سرگودہا: جیل میں قیدی بدل گیا،واقعہ نے جیلوں کی ریڈالرٹ سیکورٹی کا بھانڈاپھوڑدیا،تفصیلات کے مطابق منشیات کے مقدمہ میں سزایافتہ قیدی نے شاہ پورجیل حکام سے ملی بھگت کرکے اپنی جگہ بھائی کو جیل میں بند کرادیا۔
قیدی سبطین نے جیل حکام کی ملی بھگت سے رہائی ملنے کے بعد دوبارہ منشیات فروشی شروع کردی اور اس کا بھائی ذوالقرنین جیل میں چکی پیسنے لگا۔
گزشتہ روزجعلسازقیدی سبطین کا کسی جھگڑے کے دوران اپنے مخالفین سے سامناہواتو اس کو پہچان لیا گیااور اس طرح جیل حکام کی اعلیٰ کارکردگی کا بھانڈاپھوٹ گیا۔
جیل حکام نے اپنی ناقص کارکردگی اور کرپشن چھپانے کی کوشش کی جو بے سود ثابت ہوئی ۔آئی جی جیل خانہ جات نے واقعہ کا نوٹس لیتے ہوئے تحقیقات کا حکم دے دیاہے۔
ڈی آئی جی جیل خانہ جات نے موقع پر پہنچ کر تحقیق بھی شروع کردی ہے جبکہ جیل حکام واقعہ سے متعلق میڈیاکو کوئی بھی بات بتانے سے انکار کررہے ہیں۔
