ARYNews.tv | Urdu – Har Lamha Bakhabar

Tag: quaidabad

  • کراچی : آن لائن ٹیکسی چھیننے والا ملزم مقابلے میں ہلاک، ساتھی فرار

    کراچی : آن لائن ٹیکسی چھیننے والا ملزم مقابلے میں ہلاک، ساتھی فرار

    کراچی : سہراب گوٹھ سے آن لائن ٹیکسی بک کرنے کے بعد اسلحہ کے زور پر کار چھیننے والا ملزم مبینہ پولیس مقابلہ میں مارا گیا جبکہ اس کا ساتھی فرار ہوگیا۔

    اے آر وائی نیوز کی رپورٹ کے مطابق کراچی کے علاقے قائد آباد میں مبینہ پولیس مقابلہ ہوا ہے، جس میں پولیس نے ایک ملزم کو ہلاک کرنے کا دعویٰ کیا ہے جبکہ اس کا ساتھی فرار ہونے میں کامیاب ہوگیا۔

    پولیس کے مطابق مقابلے میں ہلاک ہونے والے ملزم شاہجہان کے قبضے سے اسلحہ اور موبائل فون برآمد ہوا ہے۔ ملزمان نے سہراب گوٹھ سے آن لائن ٹیکسی بک کرائی تھی۔

    ملزمان نے قائد آباد کے قریب ڈرائیور کو اسلحہ دکھا کر کار سے اتار دیا، آن لائن ٹیکسی ڈرائیور  نے قریب ہی موجود پولیس موبائل کو اطلاع دی۔

    پولیس نے ملزمان کاتعاقب کیا تو انہوں نے اہلکاروں پر فائرنگ کردی، مقابلے میں ایک ملزم موقع پر ہلاک جبکہ دوسرا زخمی حالت میں فرار ہوگیا۔

    اس سے قبل گزشتہ ماہ کراچی میں دو علاقوں میں ہونے والے پولیس مقابلوں کے دوران تین ملزمان ہلاک ہوگئے تھے جبکہ چوتھے ملزم کو زخمی حالت میں گرفتار کرلیا گیا۔

    گرفتار اور ہلاک ہونے والے ملزمان کے قبضے سے اسلحہ اور موٹر سائیکل برآمد کرلی گئی تھی، پہلا مقابلہ خواجہ اجمیر نگری کے علاقے میں ہوا تھا۔

    مزید پڑھیں : کراچی میں پولیس مقابلہ، 3 ڈاکو ہلاک، چوتھا گرفتار

    پولیس حکام کے مطابق ڈاکو تیموریہ کے علاقے میں واردات کے بعد فرار ہورہے تھے، کیفے پیالہ سے ہی پولیس اہلکار ملزمان کے پیچھے لگے ہوئے تھے اور کئی کلومیٹر دور خواجہ اجمیر نگری کے علاقے رشید آباد میں فائرنگ کے تبادلے میں دونوں ملزمان مارے گئے۔

    دوسری جانب نیو ایم اے جناح روڈ پر قائم پردہ پارک کے قریب پولیس کے ساتھ فائرنگ کے تبادلے میں ایک ملزم ہلاک جبکہ دوسرا زخمی حالت میں گرفتار کرلیا گیا۔

  • 9 سیکنڈز میں 55 لاکھ کی ڈکیتی، ویڈیو سامنے آ گئی

    9 سیکنڈز میں 55 لاکھ کی ڈکیتی، ویڈیو سامنے آ گئی

    کراچی: شہر قائد کے علاقے قائد آباد میں لٹیروں نے 9 سیکنڈز میں 55 لاکھ کی ڈکیتی کی اور فرار ہو گئے۔

    تفصیلات کے مطابق کراچی کے علاقے قائد آباد میں شہری سے سر عام لوٹ مار کی فوٹیج سامنے آ گئی ہے، جس میں 2 لٹیروں کو شہری سے رقم سے بھرا بیگ چھینتے دیکھا جا سکتا ہے۔

    موٹر سائیکل سوار لٹیروں نے شناخت چھپانے کے لیے ہیلمٹ پہن رکھے تھے، ایک لٹیرے نے اسلحہ نکال کر دھمکایا، اور دوسرے نے رقم سے بھرا بیگ چھین لیا۔

    پولیس ذرائع کا کہنا ہے کہ اس واردات میں راشد نامی شہری لٹیروں کا ہدف بنا، جو رقم بینک میں جمع کروانے جا رہا تھا۔ مصرف سڑک کے کنارے وہ جیسے ہی بیگ ہاتھ میں لیے کار سے اترا، موڑ پر موٹر سائیکل سوار دو ڈاکو اس کے سامنے آ گئے، یہ واردات محض نو سیکنڈز میں ہوئی اور لٹیرے بہ آسانی فرار ہو گئے۔

