ARYNews.tv | Urdu – Har Lamha Bakhabar

Tag: پنجاب

  • پنجاب میں 52 ارب 35 کروڑ روپے کے فنڈز کی منظوری

    پنجاب میں 52 ارب 35 کروڑ روپے کے فنڈز کی منظوری

    پنجاب کی صوبائی ترقیاتی ورکنگ پارٹی کا اجلاس ہوا جس میں ترقیاتی منصوبوں کے لیے 52 ارب 35 کروڑ روپے کے فنڈز کی منظوری دی گئی۔

    اے آر وائی نیوز کے مطابق پنجاب ٓحکومت کی صوبائی ترقیاتی ورکنگ پارٹی کا رواں مالی سال کا دوسرا اجلاس چیئرمین پی اینڈ ڈی بورڈ ڈاکٹر نعیم رؤف کی زیر صدارت لاہور میں ہوئی۔ جس میں متعلقہ افسران نے شرکت کی۔ اجلاس میں صوبے میں ترقیاتی منصوبوں کے لیے مجموعی طور پر 52 ارب 35 کروڑ روپے کے فنڈز کی منظوری دی گئی۔

    اجلاس میں زراعت، بلدیات اور روڈ سیکٹرز کی اسکیموں کی منظوری دی گئی۔ وزیراعلیٰ سولر ٹیوب ویلز اسکیم کے لیے 7 ارب 22 کروڑ، زرعی گریجویٹس انٹرن شپ اسکیم کے لیے 2 ارب 15 کروڑ روپے کی منظوری دی گئی۔

    اس کے علاوہ کسان کارڈ اسکیم کے لیے 9 ارب 86 کروڑ، گرین ٹریکٹر پروگرام فیز 2 کے لیے 5 ارب 7 کروڑ، ہائی پاور ٹریکٹر پروگرام کے لیے 9 ارب 58 کروڑ اور پوٹوہار میں زرعی بہتری کے لیے 7 ارب روپے کی منظوری بھی دی گئی۔

    ترقیاتی ورکنگ پارٹی اجلاس میں پی آئی ایم یو، پی آر ایم ایس سی اور سروس ڈلیوری یونٹس کے لیے 4 ارب، راولپنڈی جی پی او چوک انڈر پاس منصوبے کے لیے 5 ارب 55 کروڑ اور منڈی بہاؤ الدین میں سڑک کی کشادگی کے لیے ایک ارب 86 کروڑ روپے کے فنڈز منظور کیے گئے۔

    https://urdu.arynews.tv/maryam-nawaz-e-buses-24-districts-south-punjab/

  • 8 محرم الحرام: لاہور سمیت پنجاب بھر میں سیکیورٹی سخت کردی گئی

    8 محرم الحرام: لاہور سمیت پنجاب بھر میں سیکیورٹی سخت کردی گئی

    لاہور: صوبائی دارالحکومت لاہور سمیت ملک بھر میں 8 محرم الحرام کے موقع پر عزاداری کے سلسلے میں جلوسوں کا سلسلہ جاری ہے۔

    تفصیلات کے مطابق لاہور میں 8 محرم الحرام کا مرکزی جلوس امام بارگاہ دربارِ حسین اندرون موری گیٹ سے برآمد ہو گیا جو مقررہ راستوں سے ہوتا ہوا شام کو امام بارگاہ بیت الرضا پرانی انار کلی پہنچ کر اختتام پذیر ہو گا۔

    جلوس کی گزرگاہوں پر دکانیں اور مارکیٹیں سیل کردی گئی ہیں، جلوس میں شریک عزادار ماتم، زنجیر زنی اور سینہ کوبی کریں گے، شبیہ ذوالجناح کا یہ جلوس اندرون موری گیٹ سے ہوتا ہوا کوچہ چراغاں سے گزرے گا، جلوس جامعہ رضویہ، بخاری چوک، لوہاری گیٹ سے ہوتا ہوا انار کلی پہنچے گا۔

    ترجمان لاہور پولیس کے مطابق پنجاب بھر میں 58 ہزار سے زائد پولیس اہلکار سیکیورٹی پر مامور ہوں گے، لاہور میں 3600 سے زائد افسران و اہلکار تعینات ہوں گے۔

