اسلام آباد: پاکستان پیپلز پارٹی کے رہنما قمر زماں کائرہ کا کہنا ہے کہ مسلم لیگ ن کی کوشش ہے کہ کسی طرح فوج اور عدلیہ مشتعل ہو، ن لیگ کبھی جمہوریت کےساتھ نہیں رہی ہمیشہ ڈی ریل کیا۔
تفصیلات کے مطابق پیپلز پارٹی کے رہنما قمر الزماں کائرہ نے پریس کانفرنس کرتے ہوئے کہا کہ حیرت کی بات ہے مسلم لیگ ن والے آج ہمیں طعنے دے رہے ہیں۔ یہ لوگ تو کبھی جمہوریت کے ساتھ نہیں رہے ہمیشہ ڈی ریل کیا۔ 18 ویں ترمیم کے بعد کا فیصلہ سازی کے لیے کابینہ واحد فورم نہیں۔
انہوں نے کہا کہ نئی حلقہ بندیوں کا معاملہ مشترکہ مفادات کونسل میں نہیں گیا، معاملے کو مشترکہ مفادات کونسل نہ بھیجنا حکومت کی غیر سنجیدگی ہے۔ حکومت نے قانون سازی نہیں کی جس کی وجہ سے انتخابات تاخیر کا شکار ہو سکتے ہیں۔
قمر زماں کائرہ کا کہنا تھا کہ حکومت سے درخواست ہے کہ صرف ایک خاندان پر نہیں ملک پر توجہ دیں۔ مسلم لیگ ن کے رہنماؤں کی کوشش ہے کہ عدلیہ مشتعل ہوجائے، فوج اور عدلیہ پر مسلسل تنقید کی جا رہی ہے لیکن وہ برداشت کر رہے ہیں۔ حکمران جماعت کا ہدف تنقید ہی فوج اور عدلیہ ہوتی ہے۔
انہوں نے کہا کہ قومی حکومت یا ٹیکنو کریٹ حکومت کی آئین میں گنجائش نہیں، قومی حکومت یا ٹیکنو کریٹ حکومت کی کسی صورت حمایت نہیں کریں گے۔ نواز شریف تو نااہل ہو گئے ہیں آئندہ الیکشن نہیں لڑ سکتے۔
قمر زماں کائرہ کا کہنا تھا کہ بلاول بھٹو جلد آئندہ کے لائحہ عمل کا اعلان کریں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد: پیپلزپارٹی کے رہنما قمر زمان کائرہ نے کہا ہے کہ میاں صاحب کو پہلی بار عدالتی انصاف کا سامنا ہے، نواز شریف اور ان کے ساتھی چاہتے ہیں یہ سسٹم نہ چلے۔
اے آر وائی نیوز کے پروگرام پاور پلے میں گفتگو کرتے ہوئے قمر زمان کائرہ نے کہا کہ میاں صاحب آج تک نہیں بھولے انہیں ہتھکڑی لگائی گئی، چاہتے ہیں انصاف ہونا شروع ہوا ہے تو کچھ حد پار ہوجائے۔
انہوں نے کہا کہ شریف فیملی عدالت میں پیش ہوکر کہتی ہے جو کرنا ہے کرلو، نواز شریف کہتے رہے سازش ہوئی تو وہ عدلیہ ہی ہوسکتی ہے، سب جانتے ہیں عدالتی معاملہ سزا کی جانب جارہا ہے۔
قمر زمان کائرہ نے کہا کہ چوہدری نثار نے توڑ پھوڑ کے بجائے سب اچھا ہے کا تاثر دیا، نواز شریف اور ان کے ساتھی چاہتے ہیں یہ سسٹم نہ چلے۔
رہنما پیپلزپارٹی نے کہا کہ سعودی حکومت کے اثر انداز ہونے سے متعلق خبر کی تردید کرنی چاہئے، باہر بیٹھ کر پاکستان میں طاقت کے ذریعے سیاست کا دور ختم ہوچکا ہے۔
نیب سے متعلق قمر زمان کائرہ نے کہا کہ نیب کیا کررہا ہے سمجھ نہیں آرہا ہے، نئے چیئرمین نیب جاوید اقبال پر بڑی ذمہ داری ہے۔
