ARYNews.tv | Urdu – Har Lamha Bakhabar

Tag: Qaddafi Stadium

  • پاکستان نے 20 سال بعد آسٹریلیا سے ون ڈے سیریز جیت لی

    پاکستان نے 20 سال بعد آسٹریلیا سے ون ڈے سیریز جیت لی

    لاہور: پاکستان نے تیسرے ون ڈے میچ میں آسٹریلیا کو 9 وکٹوں سے شکست دے کر 20 سال بعد سیریز جیت لی، بابر اعظم کو میچ اور سیریز کا بہترین کھلاڑی قرار دیا گیا۔

    تصیلات کے مطابق لاہور کے قذافی اسٹیڈیم میں کھیلے گئے تیسرے ون ڈے میچ میں پاکستان نے آسٹریلیا کی جانب سے دیا جانے والا 211 رنز کا ہدف 1 وکٹ کے نقصان پر 37.5 اوورز میں حاصل کرلیا اور سیریز 2-1 سے اپنے نام کرلی۔

    پاکستان کی پہلی وکٹ 24 رنز پر گری، فخر زمان 17 رنز بنا کر آؤٹ ہوئے اس کے بعد امام الحق نے اور کپتان بابر اعظم نے ناقابل شکست اننگز کھیل کر ٹیم کو کامیابی سے ہمکنار کروایا۔

    بابر اعظم نے شاندار 105 رنز کی اننگز کھیلی جبکہ امام الحق بھی 89 رنز کے ساتھ ناٹ آؤٹ رہے۔

    آسٹریلیا کی جانب سے نیتھن ایلس ایک وکٹ حاصل کرسکے۔

    اس سے قبل آسٹریلوی ٹیم 41.5 اوورز میں 210 رنز پر ڈھیر ہوگئی تھی اور پاکستان کو جیت کے لیے 211 رنز کا ہدف دیا تھا۔

    آسٹریلوی ٹیم ابتدا سے ہی پاکستانی بولرز کے سامنے مشکلات کا شکار رہی، اوپنر ٹریوس ہیڈ اور کپتان ایرون فنچ بغیر کوئی رن بنائے پویلین لوٹ گئے۔

    الیکس کیری 56 اور شان ایبٹ 49 رنز کے ساتھ نمایاں رہے، بین میکدر میٹ 36 اور کیمرون گرین 34 رنز بناسکے۔

    مارکس لبوشین 4 اور مارکس اسٹونس 19 رنز بنا کر آؤٹ ہوئے، نیتھن ایلس 2 رنز بنا کر محمد وسیم کا نشانہ بنے۔

    پاکستان کی جانب سے حارث رؤف اور محمد وسیم نے تین، تین وکٹیں حاصل کیں، شاہین شاہ آفریدی نے دو اور زاہد محمود نے ایک وکٹ حاصل کی۔

    اس سے قبل پاکستان نے ٹاس جیتا اور مہمان ٹیم کو پہلے بیٹنگ کرنے کی دعوت دی تھی، فائنل میچ کے لئے پاکستان ٹیم میں کوئی تبدیلی نہیں کی گئی۔

    فیصلہ کن معرکے کے لئے آسٹریلیا نے ٹیم میں ایک تبدیلی کی ہے، مچل سوئپسن کی جگہ جیسن بیرنڈورف کو ٹیم میں شامل کیا گیا ہے۔

    واضح رہے کہ پاکستان 20 سال سے آسٹریلیا کے خلاف کوئی ون ڈے سیریز نہیں جیتا ہے۔

     دوسرے ایک روزہ میچ میں کپتان بابر اعظم اور اوپننگ بیٹر امام الحق کی سنچریوں کی بدولت قومی ٹیم نے ون ڈے کرکٹ میں ریکارڈ ہدف حاصل کرتے ہوئے آسٹریلیا کو 6 وکٹوں سے ہرایا تھا۔

    اس سے قبل پاکستان کی جانب سے حاصل کیا گیا سب سے بڑا ہدف 327 رنز تھا، جو اس نے بنگلا دیش کے خلاف ایشیا کپ کے میچ میں عبور کیا تھا۔

    اس کے علاوہ پاکستان ٹیم کے کپتان بابر اعظم نے آسٹریلیا کے خلاف سنچری بناکر ایک اور عالمی اعزاز اپنے نام کیا تھا، بابر اعظم ون ڈے کرکٹ میں تیز ترین 15 سنچریاں بنانے والے بیٹر بنے تھے۔

