ARYNews.tv | Urdu – Har Lamha Bakhabar

Tag: Quetta

  • کوئٹہ میں دومسیحی لڑکیاں تیزاب گردی کا نشانہ بن گئیں

    کوئٹہ میں دومسیحی لڑکیاں تیزاب گردی کا نشانہ بن گئیں

    کوئٹہ: بلوچستان کے صوبائی دارالحکومت میں نامعلوم افراد دو لڑکیوں پرتیزاب پھین کرفرارہوگئے۔

    تفصیلات کے مطابق کوئٹہ کے علاقے سبزی منڈی میں موٹر سائیکل پرسوار نامعلوم افراد نے دو لڑکیوں کو تیزاب گردی کا نشانہ بنایا اور موقع واردات سے با آسانی فرار ہونے میں کامیاب ہوگئے۔

    متاثرہ لڑکیوں کو انتہائی تشویش ناک حالت میں بولان میڈیکل کمپلکس منتقل کیا گیا جہاں انہیں طبی امداد فراہم کی جارہی ہے۔

    سی سی پی او کوئٹہ رزاق چیمہ کا کہنا ہے کہ تیزاب گردی کا نشانہ بننے والی لڑکیوں کا تعلق مسیحی برادری سے ہے ایک کا نام رمشا بتایا گیا ہے جس کی عمر 27 سال ہے جبکہ دوسری حنا ہے جس کی عمر 15 سال بتائی گئی ہے۔

    متاثرہ لڑکیوں کے اہلِ خانہ کے مطابق لڑکیوں کو  وجے نامی نوجوان نے ذاتی دشمنی کی بنا پر تیزاب گردی کا نشانہ بنایا ہے۔

    پولیس کا کہنا ہے کہ واقعے میں ملوث افراد کو جلد از جلد گرفتار کرکے عبرت ناک سزا دی جائے گی۔

    بلوچستان میں شدت پسند عناصر کے قوت پکڑنے کے بعد سے تیزاب گردی کے واقعات میں اضافہ ہوا ہے گذشتہ سال جولائی میں بھی ضلع پشین میں 6 خواتین کو تیزاب گردی کا نشانہ بنایا گیا تھا۔

  • اکبر بگٹی قتل کیس: پرویز مشرف کو پیشی سے مستقل استثنیٰ مل گیا

    اکبر بگٹی قتل کیس: پرویز مشرف کو پیشی سے مستقل استثنیٰ مل گیا

    کوئٹہ : اکبر بگٹی قتل کیس کی سماعت کرنے والی انسداد دہشت گردی کی عدالت نے سابق صدر پرویز مشرف کو پیشی سے مستقل استثنیٰ دیدیا، جج کا کہنا تھا کہ مقدمہ کی کارروائی تیزی سے آگے بڑھانا چاہتےہیں۔

    تفصیلات کے مطابق نواب اکبر خان بگٹی مقدمہ قتل کی سماعت کوئٹہ کی انسداد دہشت گردی کی عدالت ون کے جج آفتاب احمد لون نے کی۔

    نوابزادہ جمیل اکبر بگٹی کے وکیل سہیل احمد راجپوت عدالت میں بطور گواہ پیش ہوئے تو سابق صوبائی وزیر داخلہ شعیب احمد نوشیروانی کے وکیل محمد فاروق نے ان سے جرح کی، جبکہ سابق صدر پرویز مشرف کے وکیل نے گواہ سے جرح نہ کرنے کو ترجیح دی۔

    کارروائی مکمل ہونے کے بعد عدالت نے سابق صدر پرویز مشرف کی جانب سے دوران مقدمہ عدالت میں حاضری سے مستقل استثنیٰ کی دائر درخواست پر گزشتہ سماعت میں کیا گیا محفوظ فیصلہ سنا دیا۔

