Tag: qaid e azam

  • بابائے قوم محمد علی جناح کی 70 ویں برسی آج عقیدت و احترام سے منائی جائے گی

    بابائے قوم محمد علی جناح کی 70 ویں برسی آج عقیدت و احترام سے منائی جائے گی

    کراچی: برّ صغیر کے مسلمانوں کو علیحدہ تشخص، الگ پہچان اور ایک آزاد ملک کا تحفہ دینے والے قائدِ اعظم محمد علی جناح کی 70 ویں برسی آج عقیدت و احترام سے منائی جائے گی۔

    بانیٔ پاکستان کی برسی پر مختلف شہروں میں سیمینارز، مذاکروں اور تقاریب کا اہتمام کیا جائے گا، پوری قوم برّ صغیر کی اس عظیم شخصیت کو دل کی گہرائیوں سے خراجِ عقیدت پیش کرے گی۔

    قائدِ اعظم محمد علی جناح 25 دسمبر 1876 کو کراچی میں پیدا ہوئے، مسلمانوں کے حقوق اورعلیحدہ وطن کے حصول کے لیے ان تھک جدوجہد نے ان کی صحت پر منفی اثرات مرتب کیے۔

    سن 1930 میں انھیں تپِ دق جیسا موزی مرض لاحق ہوا، جسے انھوں نے اپنی بہن محترمہ فاطمہ جناح اور چند قریبی رفقا کے علاوہ سب سے پوشیدہ رکھا، قیامِ پاکستان کے ایک سال بعد 11 ستمبر 1948 کو جناح صاحب اپنے خالق حقیقی سے جا ملے۔


    یہ بھی پڑھیں:  ہزمیجسٹی کا نہیں،’آئینِ پاکستان کا وفاداررہوں گا‘: قائد اعظم


    بانیٔ پاکستان محمد علی جناح کو اس جہانِ فانی سے گزرے آج ستّر برس بیت گئے، آج ان کی ستّر ویں برسی منائی جائے گی، شہریوں کے مخلتف طبقات مزارِ قائد پر پھولوں کی چادریں چڑھائیں گے اور فاتحہ پڑھیں گے۔

  • بابائےقوم قائداعظم محمدعلی جناحؒ کا یوم ولادت آج منایا جارہا ہے

    بابائےقوم قائداعظم محمدعلی جناحؒ کا یوم ولادت آج منایا جارہا ہے

    کراچی : ملک بھر میں آج بابائے قوم قائداعظم محمد علی جناح کا 142واں یوم ولادت انتہائی عقیدت واحترام اور ملی جوش وجذبے کے ساتھ منایا جارہا ہے۔

    بابائے قوم قائداعظم محمدعلی جناحؒ 25 دسمبر1876ء کو سندھ کے موجودہ دارالحکومت کراچی میں پیدا ہوئے، انہوں نے ابتدائی تعلیم کا آغاز 1882ء میں کیا۔

    قائد اعظم 1893ء میں اعلیٰ تعلیم کے حصول کے لیے انگلینڈ روانہ ہوگئے جہاں سے آپ نے 1896ء میں بیرسٹری کا امتحان پاس کیا اور وطن واپس آگئے۔

    بابائے قوم نےاپنی سیاسی سرگرمیوں کا آغاز1906ء میں انڈین نیشنل کانگریس میں شمولیت سے کیا تاہم 1913ء میں محمد علی جناح نے آل انڈیا مسلم لیگ میں شمولیت اختیار کرلی۔

    انہوں نے خودمختار ہندوستان میں مسلمانوں کے سیاسی حقوق کے تحفظ کی خاطر مشہور چودہ نکات پیش کیے۔

    قائد اعظم کی قیادت میں برِصغیر کے مسلمانوں نے نہ صرف برطانیہ سے آزادی حاصل کی، بلکہ تقسیمِ ہند کے ذریعے پاکستان کا قیام عمل میں آیا اور آپ پاکستان کے پہلے گورنر جنرل بنے۔


