Tag: پنجاب

پنجاب اسمبلی میں پیش کئی گئی ایک رپورٹ میں انکشاف ہوا ہے کہ محکمہ داخلہ کی زیر نگرانی اداروں سے کروڑوں روپے مالیت کا اسلحہ وبارود غائب ہوا۔

اے آر وائی نیوز کے مطابق محکمہ داخلہ پنجاب کی آڈٹ رپورٹ برائے سال 2024-2023 پنجاب اسمبلی کے اجلاس میں پیش کی گئی۔ اس رپورٹ میں یہ سنسنی خیز انکشاف ہوا ہے کہ محکمہ کی زیر نگرانی اداروں سے کروڑوں روپے مالیت کا اسلحہ اور بارود غائب ہوا۔

رپورٹ میں بتایا گیا ہے کہ 12 اضلاع سے 24 کروڑ 55 لاکھ سے زائد مالیت کا اسلحہ وبارود کی چوری ہوئی۔ تمام سامان کی عدم ریکوری رپورٹ کر دی گئی، لیکن تاحال وصولی نہ ہوسکی۔

رپورٹ کے مطابق 23-2021 میں ڈی پی او مظفر گڑھ کے دفتر سےئ 8 کروڑ 34 لاکھ سے زائد کا اسلحہ اور بارود غائب ہوا۔ سی پی او ملتان کے دفتر سے 74 لاکھ سے زائد مالیت کی رائفلز اور گولہ بارود غائب ہوا۔

اس کے علاوہ ڈی آئی جی آپریشنز لاہور کے دفتر سے 4 کروڑ 71 لاکھ سے زائد مالیت کا اسلحہ اور گولیاں غائب ہوئیں۔ پولیس آفس لاہور سے 4 کروڑ 68 لاکھ سے زائد مالیت کے غائب اسلحہ کی ریکوری تاحال نہیں ہو سکی ہے۔ 2009 کے دوران سینٹرل جیل لاہور کے مختلف افسران کو دی گئی رائفلوں کا ریکارڈ بھی نہیں۔

رپورٹ میں پیش کی گئی تفصیلات کے مطابق ڈی پی اوسیالکوٹ کے دفتر سے 56 لاکھ 14 ہزار مالیت کا اسلحہ اور سامان غائب ہوا۔ ڈی پی او ساہیوال کے دفتر سے 43 لاکھ روپے مالیت، ڈی پی اوکاڑہ کے دفتر سے 38 لاکھ سے زائد مالیت کا اسلحہ اور سامان غائب ہوا۔

اسی طرح ڈی پی او گجرات کے دفتر سے 35 لاکھ سے زائد جب کہ ڈی پی او فیصل آباد کے دفتر سے 26 لاکھ سے زائد مالیت کا اسلحہ اور گولہ بارود غائب ہوا۔

لاہور: محکمہ جنگلات کے مزدوروں کے لیے اہم خبر ہے، اجرتوں کی ادائیگی میں شفافیت کے لیے جدید برانچ لیس بینکاری نظام نافذ کر دیا گیا ہے۔

تفصیلات کے مطابق وزیر اعلیٰ پنجاب مریم نواز شریف نے جنگلات میں کام کرنے والے مزدوروں کے لیے محفوظ ادائیگی کا نظام متعارف کرا دیا ہے، اب مزدوروں کو اجرت براہ راست موبائل بینکنگ اور بائیو میٹرک کے ذریعے کی جائے گی۔

اس سلسلے میں مریم اورنگزیب نے بتایا کہ سرکاری ادائیگی کے نظام میں شفافیت کو اوّلین ترجیح دی جائے گی، نقدی نظام میں موجود بدعنوانی، تاخیر اور کٹوتی جیسے مسائل اب ماضی کا قصہ بن چکے ہیں۔ واضح رہے کہ جنگلات کے مزدوروں کو اس سے قبل نقد ادائیگی کی جاتی تھی جس میں ان سے کٹوتیاں بھی کی جاتی تھیں اور تاخیر سے بھی اجرت کی ادائیگی ہوتی تھی۔

سینئر صوبائی وزیر مریم اورنگزیب نے بتایا کہ پنجاب حکومت ہر شعبے میں ٹیکنالوجی اور شفافیت کو ترجیح دے رہی ہے۔