    نوابزادہ جمیل اکبر بگٹی کے وکیل کا کہنا تھا کہ مقدمے میں نامزد ملزمان کی جانب سے تاخیری حربوں کی ہمیشہ مخالفت کرتے رہیں گے۔

    سابق وفاقی وزیر داخلہ آفتاب شیرپاؤ کے وکیل کی عدم حاضری پر عدالت نے برہمی کا اظہارکیا اور ہدایت کی کہ آئندہ سماعت پرہر صورت پیش ہوں۔

    بصورت دیگر وکیل کو نوٹس کے علاوہ موکل کے وارنٹ گرفتاری بھی جاری کریں گے،جس کے بعد سماعت یکم جون تک کے لئے ملتوی کردی گئی۔

  • صولت مرزا کو پھانسی سے کسی حد تک انصاف مل گیا، بیوہ شاہد حامد

    صولت مرزا کو پھانسی سے کسی حد تک انصاف مل گیا، بیوہ شاہد حامد

    اسلام آباد: صولت مرزاکےہاتھوں قتل ہونےوالےشاہدحامد کی بیوہ نےکہا ہے کہ مجرم کی پھانسی سےکسی حد تک انصاف مل گیا،ان کی ایف آئی آر میں ایم کیوایم کانام تھا، جبکہ چالان میں الطاف حسین سمیت پانچ افراد کےنام ہیں ۔

    اے آروائی نیوزکےپروگرام آف دی ریکارڈ میں خصوصی بات کرتے ہوئے انہوں نے کہا کہ صولت مرزا کی پھانسی سےایک حدتک انصاف مل گیا،ایف آئی آر ایم کیوایم کےخلاف درج کرائی،چالان میں الطاف حسین سمیت5افرادکےنام ہیں۔

     ان کا کہنا تھا کہ شاہد حامد کےای ایس سی کوٹھیک کرنا چاہتےتھےجوایک پارٹی کوپسند نہیں تھا فاروق ستار،وسیم اختر اور نسرین جلیل نےشاہد حامد کو دھمکیاں دیں۔

    شہناز حامد کا کہنا تھا کہ شاہد حامد کو دھکمیاں دی گئیں کہ کراچی میں رہنا ہے تو ہمارے کہنے پرچلو بیٹے کو دھمکیاں دی گئیں،دوستوں سے کہلوایا کہ صولت مرزا کومعافی دے دو ایم کیوایم کو ڈرتھااسٹارٹیرارسٹ لٹک گیا تو کوئی ہمارے لیے کام نہیں کرے گا۔

  • صولت مرزا کی اہلیہ نے شاہد حامد کیس دوبارہ کھولنے کی درخواست کردی

    صولت مرزا کی اہلیہ نے شاہد حامد کیس دوبارہ کھولنے کی درخواست کردی

    کراچی: صولت مرزا کی اہلیہ نےسندھ ہائی کورٹ میں شاہد حامد کیس دوبارہ کھولنے کیلئے درخوست دائر کردی ۔

    صولت مرزاکی اہلیہ نےسندھ ہائیکورٹ میں پٹیشن دائر کی ہے کہ جے آئی ٹی کی تفتیش مکمل ہونے تک اسکےشوہرکی پھانسی موخر کی جائے۔

    درخواست میں استدعا کی گئی کہ انصاف کے تقاضے پورے کرنےکیلئےشاہدحامدکیس بھی دوبارہ کھولا جائے،سابق ایم ڈی کی ای ایس سی کے قتل میں ملوث دیگرملزمان کوبھی کیفرِکردار تک پہنچایا جائے۔

    اس سے پہلےصولت مرزاکےخط پرکارروائی کرتےہوئے سندھ ہائی کورٹ نے انسپیکشن ٹیم کوہدایت کی تھی کہ صولت مرزا کے تمام مقدمات کی تفصیلات فراہم کی جائیں۔

