انسٹاگرام پر ایک ویڈیو شیئر کی گئی ہے جس نے سوشل میڈیا پر طوفان برپا کر دیا ہے، اس وائرل ویڈیو میں دو بہت بڑے سانپوں کو کندھوں پر بے خوفی سے لے جاتے ہوئے دکھایا گیا ہے۔
یہ ویڈیو ایک زو کی ہے، جس کی انتظامیہ کے ارکان دو بہت ہی بڑے سانپوں کو کندھوں پر ڈال کر اور گھسیٹ کر لے جا رہے ہیں، ویڈیو دیکھ کر یقین ہی نہیں آتا کہ یہ افراد رسیوں نہیں بلکہ زندہ اژدہوں کو لے کر جا رہے ہیں۔
ویڈیو میں دیکھا جا سکتا ہے کہ پائتھن سانپوں کو بہت آسانی سے لے جایا جا رہا ہے، پہلی نظر میں ایسا لگتا ہے جیسے یہ رسیاں ہیں یا ایسی ہی کوئی چیز، لیکن پھر نظر آتا ہے کہ یہ تو بہت بڑے پائتھن سانپ ہیں، جو اتنے بھاری تھے کہ انھیں گھسیٹتے ہوئے بھی مشکل کا سامنا کرنا پڑ رہا تھا۔
سانپوں کی جسامت اور موٹائی دیکھ کر سوشل میڈیا صارفین دنگ رہ گئے، لیکن ویڈیو میں دیکھا جا سکتا ہے کہ دونوں ہینڈلر مہارت اور پورے اعتماد کے ساتھ سانپوں کو لے کر جا رہے ہیں۔
یہ وائرل ویڈیو رینگنے والے جانوروں کے ایک زو کے انسٹاگرام پیج پر شیئر کی گئی ہے، جس پر مختلف قسم کے غیر معمولی جانوروں کی ویڈیوز شیئر کی گئی ہیں، ایک ویڈیو میں دکھایا گیا ہے کہ ایک بڑے مگرمچھ کو پرسکون طریقے سے سنبھالا جا رہا ہے، جب کہ ایک اور ویڈیو میں مگرمچھ جیسا اگوانا ایک خاتون پر لیٹا ہوا ہے۔