خیبر پختونخوا کے 8 مختلف علاقوں میں واقع جنگلات میں آگ بھڑک اٹھی

خیال رہے کہ دو دن قبل خیبر پختونخوا کے 8 مختلف علاقوں میں واقع جنگلات میں آگ بھڑک اٹھی تھی، دشوار گزار پہاڑیوں کی وجہ سے آگ بجھانے کے عمل میں مشکلات درپیش آئیں، محکمہ جنگلات کی رپورٹ میں بتایا گیا کہ جہاں آگ لگی ان میں آلہ ڈھنڈ، بٹ خیلہ، فارسٹ رینج، کالدرہ درگئی، بونیر، باغ کنڈی، چکدرہ اور اوسکی کے دشوار گزار پہاڑی علاقے شامل ہیں۔

وزیراعلیٰ پنجاب مریم نواز صوبے کی ترقی اور عوام کی خوشحالی کے لیے کئی بڑے منصوبوں کا اعلان کر دیا ہے۔

اے آر وائی نیوز کے مطابق وزیراعلیٰ مریم نواز کی زیر صدارت ن لیگ کی پارلیمانی پارٹی کا اجلاس ہوا جس میں صوبہ بھر میں پنجاب ڈیولپمنٹ پلان لانے کا اعلان کیا گیا۔ اس منصوبے کے تحت 60 شہروں میں پنجاب ڈیولپمنٹ پراجیکٹ اسی سال مکمل اور 800 گاؤں کو بتدریج ماڈل ولیج بنایا جائے گا۔

مریم نواز نے اس اجلاس ارکان کو ہر پراجیکؔٹ پر خود تین گھنٹے طویل بریفنگ دی۔ انہوں نے بتایا کہ صوبے کے ہر ضلع کے بازاروں میں لٹکتے بجلی کے تار زیر زمین کیے جائیں گے۔ ہر ضلع اور تحصیل میں ریڑھی بازار قائم کیے جائیں گے۔

بیوٹیفکیشن پلان کے تحت مختلف شہروں میں کینالز کو سجایا جائیگا، فوڈ اسٹریٹ بنائی جایں گی جبکہ بازاروں کی ری ماڈلنگ اور انفراسٹرکچر میں بہتری بھی اس منصوبے کا حصہ ہوگی۔

اجلاس میں ارکان کی مشاورت سے دیہات میں 400 کلومیٹر چھوٹی رابطہ سڑکوں کی تعمیر وتوسیع کا اعلان کرتے ہوئے اگلے برس سے اس منصوبے کے لیے 250 ارب کے فنڈز دینے کا فیصلہ کیا گیا۔

اس کے علاوہ 1100 الیکٹرک بسیں پنجاب کے تمام اضلاع کو دینے، سال کے آخر تک ایک لاکھ گھروں کی تعمیر کا ہدف مکم کرنے، گوجرانوالہ اور فیصل آباد میں میٹرو بس سروس جلد شروع کرنے کے اعلانات کیے گئے۔

وزیراعلیٰ نے پنجاب بھر میں نادار اور ضرورت مندوں کے لیے راشن کارڈ لانچ کرنے، ہر بڑے شہر میں واسا کے قایم اور ہر ڈویژن میں سینٹر آف ایکسیلنس کڈز کیمپس بنانےکے ساتھ لاہور کینال روڈ پر اے آر ٹی ٹرانسپورٹ پراجیکٹ بھی جلد شروع کرنے کے اعلانات کیے۔

اجلاس سے خطاب کرتے ہوئے مریم نواز نے کہا کہ جو وعدہ کروں گی پورا کروں گی۔ پنجاب کے دور دراز علاقوں میں پانی کی فراہمی یقینی بنائیں گے۔

ان کا کہنا تھا کہ ستھرا پنجاب کو روز بہتر سے بہترین بنانے کی کوشش کر رہے ہیں۔ تجاوزات کے خاتمے سے بازار کھلے ہوگئے اور عوام بھی خوش ہیں۔ شہروں کے بعد پہلی بار گاؤں کو بھی صفائی پروگرام میں شامل کیا گیا ہے۔

وزیراعلیٰ پنجاب نے کہا کہ کوئی ڈسٹرکٹ یا تحصیل بیوٹی فکیشن پلان سے محروم نہیں رہے گا۔ جرائم پیشہ افراد کے خلاف بے رحمانہ آپریشن کریں گے۔ سی ٹی ڈی کو مضبوط بنایا، صوبہ بھر میں کومبنگ آپریشن ہو رہے ہیں۔

مریم نواز نے مزید کہا کہ چند ماہ میں پنجاب کے تمام شہر سیف سٹی ہوں گے۔ صوبے میں موثر اینٹی نارکوٹکس فورس کو متحرک کر دیا گیا ہے اور جانوروں کے تحفظ کی بھی موثر مہم جاری ہے۔ لاہور میں 450 کلومیٹر تک سیوریج لائن ڈالی جا رہی ہے۔ عوام کا پیسہ عوام پر ہی خرچ ہو رہا ہے۔