  • کراچی:‌ کم عمر لڑکے نے ماں‌ بیٹے کا بے دردی سے قتل کیوں‌ کیا؟ سنسنی خیز انکشاف

    کراچی:‌ کم عمر لڑکے نے ماں‌ بیٹے کا بے دردی سے قتل کیوں‌ کیا؟ سنسنی خیز انکشاف

    کراچی: شہر قائد کے علاقے قائد آباد میں ایک بیوہ خاتون اور ان کے بچے کے قتل میں ملوث ملزم کو گرفتار کر لیا گیا، تاہم مرکزی ملزم فرار ہو گیا۔

    تفصیلات کے مطابق کراچی کے علاقے قائد آباد، گوشت گلی میں گزشتہ ماہ بیوہ خاتون اور ان کے 2 سالہ بیٹے کے قتل کے ملزمان کی گرفتاری کے لیے خلد آباد میں چھاپا مارا گیا۔

    تفتیشی پولیس کے مطابق قتل میں ملوث ملزم عبدالحفیظ کو گرفتار کر لیا گیا ہے تاہم اس کا ساتھی رافع فرار ہو گیا، ملزم عبدالحفیظ کو مقتولہ کے موبائل فون کی مدد سے گرفتار کیا گیا ہے۔

    تفتیشی پولیس نے انکشاف کیا ہے کہ فرار ملزم رافع کم عمر اور مقتولہ کے شوہر کے دوست کا بیٹا ہے، ملزم رافع مقتولہ کے گھر میں پیسے دیکھ کر لالچ میں آ گیا تھا، وہ بہانے سے گھر پر آیا اور پھر ساتھی عبدالحفیظ کو بھی بلا لیا۔

    پولیس حکام کے مطابق ملزمان نے تیز دھار آلے سے خاتون کو قتل کیا اور پھر بچے کو بھی پانی کے ٹینک میں ڈبو کر مار دیا، واردات کے بعد ملزمان گھر سے رقم، سونا اور موبائل فون لے کر فرار ہو گئے۔

    پولیس حکام کا کہنا ہے کہ دونوں ملزمان نشے کے عادی ہیں، جب کہ ملزم رافع کی گرفتاری کے لیے چھاپے جاری ہیں۔

  • قائد آباد پولیس مقابلہ : دومقدمات درج، قتل، اقدام قتل، انسداد دہشت گردی کی دفعات شامل

    قائد آباد پولیس مقابلہ : دومقدمات درج، قتل، اقدام قتل، انسداد دہشت گردی کی دفعات شامل

    کراچی : گزشتہ روز قائد آباد میں مبینہ پولیس مقابلہ کے دو مقدمات درج کرلئے گئے مقدمے میں قتل، اقدام قتل، انسداد دہشت گردی اور غیر قانونی اسلحے کی دفعات شامل کی گئی ہیں۔

    تفصیلات کے مطابق قائد آباد کے علاقے میں گزشتہ روز ہونے والے مبینہ پولیس مقابلہ سے متعلق بتاتے ہوئے ایس ایس پی ملیر عرفان بہادر نے کہا کہ واقعے میں زخمی ہونے والے سادہ لباس دونوں اہلکار انٹیلی جنس ڈیوٹی پر تھے۔

    ایک اہلکار نے ڈاکو سے مقابلہ کرنے کی کوشش کی، اہلکارکی فائرنگ سے ڈاکو زخمی ہوا، جس پر ملزم نے بھاگ کر ایک گھر میں پناہ لے لی اور بچے کو یرغمال بنالیا۔

    عرفان بہادر کا مزید کہنا تھا کہ ملزم پہلے بھی کئی بار گرفتار ہوچکا ہے، ایس ایس پی ملیر کے مطابق واقعے کے دو مقدمات درج کرلیے گئے ہیں۔

    مقدمے میں قتل، اقدام قتل، انسداد دہشت گردی اور غیرقانونی اسلحے کی دفعات شامل کی گئی ہیں۔ واقعے کی تفتیش ایس ایس پی انویسٹی گیشن کی سربراہی میں کی جائے گی۔

    مزید پڑھیں: قائد آباد میں پولیس مقابلہ ، ملزم اور اہلکار زخمی، فائرنگ کی زد میں آکر بچہ جاں بحق

    یاد رہے کہ گزشتہ روز قائدآباد میں پولیس مقابلے کے دوران فائرنگ کی زد میں آکر بارہ سالہ بچہ جاں بحق ہوگیا تھا۔ ملزمان کی فائرنگ سے دو پولیس اہلکار بھی زخمی ہوئے تھے، پولیس نے ملزم کو زخمی حالت میں گرفتار کیا۔

