Tag: Qatar

  • حجاج پر پابندی قطر کی سب سے بڑی ناکامی ہے: متحدہ عرب امارات

    حجاج پر پابندی قطر کی سب سے بڑی ناکامی ہے: متحدہ عرب امارات

    ابوظہبی: متحدہ عرب امارات کے وزیر مملکت برائے امور خارجہ ڈاکٹر انور قرقاش نے کہا ہے کہ حجاج پر پابندی قطر کی سب سے بڑی ناکامی ہے۔

    تفصیلات کے مطابق اپنے ٹویٹر بیان میں ڈاکٹر انور قرقاش کا کہنا تھا کہہ قطری شہریوں کے لئے حج ادائیگی سے متعلق آسانیاں پیدا کرنے کی سعودی وزارت عمرہ وحج کی اپیل عاقلانہ فیصلہ ہے۔

    غیرملکی خبررساں ادارے کے مطابق اپنے ٹویٹر پیغام میں انور قرقاش نے کہا کہ عازمین حج کی راہ میں رکاوٹیں کھڑی کرنا دراصل قطر کی جانب سے اپنے بحران کے حل میں ناکامی پر دلالت کرتا ہے۔

    انہوں نے مطالبہ کیا کہ قطر حج ایسے اہم دینی فریضے کو سیاست کی نظر کرنے سے گریز کرے، قطری عازمین حج پر پابندی کی منطق اور دلیل کمزور موقف کی عکاس ہیں۔

    سعودی عرب کی حج اور عمرے کی وزارت نے قطر میں متعلقہ حکام پر زور دیا ہے کہ وہ فریضہ حج کی ادائیگی کے خواہش مند قطری شہریوں کی مملکت آمد کو آسان بنائے اور اس حوالے سے قطری حکومت کی جانب سے عائد رکاوٹوں کو ختم کرے۔

  • خلیج میں قطر کا سب سے بڑے کوسٹ گارڈ بیس کا افتتاح

    خلیج میں قطر کا سب سے بڑے کوسٹ گارڈ بیس کا افتتاح

    دوحہ :ایران اور امریکا کے درمیان جاری کشیدگی کے دوران خلیجی سمندر میں قطر نے اپنا سب سے بڑے نیول بیس کا افتتاح کردیا۔

    تفصیلات کے مطابق وزیر اعظم عبداللہ بن ناصر بن خلیفہ الثانی اور کمانڈر امریکی نیول فورسز برائےمشرق وسطیٰ ایڈمرل جم ملوئے نے دوحہ کے مشرقی ساحل سے 30 کلومیٹر پر واقع سیمائی سیما میں الداین نیول بیس کا افتتاح کیا۔

    غیر ملکی خبر رساں ادارے کا کہنا تھا کہ خطے میں امریکا قریبی اتحادی قطر میں واشنگٹن کا مشرق وسطیٰ میں سب سے بڑا فوجی اڈہ بھی قائم ہے۔

    امریکی ففتھ فلیٹ کے کمانڈر جم ملوئے کا کہنا تھا کہ نئے بیس سے ہمیں قطری ساحل کے محافظوں کے ساتھ مل کر کام کرنے کا مزید بہتر موقع ملا ہے۔

    غیر ملکی میڈیا کے مطابق خلیجی ممالک جہاں سے دنیا میں تیل کا تیسرا حصہ گزرتا ہے، حالیہ عرصوں میں کشیدگی میں اضافہ سامنے آیا جہاں امریکا ایران پر تیل بردار جہازوں پر حملے کرنے کا الزام لگارہا ہے جبکہ تہران نے امریکی ڈرون مارگرایا ۔

    قطر کے وزارت داخلہ کا کہنا تھا کہ چھ لاکھ اسکوائر میٹر سے زائد کی یہ جگہ سمندر اور سرحدی علاقوں کو محفوظ بنانے کے لیے ہے۔

    انہوں نے بتایا کہ ‘نیول بیس میں، منفرد بندرگاہ، تربیت اور طبی سہولیات، سول ڈیفنس کے دفاتر اور آپریٹنگ رومز شامل ہیں۔

