Tag: Qatar

  • قطری شاہی خاندان کے افراد پاکستان پہنچ گئے

    قطری شاہی خاندان کے افراد پاکستان پہنچ گئے

    اسلام آباد : قطری شاہی خاندان کا ایک وفد پاکستان پہنچ گیا، قطری شاہی خاندان کے افراد خصوصی طیارے کے ذریعے اسلام آْباد ایئرپورٹ پہنچے ان کے ساتھ ایک برطانوی شہری بھی موجود ہے۔

    اے آر وائی نیوز کے نمائندے ذوالقرنین حیدر کے مطابق قطری شاہی خاندان کے 6 لوگوں سمیت 7 افراد خصوصی طیارے کے ذریعے اسلام آباد پہنچ گئے ہیں۔

    وفد میں ایک برطانوی شہری رائے یار بہادر بھی شامل ہے، قطر کے شاہی خاندان کی قیادت عبدالہادی مانا کر رہے ہیں جبکہ وفد میں المدید سعود محمد الخلیفی، عبداللہ کریم، الخلیفی جابر عیسیٰ، حامد محمد، عبدالہادی شامل ہیں۔

    ذرائع کا کہنا ہے کہ شاہی خاندان کے افراد خصوصی طیارے کے ذریعے قطر کے دارالحکومت دوحہ سے اسلام آباد پہنچے ہیں۔

    واضح رہے کہ پاناما لیکس کیس میں قطری شہزادے کا خط سپریم کورٹ میں پیش کیے جانے کے بعد قطرکا شاہی خاندان پاکستانی میڈیا کی خصوصی توجہ کا مرکز بنا ہوا ہے۔

  • عالمی مارکیٹ میں فی پیرل تیل کی قیمت ساڑھے چارفیصد گرگئی

    عالمی مارکیٹ میں فی پیرل تیل کی قیمت ساڑھے چارفیصد گرگئی

    قطر : تیل برآمد کرنے والے ممالک کے اجلاس میں پیداور کے انجماد پراتفاق نہ ہونے پر عالمی مارکیٹ میں ہفتے کے پہلے روز فی پیرل تیل کی قیمت ساڑھے چار فیصد گر گئی ہے۔

    قطر میں ہونے ہونے والااجلاس بے نتیجہ رہنے کے چند ہی گھنٹوں کے بعد ہی عالمی مارکیٹ میں فی بیرل تیل پانچ فیصد تک گھٹ گیا۔

    تیل کے تیرہ ممالک کے اجلاس میں توقع کی جا رہی تھی تیل کی پیداوار کو جنوری کی سطح پر منجمد کیا جائے تاکہ اس کے نتیجے میں تیل کی قیمتوں میں بتدریج اضافہ ہو سکے۔ تاہم تیل کی مارکیٹ میں ایران کے کردار کی وجہ سے پیداوار منجمند کرنے پر اتفاق نہ ہو سکا۔

    ۔سعودی عرب اپنی تیل کی پیداوار پر اس وقت تک کوئی حد مقرر نہیں کرنا چاہتا جب تک ایران بھی اس پر تیار نہ ہو.واضح رہے کہ ایران بین الاقوامی پابندیوں کے خاتمے کے بعد زیادہ سے زیادہ تیل فروخت کرنا چاہتا ہے اور اسکی کوشش ہے کہ یومیہ چالیس لاکھ بیرل تیل کی پیداوار کا خواہاں ہے یہی وجہ ہے کہ دوہا میں ہونے والے اجلاس میں ایران نے شرکت نہیں کی۔

    بارکلے کے ماہرین کا کہنا ہے کہ اگر سعودی عرب اور ایران کے درمیان جغرافیائی سیاست کی جنگ کا خاتمہ نہ ہوا تو تیل کی قیمت گرنے کا سلسلہ جاری رہے گا۔

    مارچ میں اوپیک ممالک کی جانب سے تیل کی پیداوار میں یومیہ 92 ہزار بیرل تیل کم کر کے پیداوار روزانہ 3 کروڑ 24 لاکھ بیرل تیل پیدا کیا جا رہا تھا۔