    جاں بحق بچے کی پوسٹ مارٹم رپورٹ کے مطابق سجاد کو چار سے پانچ فٹ کے فاصلے سے چلائی گئی چھوٹے ہتھیار کی دو گولیاں لگیں، مقتول کو ایک گولی سر اور دوسری دائیں بازو میں لگی، سر میں لگنے والی گولی موت کی وجہ بنی۔

    گرفتار ملزم اسٹریٹ کرائمز اور پولیس مقابلوں میں ملوث اور پولیس کو دس سے زائد وارداتوں میں مطلوب تھا، اور حال ہی میں جیل سے رہا ہو کر آیا تھا۔

  • قائد آباد میں پولیس مقابلہ : ملزم اور اہلکار زخمی، فائرنگ کی زد میں آکر بچہ جاں بحق

    قائد آباد میں پولیس مقابلہ : ملزم اور اہلکار زخمی، فائرنگ کی زد میں آکر بچہ جاں بحق

    کراچی : قائدآباد میں پولیس مقابلے کے دوران فائرنگ کی زد میں آکر بارہ سالہ بچہ جاں بحق ہوگیا، ملزمان کی فائرنگ سے دو پولیس اہلکاراور بچہ زخمی ہوا تھا، پولیس نے ملزم کو زخمی حٓلت میں گرفتار کرلیا۔

    تفصیلات کے مطابق کراچی کے علاقے قائدآباد میں پولیس مقابلہ کے دوران ملزمان کی فائرنگ سے زخمی بچہ اسپتال پہنچ کر جاں بحق ہوگیا،12سالہ سجاد نے جناح اسپتال میں دوران علاج زخموں کی تاب نہ لاتے ہوئے دم توڑا۔

    ملزمان کی فائرنگ سے دو پولیس اہلکاراور بچہ زخمی ہوا تھا، پولیس نے مقابلے کے بعد ایک ملزم کو زخمی حالت میں گرفتار کیا تھا۔ بعد ازاں ملزم کی فائرنگ سے جاں بحق بچے کا پوسٹ مارٹم مکمل کرلیا گیا۔

    رپورٹ کے مطابق سجاد کو چار سے پانچ فٹ کے فاصلے سے چلائی گئی چھوٹے ہتھیار کی دو گولیاں لگیں، ڈاکٹر اعجاز احمد کا کہنا ہے کہ مقتول کو ایک گولی سر اور دوسری دائیں بازو میں لگی، سر میں لگنے والی گولی موت کی وجہ بنی۔

    قبل ازیں قائدآباد میں پولیس اور ملزم کےدرمیان فائرنگ کاتبادلہ ہوا تھا، پولیس کے مطابق فائرنگ کے تبادلے کے بعد ملزم زخمی حالت میں گرفتار ہوا۔

    گرفتار ملزم عادی مجرم ہے، اسٹریٹ کرائمز اور پولیس مقابلوں میں ملوث ہے اور پولیس کو دس سے زائد وارداتوں میں مطلوب تھا، ملزم حال ہی میں جیل سے رہا ہو کر آیا ہے۔

  • قائد آباد پولیس مقابلے میں ہلاک ملزمان کی شناخت ہوگئی

    قائد آباد پولیس مقابلے میں ہلاک ملزمان کی شناخت ہوگئی

    کراچی: گزشتہ روز کراچی کے علاقے قائد آباد میں پولیس مقابلے میں ہلاک ملزمان کی شناخت ہوگئی۔ پولیس کا دعویٰ ہے کہ ملزمان کالعدم تنظیم کے ارکان جبکہ جمعیت علمائےاسلام ف نے ایک ملزم کو اپنا علاقائی عہدیدار قراردیا ہے اور جعلی مقابلے کا الزام عائد کیا ہے۔

    پولیس کا کہنا ہے کہ جمعےکی شام مقابلے کےبعد ہلاک کئےگئے تمام افراد دہشت گردی کی متعدد کارروائیوں میں ملوث تھے۔دوسری جانب جمعیت علمائے اسلام ف کاکہناہےکہ ہلاک شدگان میں شامل مفتی شاہ فیصل ان کی جماعت کےعلاقائی عہدیدار تھے۔

    انہیں تین ماہ قبل تیسرٹاؤن سےحراست میں لیا گیاتھا اور کل جعلی پولیس مقابلے میں شہید کردیا گیا۔ جمعیت علمائے اسلام ف نےاعلان کیا کہ مقتول کارکن کی نماز جنازہ آج بعد نمازِظہر وزیراعلیٰ ہاؤس کے سامنےادا کی جائیگی جس کے بعد احتجاج کیا جائےگا۔