    اس بیس کے ذریعے ایران کے معاملے پر امریکا-قطر تعاون میں اضافے کے حوالے سے سوال کے جواب میں جم ملوئے کا کہنا تھا کہ ہماری توجہ بھی یہی ہے۔

  • قطر کی جانب سے پاکستانی چاول کی درآمد پر عائد پابندی ختم

    قطر کی جانب سے پاکستانی چاول کی درآمد پر عائد پابندی ختم

    اسلام آباد: قطر نے پاکستانی چاول کی درآمدات پر عائد پابندی ختم کر کے چاول کی درآمدات کی اجازت دے دی۔

    تفصیلات کے مطابق مشیر تجارت عبد الرزاق داؤد سے رائس ایکسپورٹرز ایسوسی ایشن کے وفد نے ملاقات کی۔ وفد کی قیادت رائس ایکسپورٹرز ایسوسی ایشن کے چیئرمین صفدر میکری نے کی۔

    اس موقع پر مشیر تجارت عبدالرزاق داؤد نے کہا کہ قطر اور ایران کی منڈیوں میں چاول کی برآمدات سے فائدہ اٹھایا جائے۔ اگلے 5 سال تک چاول کی برآمدات کو 2 سے 5 ارب ڈالر تک بڑھایا جائے۔

    مشیر تجارت نے کہا کہ چاول کی برآمدات کو 5 ارب ڈالر تک لے جانے کے لیے جامع حکمت عملی بنائیں گے، چین اور انڈونیشیا میں اضافی مارکیٹ رسائی سے چاول کی برآمدات میں اضافہ ہوا۔

    اس سے قبل ایک موقع پر مشیر تجارت کا کہنا تھا کہ حکومت ایک لاکھ ٹن کھاد درآمد کرے گی، حکومتی اقدامات سے درآمدات میں 6 ارب ڈالر کمی ہوئی۔

    انہوں نے کہا تھا کہ درآمدات میں کمی سے تجارتی خسارہ 5.9 ارب ڈالر کم رہا، جبکہ اس وقت ملک کا تجارتی خسارہ 31 ارب ڈالر ہے۔

    عبدالرزاق داؤد کا کہنا تھا کہ ملک میں کھاد کی قلت کا کوئی خدشہ نہیں، ہم نے قطر کو چاول کی برآمدات شروع کر دی ہے، ایران نے 5 لاکھ ٹن چاول آرڈر کیا جو آئندہ ماہ سے شروع ہوگا۔

  • قطر میں طالبان اور افغان رہنماؤں کے درمیان مذاکرات کا آغاز ہوگیا

    قطر میں طالبان اور افغان رہنماؤں کے درمیان مذاکرات کا آغاز ہوگیا

    دوحہ: افغانستان میں قیام امن کے لیے افغانستان کے بااثر اور اہم شخصیات نے قطر میں طالبان سے مذاکرات کا آغاز کردیا۔

    تفصیلات کے مطابق طالبان اور افغان رہنماؤں کے درمیان دو روزہ مذاکراتی دور دوحہ میں جاری ہے، مذاکرات کا مقصد افغان طالبان اور ملکی اہم رہنماؤں کو ایک پیج پر لانا ہے، جس کے تحت خطے میں امن کا قیام ممکن بنایا جائے گا۔

    غیر ملکی خبر رساں ادارے کے مطابق طالبان اور افغان رہنماؤں کے درمیان مذاکراتی دور 7 اور 8 جولائی تک جاری رہے گا، اس دوران افغان امن عمل سمیت امریکی معاملات بھی زیرغور آئیں گے۔

    افغان رہنماؤں میں بڑے سیاسی لیڈران بھی شامل ہیں، تاہم یہ مذاکرات حکومتی سطح پر نہیں ہورہے بلکہ افغانستان سے شرکا ذاتی حیثیت میں شریک ہورہے ہیں۔