    ترجمان کا کہنا ہے کہ پنجاب میں آج 1365 جلوس اور 3940 مجالس کا انعقاد ہوگا جبکہ لاہور میں آج 86 جلوس، 416 مجالس منعقد ہو رہی ہیں، 27 ہزار سے زائد کمیونٹی رضا کار سیکیورٹی میں معاونت کررہے ہیں۔

    آئی جی پنجاب کا کہنا ہے کہ عشرہ محرم کے دوران سیکیورٹی ہائی الرٹ ہے، دفعہ 144 پر سختی سے عمل درآمد یقینی بنایا جارہا ہے، ہوائی فائرنگ، اسلحہ نمائش، اشتعال انگیزی پر مکمل پابندی ہوگی۔

    آئی جی پنجاب ڈاکٹر عثمان انور کا کہنا ہے کہ غیر طے شدہ مقامات پر مجالس وجلوس کی اجازت نہیں ہوگی،  سیف سٹیز اتھارٹی وضلعی کیمروں سے مکمل مانیٹرنگ کی جارہی ہے۔

    آئی جی پنجاب کا کہنا ہے کہ لاؤڈ اسپیکر ایکٹ پر سختی سے عملدرآمد کروایا جائے گا، سوشل میڈیا پر نفرت انگیز مواد کی نگرانی اور کارروائی جاری ہے، تمام اضلاع کےکنٹرول رومز مرکزی کنٹرول روم سے منسلک ہے۔

  • پنجاب کے بلدیاتی قانون میں کیا بڑی تبدیلیاں کی جا رہی ہیں؟

    پنجاب کے بلدیاتی قانون میں کیا بڑی تبدیلیاں کی جا رہی ہیں؟

    پنجاب میں بلدیاتی قانون میں بڑی تبدیلیوں کو حتمی شکل دینے کی تیاری شروع کر دی گئی ہے اس کے کیا اثرات مرتب ہوں گے؟

    اے آر وائی نیوز کے مطابق پاکستان کے سب سے بڑے صوبے پنجاب میں بلدیاتی قانون میں بڑی تبدیلیوں کو حتمی شکل دینے کی تیاری شروع کر دی گئی ہے۔ اس سلسلے میں قائمہ کمیٹی برائے بلدیات کا اجلاس ہوا۔ جس میں اہم سفارشات پیش کی گئیں۔

    ذرائع نے بتایا کہ مجوزہ بلدیاتی قانون میں جو تبدیلیاں تجویز کی گئی ہیں۔ ان میں ضلع سطح پر قائم اتھارٹی کے چیئرمین ڈپٹی کمشنر کی جگہ اب عوامی نمائندے ہوں گے، جب کہ خواتین اور اقلیتی نمائندوں کا انتخاب بھی براہ راست کرانے کی تجویز پیش کی گئی ہے۔

    حکومتی رکن اور چیئرمین قائمہ کمیٹی اقلیتی امور فیلبوس کرسٹوفر نے تجویز پیش کی کہ بلدیاتی انتخاب میں حصہ لینے والے اقلیتی نمائندوں کا انتخاب براہ راست کیا جائے۔ اقلیتی نمائندگان کے براہ راست انتخاب کیلیے صوبائی اسمبلی میں پہلے ہی اتفاق رائے ہے۔ اقلیتی نمائندوں کے براہ راست انتخاب سے مسائل فوری حل اور حقیقی قیادت سامنے آئے گی۔

    بلدیات کی قائمہ کمیٹی کے اجلاس میں پیش کردہ تجاویز کی کثرت رائے سے منظوری دے دی گئیں۔ قائمہ کمیٹی مجوزہ قانون پر آئندہ اجلاس میں حتمی رپورٹ منظوری کے لیے پیش کرے گی۔

    واضح رہے کہ اس وقت پاکستان میں سوائے پنجاب تمام صوبوں میں بلدیاتی نظام فعال ہے۔ اس سے قبل پنجاب میں بلدیاتی قانون 4 بار تبدیل ہوچکا ہے اور الیکشن کمیشن تین بار حلقہ بندیاں بھی کرا چکا ہے۔