    قائداعظم محمد علی جناح کی نایاب اور یادگار تصاویر


    پچیس دسمبراٹھارہ سوچھیترکو کراچی میں جناح پونجا کے گھرجنم لینے والے بچے نے برصغیر کی نئی تاریخ رقم کی اور مسلمانوں کی ایسی قیادت کی جس کے بل پر پاکستان نے جنم لیا۔

    قائد اعظم محمدعلی جناح کی زندگی جرات، انتھک محنت ،دیانتداری عزم مصمم ،حق گوئی کا حسن امتزاج تھی، برصغیر کی آزادی کے لیے بابائے قوم کا مؤقف دو ٹوک رہا، نہ کانگریس انہیں اپنی جگہ سے ہلا کسی نہ انگریز سرکار ان کی بولی لگا سکی۔

    پاکستانیوں کے حوالے سے بھی ان کا وژن واضح تھا ،25 مارچ 1948ء کو مشرقی پاکستان میں سرکاری افسران سے خطاب کے الفاظ سنہری حروف سے لکھنے کے قابل ہے۔

    قائد اعظم نےسرکاری افسران کومخاطب کرتے ہوئے فرمایا’ آپ کسی بھی فرقے ذات یا عقیدے سے تعلق کیوں نہ رکھتے ہوں اب آپ پاکستان کے خادم ہیں، وہ دن گئے جب ملک پرافسرشاہی کاحکم چلتاتھا، آپ کواپنا فرض منصبی خادموں کی طرح انجام دینا ہے، آپ کو کسی سیاسی جماعت سے کوئی سروکارنہیں رکھنا چاہیئے‘۔

    ولیم شیکسپیئرکا کہنا ہے کہ کچھ لوگ پیدائشی عظیم ہوتے ہیں اور کچھ اپنی جدوجہد اور کارناموں کی بدولت عظمت پاتے ہیں۔ بانی پاکستان قائد اعظم محمد علی جناح کا شمار بھی ان لوگوں میں ہوتا ہے جو اپنی جدوجہد اور لازوال کارناموں کی بدولت عظمت کے میناروں کو چھوتے ہیں۔

    بانی پاکستان کے یوم ولادت کے دن آج تجدید عہد کرتے ہیں کہ ہم ہر قسم کے نسلی ،مذہبی اور فرقہ ورانہ تعصبات سے بالاترہوکرصرف اورصرف ملک کی تعمیر و ترقی میں کردار ادا کریں گے۔ یہ تبھی ممکن ہوگا جب قائد کےافکارکو سمجھا جائےاوران پرعمل کیا جائے۔

    ہم تو مٹ جائیں گے اے ارضِ وطن تجھ کو مگر

    زندہ رہنا ہے قیامت کی سحر ہونے تک


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قائد اعظمؒ کی 69ویں برسی آج منائی جارہی ہے

    قائد اعظمؒ کی 69ویں برسی آج منائی جارہی ہے

    کراچی : مملکت خداداد پاکستان کے بانی اور ہر دلعزیز رہنماء بابائے قوم قائد اعظم محمد علی جناح کا انہترواں یوم وفات آج عقیدت و احترام سے منائی جارہی ہے۔

    تفصیلات کے مطابق قائد اعظم محمد علی جناح 25 دسمبر 1876 کو کراچی میں پیدا ہوئے، مسلمانوں کے حقوق اورعلیحدہ وطن کے حصول کے لئے انتھک جدوجہد نے ان کی صحت پر منفی اثرات مرتب کئے۔

    سن 1930 میں انہیں تپِ دق جیسا موزی مرض لاحق ہوا، جسے انہوں نے اپنی بہن محترمہ فاطمہ جناح اور چند قریبی رفقاء کے علاوہ سب سے پوشیدہ رکھا، قیام پاکستان کے ایک سال بعد 11 ستمبر 1948 کو قائد اعظم اپنے خالق حقیقی سے جاملے۔

    بانی پاکستان قائد اعظم محمد علی جناح کو اس جہان فانی سے گزرے انہتر برس بیت گئے، آج ان کی69ویں برسی منائی جائے گی۔