    سعودی عرب کی جانب سے مارچ میں یومیہ 30 ہزار بیرل تیل کی پیداوار کم کر کے ایک کروڑ بیرل تیل تک لے آیا ہے تاہم اس میں اضافے کا خدشہ موجود ہے تو دوسری جانب رشیا کی تیل کی پیداوار اس ماہ میں 30 سال کی بلند ترین سطح پر موجود ہے۔

    ماہرین کا کہنا ہے کہ موجودہ صورتحال میں تیل کی اضافی پیداوار کی صورتحال برقرار رہنے کی توقع ہے جو تیل کی قیمت میں مزیدکمی کا باعث بنے گی۔

    قطر کے توانائی کے وزیر محمد بن صالح ال اسد کہتے ہیں کہ ہم اس نتیجے پر پہنچے ہیں کہ ہمیں اوپیک میں شامل دیگر تیل برآمد کرنے والے ممالک کے بات چیت کے لیے مزید وقت درکار ہے۔

     

  • ایل این جی کا استعمال دیگرایندھن سے سستا پڑے گا، شاہد خاقان عباسی

    ایل این جی کا استعمال دیگرایندھن سے سستا پڑے گا، شاہد خاقان عباسی

    اسلام آباد: وفاقی وزیر پٹرولیم شاہد خاقان عباسی نےقطر کےساتھ سستی ایل این جی درآمد کا معاہدہ طے ہونےکااعلان کردیا۔

    تفصیلات کے مطابق معاہدے کے تحت سالانہ ایل این جی کےچوبیس کارگو جہازملک میں گیس کی ترسیل کو یقینی بنائیں گے،جس کی قیمت سات اعشاریہ سات ڈالر فی کیوبک فٹ مقررکی گئی ہےجبکہ کارگو جہاز کا بندرگاہ کا ایک دن کا کرایہ ڈیڑھ لاکھ ڈالر ہوگا۔

    شاہد خاقان عباسی نےمزید کہا کہ ایل این جی کے استعمال ہر حال میں دیگر ایندھن سے سستا ہوگا،قطر ساتھ ہونے یہ معاہدہ قلیل مدتی ہے۔

  • قطر میں فینسی نمبر پلیٹس کی لاکھوں میں نیلامی

    قطر میں فینسی نمبر پلیٹس کی لاکھوں میں نیلامی

    دوہا: قطر کے امیر ترین افراد نے گاڑیوں کی فینسی نمبر پلیٹس کی حکومت کی جانب سے آن لائن نیلامی پرلاکھوں ریال خرچ کردیے۔

    قطر کے شہریوں نے 24 منفرد نمبر پلیٹس کے لئے 4.2 ملین ریال جن کی مالیت 1.1 ملین امریکی ڈالر بنتی ہے خرچ کردیے۔

    ذرائع کے مطابق نیلامی مین سب سے مہنگی بولی نمبر پلیٹ 377773 چارلاکھ ساٹھ ہزار ریال کی لگی۔

    متحدہ عرب امارات میں منفرد نمبر پلیٹس کے ذریعے دولت کے اظہار کا رحجان بڑھتا جارہا ہے۔

    گزشتہ سال ہونے والی نیلامی میں سب سے مہنگی بولی نمبرپلیٹس 333355 200 ملین ریال کی لگی تھی جس کی مالیت 55 ملین امریکی ڈالر تھی۔

  • ایل این جی سےبھرا جہاز قطرسےکراچی پہنچ گیا

    ایل این جی سےبھرا جہاز قطرسےکراچی پہنچ گیا

    کراچی: ملکی تاریخ کاپہلا بحری جہازایل این جی لےکرپاکستان پہنچ گیا۔

    وزارت پیٹرولیم کےمطابق بحری جہازایک لاکھ سینتالیس ہزار کیوبک فٹ ایل این جی لے کرآیا ہے۔

    قطرسےایل این جی کی پہلی کھیپ آج پاکستان پہنچ گئی۔

    وزارت پیٹرولیم کےمطابق جہازایک لاکھ سینتالیس ہزارکیوبک فیٹ ایل این جی لے کر آیا ہے۔

    اینگرو ایل این جی کمپنی کے مطابق ٹرمینل کے ہینڈلنگ چارجز چھیاسٹھ سینٹس فی ایم ایم بی ٹی یو ہے۔

