کراچی: لیگ ن کے صدرشہباز شریف کا کہنا ہے کہ کراچی کو جنوبی ایشیا کا پیرس بنائیں گے، میں نے جو بھی وعدہ کیا وہ پورا کیا، جو ابھی وعدے کررہا ہوں وہ بھی پورے کروں گا ، انشااللہ کراچی سے جیت کر کراچی کی نمائندگی کروں گا۔
تفصیلات کے مطابق ن لیگ ن کے صدرشہباز شریف نے مزار قائد پر حاضری دی، فاتحہ خوانی کی اور پھول چڑھائے، اس موقع پر شہباز شریف نے میڈیا سے سے بات چیت کرتے ہوئے کہا کہ کراچی کو جنوبی ایشیا کا پیرس بنائیں گے ، جب لاہورپیرس بنانےکی بات کی تولوگ مذاق سمجھ رہے تھے، اب کراچی کو لاہور جیسا خوبصورت بناؤں گا۔
شہباز شریف کا کہنا تھا کہ میں اگر عمرے پر جاتا تو پی آئی اے پر جاتا ، میں نے جو بھی وعدہ کیا وہ پورا کیا، جو ابھی وعدے کررہا ہوں وہ بھی پورے کروں گا۔
صدر مسلم لیگ ن نے کہا کہ آج کراچی سے اپنی انتخابی مہم شروع کررہا ہوں ، انشااللہ کراچی سے جیت کر کراچی کی نمائندگی کروں گا ، مجھےکراچی کے لوگوں کا اعتماد چاہیے۔
مزید پڑھیں : وعدہ کرتاہوں 3سال میں کراچی کے ہر گھر میں پانی ہوگا اور6ماہ میں تمام کچراصاف کردیں گے، شہباز شریف
اس سے قبل فیڈریشن سے خطاب میں کرتے ہوئے شہباز شریف کا کہنا تھا کہ وفاق میں حکومت ملی تو صوبائی حکومت کیساتھ مل کر کراچی کواس کا مقام دلوائیں گے، وعدہ کرتا ہوں تین سال میں ہر گھر میں پانی کی فراہمی اور 6 مہینے کے اندر کراچی کا تمام کوڑا کرکٹ اٹھائیں گے۔
مسلم لیگ ن صدر کا کہنا تھا کہ ایک نہیں10 منصوبے گنوا سکتا ہوں جن پر توجہ دی گئی، ایسے کئی منصوبے ہیں، جن پرخصوصی توجہ دی اور انہیں مکمل کیا، ہمیں جھوٹ کے بجائے اپنی کارکردگی پر جواب دینا چاہیے، ملک میں 18 ،18گھنٹے لوڈشیڈنگ ہوتی تھی، فیکٹریاں بند تھیں، آج ملک کا پہیہ چل رہا ہے، لوڈشیڈنگ کا 90 فیصد تک خاتمہ کیا۔
