Tag: qari hanif jalndhari

اسلام آباد: وفاق المدارس العربیہ نے مدارس کے خلاف کارروائیوں پر حکومت مخالف جلسے کرنے کا اعلان کر دیا، پہلا جلسہ 15 مارچ کو لاہور میں ہو گا۔

وفاق المدارس العربیہ کے رہنماؤں مولانا حنیف جالندھری اور علامہ طاہر اشرفی نے لاہور میں پریس کانفرنس کرتے ہوئے کہا کہ دہشتگردی کی آڑ میں مدارس اور مساجد کا تقدس پامال نہیں ہونے دینگے۔

 حکومت کیخلاف احتجاجی جلسوں کا اعلان کرتے ہوئے ان کا کہنا تھا کہ پہلا احتجاجی جلسہ 15 مارچ کو جامعہ اشرفیہ لاہور جبکہ دوسرا 19 مارچ کو لیاقت باغ راولپنڈی میں ہوگا۔

 انہوں نے کہا کہ حکمرانوں کا مدارس سے رویہ امتیازی ہے ، قانونی دستاویزات رکھنے والے طلبہ کو تعلیم مکمل کئے بغیر ڈیپورٹ کرنے کا کوئی فیصلہ قبول نہیں کرینگے۔

 انہوں نے مدارس کے خلاف پروپیگنڈے کو عالمی ایجنڈے کا حصہ قرار دیتے ہوئے کہا کہ مدارس کی قیادت تصادم نہیں تعاون چاہتی ہے، حکمران مذہبی طبقوں کوبھی پاکستانی سمجھے ، مسجد ، مدارس ، پگڑی اور داڑھی کو دہشتگردی سے نہ جوڑا جائے۔

اسلام آباد: وفاق المدارس نے غیر ملکی طلبہ وطالبات کے مدارس میں داخلوں پر پابندی کی شدید مذمت کی ہے ۔

کراچی میں وفاق المدارس کے رہنماؤں مفتی محمد نعیم، مولانا عبیداللہ خالد، مفتی محمد اور دیگر نے مشترکہ پریس کانفرنس میں کہا کہ اس فیصلے سے مدارس میں زیر تعلیم ملکی و غیر ملکی طلبہ میں خاصا اضطراب پایا جاتا ہے۔

 انہوں نے کہا کہ وفاق المدارس سے ملحقہ تئیس ہزار مدارس میں چالیس لاکھ طلبہ زیر تعلیم ہیں ۔

ان کا کہنا تھا قومی ایکشن پلان میں مدارس کی اصلاحات کے فیصلے مدارس کی قیادت کو اعتماد میں لیکر کرنے کاطے پایا گیا تھا مگر ایسا نہیں کیا گیا۔

ملتان: ناظم اعلٰی وفاق المدارس عریبیہ قاری حنیف جالندھری نے کہا ہے اکیسویں ترمیم میں عجلت سے کام لیا گیا ہے، اکیسویں ترمیم پر مزید نظر ثانی کی ضرورت ہے۔

ملتان پریس کلب میں صحافیوں سے گفتگو کرتے ہوئے ان کا کہنا تھا دہشت گردی کے قانون کے بارے میں جلد بازی نے اس معاملے کو مشکوک بنا دیا ہے، دہشت گردی پاکستان کا بڑا مسئلہ ہے لیکن اس کی آڑ میں ایک مذہب کو نشانہ نہ بنایا جائے۔

قاری حنیف جالندھری کا کہنا تھا اگر دینی مدارس کیخلاف کسی قسم کی کاروائی کی گئی تو راست اقدام پر مجبور ہوں گے، ان کا کہنا تھا اکیسویں ترمیم پر مجلس عاملہ اور دیگر علما کا اجلاس آٹھ جنوری کو اسلام آباد میں طلب کرلیا ہے۔ ایک سوال کے جواب میں قاری حنیف جالندھری نے کہا وزیر داخلہ چوہدری نثار نے دینی مدارس اور اس قانون کے غلط استعمال نہ ہونے کا یقین دلایا ہے۔

اسلام آباد: مدارس میں اصلاحات کیلئے مذاکرات قاری حنیف جالندھری کے بائیکاٹ کے باعث بے نتیجہ ختم ہوگئے۔

مدارس میں اصلاحات کیلئےحکومت اور تنظیمات المدارس دینیہ کے مذاکرات بے نتیجہ ختم ہوگئے۔وفاق المدارس کے سیکرٹری جنرل قاری حنیف جالندھری حکومتی ٹیم پربرس پڑے،ان کاکہناتھا کردار کشی کرکے مدارس کودیوار سے لگایاجارہاہے،اصلاحات کی ضرورت مدارس کونہیں تعلیمی نظام کوہے۔

قاری حنیف جالندھری کاکہناتھا حکومت کا غیر سنجیدہ رویہ ناقابل برداشت ہے، اجلا س میں مفتی منیب الرحمن اور تنظیمات مدارس کے دیگر عہدے دار بھی شریک تھے، حکومتی ٹیم میں وفاقی وزیر مذہبی امور سردار محمد یوسف ، وزرائے مملکت پیر امین الحسنات اور بلیغ الرحمن شامل تھے۔