Tag: qaumi assembly

اسلام آباد: پاناما لیکس کی ٹی او آرز کمیٹی نے کام کا طریقہ کار طے کرلیا، اعتزاز احسن نے کہا ہے کہ قوم کو مایوس نہیں کریں گے، شاہ محمود قریشی نے کہا کمیٹی ایک لیکن ٹیمیں دو ہیں اس لیے سربراہ کوئی نہیں ہوگا۔

حکومت کی جانب سے اسحاق ڈار کی قیادت میں حکومتی ارکان آئے اور دوسری طرف سے اپوزیشن اعتزاز احسن کی سربراہی میں اپوزیشن کی ٹیم اجلاس میں پہنچی جہاں پانامہ لیکس پر ٹی او آر زکمیٹی کے اجلاس میں کام کا طریقہ کارطے کرلیا گیا۔

اپوزیشن کے رہنما اعتزاز احسن نے کہا دونوں ٹیمیں آمنے سامنےبیٹھ کراتفاق رائےسےفیصلےکریں گی کام کا طریقہ کار تو طے ہوگیا لیکن کمیٹی کا سربراہ کون ہوگا یہ طے نہ ہوسکا ۔

شاہ محمود قریشی نے کہا کہ کوئی سربراہ نہیں ہوگا، اس موقع حاصل بزنجو نے کہا کہ معاملہ اتفاق رائے سے حل کرنے کیلئے پرامید ہیں۔

واضح رہے کہ پانامہ پیپرز کی تحقیقات پر بننے والی پارلیمانی کمیٹی کل صبح گیارہ بجے پھر سر جوڑ کر بیٹھے گی ۔

اسلام آباد: پاناما لیکس کی تحقیقات میں ٹی اوآرز کے لئے پارلیمانی کمیٹی قائم کر دی گئی ہے ۔

سپیکر ایاز صادق کی منظوری کے بعد12 رکنی کمیٹی کے قیام کا نوٹیفیکیشن جاری کر دیا گیا، کمیٹی حکومت اور اپوزیشن کے 6،6 ارکان پر مشتمل ہے ۔

حکومت کی جانب سے اسحق ڈار،خواجہ آصف اور خواجہ سعد رفیق انوشہ رحمان،اکرم درانی اور حاصل بزنجو کمیٹی میں شامل جبکہ اعتزازاحسن، شاہ محمودقریشی،صاحبزادہ طارق اللہ بیرسٹر سیف، طارق بشیر چیمہ اور الیاس بلور بھی کمیٹی میں شامل ہیں ۔

پارلیمانی کمیٹی کا پہلا اجلاس کل شام 4 بجے طلب کرلیا گیا ہے پارلیمانی کمیٹی پاناما پیپرز، آف شور کمپنیوں، قرضوں کی معافی اور کک بیکس کی تحقیقات کے لئے ٹی او آرز تیار کرے گی۔

گزشتہ روزوزیراعظم نواز شریف نے پانامہ لیکس کے ٹی او آرز کے تعین کیلئے پارلیمانی کمیٹی کے حکومتی ارکان کے ناموں  کی منظوری دے دی تھی۔

یاد رہے کہ وزیراعظم کے قومی اسمبلی میں خطاب کے بعد ٹی او آرز کی تیاری کیلئے پارلیمانی کمیٹی بنانے کا اعلان کیا گیا تھا۔

اپوزیشن کی جانب سے کمیٹی میں ایم کیو ایم کے بیرسٹر سیف کو شامل کیا گیاہے، اپوزیشن کے ارکان کےنام موجود ہونے کے باوجود نوٹیفکیشن میں تاخیر بھی وجہ سمجھ سے باہر ہے۔