    مچھ جیل حکام کے مطابق صولت مرزاسےآج انکےاہل خانہ نے بھی ملاقات کی۔

  • ریکوڈک منصوبہ دوبارہ شرو ع کرانے پرغورکر رہے ہیں، عبدالمالک بلوچ

    ریکوڈک منصوبہ دوبارہ شرو ع کرانے پرغورکر رہے ہیں، عبدالمالک بلوچ

    کوئٹہ : وزیراعلیٰ بلوچستان عبدالمالک بلوچ نےکہا ہے کہ  ریکوڈک کے معاملے پر سنجیدہ ہیں، منصوبہ بین الاقوامی ٹینڈرزکےذریعےدوبارہ شرو ع کرانے پر غورکر رہے ہیں۔

    تفصیلات کے مطابق ریکوڈک کیس میں بلوچستان حکومت کے وکیل احمر بلال صوفی نے پیر کو وزیر اعلی بلوچستان کے ہمراہ اراکین صوبائی اسمبلی کو ریکوڈک کیس کے بارے میں بریفنگ دی۔

    انہوں نے کہا کہ بلوچستان حکومت آدھاکیس جیت چکی ہے جبکہ مزید کامیابی کی توقع بھی ہے ،احمر بلال صوفی نے بتایا کہ ٹھیتیان کاپرنامی بین الاقوامی ماضی میں کئے گئے معاہدے کا فائدہ اٹھاکر ریکوڈک میں نوے سکوائر کلو میٹر کے علاقے میں کان کنی کا دعویٰ کررہی تھی لیکن اسے مسلسل ناکامی کا سامنا ہے ۔

    اس موقع پر اراکین کے سوالات کے جواب دیتے ہوئے وزیر اعلیٰ بلوچستان ڈاکٹر عبدالمالک بلوچ کا کہنا تھا کہ بلوچستان حکومت ریکوڈک کیس کے حوالے سنجیدہ ہے اور ہماری خواہش ہے کہ مستقبل میں ریکوڈک منصوبے پر بین الاقوامی سطح پر ٹینڈر طلب کئے جائیں۔

    بریفنگ کا مقصد اراکین اسمبلی کو ریکوڈک کیس سے متعلق حکومتی اقدامات پر اعتماد میں لینا تھا، تاہم حزب اختلاف کی جماعتوں کی جانب سے شدید عدم اطمینان کا اظہار کیا گیا اور مطالبہ کیا گیا کہ حکومت صوبے کی تمام سیاسی جماعتوں کو برابری کی بنیاد پر اعتماد میں لینے کے لئے اقدامات کرے۔

  • پاک چائنا منصوبوں میں تمام صوبوں کو نمائندگی دی جائے، لیاقت بلوچ

    پاک چائنا منصوبوں میں تمام صوبوں کو نمائندگی دی جائے، لیاقت بلوچ

    کوئٹہ : جماعت اسلامی کے سیکرٹری جنرل لیاقت بلوچ نے کہا ہے کہ ترقیاتی منصوبوں میں پنجاب کو ترجیح دینا اور دیگر صوبوں کو نظرانداز کرنے کا رویہ درست نہیں ہوگا۔

    صوبوں کو مساوی بنیادپر حقوق دیئے جائیں ،ان خیالات کا اظہار انہوں نے کوئٹہ میں وزیراعلیٰ بلوچستان ڈاکٹرعبدالمالک بلوچ کے ہمراہ پریس کانفرنس سے خطاب کرتے ہوئے کیا۔

    لیاقت بلوچ نے میڈیا سے گفتگو کرتے ہوئے کہا کہ چائنا ہمارا دوست اور معاشی طور پر پاکستان کی مدد کررہا ہے، ان کا کہنا تھا کہ تمام پروجیکٹس میں تمام صوبوں کو نمائندگی دی جائے تاکہ ایک صوبے کے حوالے منفی تاثر کا خاتمہ ہوسکے۔

