راولپنڈی : پاک فوج کے سربراہ جنرل قمرجاوید باجوہ کا کہنا ہے کہ دہشت گردی اورانتہاپسندی کے خاتمے کے لیے پاک فوج بھرپورکردارادا کررہی ہے۔

تفصیلات کے مطابق آرمی چیف جنرل قمرجاوید باجوہ نے ایئریونیورسٹی میں بین الاقوامی کانفرنس سے خطاب کرتے ہوئے کہا کہ پاک فوج اقتصادی ترقی کے لیے محفوظ ماحول یقینی بنانے کے لیے اقدامات کرے گی۔

پاک فوج کے سربراہ نے کہا کہ کسی بھی خطرے سے بھرپورنمٹنے کے لیے قومی سطح پرتمام اداروں کا متفقہ ردعمل ضروری ہے۔

آرمی چیف نے کہا کہ دہشت گردی اورانتہاپسندی کے خاتمے کے لیے پاک فوج بھرپورکردارادا کررہی ہے، پاکستان سے دہشت گردی، انتہاپسندی کے خاتمے میں کامیابیاں حاصل کی ہیں۔

ایئریونیورسٹی میں بین الاقوامی کانفرنس سے خطاب کرتے ہوئے پاک فوج کے سربراہ نے کہا کہ قوم کے تعاون سے دہشت گردی کوشکست دی ہے۔

وزیرستان کو ملک کے دیگر اضلاع کی طرح ترقی دینے کا وقت آ گیا: آرمی چیف

یاد رہے کہ گزشتہ روز پاک فوج کے سربراہ جنرل قمر جاوید باجوہ کا کہنا تھا کہ دہشت گردوں کو وزیرستان کے علاقے میں دوبارہ نہیں آنے دیں گے۔

واضح رہے کہ 8 ستمبرکو آرمی چیف جنرل قمر جاوید باجوہ کا کہنا تھا کہ امن و استحکام کے لیے کوششوں سے اپنا مقام حاصل کریں گے، پاکستان کو عالمی تنازعات کے باعث بہت مشکلات کا سامنا کرنا پڑا۔

راولپنڈی : پاک فوج کے سربراہ جنرل قمر جاوید باجوہ کا کہنا ہے کہ نیشنل یونیورسٹی آف سائنس اینڈ ٹیکنالوجی اعلیٰ معیار کے اسکالرز اور انجینئرز تیار کررہی ہے۔

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ نے نیشنل یونیورسٹی آف سائنس اینڈ ٹیکنالوجی کا دورہ کیا۔

اس موقع پر پاک فوج کے سربراہ کا کہنا تھا کہ نسٹ پاکستان کی معروف یونیورسٹی ہے اور کوئٹہ کیمپس کی تعمیر کے بعد نسٹ کی برانچز چاروں صوبوں میں ہے۔

آرمی چیف جنرل قمر جاوید باجوہ کا کہنا تھا کہ نوجوان ہمیشہ خود سے سوال کریں ملکی بہتری کے لیےکیا کرسکتے ہیں اور نوجوان بہتری کے لیے ہمیشہ کوشاں رہیں۔

پاک فوج کے سربراہ کا کہنا تھا کہ نیشنل یونیورسٹی آف سائنس اینڈ ٹیکنالوجی اعلیٰ معیار کے اسکالرز اور انجینئرز تیار کررہی ہے۔

آئی ایس پی آر کے مطابق آرمی چیف نے اپنے دورے کے دوران نسٹ یونیورسٹی کی عالمی رینکنگ میں بہتری کو بھی سراہا۔

پاکستان کی چھ جامعات دنیا کی ٹاپ یونیورسٹیوں میں شامل

یاد رہے کہ عالمی درجہ بندی کی بنیاد پر نیشنل یونیورسٹی آف سائنس اینڈ ٹیکنالوجی (نسٹ) کو ملک کی بہترین یونیورسٹی کا اعزاز حاصل ہوا تھا۔

راولپنڈی : امریکہ کے سبکدوش سفیرڈیوڈ ہیل نے پاک فوج کے سربراہ جنرل قمر جاوید باجوہ سے الوداعی ملاقات کی۔

تفصیلات کے مطابق ڈی جی آئی ایس پی آر میجرجنرل آصف غفور نے سماجی رابطے کی ویب سائٹ ٹویٹرپراپنے پیغام میں بتایا کہ آرمی چیف جنرل قمرجاوید باجودہ نے امریکی سفیر کی پاکستان میں خدمات پران کا شکریہ ادا کیا۔

ڈی جی آئی ایس پی آر کا کہنا تھا کہ پاک فوج کے سربراہ نے پاک امریکہ تعلقات میں امریکی سفیر ڈیوڈ ہیل کی خدمات کو تسلیم کیا۔

میجرجنرل آصف غفور کے مطابق امریکی سفیر نے بھی علاقائی امن واستحکام میں پاک فوج کی خدمات پرآرمی چیف جنرل قمرجاوید باجودہ کا شکریہ ادا کیا۔

امریکی سفیر ڈیوڈ ہیل کی وزیر اعظم عمران خان سے الوداعی ملاقات

قبل ازیں امریکی سفیرڈیوڈ ہیل نے وزیراعظم ہاؤس میں وزیراعظم عمران خان سے ملاقات کی تھی، اس موقع پروزیرخارجہ شاہ محمود قریشی بھی موجود تھے۔

ملاقات میں پاک امریکہ تعلقات اور خطے کی صورت حال پرتبادلہ خیال کیا گیا تھا۔

ڈیوڈ ہیل کا کہنا تھا کہ وزیراعظم کے اصلاحاتی ایجنڈے میں امریکہ میں گہری دلچسپی پائی جاتی ہے، وزیراعظم عمران خان کے اصلاحاتی ایجنڈے کو مثبت لیا جا رہا ہے۔

امریکی سفیرکا اپنی تعیناتی اور پاکستانیوں کی مہمان نوازی کی تعریف کرتے ہوئے کہنا تھا کہ پاکستان میں گزرے ہوئے وقت اور لوگوں کے اچھے مراسم کو یاد رکھیں گے۔