    الیکشن کمیشن نے بلدیاتی الیکشن کرانے میں تاخیر پر پنجاب حکومت کو نوٹس بھیج دیا

    رواں برس فروری میں الیکشن کمیشن نے بلدیاتی الیکشن کے انعقاد میں تاخیر پر پنجاب حکومت کو نوٹس بھی بھیجا تھا جب کہ پنجاب میں ن لیگ کی اتحادی جماعت پیپلز پارٹی بھی کئی بار صوبے میں بلدیاتی انتخابات کرانے کا مطالبہ کر چکی ہے۔

    https://urdu.arynews.tv/ppp-demands-pml-n-to-hold-local-body-elections-in-punjab/

  • مون سون بارشوں کا طاقتور سلسلہ شروع ہونے کی پیشگوئی، الرٹ جاری

    مون سون بارشوں کا طاقتور سلسلہ شروع ہونے کی پیشگوئی، الرٹ جاری

    اسلام آباد : مون سون بارشوں کا طاقتور سلسلہ شروع ہونے کی پیشگوئی کے پیش نظر الرٹ جاری کردیا گیا۔

    تفصیلات کے مطابق محکمہ موسمیات نے ملک کے بیشترعلاقوں میں آج کہیں ہلکی تو کہیں تیزبارش کا امکان ظاہر کیا ہے۔

    این ڈی ایم اے نے بارشوں کے حوالے سے الرٹ جاری کیا ، جس میں چھ جولائی سے پنجاب میں مون سون بارشوں کا طاقتور سلسلہ شروع ہونے کی پیشگوئی ہے جب کہ مون سون بارشوں کے باعث بڑے شہروں میں اربن فلڈنگ کے بھی خدشات ہیں۔

    این ڈی ایم اے کا کہنا ہے تمام بڑے دریاؤں اوران سےملحقہ ندی نالوں میں سات جولائی سےپانی کی سطح میں اضافے کا خدشہ ہے۔

    مزید پڑھیں : 5 تا 8 جولائی تک شدید بارشوں کا الرٹ جاری

    مری اور گلیات کے علاقوں میں لینڈ سلائیڈنگ ہوسکتی ہے، جس کے پیش نظر صوبائی کنٹرول روم سمیت تمام اضلاع کے ڈسٹرکٹ ایمرجنسی آپریشن سینٹرز،ڈبل ون ڈبل ٹوسمیت دیگر ریسکیو ادارے مشینری سمیت عملے کو الرٹ رہنے کی ہدایت کی گئی ہے۔

    خیبرپختونخوامیں 5 سے  11جولائی تک موسلادھار بارشوں کا الرٹ جاری کیا، جس سے دریا چترال،دریا سوات، دریا پنجکورہ اور دریا کابل میں طغیانی کا خدشہ ہے۔

    گذشتہ روز مری میں سب سے زیادہ 48 ملی میٹر بارش، اسلام آباد ایئرپورٹ پر 29 ملی میٹر، راولپنڈی میں چکلالہ 21، پیرودھائی 08، اٹک میں 14 ملی میٹر بارش ہوئی۔

    خیبرپختونخوا کے کئی اضلاع میں بارش، تخت بائی میں 38 اور کاکول میں 17 ملی میٹر بارش اور کشمیر میں گرج چمک کے ساتھ بارش، مظفر آباد میں 13 ملی میٹر بارش ریکارڈ کی گئی۔

    بلوچستان کے ژوب میں 18 ملی میٹر اور گلگت بلتستان کے استور میں 6 ملی میٹر بارش ریکارڈ ہوئی۔

  • لاہور سمیت پنجاب کے مختلف شہر زلزلے سے لرز اٹھے

    لاہور سمیت پنجاب کے مختلف شہر زلزلے سے لرز اٹھے

    لاہور : پنجاب کے دارلحکومت لاہور سمیت مختلف شہر زلزلے سے لرز اٹھے ، جس سے شہریوں میں خوف و ہراس پھیل گیا۔

    تفصیلات کے مطابق پنجاب کے مختلف شہروں میں زلزلے کے جھٹکے محسوس کیے گئے، جس کے باعث لوگ کلمہ طیبہ کا ورد کرتے ہوئے گھروں سے باہر نکل آئے۔

    لاہور ، قصور، اوکاڑہ اور شیخوپورہ ، صفدرآباد، خانقاہ ڈوگراں اور گردونواح میں زلزلہ محسوس کیا گیا۔