    اس مذاکرات کو کامیاب بنانے کے لیے قطر اور جرمنی خصوصی طور پر اقدامات کررہے ہیں، جبکہ امریکا کے نمائندہ خصوصی برائے افغان مفاہمت زلمے خلیل زاد نے افغانوں کے درمیان 7 اور 8 جولائی کو قطر میں ہونے والے مذاکرات کی میزبانی کرنے پر قطر اور جرمنی کا شکریہ بھی ادا کیا۔

    دریں اثنا امریکا کے نمائندہ خصوصی برائے افغان مفاہمت زلمے خلیل زاد اور طالبان کے درمیان بات چیت کا سلسلہ بھی قطر میں ہی جاری ہے، کل ہونے والی ملاقات بھی اسی مذاکرات کی ایک کڑی ہے۔

    قطر: امریکا اور طالبان کے درمیان مذاکرات کے نئے دور کا آغاز

    خیال رہے کہ امریکی وزیر خارجہ نے گزشتہ دنوں کابل کا غیر اعلانیہ دورہ کیا تھا، اس موقع پر انھوں نے پہلی ستمبر تک امن ڈیل کی امید ظاہر کی تھی۔

    امریکی وزیرخارجہ مائیک پومپیو نے کہا تھا ہم غیرملکی فوج نکالنے کو تیار ہیں، امید ہے طالبان سے یکم ستمبر تک افغان امن سمجھوتا طے ہوجائے گا۔

  • طالبان اور افغان رہنماؤں کے درمیان مذاکرات کا آغاز کل سے ہوگا

    طالبان اور افغان رہنماؤں کے درمیان مذاکرات کا آغاز کل سے ہوگا

    دوحہ: طالبان اور افغان رہنماؤں کے درمیان دو روزہ مذاکراتی دور کا آغاز کل سے قطر میں ہورہا ہے۔

    تفصیلات کے مطابق قطری دارالحکومت دوحہ میں ممکنہ مذاکرات کا مقصد افغان طالبان اور ملکی اہم رہنماؤں کو ایک پیج پر لانا ہے، جس کے تحت خطے میں امن کا قیام ممکن بنایا جائے گا۔

    غیر ملکی خبر رساں ادارے کے مطابق طالبان اور افغان رہنماؤں کے درمیان مذاکراتی دور 7 اور 8 جولائی تک جاری رہے گا، اس دوران افغان امن عمل سمیت امریکی معاملات بھی زیرغور آئیں گے۔

    افغان رہنماؤں میں بڑے سیاسی لیڈران بھی شامل ہیں، تاہم یہ مذاکرات حکومتی سطح پر نہیں ہورہے بلکہ افغانستان سے شرکا ذاتی حیثیت میں شریک ہوں گے۔

    اس مذاکرات کو کامیاب بنانے کے لیے قطر اور جرمنی خصوصی طور پر اقدامات کررہے ہیں، جبکہ امریکا کے نمائندہ خصوصی برائے افغان مفاہمت زلمے خلیل زاد نے افغانوں کے درمیان 7 اور 8 جولائی کو قطر میں ہونے والے مذاکرات کی میزبانی کرنے پر قطر اور جرمنی کا شکریہ بھی ادا کیا۔

    دریں اثنا امریکا کے نمائندہ خصوصی برائے افغان مفاہمت زلمے خلیل زاد اور طالبان کے درمیان بات چیت کا سلسلہ بھی قطر میں ہی جاری ہے، کل ہونے والی ملاقات بھی اسی مذاکرات کی ایک کڑی ہے۔

    قطر: امریکا اور طالبان کے درمیان مذاکرات کے نئے دور کا آغاز

    خیال رہے کہ امریکی وزیر خارجہ نے گزشتہ دنوں کابل کا غیر اعلانیہ دورہ کیا تھا، اس موقع پر انھوں نے پہلی ستمبر تک امن ڈیل کی امید ظاہر کی تھی۔

    امریکی وزیرخارجہ مائیک پومپیو نے کہا تھا ہم غیرملکی فوج نکالنے کو تیار ہیں، امید ہے طالبان سے یکم ستمبر تک افغان امن سمجھوتا طے ہوجائے گا۔