    انہوں نے کہا کہ بلوچستان میں بے روزگاری سے نوجوان پریشان ہیں، وزیراعلیٰ بلوچستان کو اس حوالے سے خصوصی اقدامات کرنے ہونگے۔

    اس موقع پر وزیراعلیٰ بلوچستان ڈاکٹر عبدالمالک بلوچ کا کہنا تھا کہ اکاشغر روٹ میں تبدیلی اور نئے روٹ سے متعلق مجھے سے مشورہ نہیں کیا گیا ہے، گوادر کیلئے جو پیسہ آئے گا اسے وہاں کی فلاحی وبہبود پر خرچ کرینگے۔

  • صولت مرزا کی پھانسی پرعملدرآمد میں توسیع کی مدت مکمل

    صولت مرزا کی پھانسی پرعملدرآمد میں توسیع کی مدت مکمل

    مچھ : بلوچستان کے مچھ جیل میں قید دو ہرے قتل کے مجرم صولت مرزا کی سزائے موت پر عملدرآمد میں توسیع ختم جیل حکام کو نئے ڈیتھ وارنٹ تاحال موصول نہیں ہوئے۔

    مچھ جیل حکام کے مطابق صولت مرزا کے سزائے موت پر عملدرآمد صدارتی حکم نامہ کے مطابق ایک ماہ کے لئے تک روک دی گئی تھی جو آج 30اپریل کو پوری ہوگئی، اب نئے ڈیتھ وارنٹ جاری ہونے کے بعد ہی صولت مرزا کے سزائے موت پر عملدرآمد ہوسکے گا جس کے لئے کراچی کے انسداد دہشتگردی کی عدالت کو مراسلہ بھیجا گیا جہاں سے اب تک کوئی جواب موصول نہیں ہوا۔

     اس سے قبل صولت مرزا کے انکشافات پر مبنی ویڈیو بیان منظر عام پر آنے کے بعد 18مارچ کو پھانسی سے صرف چند گھنٹے قبل دوہرے قتل کے مجرم کی سزائے موت پر عملدرآمد تین روز کے لئے روک دی گئی تھی جس کے بعد پھانسی یکم اپریل کے ڈیتھ وارنٹ جاری ہوئے جس پر 31مارچ کوجاری ہونے والے صدارتی حکم نامہ کے تحت عملدرآمد ایک ماہ کے لئے روک دی گئی۔

  • اہلخانہ کو جنوبی افریقہ سے دھمکیاں دی جارہی ہیں ،صولت مرزا کاخط

    اہلخانہ کو جنوبی افریقہ سے دھمکیاں دی جارہی ہیں ،صولت مرزا کاخط

    اسلام آباد: شاہد حامد قتل کیس کے مجرم صولت مرزا نے سندھ ہائی کورٹ کو چار خطوط لکھے ہیں جن میں کہا ہے کہ انکی اہلیہ کو جنوبی افریقہ سے دھمکی آمیز فون آرہے ہیں، عدالت اہلیہ اور خاندان کو تحفظ فراہم کرے۔

    سندھ ہائی کورٹ کو لکھے گئے خطوط میں صولت مرزا نے کہا ہے کہ ان کی اہلیہ کو جنوبی افریقہ سے دھمکی آمیز ٹیلیفون کالز آر ہی ہیں ، انکی اہلیہ کال کرنےو الوں کو جانتی ہیں۔

     اس لئےمتعلقہ ایس ایس پی ان کی اہلیہ کا بیان قلم بند کریں اورملزمان کیخلاف کاروائی عمل میں لائی جائے صولت مرزا نے مطالبہ کی اہے کہ دھمکی آمیز کالز کرنے والوں کے کے ناقابل ضمانت وارنٹ جاری کئے جائیں۔

