Tag: Qamar mansoor

کراچی: ایم کیو ایم نےنیشنل کاونٹر ٹیریزم پالیسی پر سفارشات کوحتمی شکل دیدی، فاروق ستار کہتے ہیں فوجی عدالتیں مسئلے کا مستقل حل نہیں،فروغ نسیم نے کہا عدالتیں آئین کے خلاف بنیں تو سپریم کورٹ کالعدم قراردے گا۔

ایم کیو ایم نے قومی انسداد دہشت گردی پالیسی پر اپنی سفارشات پیش کردی ۔سفارشات میں فوجی عدالتیں عارضی اور معیاد مقرر کرنے کا مطالبہ سمیت دہشت گردی کے خلاف کامیابی کے لیے مقامی حکومتیں ، کمیونٹی پولیس،چوکیداری نظام، پولیس اور قومی نصاب میں اصلاحات،مدرسہ ریفارمز ،آزاد عدلیہ اور ذمے دار میڈیا کا نظام وضع کرنے ،نیکٹا کو فعال کرکے پارلیمینٹ کو اسے پالیسی گائیڈ لائن دینے کے لیے اقدمات کرنے ، نئے صوبوں کا قیام، پاکستان کو اسلحے سے پاک کرنے، صوبائی و وفاقی ایجنسیوں میں تعاون اور مردم شماری کو اہم قرار دیا گیا ہے۔

کراچی میں پریس کانفرنس کرتے ہوئے ایم کیو ایم کے رہنما فاروق ستار کا کہنا تھا کہ الطاف حسین نے سب سے پہلے دہشت گردی کیخلاف آواز بلند کی اور اس وقت حکومت کو کراچی میں طالبانائزیشن سے آگاہ بھی کیا لیکن ان کی بات پر غور نہیں کیا گیا، اگر اس وقت صحیح اقدام کرلئے جاتے تو سانحہ پشاور سے بچا جا سکتاتھا، ضرب عضب دیر سے شروع کیا گیا لیکن فوجی عدالتیں مسئلے کا مستقل حل نہیں۔

قمر منصور نے کہا کہ سانحہ پشاور کے بعد ملک کے تمام اسکول خطرے میں ہیں، 16دسمبر کا واقعہ پاکستان کی تاریخ میں نائن الیون ہے اور اب تو مائیں سوچتیں ہیں کہ اپنے بچوں کو سکول بھیجیں یا نہیں۔

پریس کانفرنس سے خطاب میں بیرسٹر فروغ نسیم کا کہنا تھا کہ پولیس اور تفتیش کے نظام کو بہتر کرنے کی ضرورت ہے، فروغ نسیم نے کہا اگر آئین کے خلاف ملٹری کورٹس بنے تو سپریم کورٹ اسے کالعدم قرار دے گیا۔