    اس موقع پر ملک بھر میں مختلف مقامات پر قوم کے عظیم قائد کے ایصال ثواب کیلئے قرآن خوانی اور فاتحہ خوانی کی جائے گی۔ کراچی میں واقع قائد اعظم کے مزار پر اہم شخصیات اور شہری حاضری دیں گے اور اپنے عظیم قائد کو خراج عقیدت پیش کریں گی۔


    قائد اعظم کے اہم اقوال


    شہریوں کے مخلتف طبقات مزار قائد پر پھولوں کی چادریں چڑھائیں گے اور فاتحہ پڑھیں گے، قائد اعظم کے یوم وفات کے سلسلے میں مختلف تنظیموں کی جانب سے ملک بھر میں سیمینارز اور دیگر تقریبات کا اہتمام کیا گیا ہے جس میں بانی پاکستان کو خراج عقیدت پیش کیا جائےگا۔

    قائد اعظم کی وفات کے69سال بعد بھی ان کی تاریخ وفات کے موقع پر ہزاروں افراد کی ان کی لحد پر حاضری اورشہرشہرمنعقد ہونے والی تقریبات اس امر کی گواہی دیتی ہیں کہ پاکستانی قوم ان سے آج بھی والہانہ عقیدت رکھتی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قائد اعظم کے ذاتی معالج کے پوتے کے لیے امریکہ کا سب سے بڑا اعزازی تمغہ

    قائد اعظم کے ذاتی معالج کے پوتے کے لیے امریکہ کا سب سے بڑا اعزازی تمغہ

    نیویارک : بھارتی خبر رساں ایجنسی (دی ہندو) کے مطابق قائد اعظم کے ذاتی معالج ڈاکٹر الٰیی بخش کے پوتے مارک ہمایوں کو بینائی سے محروم افراد کے لیے مصنوعی آنکھ کی کامیاب ایجاد پر امریکی صدر بارک اوباما نے اعلی ایوارڈ سے نوازا ہے۔

    ہمایوں نے اپنی نئی ایجاد میں ایک ایسا آلہ بنایا ہے جس کے ذریعے نابینا افراد کی زندگیوں میں نمایاں طور پر تبدیلی لائی جاسکتی ہے، یہ مصنوعی آنکھ قوتِ بینائی سے محروم افراد کی بینائی واپس لانے میں مدد فراہم کر سکے گی۔

    Mark2

    یہ ارگس ٹو سیزیر کا حصہ ہے، جو اندھے پن سے متاثر لوگوں کی بینائی بحال کرنے میں مدد فراہم کرے گی۔

    وائٹ ہاؤس میں موجود مہمانوں سے بات کرتے ہوئے امریکی صدر باراک اوبامہ کا کہنا تھا کہ جب وہ دورِ طالب علمی میں تھے تو ان کی دادی کی بینائی ذیابطیس کے باعث ختم ہوگئی تھی، جس کے بعد انہوں نے سوچا کہ اب اس مسئلے پر کام کیا جائے۔

    Mark3

    انہوں نے مزید کہا کہ مارک کی اس تخلیق ’’ارگس ٰII‘‘ سے مریض کو مصنوعی آنکھ لگائی جائے گی جس کی روشنی  پچاس سال تک رہنے کے امکانات موجود ہیں۔

    اس موقع پر امریکی صدر نے اعلان کیا کہ مارک ہمایوں واحد امراض چشم ہیں کہ جن کو امریکہ کے ادارے (این ایم ٹی آئی) میڈیسن(طب) اور انجنیئرنگ کا ممبر متخب کرلیا گیا ہے۔

    اوباما نے اس خوشی کے موقع پر وضاحت کرتے ہوئے مزید کہا کہ ہمایوں کی پیشہ وارانہ مہارت مریضوں کے لیے معجزے سے کم نہیں ہے، یہ عمل کئی دہائیوں میں پہلی مرتبہ ہوا ہے۔

    Mark1

    ہمایوں کے اہل خانہ نے 1947 کی تقسیم کے بعد بھارت کے شہر جالندھر سے پاکستان منتقل ہوگیے تھے بعد ازاں 1972 میں امریکہ منتقل ہوئے۔