  • ایران سے کشیدگی ،امریکا نے جنگی طیارے ایف 22 اسٹیلتھ قطر بھیج دئیے

    ایران سے کشیدگی ،امریکا نے جنگی طیارے ایف 22 اسٹیلتھ قطر بھیج دئیے

    واشنگٹن: امریکا نے جنگی طیارے ایف ٹوئنٹی ٹو اسٹیلتھ قطربھیج دئیے، امریکی ائیرفورس کا کہنا ہے کہ طیارے مشرق وسطی میں موجود امریکی فورسز اور امریکی مفادات کے تحفظ کے لئے بھیجے گئے ہیں۔

    امریکی میڈیا کے مطابق امریکا اورایران کے درمیان کشیدگی جاری ہے ، امریکا نے جنگی طیارے ایف ٹوئنٹی ٹو اسٹیلتھ قطر بھجوادیئے تاہم قطربھیجے گئے طیاروں کی تعداد نہیں بتائی گئی ہے،ان طیاروں کو پہلی بار قطر ایئربیس پر تعینات کیا گیا ہے۔

    امریکی ائیرفورس کا کہنا ہے کہ طیارے مشرق وسطی میں موجود امریکی فورسزاورامریکی مفادات کے تحفظ کے لئے بھیجے گئے ہیں۔

    ان طیاروں نے قطر جانے سے قبل اسپین میں قیام کیا، بیس ذرائع کے مطابق جہاں سے صرف 6 طیاروں نے ہی اڑان بھری۔ ابتدائی معلومات کے مطابق فنی خرابی کے باعث تین طیارے ابتدا میں ہسپانوی بیس پر ہی رکے رہے۔

    یاد رہے گذشتہ ماہ قطری ایئر بیس پر بی 52 بمبار بلوائے گئے تھے، ایران کی جانب سے ممکنہ حملے کے خطرے سے نمٹنے کے لیے بی ۔ 52 بمبار طیارے قطر میں امریکی ائیر بیس پر موجود ہیں۔

    واضح رہے کہ ایران پرنئی امریکی پابندیوں کے بعددونوں ممالک کے درمیان صورتحال کشیدہ ہے اور امریکی فوجی اوربحری بیڑے مشرق وسطی میں موجود ہیں، عالمی برادری نے فریقین پرتحمل سے کام لینے اورمشرق وسطی میں تناؤ کم کرنے کے لئے اقدامات پرزوردیا ہے۔

    گزشتہ ایک ماہ کے اندر امریکا، مشرق وسطیٰ میں مرحلہ وار ڈھائی ہزار فوجیوں کی تعیناتی کا اعلان کرچکا ہے۔

  • قطر پاکستان میں 3 ارب ڈالر کی براہ راست سرمایہ کاری کرے گا، قطری حکومت کا اعلان

    قطر پاکستان میں 3 ارب ڈالر کی براہ راست سرمایہ کاری کرے گا، قطری حکومت کا اعلان

    اسلام آباد: پاکستان کیلئے ایک خوشی کی خبر سامنے آگئی، قطری حکومت نے اعلان کیا ہے قطر پاکستان میں3ارب ڈالرکی براہ راست سرمایہ کاری کرے گا، سرمایہ کاری کے بعد پاک قطر باہمی معاشی تعاون کا حجم 9 ارب ڈالرہوگا۔

    قطر کی سرکاری نیوزایجنسی کے مطابق امیرقطر شیخ تمیم بن حمدالثانی کی ہدایت پرنائب وزیر اعظم شیخ محمدبن عبدالرحمان نے اعلان کیا ہے کہ قطر پاکستان میں 3 ارب ڈالر کی براہ راست سرمایہ کاری کرے گا۔

    حکومتی اعلامیہ میں قطری نائب وزیراعظم نے کہا 3 ارب ڈالرکی سرمایہ کاری کےبعدپاک قطرباہمی معاشی تعاون کاحجم9ارب ڈالرہوگا، پاکستان سے دیگرشعبوں میں بھی تعاون بڑھانےکےخواہاں ہیں۔