     انہوں نے اپنی بیوی اور اہلہ خانہ کو تحفظ فراہم کرنے کی بھی درخواست کی ہے اور کہا ہے کہ جب تک اس مسئلہ کی تفتیش مکمل نہیں ہوجاتی ان کی سزا پر عمل درآمد موخر کیا جائے۔

     سندھ ہائی کورٹ ذرائع کے مطابق عدالت کے رجسٹرار نے خط اعتراض لگا کر واپس کر دئے ہیں اور صولت مرزا سے کہا گیا ہے کہ عدالتیں خطوط پر کارروائی نہیں کرتیں، صولت مرزا عدالتی کاروائی چاہتے ہیں تو عدالتی طریقہ کار استعمال کیا جائے۔

  • نوابزادہ طلال اکبر بگٹی کی نماز جنازہ کوئٹہ میں ادا کردی گئی

    نوابزادہ طلال اکبر بگٹی کی نماز جنازہ کوئٹہ میں ادا کردی گئی

    کوئٹہ : مرحوم نوابزادہ طلال اکبر بگٹی کی نماز جنازہ کوئٹہ میں ادا کردی گئی ہے، نوابزادہ طلال اکبر بگٹی گزشتہ روز حرکت قلب بند ہونے کے بعد انتقال کرگئے تھے جن کی نماز جنازہ بگٹی ہاؤس میں ادا کردی گئی ۔

    نماز جنازہ کی ادائیگی کے بعد نوابزادہ طلال بگٹی کی میت ہیلی کاپٹر کے ذریعے ڈیرہ بگٹی روانہ کردی گئی ، ہیلی کاپٹر کمانڈر سدرن کمانڈ لیفٹنٹ جنرل ناصر خان جنجوعہ نے فراہم کیا ۔

    نوابزادہ طلال اکبر بگٹی کی تدفین اُن کے آبائی قبرستان میں کی جائے گی۔انہیں ڈیرہ بگٹی میں نواب اکبر بگٹی کے پہلو میں سپرد خاک کیا جائیگا۔

    واضح رہے کہ اکبر بگٹی کی وفات کے بعد جمہوری وطن پارٹی کی قیادت سنبھالنے والے نوابزادہ طلال اکبر بگٹی گزشتہ روز مختصر علالت کے بعد کوئٹہ میں انتقال کر گئے تھے۔

    جے ڈبلیو پی نے ان کے انتقال پر سات روزہ سوگ کا اعلان کیا ہے۔

  • کوئٹہ میں بس پرفائرنگ، دوجاں بحق

    کوئٹہ میں بس پرفائرنگ، دوجاں بحق

    کوئٹہ: شہرکے مغربی بائی پاس کے نزدیک ایک بس پرفائرنگ کا واقعہ پیش آیا جس میں دو افراد جاں بحق ہوگئے ہیں۔

    تفصیلات کے مطابق واقعہ مغربی بائی پاس پرواقع سیٹلائٹ ٹاؤن کے نزدیک نامعلوم مسلح افراد نے ایک مسافرکوچ کو فائرنگ کی زد پررکھ لیا۔

    فائرنگ کے نتیجے میں دو افراد جائے وقوعہ پرہی جاں بحق ہوگئے جبکہ ایک شخص زخمی ہوا ہے جسے سول اسپتال کوئٹہ منتقل کیا جارہا ہے۔

    واقعے میں جاں بحق اورزخمی ہونے والے افراد کی تاحال شناخت نہیں ہوسکی ہے۔

    کوئٹہ میں بس پر فائرنگ آٹھ افراد ہلاک

    پولیس اورسیکیورٹی اداروں نے جائے وقوعہ پرپہنچ کرعلاقے کو گھیرے میں لے لیا ہے اورتحقیقاتی کاروائی شروع کردی ہے۔

    واضح رہے کہ بلوچستان میں اس سے قبل بھی بسوں پرحملے ہوتے رہے ہیں جن میں  پیمانے پرانسانی جانوں کا نقصان ہوا ہے۔