    زلزلہ پیما مرکز نے بتایا زلزلے کی شدت4.4ریکارڈکی گئی اور مرکز لاہور سے 25 کلو میٹر جنوب مغرب میں تھا جبکہ زلزلے کی گہرائی 14 کلو میٹر ریکارڈ کی گئی۔

    پی ڈی ایم اے کو پنجاب کے تمام اضلاع سے زلزلہ سے متعلق ابتدائی رپورٹ موصول ہوگئی ہے، جس میں بتایا کہ لاہور سمیت پنجاب کے دیگر علاقوں میں زلزلہ محسوس کیاگیا، قصور ،اوکاڑہ ،شیخوپورہ ،مرید کےودیگراضلاع میں زلزلہ محسوس کیا گیا۔

    پی ڈی ایم اے پنجاب کا کہنا تھا کہ پنجاب بھر کی انتظامیہ عمارتوں کی چیکنگ میں مصروف ہے اور زلزلہ کے آفٹر شاکس سے نمٹنے کیلئےمشینری ،عملہ الرٹ ہے، اس کے ساتھ پراونشل کنٹرول روم سمیت ڈسٹرکٹ ایمرجنسی آپریشن سینٹرزالرٹ ہیں۔

    مزید پڑھیں : بلوچستان میں 5.5 شدت کے زلزلے کے جھٹکے

    یاد رہے ہفتے اور اتوار کی درمیانی شب بلوچستان کے ضلع موسیٰ خیل میں 5.5 شدت کا زلزلہ آیا تھا، زلزلے کا مرکز ڈیرہ غازی خان سے تقریباً 80 کلومیٹر شمال مغرب میں تھا۔

    مقامی انتظامیہ نے تصدیق کی تھی کہ زلزلے کے جھٹکوں نے راشام کے علاقے میں زمینی نقصان پہنچایا، جہاں دو مکانات گر گئے اور پانچ دیگر مکانوں کو جزوی نقصان پہنچا ہے، واقعے میں تین افراد زخمی ہوئے ہیں۔

    صوبائی ڈیزاسٹر مینجمنٹ اتھارٹی کے حکام نے بتایا تھا کہ فی الحال نقصان کا تخمینہ لگایا جا رہا ہے۔

  • پنجاب میں بارشوں سے تباہی ، 18 افراد جاں بحق، 57 زخمی

    پنجاب میں بارشوں سے تباہی ، 18 افراد جاں بحق، 57 زخمی

    لاہور : پنجاب میں مون سون بارشوں کے دوران حادثات میں 18 افراد جاں بحق اور 57 زخمی ہوگئے، جن میں 11 بچے شامل ہیں۔

    تفصیلات کے مطابق لاہور سمیت پنجاب کے کئی شہروں میں آندھی اورطوفانی بارشوں نے تباہی مچادی ، پی ڈی ایم اے کی مون سون الرٹ فیکٹ شیٹ جاری کر دیا۔

    گزشتہ 24 گھنٹے میں مری، لاہور، شیخوپورہ، اٹک اوردیگر شہروں میں بارش ہوئی اور مون سون بارشوں کے دوران حادثات میں 18 افراد جاں بحق اور 57 زخمی ہوئے، جاں بحق افراد میں 11 بچے شامل ہیں۔

    رپورٹ میں کہا گیا کہ بارشوں کےنتیجےمیں 27 گھر متاثر ہوئے، زیادہ اموات کچے مکانات، خستہ عمارتوں وچھتوں کے گرنے سے ہوئیں۔

    مزید پڑھیں : شدید بارشوں اور سیلاب کا الرٹ جاری

    خانیوال اوراوکاڑہ میں آسمانی بجلی گرنےسے2شہری جاں بحق ہوئے، منڈی بہاالدین میں2بچےکرنٹ لگنےکےباعث جاں بحق ہوئے۔

    ڈی جی عرفان علی کاٹھیا کا کہنا تھا کہ پنجاب میں مون سون بارشوں کا پہلااسپیل یکم جولائی تک جاری رہے گا، پنجاب کے تمام دریاؤں ، بیراجز میں پانی کا بہاؤ نارمل سطح پرہے۔