    اس سے قبل قطری نیوز ایجنسی کے مطابق قطر کے وزیرخارجہ شیخ محمد بن عبدالرحمان الثانی کا کہناتھا پاکستان کو تین ارب ڈالرڈائریکٹ ڈپازٹس اوربراہ راست سرمایہ کاری کی مد میں دیئےجائیں گے جبکہ قطر پاکستان میں گیس اور دیگر شعبوں میں سرمایہ کاری بھی کرے گا۔

    اس سے قبل سعودی عرب اور یو اے ای بھی پاکستان کو ایسے ہی پیکجز دے چکے ہیں، سعودی عرب نے پاکستان کو ڈائریکٹر ڈپازٹس کےعلاوہ مؤخر ادائیگیوں پر تیل کی سہولت بھی فراہم کی ہے۔

    پاکستان کا آئی ایم ایف سے بھی اصولی معاہدہ طےپاگیا ہے، جس کے تحت پاکستان کوچھ ارب ڈالرملیں گے، معاہدے کی حتمی منظوری آئی ایم ایف کا بورڈ اگلے ماہ دےگا۔

    دوسری جانب مشیر خزانہ حفیظ شیخ نے سماجی رابطے کی ویب سائٹ ٹوئٹر پر اپنے پیغام میں کہا امیرقطرکا 3 ارب ڈالر کی سرمایہ کاری پر شکریہ ادا کرتا ہوں، اس سے پاکستان اور قطر کے تعلقات مزید بہترہوں گے۔

    یاد رہے ہفتے کے روز امیر قطر شیخ تمیم بن حمدالثانی پاکستان پہنچے تھے، جہاں وزیراعظم عمران خان نے ان کا استقبال کیا ، دورے کے دوران امیر قطر کی وزیراعظم عمران خان سے ون آن ون ملاقات ہوئی جبکہ پاکستان اورقطرکےدرمیان وفودکی سطح پربھی مذاکرات ہوئے۔

    مذاکرات میں منی لانڈرنگ،انسداد دہشت گردی کی مالی معاونت،خفیہ معلومات کےتبادلے کی یادداشت پردستخط ہوئے، تجارت اورسرمایہ کاری میں تعاون کیلئےورکنگ گروپ، سیاحت اورتجارت کی ترقی کیلئےتعاون کی مفاہمتی یادداشت پر بھی دستخط ہوئے۔

    امیر قطر شیخ تمیم بن حمدالثانی کو صدر مملکت عارف علوی نے نشان پاکستان سے بھی نوازا۔

  • امیر قطر کا شایان شان استقبال، وزیر اعظم سے ملاقات، تین معاہدوں پردستخط

    امیر قطر کا شایان شان استقبال، وزیر اعظم سے ملاقات، تین معاہدوں پردستخط

    اسلام آباد: امیر قطرشیخ تمیم بن حمد الثانی پاکستان پہنچ گئے، جہاں وزیر اعظم عمران خان نے ان کا استقبال کیا.

    تفصیلات کے مطابق امیر قطرشیخ تمیم بن حمدالثانی کا پاکستان میں پرتپاک استقبال کیا گیا، شیخ تمیم بن حمدالثانی کو 21 توپوں کی سلامی دی گئی.

    امیر قطرکو مسلح افواج کےدستےنے گارڈآف آنر پیش کیا۔  وزیراعظم عمران خان نے امیر قطر کاوفاقی وزرا سےتعارف کرایا۔ 

    امیر قطر نےوزیراعظم ہاؤس میں پودا لگایا۔ امیرقطرکوجےایف17تھنڈرطیاروں کی جانب سے سلامی دی گئی۔

     وزیراعظم معزز مہمان شیخ تمیم بن حمد الثانی کی گاڑی خود چلا کر ایئرپورٹ سے روانہ ہوئے، دونوں رہنماؤں میں بے تکلفانہ انداز میں گفتگو ہوئی۔

    وزیر اعظم آفس کے مطابق اس  دورےکامقصددونوں ممالک میں باہمی تعلقات کافروغ ہے، امیر قطر وزیر اعظم عمران خان کی خصوصی دعوت پر یہ دورہ کر رہے ہیں۔ 