  • کپتان ہوم گراؤنڈ پر ٹیسٹ میچ کھیلنے کے لئے بے تاب

    کپتان ہوم گراؤنڈ پر ٹیسٹ میچ کھیلنے کے لئے بے تاب

    لاہور: کینگروز فاسٹ بولنگ اٹیک سے نمٹنے کے لئے کیا تیاری کی تھی؟ بابراعظم نے اہم انکشاف کردیا۔

    تفصیلات کے مطابق قٖذافی اسٹیڈیم سے ورچوئل پریس کانفرنس میں کپتان بابراعظم کا کہنا تھا کہ قذافی اسٹیڈیم میں تیرہ سال بعد ٹیسٹ میچ ہونے جارہا ہے، ہوم گراؤنڈ پر کھیلنے کے احساسات بیان نہیں کر سکتا، بھرپور کوشش کرینگے کہ فتح اپنے نام کریں۔

    بابراعظم نے انکشاف کیا کہ آسٹریلیا سیریز سے قبل ریورس سوئنگ کے لیے ٹیپ بال سے پریکٹس کی تھی جس کا فائدہ ہوا اور ہم نے دوسرے ٹیسٹ میں آسٹریلیا کوٹف ٹائم دیا۔

    موسم کی صورت حال سے متعلق پوچھے گئے سوال پر کپتان ٹیسٹ ٹیم بابر اعظم کا کہنا تھا کہ قذافی اسٹیڈیم میں موسمی تبدیلیوں سے نمٹنے کے لیےتیارہیں اور پلان بھی ترتیب دے دیا ہے۔

    یہ بھی پڑھیں: پاکستانی کھلاڑیوں کو آئی سی سی ٹرافیاں مل گئیں

    ورچوئل کانفرنس میں بابراعظم کا کہنا تھا کہ ٹیسٹ میں تبدیلی کا فائدہ ہوتا ہے جیسا کہ ہم نے کراچی ٹیسٹ میں کیا، میں بولنگ پہلے بھی کرتا رہا ہوں۔

    آوٹ آف فارم مڈل آرڈر بیٹر سے متعلق پوچھے گئے سوال پر کپتان کا کہنا تھا کہ فواد عالم کوعلم ہےکہ کم بیک کیسےکرتےہیں؟

    قومی کپتان کا مزید کہنا تھا کہ ٹیم میں تبدیلیوں کے حوالے سے آج فیصلہ کریں گے، قذافی اسٹیڈیم کی پچ کچھ زیادہ مختلف نہیں ہے لیکن لگ رہا ہے بال کو ٹرن ملے گا۔

  • ٹی ٹوئنٹی سیریز کا فاتح کون ہوگا؟ فیصلہ آج ہوگا

    ٹی ٹوئنٹی سیریز کا فاتح کون ہوگا؟ فیصلہ آج ہوگا

    لاہور: جنوبی افریقہ اور پاکستان ٹی ٹوئنٹی سیریز کا معرکہ کس کے نام ہوگا؟ آج ہونے والے میچ فیصلہ کردے گا۔

    تفصیلات کے مطابق پاکستان اور جنوبی افریقہ کے درمیان تیسرا ٹی ٹوئنٹی آج قذافی اسٹیڈیم میں کھیلا جائے گا، تین میچوں کی سیریز 1،ایک سے برابر ہے۔

    گذشتہ روز کھیلے گئے دوسرے ٹی ٹوئنٹی میچ میں مہمان ٹیم نے پلٹ کر وار کرتے ہوئے پاکستان کو چھ وکٹوں سے شکست دی اور سیریز برابر کردی، قذافی اسٹیڈیم میں پروٹیز نے دورہ پاکستان میں پہلی فتح حاصل کی۔

    دوسرے ٹی ٹوئنٹی میچ میں جنوبی افریقہ نے پاکستان کی جانب سے دیا جانے والا 145 رنز کا ہدف 4 وکٹوں کے نقصان پر حاصل کرلیا، جنوبی افریقہ کی جانب سے ریزا ہینڈرکس اور وین بجوین نے 42، 42 رنز کی ذمہ دار اننگز کھیلی، ڈیوڈ ملر 25 اور کپتان ہینرک کلاسن 17 رنز بنا کر ناٹ آؤٹ رہے۔

    یہ بھی پڑھیں:  دوسرا ٹی ٹوئنٹی، جنوبی افریقہ نے پاکستان کو شکست دے دی

    پاکستان کی جانب سے شاہین شاہ آفریدی نے 2 کھلاڑیوں کو پویلین کی راہ دکھائی، محمد نواز اور عثمان قادر نے ایک، ایک وکٹ حاصل کی۔

    واضح رہے کہ پہلے ٹی ٹوئنٹی میچ میں پاکستان نے جنوبی افریقہ کو تین رنز سے شکست دی تھی۔