انہوں نے کہا کہ نواز شریف، ان کے بچوں نے اپنی تمام جائیدادیں لندن میں بنا رکھی ہیں، ججز نے نواز شریف سے کہا آپ نے اقامہ چھپا کر قوم سے جھوٹ بولا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لاہور : پیپلزپارٹی پنجاب کے صدر قمرالزمان کائرہ نے کہا ہے کہ نواز شریف فیصلوں پر عمل درآمد نہ کرکے اداروں کا مذاق اڑا رہے ہیں، عدلیہ اورمیڈیا کو دباؤمیں لانا چاہتے ہیں، وزیرداخلہ احسن اقبال کس قانون کے تحت احتساب عدالت گئے، وہ صرف باتیں کرتے ہیں استعفیٰ نہیں دیں گے۔
ان خیالات کا اظہار انہوں نے لاہور پریس کلب میں پیپلزپارٹی کے دیگر رہنماﺅں سمیت میڈیا سے گفتگو کرتے ہوئے کیا،انہوں نے کہا کہ نوازشریف فیصلوں پرعملدرآمد نہ کرانے کیلئےاداروں کو دباؤ میں لارہےہیں اور ان کا مذاق بھی اڑا رہےہیں۔
سابق وزیر اعظم عوامی رابطوں کے نام پرعدلیہ اورمیڈیا کودباؤ میں لانا چاہتے ہیں، نااہل شخص کیلئے متنازع قانون بنا کرحکومت عدالتوں کو کیا پیغام دینا چاہتی ہے؟ نااہل نوازشریف پاکستانی اداروں پرحملہ کررہےہیں، انہوں نے کبھی پارلیمان کا بھی احترام نہیں کیا، آج اپنے گھر میں آگ لگنے سے میاں صاحب کو تکلیف ہوگئی۔
قمر الزمان نے کہا کہ میاں صاحب کل وہاں اور یہاں بڑے گرجےبرسے ہیں، وہ آج کل پھرسازشوں کی بات کرتے پھررہے ہیں، اعلیٰ عدلیہ نے نواز شریف کو کرپٹ اورجھوٹا قراردیا ہے اور اس فیصلے کے بعد نااہل نوازشریف کسی تنظیم کا کارکن بھی نہیں بن سکتا۔
انہوں نے کہا کہ وزیرداخلہ احسن اقبال کے خلاف بھی انکوائری ہونی چاہئے کیونکہ وہ ایک مجرم کوسپورٹ کرنے کیلئے احتساب عدالت گئے تھے، احسن اقبال نے پہلےبھی استعفیٰ دینے کا کہا تھا لیکن دیا نہیں، وہ صرف باتیں کرتےہیں استعفیٰ نہیں دیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لاہور: پیپلز پارٹی کے رہنما قمر زمان کائرہ نے کہا ہے کہ نواز شریف کو جھوٹ بولنے پر وزارت عظمیٰ سے ہٹایا گیا، نواز شریف توہین عدالت کررہے ہیں۔
این اے 120 ضمنی انتخاب کے سلسلے میں منعقدہ پاکستان پیپلز پارٹی کے جلسہ عام سے خطاب کرتے ہوئے قمر زمان کائرہ نے کہا کہ میاں صاحب آپ نے قوم کی دولت لوٹی، آپ صادق اور امین نہیں ہیں۔
انہوں نے کہا کہ مخالفین کہتے تھے پنجاب سے پیپلزپارٹی ختم ہوچکی ہے، پیپلزپارٹی چھپ کر لڑنے والی نہیں ہے۔ پیپلزپارٹی بغیر سرکاری وسائل کے انتخابی مہم چلارہی ہے۔
پیپلزپارٹی کے رہنما نے کہا کہ نواز شریف آپ کو ججز نے کہا آپ نے تین کمپنیاں اور دولت چھپائی، اب شہباز شریف اور حمزہ شہباز کی باری ہے۔
قمر زمان کائرہ نے کہا کہ میاں صاحب آپ اپنے دور میں نااہل ہوچکے ہیں، ہم آپ کے دور میں عدالتوں سے بری ہوئے ہیں، پیپلزپارٹی رہنماؤں پر جھوٹے مقدمات بنائے گئے، میاں صاحب اور ان کے خاندان کا مقدر اب جیل ہے۔