    واضح رہے امریکہ میں این ایم ٹی آئی (نیشنل میڈل آف ٹیکنالوجی اور ایجادات) کے ایوارڈ ٹیکنالوجی کی دنیا میں کامیاب ایجاد کرنے ہونے والے افراد کو امریکی صدر کی جانب سے دیا جاتا ہے۔

    اس موقع پر میڈل تقسیم کرنے کی سالانہ تقریب منعقد کی جاتی ہے، جس میں اقتصادی، ماحولیاتی اور سماجی بہبود کے لیے کام کرنے والے افراد، گروپس یا کمپنیز کی ایجادات کو مدنظر رکھتے ہوئے نامزد کیا جاتا ہے اور کامیاب ہونے والے امیدوار کو اس اعزاز سے نوازا جاتا ہے۔

     

  • قائد اعظم کی رہائشگاہ کے باہر کچرے کا ڈھیر، انتظامیہ کی نااہلی کا منہ بولتا ثبوت

    قائد اعظم کی رہائشگاہ کے باہر کچرے کا ڈھیر، انتظامیہ کی نااہلی کا منہ بولتا ثبوت

    کراچی : بانی پاکستان کی جائےپیدائش کےسامنےکچراکنڈی بن گئی، حکومت سندھ اور شہری انتظامیہ کو خبر نہ ہوئی۔

    تفصیلات کے مطابق حکومت کی بے حسی کی انتہا ہو گئی،بلدیاتی اداروں کی عدم توجہ کے باعث شہر کے مختلف علاقوں میں کچرے کے ڈھیر لگ گئے۔

    کراچی میں بانی پاکستان قائد اعظم محمد علی جناح کی جائےپیدائش وزیرمینشن کے سامنے کچرا کنڈی بن گئی۔ تاریخی ورثے کے سامنے کچرے کے ڈھیرسے اٹھنے والی بدبو کوڑے کی نہیں بلکہ معاشرے کی مردہ سوچ کی ترجمانی کررہی ہے۔

    dsc_1563

    قائداعظم کی رہائش گاہ کےباہرگندگی اورکچرے کا پہاڑ کھڑاہوگیا، مگر انتظامیہ کو کسی کاڈر ہے اورنہ ہی کوئی شرم ، کراچی کے علاقے کھارادار میں واقع بانی پاکستان کے گھر کے اطراف لگے گندگی اور کچرے کے ڈھیر حکومت اور سیاستدانوں کی صفائی مہم کا حال بیان کر رہے ہیں۔

    The plaque on Wazir Mansion - Karachi_thumb[3]

    شہرمیں کچرے کے ڈھیر پر سیاست چمکانے والے سیاستدان بھی قائد اعظم محمد علی جناح کے گھرکے حال سے بے خبر ہیں۔


    Garbage heaped outside Quaid-e-Azam's residence… by arynews

    قدیم علاقے میں موجود تاریخی ورثےکے سامنے ہرآتا جاتا کچراپھینکتا رہا۔ رفتہ رفتہ کچرےکا دیو ہیکل پہاڑ بن گیا۔ مگراس کی خبر سوئی ہوئی انتظامیہ کو نہ ہوسکی۔

    نامزدمیئرکراچی وسیم اختر نے اسے حکومت سندھ کی نااہلی قراردیا ہے، جبکہ فکس اٹ کےبانی اپناٹریکٹرلیکر پہنچےاوراپنی مدد آپ کےتحت صفائی شروع کردی۔

    پاسبان ملت کےساتھ ستم ظریفی یہ کہ تاریخی ورثےکو سنبھالنے کے بجائےکوڑے کرکٹ اور گندگی کی نذرکر دیا گیا۔

    کچرےسے اٹھنےوالی یہ  تعفن زدہ بدبو کوڑے کی نہیں ہے بلکہ حکمرانوں کی مردہ سوچ کی عکاس ہے۔ شہریوں کا کہنا ہے کہ حکومت ان کے مسائل کے حل میں سنجیدہ نظر نہیں آتی۔