کراچی: رمضان سے بیس روز قبل ہی مہنگائی کا عوام پرحملہ ہوگیا ٹماٹرکی قیمت عوام کی قوت خرید سےباہر ہوگئے۔
کراچی میں فی کلو ٹماٹر کی قیمت سو روپے پر جا پہنچی ہے،شہری ٹماٹر خریدتےہوئے لال پیلے ہورہے ہیں،جبکہ ہولسیل مارکیٹ میں یہ ستر روپےفی کلو میں فروخت ہورہے ہیں۔
سبز ی منڈی کے تاجروں کےمطابق سندھ میں سخت گرمی کےسبب ٹماٹرکی فصل متاثر ہوئی ہےجبکہ بلوچستان سےآنےوالی نئی فصل تاخیرکا شکار ہےجس کے سبب ٹماٹر وں کی قیمتوں میں اضافہ ہوا ہے۔
کراچی : ٹماٹر کی قیمت کو ایک بار پھر پر لگ گئے۔ہول سیل سطح پر ٹماٹر کی فی کلو قیمت میں پچیس روپے کا اضافہ ریکارڈ کیا گیا۔ ریٹیل سطح پر ٹماٹر نوے روپے فی کلو ہوگئے۔
سبزی منڈی ذرائع کے مطابق بھارت میں ٹماٹروں کی قلت ہوجانے اور ملک میں ٹماٹر کی فصل ختم ہونے سے ہول سیل سطح پرٹماٹرکی قیمت میں پچیس روپے تک کا اضافہ ریکارڈ کیا گیا ہے ۔
اضافے کےبعد ہول سیل سطح پر ٹماٹر پچاس روپے کلو ہوگئے ہیں جب کہ ریٹیل سطح پر ٹماٹر دو دن میں چالیس روپےاضافے کے بعد نوے روپےفی کلو ہوگئے۔
سبزی منڈی ذرائع کے مطابق بھارت میں ٹماٹر کی کمی کے باعث ٹماٹر کی تیس ٹرک کے بجائےدس سے پندرہ ٹرک آرہے ہیں جس کے بعد ٹماٹر کی سولہ کلو کی پیٹی کی قیمت میں ساڑھے چار سو روپے اضافے کے بعد آٹھ سو روپے کی ہوگئی ہے۔
اسلام آباد: حکومت نے آئی ایم ایف کو گیس اور بجلی کی قیمتوں میں اضافے کی یقین دہانی کروادی۔ آئی ایم ایف نے اگلی قسط کے حصول کیلئے بجلی اور گیس کی قیمت میں اضافے کی شرط عائد کر دی۔
حکومت نےآئی ایم ایف کو خوش کرنے کیلئے جنوری میں بجلی اور گیس کی قیمتوں میں اضافے کی یقین دہانی کروادی۔ ذرائع کے مطابق بجلی کی قیمت میں پانچ اعشاریہ چار فی صد جبکہ صنعتی اور تجارتی شعبے کو گیس کی قیمت میں تیس فیصد تک اضافہ متوقع ہے ۔
فنڈ نے توانائی کے شعبے میں اصلاحات جاری رکھنے کا مشورہ دیا ہے جب کہ بجلی پرسبسڈی کم کرکے جی ڈی پی کے صفر اعشاریہ سات فیصد تک کرنے کا کہاہے ۔
آئی ایم ایف رپورٹ کے مطابق رواں مالی سال مہنگائی کی شر ح آٹھ فیصد سے کم اور معاشی شرح نمو پانچ فیصد رہنے کی توقع ہے۔ زرمبادلہ ذخائر چودہ ارب ڈالر زائد سے رہنے کی توقع ہے۔ جاری کھاتوں کا خسارہ جی ڈی پی کے گیارہ فیصد سے زائد رہنے کا خدشہ ہے