یاد رہے کہ حلقہ این اے 120 کے ضمنی انتخاب میں پاکستان پیپلزپارٹی کے امیدوار فیصل میر ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
لاہور: پیپلز پارٹی پنجاب کے صدر قمرزمان کائرہ نے کہا ہے کہ میاں صاحب کو ان کے کیے کی سزا ملی، کسی نے نظام کو نہیں چھیڑا، مائنس ون فارمولا کبھی چلاہے اور نہ ہی ہم اسے چلنے دیں گے، ملک بہتری کی جانب چل رہا ہے اور سب اچھا ہوتا جارہا ہے۔
ان خیالات کا اظہار انہوں نے لاہور میں میڈیا سے گفتگو کرتے ہوئے کیا، انہوں نے کہا کہ پیپلزپارٹی تمام سیاسی جماعتوں کو ساتھ لے کرچلتی رہی، ہم چاہتے تھے سیاسی جماعتیں متحد ہوں گی تو پارلیمان بھی مضبوط ہوگا۔
قمرزمان کائرہ کا کہنا تھا کہ مسلم لیگ ن کا قبضہ مافیا والا مائنڈ سیٹ ابھی تک نہیں گیا، ماضی میں اے آر ڈی میاں صاحب کو رہا کرانے کی کوشش کررہی تھی اور میاں صاحب قوم کی پیٹھ میں چھرا گھونپ کر بیرون ملک چلے گئے تھے۔
انہوں نے کہا کہ محترمہ فاطمہ جناح کے بعد مادرملت کا لقب نصرت بھٹو کو دیا گیا تھا، خطاب ایسے ہی نہیں ملتے، قوم کی خدمت کرنے پرخطاب سے نوازا جاتا ہے، سیاسی شعور کسی کو70سال میں بھی نہیں آتااورکسی کو22سال میں آجاتا ہے۔
نواز شریف کو پتہ نہیں کون سے نوٹس کا انتظار ہے ؟
ایک سال کے جواب میں انہوں نے کہا کہ شریف خاندان نیب میں پیش نہیں ہوا، جواز یہ پیش کیا جارہا ہے کہ نوٹسزنہیں ملے، تو کوئی بات نہیں کل مل جائیں گے، ہم بھی دیکھتے ہیں کہ شریف خاندان تاخیری حربے کب تک استعمال کرتا ہے؟
نوازشریف کہتے ہیں میرا کیا قصور ہے، بہت جلد سب ثابت ہوجائے گا، نواز شریف کو پیش تو ہونا ہوگا، بہانے نہ کریں نیب سامنا کریں، میڈیا ایڈوانس ہے کل پورادن نیوز چلتی رہی کہ نوٹس ہوگئے، نوازشریف کو پتہ نہیں کون سے نوٹس کا انتظار ہے۔
انہوں نے کہا کہ نظرثانی اپیل کے بعد حکم امتناع شاید نہیں لیا جاسکتا، فیصلہ خلاف آنے تک ملک ٹھیک چل تھا آج حالات برےہوگئے، پارلیمان کو مضبوط کرنےکی باتیں اس وقت کرتےجب وہ پارلیمان میں نہیں آتے تھے، میاں صاحب کو ان کے جرائم کی سزا میں حکومت سے الگ کیا گیا، نیا وزیراعظم بھی آگیا اب جمہوریت کو کس قسم کا خطرہ ہے۔
قمر زمان کائرہ کا مزید کہنا تھا کہ ووٹ کا تقدس پامال کرنے والوں میں نوازشریف خود شامل تھے، ہم نے ووٹ کے تقدس کو بحال کیا، پارلیمنٹ کو مضبوط کیا، نوازشریف کو ان کے اپنے کیے گئے کاموں کے پھل مل رہے ہیں، ان کے خلاف عمران خان،شیخ رشید، سراج الحق عدالت گئے، جواب میں نوازشریف نے بھی عمران خان پر کیسز کیے ہیں۔
قمرزمان کائرہ نے کہا کہ نوازشریف اب پاکستان کےعوام کو بےوقوف نہیں بناسکتے، ضمنی الیکشن کی تیاری ہورہی ہے، پیپلزپارٹی لاہور میں کامیاب ہوگی۔
