ARYNews.tv | Urdu – Har Lamha Bakhabar

Tag: Quetta

  • حکومت،عسکری قیادت مذاکرات کیلئے تیار ہے، ڈاکٹر عبدالمالک

    حکومت،عسکری قیادت مذاکرات کیلئے تیار ہے، ڈاکٹر عبدالمالک

    کوئٹہ : وزیراعلیٰ بلوچستان نے کہا ہے کہ بلوچستان کا مسئلہ حل کرنے کے لئے حکومت اور عسکری قیادت مذاکرات کے لئے ہمہ وقت تیار ہے۔

    کوئٹہ میں بلوچستان اسمبلی کے اجلاس کے بعد صحافیوں سے گفتگو کرتے ہوئے وزیر اعلیٰ بلوچستان کا کہنا تھا کہ صوبے میں خون خرابہ روکنے کے لئے ہر ایک پاس جانا چاہتے ہیں۔

    پرامن بلوچستان سب سے بڑی خواہش ہے، انہوں نے کہا کہ خواہشات کی تکمیل کے لئے سب کو ملکر صوبے میں امن وامان کی خاطر کردار ادا کرنا چاہئے۔

    ڈاکٹر عبدالمالک کا کہنا تھا کہ تربت میں بیس مزدوروں کے قتل کے واقعے کی تحقیقاتی رپورٹ جلد منظر عام پر لائی جائے گی۔

  • بلوچستان میں قیام امن کیلئے کسی قربانی سے دریغ نہیں کرینگے، میجرجنرل شیرافگن

    بلوچستان میں قیام امن کیلئے کسی قربانی سے دریغ نہیں کرینگے، میجرجنرل شیرافگن

    کوئٹہ : آئی جی ایف سی میجرجنرل شیر افگن نے کہا ہے کہ بلوچستان کو پرامن بنانے مثالی صوبہ بنانے کے لئے کسی قربانی سے دریغ نہیں کیا جائے گا۔

    وہ کوئٹہ میں سیکورٹی کانفرنس سے خطاب کررہے تھے،انہوں نے کہا کہ صوبے میں امن وامان کے قیام کیلئے ایف سی،پولیس اور سول انتظامیہ مربوط حکمت عملی اختیارکریں۔

    کانفرنس میں ڈی آئی جی ایف سی بریگیڈیئرطاہر محمود،سیکٹرکمانڈرنارتھ بریگیڈیئرارشدمحمود،سیکٹرکمانڈرساؤتھ بریگیڈیئر اللہ نواز، ایف سی کے تمام یونٹ کمانڈنٹس،ڈویژنل کمشنرزبلوچستان اکبر حریفال، محمدفواد، قمبر دشتی، غلام علی بلوچ اور ریجنل پولیس آفیسران مظہر بلوچ،افتخار الحق،معظم شاہ،شکیل درانی اوراعتزازگورایہ سمیت دیگراعلیٰ حکام نے شرکت کی۔

    آئی جی ایف سی نے کہا کہ قانون نافذکرنے والے اداروں کے تمام آفیسرز اپنی اپنی ذمہ داریوں کے علاقے میں امن وامان کی صورتحال پر کڑی نظر رکھیں اور عوام کے ساتھ موثر رابطہ رکھیں تاکہ شرپسندوں اور جرائم پیشہ افراد کے ساتھ ٹھوس انداز میں نمٹا جا سکے۔

  • کوئٹہ: خسرہ ویکسی نیشن، مزید 2 بچے چل بسے، تعداد 5 ہوگئی

    کوئٹہ: خسرہ ویکسی نیشن، مزید 2 بچے چل بسے، تعداد 5 ہوگئی

    کوئٹہ : خسرے کے ٹیکے لگوانے سے مزید دو بچے اسپتال میں دم توڑ گئے، والدین نے خسرے کے ٹیکے سے ہلاکت کا الزام لگایا ہے جبکہ محکمہ صحت کے مطابق ہلاکتیں ہیضہ کی وجہ سے ہوئیں، تین دنوں میں پانچ بچے جان سے جاچکے ہیں۔

