Tag: QuaidEAzam

پشاور: وزیراعظم شاہد خاقان عباسی کا کہنا ہے کہ بابائے قوم قائد اعظم محمد علی جناح کے اصولوں کو اپنالیں توپاکستان کسی ملک سے پیچھے نہیں رہے گا۔

تفصیلات کے مطابق اسلامیہ کالج پشاور میں وزیراعظم شاہدخاقان عباسی نے قائداعظم کے یوم پیدائش پرتقریب سے خطاب کرتے ہوئے کہا کہ قائداعظم کےپاس فوج اورہتھیارنہیں بلکہ علم کی طاقت تھی۔

انہوں نے کہا کہ فہم وفراست اورعلم کی بنیاد پر بابائے قوم قائداعظم نے مسلم حقوق کی جنگ لڑی۔

وزیراعظم پاکستان نے کہا کہ قائداعظم کواسلامیہ کالج سے دلی محبت تھی، انہوں نےتحریک پاکستان میں اسلامیہ کالج کے طلبا کی ہمیشہ تعریف کی۔

انہوں نے کہا کہ تعلیم کے بغیر ترقی ممکن نہیں اور تعلیم سے بہترکوئی سرمایہ کاری نہیں ہے ہمیں اپنا تعلیمی نظام بدلنے کی ضرورت ہے، ڈگریاں بانٹنے سے مسائل حل نہیں ہوں گے۔

بابائےقوم قائداعظم کے یوم ولادت پرصدرمملکت اوروزیراعظم کا پیغام

وزیراعظم نے تقریب سے خطاب کرتے ہوئے کہا کہ بچوں کو معیاری تعلیم دی جائے، ایسی تعلیم کہ جب بچہ تعلیم مکمل کرے تو اس کے پاس صرف ڈگری نہ ہو بلکہ تعلیم بھی ہو۔

انہوں نے کہا کہ پاکستان کے ہرضلع میں یونیورسٹی بنانے کا تہیہ کررکھا ہے، تعلیم کےفروغ میں ہائرایجوکیشن کمیشن کا کردار بہت اہم ہے۔

وزیراعظم نے اسلامیہ کالج پشاور میں طلبا سے خطاب کرتے ہوئے کہا کہ احسن اقبال کے ہوتے ہوئے پریشانی کی کوئی ضرورت نہیں ہے، آپ کی جو بھی ضروریات ہوں گی وہ پوری کی جائیں گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اسلام آباد: قائداعظم محمدعلی جناح کے یوم ولادت پر صدرمملکت ممنون حسین اوروزیراعظم شاہدخاقان عباسی کا کہنا ہے کہ بابائے قوم کوخراج عقیدت پیش کرنےکے لیےان کےافکارپرعمل کرنا ہوگا۔

تفصیلات کے مطابق صدرمملکت ممنون حسین نے قائداعظم محمدعلی جناح کےیوم ولادت پراپنے پیغام میں کہا کہ قائداعظم نےقوم کے لیے اتحاد،ایمان،نظم وضبط جیسے رہنما اصول وضع کیے۔

صدرمملکت نے کہا کہ بانیان پاکستان کےسبق کوفراموش کرنے سے مسائل پیدا ہوئے، آج کا دن ہمیں قومی حالات کا جائزہ لینے کا درس دیتا ہے۔

صدرممنون حسین نے کہا کہ مادروطن کی ترقی، خوشحالی کے لیے کسی قربانی سے گریزنہ کیا جائے، انہوں نے کہا کہ سیاسی، معاشی ، انتظامی مسائل پرقابوپا کرہی ترقی، خوشحالی ممکن ہے۔

وزیراعظم شاہد خاقان عباسی نے قائداعظم محمدعلی جناح کی سالگرہ پراپنے پیغام میں کہا کہ آج کا دن ہمارے لیےبحیثیت قوم بہت اہمیت کاحامل ہے۔

انہوں نے کہا کہ قائداعظم نے اتحاد، ایمان، تنظیم کے رہنما اصول مرتب کیے، آج کے دن ہمیں عظیم قائد کےاصولوں اور مقاصد کاجائزہ لینا ہوگا۔

وزیراعظم شاہد خاقان عباسی نے کہا کہ قائداعظم نے جمہوری اصولوں کی بنیاد پرمسلمانان ہند کامقدمہ لڑا۔

بابائےقوم قائداعظم محمدعلی جناحؒ کا یوم ولادت آج منایا جارہا ہے

واضح رہے کہ ملک بھر میں آج بابائے قوم قائداعظم محمد علی جناح کا 142واں یوم ولادت انتہائی عقیدت واحترام اور ملی جوش وجذبے کے ساتھ منایا جارہا ہے

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