عمران خان پہلے خود پر لگنے والے الزامات کا تو جواب دیں
انہوں نے چیئرمین پی ٹی آئی عمران خان کو اپنی تنقید کا نشانہ بناتے ہوئے کہا کہ عمران خان کو بار بار کہہ چکے ہیں کہ پہلے عدالت میں خود پر لگنے والے الزامات کا جواب تو دیں، عمران خان کے ساتھ وہی لوگ کھڑے ہیں جو الزامات لگاتے ہیں، ہم بھی کہیں نہیں جارہے آپ کے الزامات کا جواب ضرور دیں گے۔
قمرزمان کائرہ نے واضح طور پر کہا کہ مائنس ون کا فارمولا پیپلزپارٹی کیخلاف استعمال کرنے کی کوشش کی گئی، مائنس ون فارمولا کبھی چلاہے اور نہ ہی ہم اسے چلنے دیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
فیصل آباد : پیپلز پارٹی پنجاب کے صدر قمر زمان کائرہ نے کہا ہے کہ نوازشریف آپ نے پارلیمنٹ کو غیرمعتبر کیا اور سیاسی جماعتوں کو دھوکے دیئے ہیں، اڈیالہ جیل آپ کی منتظر ہے، کہا بھی تھا کہ استعفیٰ دے دیں ورنہ کالر سے پکڑکرنکال دیئےجائیں گے۔
ان خیالات کا اظہار انہوں نے فیصل آباد میں صحافیوں سے گفتگو کرتے ہوئے کیا، قمر زمان کائرہ کا کہنا تھا کہ میاں صاحب تاش کے بکھرنےکا وقت شروع ہوگیاہے، اڈیالہ جیل آپ کی منتظر ہے، اب آپ اڈیالہ جیل کی یاترا کرنے آئیں گے۔
انہوں نے کہا کہ نواز شریف کو میٹرو، موٹروے، اورنج ٹرین، نندی پور منصوبے کا حساب دینا ہوگا، جےآئی ٹی میں جواب نہیں دے سکے، اب میڈیا پربیان بازی کرتے ہیں، ہم سب کا احتساب چاہتے ہیں اور ہرحال میں چاہتے ہیں۔
ان کا کہنا تھا کہ میاں صاحب آپ نہ وہاں جیت سکے ہیں اور نہ ہی یہاں، آ پ نے پارلیمنٹ کا وقار کم کیا، میاں صاحب آپ نےدس سال تک ملک ایک آمر کے نام کیا، میاں صاحب آپ نے پارلیمان کو غیرمعتبر کیا ہے، آپ کو کہا بھی تھا کہ استعفیٰ دے دیں، ورنہ کالر سے پکڑ کر نکال دیئےجائیں گے۔
نوازشریف نے ملک سے جانے کیلئے قوم کو دھوکا دے کر راتوں رات معافی نامہ لکھا، نواز شریف کے ابھی تھوڑے سے کرتوت سامنے آئے اور کہتے ہیں کہ ہم پر ظلم ہوا ہے، آپ کا ابھی بہت کچھ سامنے آنا باقی ہے۔
انہوں نے سابق وزیراعظم پر شدید تنقید کرتے ہوئے کہا کہ نوازشریف آپ نے سیاسی جماعتوں سے ہمیشہ دھوکا کیا ہے، آپ کی موجودگی میں بی بی شہید پر گھٹیا الزامات لگتے رہے، آپ کو اب اندازہ ہوگیا ہوگا کہ کیس اپنے خلاف آجائے تو کتنی تکلیف ہوتی ہے؟
ہمارا ماضی عدالتوں کے ساتھ آرام دہ نہیں تھا، ہم عدلیہ کا احترام کرتے ہیں۔ 40سال سے مقدمے بنتے جارہے ہیں لیکن ہمارے خلاف ایک بھی سول جج کا فیصلہ نہیں ہے۔
ان کا مزید کہنا تھا کہ عائشہ گلالئی کو ایسےعزتیں نہیں اچھالنی چاہئیں، ان کو عدالت میں ثبوت دینے چاہئیں، یہ ملک اور اس کے ادارے اشرافیہ کیلئے نہیں ہیں۔