     اینگرو ایل این جی ٹرمینل تیرہ کروڑ ڈالر کی لاگت سے بنایا گیاہے۔

      دوسری جانب حکومت تاحال قطر سے ایل این جی کی قیمت طے نہیں کر پائی ہے۔

    وزیر پیٹرولیم کا کہنا ہے ایل این جی کی قیمت پر ابھی بات چیت جاری ہے۔

  • غزہ کی تعمیرِنو: اسرائیل نے سیمنٹ لے جانے کی اجازت دے دی

    غزہ کی تعمیرِنو: اسرائیل نے سیمنٹ لے جانے کی اجازت دے دی

    غزہ:اسرائیلی حکام نے جنگ سے تباہ شدہ غزہ کی تعمیر نو کے لئے قطر کی جانب سے بھیجا گیا ایک ہزار ٹن سیمنٹ غزہ میں داخل ہونے کی اجازت دے دی۔

    گزشتہ سال موسمِ گرما میں اسرائیل اور حماس کے درمیان ہونے والی جنگ نے غزہ کو مکمل طور پر تباہ و برباد کردیا تھا اورایک محتاط اندازے کے مطابق ایک لاکھ افراد بے گھر ہوئے تھے۔

    علمی برادری نے خبردار کیا ہے کہ اگر تعمیرِنو کے لئے سنجیدہ اور فوری اقدامات نہ کئے گئے تو خطے میں ایک نئے تنازعے کی شروعات ہوسکتی ہے۔

    ذرائع کا کہنا ہے کہ سیمنٹ کی کوئی مقررہ مقدار نہیں ہے بلکہ غزہ کے سپلائرز کی ڈیمانڈ کے مطابق مقدار کی اجازت دی جاتی ہے۔

    فلسطینی حکام نے جنوبی غزہ کے راستے 175 ٹرکوں کے ذریعے سیمنٹ کا داخلہ کنفرم کردیا ہے اور اگست میں جنگ بندی کے بعد آنے والی یہ سیمنٹ کی سب سے بڑی مقدارہے۔

    فلسطینی حکام کا کہنا ہے کہ اتنی مقدار میں سیمنٹ اگر روز آئے تو تین سال کے عرصے میں غزہ کی تعمیرِنومکمل ہوگی۔

    قطرنے گزشتہ ہفتے غزہ کے متاثرین کے لئے ایک ہزار گھروں کی تعمیر کا پراجیکٹ شروع کیا ہے۔

  • قطر سے ایل این جی کی درآمد کا معاہدہ طے پاگیا،شاہد خاقان عباسی

    قطر سے ایل این جی کی درآمد کا معاہدہ طے پاگیا،شاہد خاقان عباسی

    اسلام آباد : قطر سے ایل این جی کی درآمد کا معاہدہ طے پاگیا،26مارچ تک پہلا جہاز ایل این جی لے کر پورٹ قاسم پہنچےگا۔

    تفصیلات کے مطابق وزیر پیٹرولیم و قدرتی وسائل شاہد خاقان عباسی کا کہنا ہے کہ ایل این جی کی درآمد کیلئے قطر سے معاہدہ طے پاگیا ہے۔

    وزیر پیٹرولیم وقدرتی وسائل کا کہنا ہے کہ قطر سے جہاز ایل این جی لے کر چھیبس مارچ تک پورٹ قاسم پہنچ جائے گا۔ابتدائی طور پر سوئی سدرن گیس کمپنی کے سسٹم کے ذریعے دو سو معکب فٹ گیس فراہم کی جائے گی۔

    یہ گیس پنجاب میں ڈیزل سے چلنے والے چار پاور پلانٹس اور کیپکو کو دی جائے گی ۔ وزیر پیٹرولیم کا کہناہے کہ ایل این جی سے پیدا ہونے والی بجلی ڈیزل کے مقابلے میں چالیس فیصد تک سستی ہوگی۔