    ون آن ون  ملاقات


    بعدازاں  امیر  قطر شیخ تمیم بن حمد الثانی اور وزیر اعظم عمران خان میں ون آن ون ملاقات ہوئی۔  وفود کی سطح پرمذاکرات کے بعد مفاہمتی یادداشتوں اورتین معاہدوں پردستخط کیے گئے۔

    اس موقع پر امیر قطر کی جانب سے وزیر اعظم کو فٹ بال ٹیم کی جرسی پیش کی گئی، جب کہ وزیر اعظم نے امیر قطر کو دست خط شدہ بیٹ پیش کیا۔

    https://www.facebook.com/ImranKhanOfficial/videos/647161362362504/

    قبل ازیں قطرکےنائب وزیراعظم اور وزیر خارجہ شیخ محمد بن عبدالرحمان پاکستان پہنچے، جن کا استقبال شاہ محمود قریشی نے کیا.

    مزید پڑھیں: قطر اور پاکستان میں تجارتی حجم ڈھائی ارب ڈالر تک پہنچ چکا ہے:‌ وزیر خارجہ

    اس موقع پر شاہ محمود قریشی نے کہا کہ دونوں ممالک میں تجارتی حجم ڈھائی ارب ڈالر سے زائد تک پہنچ چکا ہے، گزشتہ کچھ عرصےمیں باہمی تجارت کے حجم میں نمایاں اضافہ ہوا، امیرقطر کے دورے سے تجارت کی نئی راہیں کھلیں گی.

    تجزیہ کار اسے پاک قطر دوستی میں نئے دور کا آغاز قرار دے رہے ہیں۔

  • قطر اور پاکستان میں تجارتی حجم ڈھائی ارب ڈالر تک پہنچ چکا ہے:‌ وزیر خارجہ

    قطر اور پاکستان میں تجارتی حجم ڈھائی ارب ڈالر تک پہنچ چکا ہے:‌ وزیر خارجہ

    اسلام آباد: وزیر خارجہ شاہ محمود قریشی نے کہا  ہے کہ قطر اور پاکستان میں تجارتی حجم ڈھائی ارب ڈالرسے زائد تک پہنچ چکا ہے.

    ان خیالات کا اظہار انھوں نے قطرکے نائب وزیراعظم اور وزیر خارجہ شیخ محمد بن عبدالرحمان سے گفتگو کرتے ہوئے کیا. معزز  مہمان کی آمد پر شاہ محمود قریشی نے ان کا استقبال کیا. دونوں رہنماؤں کی ملاقات میں مختلف موضوعات پر تبادلہ خیال ہوا.

    [bs-quote quote=”فیفا ورلڈ کپ کے لئے پاکستان سے افرادی قوت کے خواہاں ہیں” style=”style-8″ align=”left” author_name=”قطری وزیر خارجہ”][/bs-quote]

    قطری وزیرخارجہ نے کہا کہ قطر مختلف شعبوں میں سرمایہ کاری میں دلچسپی رکھتا ہے، پاکستان اور قطر کے تعلقات ہمیشہ قریبی اور دوستانہ رہے.

    اس موقع پر شاہ محمود قریشی کا کہنا تھا کہ پاکستان قطرکے ساتھ تعلقات کواہمیت دیتا ہے، رواں سال جنوری میں وزیراعظم عمران خان نے قطرکا دورہ کیا.

    مزید پڑھیں: پاکستانی مصوروں کا امیر قطر شیخ تمیم بن حمدالثانی کے لئے تحفہ

    وزیر خارجہ نے کہا کہ دوطرفہ تعلقات کومزید مستحکم بنانے کے لئے بات چیت ہوئی، قطر میں 1 لاکھ 25 ہزار سے زائد پاکستانی ترقی میں کردارادا کر رہے ہیں.

    وزیرخارجہ نے مزید کہا کہ قطر میں مقیم پاکستانی پل کا کردارادا کرتے ہیں،  قطر پاکستان میں توانائی بحران کے خاتمے کے لئے کردار ادا کر رہا ہے.