بلاول بھٹو اپنے نانا اور والدہ کا مشن لیکر نکلے ہیں، وہ ملک بھرمیں دورے کریں گے، کنونشن بھی ہوں گے جلسےبھی ہوں گے، بلاول بھٹو ساہیوال، اٹک، گوجرانوالہ اور چنیوٹ میں جلسوں سے خطاب کرینگے۔
اسلام آباد : پیپلز پارٹی کے رہنما قمر زمان کائرہ کا کہنا ہے کہ جے آئی ٹی کی رپورٹ کے مطابق نوازشریف اہل نہیں رہے،ان بیچاروں کی چیخیں نکل رہی ہیں، رونے کے علاوہ اور کر بھی کیا سکتے ہیں۔
تفصیلات کے مطابق سپریم کورٹ کے باہر پیپلز پارٹی کے رہنما قمر زمان کائرہ نے میڈیا سے گفتگو کرتے ہوئے کہا کہ اپوزیشن کا ساتھ دینے کےلئے سپریم کورٹ آئے تھے، جے آئی ٹی پر حکومت کے تحفظات ایک طرف رکھ دیئے گئے ، عدالت نے بار بار انہیں کہا جے آئی ٹی پر آپ کے اعتراضات نہیں بنتے، حکومتی وکلا تکنیکی طریقے سے وزیراعظم کو بچانے کی کوشش کرتے رہے۔
قمر زمان کائرہ کا کہنا تھا کہ شریف خاندان کے وکیل سپریم کورٹ کو غیر ضروری بحث میں الجھانے کی کوشش کر رہے ہیں، ججز نے حارث خواجہ کو ہدایت کی کہ وہ یہ نہ دیکھیں کہ دستاویزات کون لایا بلکہ دستاویزات کے مصدقہ ہونے یا نہ ہونے پر بات کریں، جتنے سوال عدالت نے اٹھائے ان کے پاس جواب نہیں تھا۔
پی پی رہنما نے کہا کہ پیپلزپارٹی پہلے دن سے پاناما کیس کو اٹھایا تھا، اپوزیشن کو اکٹھا ہم نے کیا اور ٹی او آرز بنائے تھے، عدالت میں جانے کے طریقہ کار پر اپوزیشن متفق نہیں تھی، پیپلزپارٹی میں بے شمار الزامات لگائے گئے وہ الگ بات ہے کہ ثبوت نہیں، آپ کیخلاف تو دو ججز فیصلہ دے چکے ہیں ، آپ نے پارلیمان میں بھی جھوٹ بولا۔
انکا کہنا تھا کہ جے آئی ٹی کی رپورٹ کے مطابق نوازشریف اہل نہیں رہے، ان بیچاروں کی چیخیں نکل رہی ہیں،رونے کے علاوہ اور کر بھی کیا سکتے ہیں، ہم ان سے وہی مطالبہ کررہے ہیں ،جو انہوں نے یوسف گیلانی سے کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: پاکستان پیپلزپارٹی پنجاب کے صدرقمرزمان کائرہ نے کہا ہے کہ پہلی بار احتساب ہونے پر نواز شریف کی چیخیں نکل گئی ہیں، پیپلز پارٹی کو چھوڑنے والے اہم لوگ تھے لیکن نام نہیں پارٹی بڑی ہوتی ہے۔
یہ بات انہوں نے میڈیا سے گفتگو کرتے ہوئے کہی، قمر زمان کائرہ نے کہا کہ میرا مرنا اور جینا پیپلز پارٹی کے ساتھ ہے، اگر کوئی ایسا وقت آیا تو سیاست تو چھوڑ سکتا ہوں لیکن اپنی پارٹی کو نہیں چھوڑوں گا۔
انہوں نے کہا کہ ان بڑے بڑے ناموں کو پارٹی ٹکٹ نہ دیتی تو یہ ایم این اے نہ ہوتے، وزیر نہ ہوتے اور ان کو کوئی جانتا نہ ہوتا۔
ایک سوال کے جواب میں ان کا کہنا تھا کہ پانامہ کیس میں حکومتی وزراء جے آئی ٹی پر اپنا غصہ نکال رہے ہیں، میاں صاحب اب زیادہ مت چیخیں کیونکہ آپ کی چوری پکڑی گئی ہے، اس بار آپ اور آپ کا پورا ٹبر جیل میں ہوگا۔
