Tag: quetta operation

کوئٹہ: حساس اداروں اورسیکورٹی فورسز نے کالعدم تنظیم کے تین ملزمان کو گرفتار کرلیا، ایک ملزم خالد ائیربیسز پر حملوں میں ملوث ہے۔

سیکورٹی فورسز اور احساس اداروں نے کوئٹہ کے نواحی علاقے مغربی بائی پاس پر کارروائی کے دوران تین اہم اور مطلوب دہشتگرد گرفتار کرلئے ہیں، گرفتار دہشتگردوں کا تعلق کالعدم تنظیم سے ہے۔

ایک ملزم خالد ائیر بیس اور اسمگلی ائیر بیس پر حملے میں ملوث ہے، جس کا تعلق میران شاہ وزیرستان سے ہے، دیگر دو ملزمان ٹارگٹ کلنگ اور قتل کے متعدد مقدمات میں پولیس کو مطلوب ہیں۔

ملزمان کے قبضے سے اسلحہ اور دھماکہ خیز مواد برآمد کر لیا گیا ہے۔

وزیرِداخلہ بلوچستان میر سرفراز بگٹی کا کہنا ہے کہ ہم دہشتگردی کے خلاف جنگ لڑ رہے ہیں، را پاک چائنہ کوری ڈور کے خلاف سازشیں کررہا ہے۔

سی سی پی او کوئٹہ کا کہنا تھا کہ ٹارگٹ کلنگ کے واقعات کی روک تھام کے لئے موثر اقدامات کئے جارہے ہیں، گرفتار ملزمان سے اہم انکشفات متوقع ہیں۔