ کردی گئی ہے، لاہور میں درجہ حرارت چار ڈگری سینٹی گریڈ تک گر گیا ہے جبکہ راولپنڈی اسلام آباد میں کم سے کم درجہ حرارت ایک ڈگری سینٹی گریڈ رہا ہے۔

    سب سے کم درجہ حرارت سکردو میں منفی نو ڈگری رہا، استور منفی آٹھ ، ہنزہ اور گلگت منفی چھ، کوئٹہ منفی پانچ ڈگری سینٹی گریڈ رہا، ترجمان محکمۂ موسمیات کے مطابق اگلے چوبیس گھنٹوں میں پنجاب کے میدانی علاقے شدید دھند کی لپیٹ میں رہیں گے۔

  • عدالت نے ڈاکٹرطاہرالقادری کو اشتہاری ملزم قراردےدیا

    عدالت نے ڈاکٹرطاہرالقادری کو اشتہاری ملزم قراردےدیا

    راولپنڈی:انسداد دہشت گردی عدالت نے پاکستان عوامی تحریک کے سربراہ ڈاکٹر طاہرالقادری کو با ضابطہ اشتہاری ملزم قرار دے کر وارنٹ گرفتاری جاری کردیئے ہیں۔

    تفصیلات کے مطابق راولپنڈی کی انسداددہشت گردی کی خصوصی عدالت نے علامہ ڈاکٹر طاہرالقادری کو للہ انٹرچینج راولپنڈی ہنگامہ آرائی کیس میں اشتہاری ملزم قرار دےدیا ہے۔

    عدالت نے بار بار طلب کیے جانے کے باوجود ان کی غیر حاضری کے بعد یہ حکم جاری کیا۔ ڈاکٹرطاہرالقادری کو ایسے وقت اشتہاری ملزم قرار دیا گیا ہے جب وہ ملک سے باہر علاج کے غرض سے گئے ہوئے ہیں۔

    گزشتہ سماعت میں ڈاکٹر طاہر القادری  کے ناقابل ضمانت وارنٹ گرفتاری جاری کئے تھے، جس کے باوجود داکٹر طاہر القادری عدالت میں پیش ہوئے اور نہ ہی ان کی جانب سے کوئی نمائندہ عدالت کے روبرو پیش ہوا۔

    واضح رہے کہ ڈاکٹر طاہرالقادری اس وقت امریکہ کے ایک اسپتال میں زیر علاج ہیں جہاں ان کی انجیو گرافی کی گئی  ہے، ڈاکٹرز کے مطابق علامہ طاہر القادری کی دل کی شریانیں عارضی طور پر بند ہیں۔