  • طالبان، امریکا مذاکرات آج قطر میں ہوں گے

    طالبان، امریکا مذاکرات آج قطر میں ہوں گے

    دوحہ: غیرملکی خبرایجنسی کے مطابق طالبان ذرائع کا کہنا ہے کہ امریکی حکام اورطالبان کے درمیان امن مذاکرات آج ہوں گے جبکہ دوسرا دورجمعے کو ہوگا۔

    طالبان ذرائع کے مطابق مذاکرات کے نتیجے میں فی الحاک کچھ نہیں کہا جا سکتا، افغان سفارتی حکام نے خدشہ ظاہرکیا ہے کہ افغان طالبان کے امیرملا عمرمذاکرات کے عمل میں رکاوٹ پیدا کرسکتے ہیں

    دوہزار ایک میں قطر میں ہونے والے طالبان اورامریکی حکام کے مذاکرات بے نتیجہ رہے تھے تاہم نئے افغان صدراشرف غنی کی امن کی بحالی کے لئے کی جانے والی کوششوں کے باعث اس مرتبہ مذاکرات کے نتیجہ خیز ہونے کی امید کی جارہی ہے۔

  • توانائی کمیٹی کا اجلاس: روس ،قطر ،چین کیساتھ گیس پائپ لائن معاہدہ منظور

    توانائی کمیٹی کا اجلاس: روس ،قطر ،چین کیساتھ گیس پائپ لائن معاہدہ منظور

    اسلام آباد: وفاقی کابینہ کی توانائی کمیٹی نے روس قطر اور چین کے ساتھ گیس پائپ لائن معاہدے کی منظوری دے دی، وزیر اعظم نے کہا کہ عوام کو ریلیف دینے کیلئے منصوبوں کی تکمیل جلد کی جائے۔

    اسلام آبا میں وزیر اعظم نواز شریف کی زیر صدارت کابینہ کمیٹی کا اجلاس ہوا جس میں معاہدے کی منظوری کے بعد وزیر اعظم نے کہا کہ عوام کو ریلیف دینے کیلئے منصوبوں کی رفتار تیز کی جائے ،طویل اور مختصر مدت کے پاور پراجیکٹ سے متعلق تفصیلات کمیٹی میں پیش کی جائیں۔

    کابینہ کمیٹی کے مطابق بیالیس انچ کی گیس پائپ لائن این فائیو کیساتھ نصب کی جائیگی، کابینہ کی توانائی کمیٹی کے اجلاس میں تاپی گیس پائپ لائن اور ایران سےبجلی درآمد سےمتعلق امور بھی زیر غور آئے۔

    اجلاس میں کوئلے اور ایل این جی منصوبوں سمیت ملک میں توانائی بحران پر فوری قابو پانے اور جاری منصوبوں پرہونے والی پیشرفت کا جائزہ لیا گیا۔

  • ڈاکار ریلی: قطرکے نصیرالعطیہ نے کارکیٹیگری جیت لی

    ڈاکار ریلی: قطرکے نصیرالعطیہ نے کارکیٹیگری جیت لی

    سالٹا: ڈاکار ریلی کار کیٹیگری میں قطر کے نصیرالعطیہ نےگیارہواں مرحلہ جیت لیا ہے۔ بائیک کیٹیگری میں ہسپانوی بائیکر مارک کوما کو واضح سبقت حاصل ہے۔

    تفصیلات کے مطابق ڈاکار ریلی کا گیارہواں مرحلہ ارجنٹائن کے صحرائی علاقے سالٹا سے شروع ہوا ۔ریس کے شرکا کار اور بائیک کی کیٹیگری میں پانچ سو چوبیس کلومیٹر پر محیط فاصلہ طے کرکے ٹرموس ڈی ریو ہونڈو پہنچے ہیں۔

    قطری ڈرائیور نصیر العطیہ نے مسلسل دوسری کامیابی سمیٹتے ہوئے مقررہ فاصلہ ایک گھنٹہ ترپن منٹ اور دس سکینڈ میں طے کیا۔

    بائیک کیٹیگری میں ہسپانوی بائیکر جوان بریڈانے پہلی پوزیشن حاصل کی۔ہم وطن حریف مارک کوما بائیک ریس میں واضح برتری حاصل ہے۔ ڈاکار ریلی کے دومرحلے باقی رہ گئے ہیں۔