    شاہ محمود قریشی نے کہا کہ دونوں ممالک میں تجارتی حجم ڈھائی ارب ڈالر سے زائد تک پہنچ چکا ہے، گزشتہ کچھ عرصےمیں باہمی تجارت کے حجم میں نمایاں اضافہ ہوا، امیرقطر کے دورے سے تجارت کی نئی راہیں کھلیں گی.

    اس موقع پر قطری وزیر خارجہ نے کہا کہ فیفا ورلڈ کپ کے لئے پاکستان سے افرادی قوت کے خواہاں ہیں۔

  • قطر کے امیر آج دو روزہ دورے پر پاکستان پہنچیں گے

    قطر کے امیر آج دو روزہ دورے پر پاکستان پہنچیں گے

    اسلام آباد : امیرقطر شیخ تمیم بن حمد الثانی آج دو روزہ دورے پرپاکستان پہنچیں گے، دورے کے دوران وہ وزیراعظم عمران خان او ر صدرمملکت عارف علوی سے ملاقات کریں گے۔

    تفصیلات کے مطابق امیرقطر آج دو روزہ دورے پرپاکستان پہنچ رہے ہیں، شیخ تمیم بن حمد الثانی وزیراعظم عمران خان کی خصوصی دعوت پر آرہے ہیں،امیر قطر اعلیٰ سطح وفد کے ساتھ پاکستان آئیں گے، قطری وفد اہم وزرا اورسینئرحکام پر مشتمل ہوگا۔

    شیخ تمیم بن حمد الثانی کی دورے کے دوران وزیراعظم اورصدرمملکت سے ملاقات ہوگی، جس میں معاشی اشتراک اور باہمی دلچسپی کے امور پر بات چیت ہوگی، دورے سے دوطرفہ تعلقات اورشعبوں میں تعاون مضبوط ہوگا۔

    دفترخارجہ کے مطابق دورے میں 2 اہم مفاہمت کی یادداشتوں پر دستخط ہوں گے، جس میں منی لانڈرنگ سے متعلق فنانشل انٹیلی جنس تعاون کی یادداشت شامل ہیں۔

    ترجمان دفترخارجہ نے بتایا کہ امیرقطر کے دورہ پاکستان میں دہشت گردوں کی مالی معاونت روکنے سے متعلق ایم او یو اور تجارت ، سرمایہ کاری میں جوائنٹ ورکنگ گروپ کے قیام کا ایم او یو پر بھی دستخط ہوں گے۔

     امیر قطر کی پاکستان آمد کے شیڈول میں تبدیلی

    خیال رہے گزشتہ روز امیر قطر شیخ تمیم بن حمادالثانی کے پاکستان آمد کے شیڈول میں تبدیلی کردی گئی تھی، امیر قطر ہفتے کی دوپہر کے بجائے ہفتےکی شام پاکستان پہنچیں گے، شیخ تمیم بن حمادالثانی کو نتھیا گلی لے جانے کا پروگرام منسوخ کردیا گیا ہے۔

    وزیراعظم عمران خان ایئر پورٹ پر معزز مہمان کا استقبال کریں گے، پاکستان آمد کے بعد امیر قطر کو وزیراعظم ہاؤس لے جایا جائے گا، وزیراعظم ہاؤس میں معزز مہمان کو گارڈ آف آنر پیش کیا جائے گا۔

    وزیراعظم ہاؤس میں وزیراعظم عمران خان اور امیر قطر شیخ تمیم بن حمادالثانی کی ون آن ون ملاقات کے بعد وفود کی سطح پرمذاکرات ہوں گے۔

    امیر قطر ایوان صدر میں صدر عارف علوی سے ملاقات کریں گے، اس موقع پر شیخ تمیم بن حماد الثانی کو صدر مملکت اعلی ترین اعزاز سے نوازیں گے اور قطری وفد کے اعزاز میں ظہرانہ دیں گے جبکہ اتوار کو امیر قطر کا سرمایہ کاری کانفرنس میں شرکت کا امکان ہے۔