    ڈی جی پی ڈی ایم اے لاہور، سیالکوٹ، فیصل آباد اور گوجرانولہ میں اربن فلڈنگ کا خدشہ ہے، دریاؤں، نہروں اور برساتی نالوں میں نہانے پر مکمل پابندی ہے تاہم بڑے شہروں کی انتظامیہ ہنگامی صورتحال کےپیش نظرالرٹ رہے۔

  • پنجاب بھر میں محرم الحرام کے دوران سیکیورٹی ہائی الرٹ

    پنجاب بھر میں محرم الحرام کے دوران سیکیورٹی ہائی الرٹ

    لاہور سمیت پنجاب بھر میں محرم الحرام میں پولیس کی جانب سے سخت سیکیورٹی انتظامات کئے گئے ہیں، 4 محرم کو 32 ہزار سے زائد اہلکار سیکیورٹی پر مامور ہیں۔

    ترجمان پنجاب پولیس کا کہنا ہے کہ صوبائی دارالحکومت لاہور میں 2800 سے زائد اہلکار ڈیوٹی پر تعینات ہیں، پنجاب بھر میں آج 262 عزاداری جلوس، 3724 مجالس کا انعقاد کیا جا رہا ہے۔

    ترجمان پنجاب پولیس کے مطابق پنجاب بھرمیں 17ہزار سے زائد کمیونٹی رضا کار بھی فرائض انجام دے رہے ہیں۔

    فوج تعینات کرنے کا فیصلہ:

    ملک میں محرم الحرام کے دوران سکیورٹی خدشات کے پیش نظر فوج تعینات کرنے کا فیصلہ کرلیا گیا، سول اداروں کی مددکیلئے فوج سیکیورٹی کے فرائض سر انجام دے گی۔

    وزارت داخلہ نے اسلامی مہینے محرم الحرام کے دوران سیکیورٹی کو یقینی بنانے کے لیے ملک بھر میں پاک فوج کی تعیناتی کی منظوری دے دی ہے۔

    آئین کے آرٹیکل 245 کے تحت فوج کی تعیناتی کا نوٹیفکیشن بھی جاری کر دیا گیا ہے، جس میں چاروں صوبوں، جی بی اور آزادکشمیرمیں فوج کی تعیناتی کا فیصلہ کیا گیا ہے۔

    نوٹی فکیشن میں کہا گیا وفاقی دارالحکومت اسلام آباد میں بھی فوج تعینات کی جائے گی، محرم کے دوران سول اداروں کی مدد کیلئے فوج سیکیورٹی کے فرائض سر انجام دے گی۔

    فوج کی تعیناتی کا مقصد ممکنہ سکیورٹی خطرات سے نمٹنا اور عوام کے تحفظ کو یقینی بنانا ہے، فوج کے دستے حساس علاقوں میں گشت کریں گے اور حفاظتی انتظامات کی نگرانی کریں گے۔

    چاروں صوبوں اور گلگت بلتستان کی حکومتوں نے محرم میں فوج تعیناتی کی درخواست کی تھی۔

    یاد رہے پنجاب حکومت نے صوبے بھر میں یکم سے 10محرم تک دفعہ 144 نافذ کرنے کا اعلان کیا ہے تاکہ اس مہینے میں امن و امان کو یقینی بنایا جا سکے۔

    محرم الحرام کا آغاز، پنجاب بھر میں سیکیورٹی ہائی الرٹ، دفعہ 144 نافذ

    دفعہ 144 کے تحت سیکورٹی اور فرقہ وارانہ ہم آہنگی کو برقرار رکھنے کے لیے صوبے بھر میں سات قسم کی پابندیاں نافذ کی گئیں ہیں۔

    موٹر سائیکل پر ڈبل سواری پر پابندی خاص طور پر 9 اور 10 محرم کو نافذ کی جائے گی۔ دیگر تمام پابندیاں پورے 10 دن کی مدت میں نافذ رہیں گی۔

  • خبردار! یہ دوائیں جعلی ہیں، ہرگز نہ خریدیں

    خبردار! یہ دوائیں جعلی ہیں، ہرگز نہ خریدیں

    اسلام آباد: ڈریپ نے 7 غیر معیاری ادویات کا میڈیکل پروڈکٹ الرٹ جاری کر دیا ہے۔

    تفصیلات کے مطابق پنجاب ڈرگ کنٹرول ڈائریکٹوریٹ نے غیر معیاری ادویات کے خلاف کریک ڈاؤن کی اہے، اور 7 ادویات غیر معیاری قرار دے دی ہیں، جن میں سٹیرائل واٹر، سوزش، درد کش کریم، گولی، اور سرجیکل گلوز شامل ہیں۔