لاہور : پیپلز پارٹی پنجاب کے صدر قمر زمان کائرہ نے کہا ہے کہ میاں نواز شریف کا جانا ٹھہر گیا ہے، ن لیگ کے گالم گلوچ بریگیڈ کو نہ روکا گیا تو وہ بھی منہ میں زباں رکھتے ہیں۔
ان خیالات کا اظہارانہوں نے لاہور میں پیپلز پارٹی کے مقتول رہنما بابرسہیل بٹ کے چہلم کے موقع پر میڈیا سے گفتگو کرتے ہوئے کیا۔
قمر زمان کائرہ نے پیپلزپارٹی کی قیادت کو گالیاں دینے والے نون لیگیوں کو جواب دیا کہ کسی خاندان اور پارٹی کا کچھ چھپا نہیں، دوسروں کے منہ میں بھی زبان ہے۔
قمر زمان کائرہ نے مزید کہا کہ وزیر اعظم نے قوم سے بار بار جھوٹ بولا۔ انہیں جانا ہی ہوگا۔ اس مموقع پر مقتول رہنما بابر بٹ کے بھائی یونین کونسل کے چیئرمین نے الزام عائد کیا کہ وزیر اعلیٰ ملزموں کو تحفظ فراہم کررہے ہیں۔
چہلم میں بابر بٹ کے عزیز و اقارب اورپیپلز پارٹی کے قائدین کی بڑی تعداد شریک ہوئی اور مرحوم کے لئے دعائے مغفرت کی۔
لاہور : پیپلزپارٹی پنجاب وسطی کے صدر قمرزمان کائرہ نے کہا ہے کہ وزیراعلیٰ پنجاب شہبازشریف کو شوباز قرار دیتے ہوئے ان سے سوال کیا کہ دانش اسکول کے دعویدارکہاں ہیں؟ سستے تندور اور لیپ ٹاپ اسکیم کا کیا بنا؟ انہوں نے کہا کہ حکمرانوں کی اپنی صفوں میں دہشت گرد موجود ہیں۔
ان خیالات کا اظہار انہوں نے لاہور میں پی پی کی تنظیم سازی کے موقع پر میڈیا سے گفتگو کرتے ہوئے کیا۔ ان کے ہمراہ سیکرٹری جنرل ندیم افضل چن بھی موجود تھے۔
اس موقع پر قمرزمان کائرہ نے پنجاب حکومت کو شدید تنقید کا نشانہ بنایا، وزیراعلیٰ پنجاب شہبازشریف کو شوباز قرار دیتے ہوئے انہوں نے سستے تندور لیپ ٹاپ اسکیم اور تعلیمی منصوبوں پر سوالات کرتے ہوئے کہا کہ تعلیم مہنگی ہو رہی ہے،دانش اسکول کےدعویٰ دارکہاں ہیں؟ شہبازشریف نے سستے تندورلگائے وہ کہاں گئے؟ لیپ ٹاپ اسکیم شروع کی گئی،اب اس اسکیم کا کیا ہوا؟
انہوں نے بتایا کہ بلاول بھٹو زرداری یکم دسمبر کو بلوچستان کے ایک ڈویژن کے ضلع کے عہدیداران کا فیصلہ کریں گے جس کے بعد 2 دسمبر کو جنوبی پنجاب ، 3 دسمبر کو خیبر پختونخوا ، 4 دسمبر کو سندھ ، 5 دسمبر کو پنجاب اور 6 دسمبر کو آزاد جموں و کشمیر کے عہدیداران کا انتخاب کیا جائے گا۔
اس اوپن ہاؤس میں کسی پر کوئی پابندی نہیں ہوگی بلکہ کسی بھی دن ملک بھر کے کسی بھی حصے کے کارکنان شریک ہوسکیں گے اور انہیں سوال و جواب کا بھرپور موقع دیا جائے گا۔ انہوں نے بتایا کہ سات روزہ اوپن ہاؤس کے بعد ملک کے دیگر حصوں کی جو ڈویژنز بچیں گی ان کیلئے چیئرمین بلاول بھٹو خود وہاں جا کر انٹرویوز کرکے عہدیداران کا انتخاب کریں گے۔
پیپلز پارٹی وسطی پنجاب کے صدر قمر زماں کائرہ کا کہنا تھا کہ ناراض کارکنوں کو گھر واپس لائیں گے، جبکہ سیکرٹری جنرل ندیم افضل چن کا کہنا ہے کہ شریفوں کی شرافت قوم کے سامنے لائیں گے۔
