Tag: Quarrel with wife

بھارت میں ایک شخص نے اپنی بیوی اور اس کے میکے والوں سے جھگڑے کے بعد ایسا اقدام اٹھایا کہ دیکھنے والے خؤف سے کانپ گئے، پولیس نے لاش تحویل میں لے کر اسپتال منتقل کردی۔

بھارتی شہر حیدرآباد کے ایک اعلیٰ تعلیم یافتہ شخص نے بیوی سے جھگڑوں سے انتہائی تنگ آکر خودکشی کرلی۔ یہ واقعہ گولکنڈہ پولیس اسٹیشن حدود میں پیش آیا۔

تفصیلات کے مطابق36 سالہ سنتوش نامی شخص حیدرآباد کے ایک مقامی بینک میں ملازمت کررہا تھا، سنتوش کی شادی سال 2013 میں اسی شہر سے تعلق رکھنے والی کلیانی نامی لڑکی سے ہوئی تھی۔

ان دونوں کا ایک 6 سالہ بیٹا ابھیرام ہے جو گزشتہ کچھ عرصہ سے کافی بیمار ہے، گھر میں میاں بیوی کے درمیان ہونے والی معمولی تکرار پر کلیانی نے سنتوش سے جھگڑا کیا۔

سنتوش نے بیوی کی ہراسانی سے تنگ آکر خودکشی کا فیصلہ کرتے ہوئے کیڑے مارنے والی دوا آن لائن منگواکر جمعہ کی پی لیا۔ جس کے ساتھ ہی سنتوش کی طبیعت بگڑگئی اسے فوری طور پر علاج کے لئے دواخانے میں شریک کیا گیا، جہاں اتوار کی رات اس کی موت واقع ہوگئی۔

سنتوش نے خودکشی کرنے سے پہلے ایک ویڈیو ریکارڈ کی، اس میں واضح کیا کہ اس کی بیوی کلیانی اس کی موت کی ذمہ دار ہے۔

سنتوش نے الزام عائد کیا کہ کلیانی کے گھر والوں نے اب تک تین بار اسے قتل کرنے کی کوشش کی ہے اور اسے مقدمات اور پنچایتوں سے ہراساں کیا گیا ہے۔

اپنی آخری ویڈیو میں سنتوش کا کہنا تھا کہ کلیانی کے والدین ارونا، پنڈاری ناتھ، کلیانی کے بھائی گنیش اور بابا بھیم نے اسے قتل کرنے کی بھی کوشش کی تھی۔