    ڈریپ الرٹ کے مطابق غیر معیاری ادویات چین، کراچی، لاہور، گوجرانوالہ کی کمپنیوں کی تیار کردہ ہیں، یہ ادویات ڈرگ لیبارٹری میں ٹیسٹنگ کے معیار پر پورا نہیں اتریں۔

    الرٹ میں بتایا گیا ہے کہ انجکشن سٹیرائل واٹر پانچ ملی لیٹر کا بیچ 25F01 غیر معیاری ہے، سٹیرائل واٹر انجکشن کے سیمپل میں غیر متعلقہ ذرات پائے گئے، اینٹی الرجک ٹیبلٹ کیٹفن 10 ایم جی بیچ CT67 غیر معیاری ہے، سوزش و دردکش کینابیکس کریم کا بیچ KNX270 غیر معیاری ہے۔

    آنکھوں کی صحت و خوبصورتی کیلیے کون سی کریم استعمال کرنی چاہیے؟

    ڈریپ الرٹ کے مطابق کینابیکس کریم لیبارٹری ٹیسٹ کے دوران غیر معیاری پائی گئی، سرجیٹیکس لیٹکس سرجیکل گلوز کا بیچ 20241001 غیر معیاری ہے، میڈیسٹل انجکشن سٹیرائل واٹر کا بیچ 25L608 غیر معیاری ہے، سوزش، دردکش کیناڈیکس این کریم کا بیچ F727 غیر معیاری ہے۔

    الرٹ میں کہا گیا ہے کہ اینٹی الرجک ٹیبلٹ بائیٹیک 10 ایم جی کا بیچ E090 غیر معیاری ہے، ڈریپ نے ہدایت کی ہے کہ غیر معیاری ادویات بچوں، بزرگ مریضوں کے لیے انتہائی خطرناک ہیں، اس لیے پنجاب کی مارکیٹوں سے غیر معیاری ادویات کے بیچ ضبط کیے جائیں۔

  • محرم الحرام کا آغاز، پنجاب بھر میں سیکیورٹی ہائی الرٹ، دفعہ 144 نافذ

    محرم الحرام کا آغاز، پنجاب بھر میں سیکیورٹی ہائی الرٹ، دفعہ 144 نافذ

    محرم الحرام کے آغاز کے ساتھ ہی پنجاب بھر میں سخت سیکیورٹی انتظامات کا حکم جاری کردیا گیا ہے۔

    تفصیلات کے مطابق ترجمان پولیس کا کہنا ہے کہ لاہورسمیت صوبہ بھر میں 25 ہزار سے زائد پولیس اہلکار سیکیورٹی پر مامور کئے جائیں گے، جبکہ لاہور میں یکم محرم کو 2600 سے زائد پولیس افسران و اہلکارتعینات کئے گئے ہیں۔

    ترجمان پولیس کے مطابق پنجاب میں آج 96 جلوس، 3253 مجالس منعقد ہو رہی ہیں جبکہ لاہورمیں 10 جلوس اور 402 مجالس کا انعقاد کیا جائے گا، جس کے باعث پولیس کی بھاری نفری کو تعینات کیا گیا ہے۔ 32 ہزار سے زائد کمیونٹی رضا کار پولیس کو سیکیورٹی میں معاونت فراہم کر رہے ہیں۔

    آئی جی پنجاب ڈاکٹر عثمان انور کے مطابق محرم کے دوران سیکیورٹی ہائی الرٹ رہے گی، دفعہ 144 کا سختی سے نفاذ یقینی بنایا جائے گا، ہوائی فائرنگ، اسلحہ کی نمائش اور اشتعال انگیز مواد پر مکمل پابندی عائد ہے۔

    اُنہوں نے کہا کہ جلوس و مجالس صرف طے شدہ روٹس اورمقامات پر منعقد کرنے کی اجازت ہوگی، سیف سٹیز کیمروں اور ضلعی کنٹرول رومز سے نگرانی کا مکمل انتظام کیا گیا ہے۔

