ابوظہبی: پاکستان سپرلیگ کے 23ویں میچ میں کوئٹہ گلیڈی ایٹرز نے پشاور زلمی کو شکست دے کر ایک اور فتح اپنے نام کرلی، واٹسن اور احمد شہزاد نے نصف سنچریاں اسکور کیں۔
تفصیلات کے مطابق پاکستان سپرلیگ سیزن 4 کا چوتھا مرحلہ ابوظہبی میں شروع ہوگیا، جس کے تحت گلیڈی ایٹرز اور پشاور زلمی کی ٹیمیں مدمقابل تھیں۔ گلیڈی ایٹرز کے کپتان سرفراز احمد نے ٹاس جیت کر زلمی کو پہلے بیٹنگ کی دعوت دی، سیمی الیون نے پہلے بیٹنگ کرتے ہوئے مخالف ٹیم کو 166 رنز کا ہدف دیا جسے سرفراز الیون نے 2 وکٹوں نقصان پر باآسانی حاصل کیا اور 8 وکٹوں سے فتح اپنے نام کی۔
گلیڈی ایٹرز کی جانب سے شین واٹسن نے 55 گیندوں پر 6 چوکوں اور 6 چھکوں کی مدد سے 91 رنز کی ناقابل شکست اننگز کھیلی جبکہ احمد شہزاد نے 45 گیندوں پر پی ایس ایل کی پہلی نصف سنچری اسکور کی۔
کوئٹہ گلیڈی ایٹرز کی ٹیم نے اسکور برابر کیا تو وہاب ریاض نے نو بال کرا کے سرفراز الیون کو جیت دلوا دی۔
No ball from @WahabViki to end the match and @TeamQuetta have defeated @PeshawarZalmi by 8 wickets in Abu Dhabi. pic.twitter.com/bsCBJnYhze
— Cricingif (@_cricingif) March 4, 2019
شین واٹسن کو عمدہ کارکردگی دکھانے پر مین آف دی میچ کا ایوارڈ دیا گیا۔
پشاور زلمی اننگز
زلمی کو اوپنگ آغاز اچھا ملا اور کامران اکمل نے بہترین بلے بازی کا مظاہرہ کیا، اے ڈی ایس فلیچر محمد نواز کی گیند پر 26 کے انفرادی جبکہ 58 کے مجموعی اسکور پر کلین بولڈ ہوکر پویلین روانہ ہوئے، امام الحق 13 رنز بنا کر فواد احمد کی گیند پر کیچ آؤٹ ہوئے۔
Kamran’s 72 and another heroic cameo of Pollard help @PeshawarZalmi post a competitive total of 165. Can @TeamQuetta chase this down?
LIVE: https://t.co/AvvNVO1kH6#HBLPSL #KhelDeewanoKa #QGvPZ pic.twitter.com/qfqA2VW20U— PakistanSuperLeague (@thePSLt20) March 4, 2019
کامران اکمل نے 50 گیندوں کا سامنا کرتے ہوئے 4 چھکوں اور 7 چوکوں کی مدد سے 72 رنز کی اننگز کھیلی جبکہ کپتان ڈیرن سیمی 3 رنز بنا کر آؤٹ ہوئے۔ پشاور زلمی نے مقررہ 20 اوورز میں 4 وکٹوں کے نقصان پر 165 رنز اسکور کیے۔
کوئٹہ گلیڈی ایٹرز اننگز
ہدف کے تعاقب میں کوئٹہ گلیڈی ایٹرز کی جانب سے بیٹنگ کا آغاز واٹس سن اور احسن علی نے کیا، 8 رن کے مجموعی اسکور پر سرفراز الیون کی پہلی وکٹ گری تاہم احمد شہزاد نے واٹس کے ساتھ مل کر ذمہ دارانہ بیٹنگ کی۔
احمد شہزاد چوالیس گیندوں پر 50 رنز بناکر عمید آصف کی گیند پر کلین بولڈ ہو کر پویلین روانہ ہوئے، انہوں نے 45 گیندوں پر پانچ چوکوں کی مدد سے نصف سنچری اسکور کی یوں گلیڈی ایٹرز کی دوسری وکٹ 137 رنز پر گری۔
OUT! @iamAhmadshahzad (50) is bowled by @Oomad_A and Quetta Gladiators are 137/2 in the 16th over now
Watch ball-by-ball highlights: https://t.co/dihheBbDr4 #QGvPZ #PSL2019 #KhelDeewanoKa #CricketForAll pic.twitter.com/5Aq25wRmI9
— Cricingif (@_cricingif) March 4, 2019
اسکواڈ
پشاور زلمی
ڈیرن سیمی پشاور زلمی کے کپتان ہیں، دیگر کھلاڑیوں میں کامران اکمل، امام الحق، عمر امین، اینڈرے فلیچر، کیرون پولارڈ، ڈاسن، حسن علی، ابتشام شیخ، عمید آصف، اور وہاب ریاض شامل ہیں۔
کوئٹہ گلیڈی ایٹرز
سرفراز احمد کپتان ہیں، دیگر کھلاڑیوں میں احمد شہزاد، احسن علی، شین واٹسن، روسو، کامران اکمل، ڈیوائن براوو، محمد نواز، سہیل تنویر، محمد حسنین اور فواد احمد شامل ہیں۔
میچ سمری
A convincing victory for @TeamQuetta. Purple Force thrash Zalmi in Abu Dhabi by 8 wickets.#HBLPSL #KhelDeewanoKa #QGvPZ https://t.co/vjRugEDHzj pic.twitter.com/FxCqvWW3v3
— PakistanSuperLeague (@thePSLt20) March 4, 2019
پی ایس ایل کے ابتدائی تین مراحل میں کھلاڑیوں نے دبئی اور ابوظہبی میں زبردست کھیل کا مظاہرہ کیا، کھلاڑیوں نے میچ جیتنے کے لیے خوب محنت کی، باؤلرز وکٹیں اڑانے کو تیار تھے، تمام ٹیموں کے کپتان اور کھلاڑی ٹرافی حاصل کرنے کے لیے پرعزم ہیں۔
مزید پڑھیں: پی ایس ایل 4: کراچی شہر کو دلہن کی طرح سجا دیا گیا، ہیلتھ ایکشن پلان بھی تیار
خیال رہے کہ کراچی کنگز کے کولن انگرام نے سیزن فور کی پہلی سنچری بنائی اور ساتھ ہی 127 رنز بنا کر سب سے بڑی انفرادی اننگز کھیل کر میچ کے بہترین کھلاڑی قرار پائے۔
کراچی کنگز کے ہی بابر اعظم اور لیونگسٹن نے 157 رنز بنا کر پی ایس ایل کی سب سے بڑی شراکت قائم کی جسے ابھی تک کوئی برابر نہیں کرسکا۔