    سی ٹی ڈی، سپیشل برانچ، ڈولفن، ٹریفک پولیس سمیت تمام فورسز کو تعینات کیا گیا ہے، لاؤڈ اسپیکر ایکٹ کی خلاف ورزی پر سخت کارروائی کی جائے گی، سوشل میڈیا پر نفرت انگیز مواد پھیلانے والوں کے خلاف ایکشن لیا جائیگا۔

    کراچی میں مذہبی جماعت کی ریلی، ٹریفک پلان جاری:

    کراچی میں آج یکم محرم الحرام کو مذہبی جماعت لسبیلہ چوک سے ریگل چوک تک ریلی نکالے گی، اس حوالے سے ٹریفک پلان جاری کردیا گیا ہے۔

    مذہبی جماعت کی ریلی اور اس سلسلے میں ٹریفک پلان سے آگاہ کرتے ہوئے ٹریفک پولیس نے بتایا کہ ٹریفک کو لسبیلہ چوک سے نشتر روڈ اور تین ہٹی کی جانب موڑا جائیگا، یونیورسٹی روڈ سے آنے والی ٹریفک کو پیپلز چورنگی جانے کی اجازت نہیں ہوگی۔

    ترجمان ٹریفک پولیس نے بتایا کہ ٹریفک کو جیل چورنگی پل سے کشمیر روڈ جانے کی اجازت ہوگی، سوسائٹی سگنل سے آنے والا ٹریفک کشمیر روڈ بھیجا جائیگا۔

    ٹریفک پولیس نے بتایا کہ فریسکو سے ریگل چوک کی جانب ٹریفک جانے کی اجازت نہیں ہوگی، فریسکو چوک سے ٹریفک کو ایم اے جناح روڈ کی جانب بھیجا جائے گا۔

    محرم الحرام میں انٹرنیٹ اور موبائل سروس بند ہوگی یا نہیں ؟ بڑی خبر آگئی

    ترجمان نے بتایا کہ تبت سینٹر سے ریگل چوک کی جانب جانے کی اجازت نہیں ہوگی، تبت سینٹر سے ایم اے جناح روڈ استعمال کرنے کی اجازت ہوگی۔

  • پنجاب میں مون سون کا پہلا اسپیل ہی تباہ کن،  7 افراد جاں بحق، 20 سے زائد زخمی

    پنجاب میں مون سون کا پہلا اسپیل ہی تباہ کن،  7 افراد جاں بحق، 20 سے زائد زخمی

    لاہور : پنجاب میں مون سون کا پہلا اسپیل ہی تباہ کن رہا ، حادثات سے7  افراد جاں بحق اور 20 سے زائد زخمی ہوگئے۔ ۔

    تفصیلات کے مطابق ملک کے مختلف علاقوں میں مون سون بارشوں کا سلسلہ جاری ہے، پنجاب بھر مون سون کے پہلے اسپیل نے تباہی مچادی۔

    بارش کے دوران حادثات میں چار افراد جاں بحق اور ستائیس زخمی ہیں، اوکاڑہ، ملتان، ساہیوال اور پاکپتن میں تیز بارش سے سڑکوں اور گلیوں میں پانی جمع ہوگیا جبکہ مختف علاقوں سے بجلی بھی غائب ہوگئی۔

    قصورکے علاقے الہ آباد میں مکان کی چھت زمین بوس ہونے سے دو بچیاں جان سے گئیں جبکہ بستی ریاض احمد میں گھر کی چھت گرنے سے بچی جاں بحق ہوگئی۔

    موسم سے متعلق خبریں 

    حجرہ شاہ مقیم میں تین گھروں کی چھتیں گر گئیں جبکہ لاہورمیں ٹھوکرنیازبیگ کے قریب پانی کے تیزبہاؤ سےنالہ ٹوٹ گیا، جس کے باعث پانی رہائشی سوسائٹی میں داخل ہونے سے متعدد گھر زیر آب آگئے ۔

    ملتان میں سڑکوں پر بارش کا پانی جمع ہونے سے آمدورفت متاثر ہوگئی، ساہیوال ،ڈسکہ، شکرگڑھ اورسرائے عالمگیر میں کہیں ہلکی کہیں تیز بارش نے جل تھل ایک کردیا۔