    کوئٹہ میں تین دنوں میں پانچ بچے دم توڑ گئے، بچوں کے والدین کا کہنا ہے کہ خسرے کے ٹیکے لگوائے اور بچوں کی طبیعت بگڑ گئی۔ خسرے کے ٹیکے لگوانے کے بعد نو بچوں کی حالت خراب ہوگئی۔

    لواحقین کا کہنا ہے کہ خسرے سے بچاؤ کے انجکشن لگنے کی وجہ سے بچے موت کہ منہ میں چل گئے۔

    دوسری جانب محکمہ صحت کا کہنا ہے کہ بچوں کی موت ہیضہ کی وجہ سے ہوئی۔

  • نقل کا موقع نہ ملنے پر مشتعل طلباء نے شاہراہ بلاک کردی

    نقل کا موقع نہ ملنے پر مشتعل طلباء نے شاہراہ بلاک کردی

    کوئٹہ : چمن میں ایف ایس سی کے طلبا نے امتحان میں نقل کا موقع نہ ملنے پر اودھم مچادیا۔ٹائرجلا کر کوئٹہ چمن شاہراہ بلاک کردی۔ کہتے ہیں سارا سال پڑھائی نہیں ہوئی نقل نہ کریں تو کیا کریں۔

    تفصیلات کے مطابق مطالبات منوانے کے لئے احتجاج کرنا کوئی نئی بات نہیں، لیکن چمن کے طلبا نے انوکھا احتجاج کیا اور امتحانات میں نقل کرنے سے نہ روکنے کا مطالبہ کرڈالا ۔

    ایف ایس سی کے طلبا نے نقل کا موقع نہ ملنے پر ٹائرجلا کر کوئٹہ چمن شاہراہ بلاک کردی۔ طلبا کا کہنا تھا کہ پورے سال پڑھائی نہیں ہوئی۔

    امتحان پاس کرنے کے لئے اب نقل نہ کریں تو کیا کریں۔ مظاہرین نے کہا کہ بوائز کالج کے بتیس لیکچرار میں سے صرف پانچ لیکچررکالج آتے ہیں۔

    طلبا کا یہ بھی کہنا تھا کہ چھ مہینے سے کالج بغیرپرنسپل کے چل رہا تھا۔ میڈیا میں آنے کے باوجود وزیراعلیٰ نے نوٹس نہیں لیا۔

  • تربت قتل عام کی تحقیقات کیلئے تفتیشی کمیٹی بنا دی ، ڈاکٹرعبدالمالک

    تربت قتل عام کی تحقیقات کیلئے تفتیشی کمیٹی بنا دی ، ڈاکٹرعبدالمالک

    کوئٹہ: وزیر اعلیٰ بلوچستان ڈاکٹر عبدالمالک بلوچ نے کہا ہے کہ تعمیراتی کیمپ اور مزدوروں کی حفاظت پر مامور آٹھ لیویز اہلکاروں کو گرفتار کر لیا گیا ہے،سانحہ کی تحقیقات کیلئے جوائنٹ انوسٹی گیشن ٹیم بنادی ہے۔

    تربت میں پریس کانفرنس سے خطاب میں وزیراعلیٰ بلوچستان کا کہنا تھا کہ سانحہ تربت میں ملوث افراد بلوچستان اور مکران میں امن و امان تہہ و بالا کر کے عوام کو ترقی و خوشحالی سے دور رکھنا چاہتے ہیں۔

    ان کا کہنا تھا کہ تعمیراتی کیمپ اور مزدوروں کی حفاظت پر مامورآٹھ لیویز اہلکاروں کو گرفتار کر لیا گیا ہے، سانحہ کی تحقیقات کے لیے ڈی آئی جی مکران کی سربراہی میں جے آئی ٹی بنا دی گئی ہے جو ایک ہفتے میں سانحہ کی تحقیقات کر کے حکومت کو رپورٹ پیش کریگی۔

  • بلوچستان : سواسال میں 500 سے زائد افراد قتل ہوئے، محکمہ داخلہ

    بلوچستان : سواسال میں 500 سے زائد افراد قتل ہوئے، محکمہ داخلہ

    کوئٹہ : بلوچستان میں گزشتہ سواسال کے دوران  500سےزیادہ افراد کو قتل کیا گیا،تفصیلات کے مطابق بلوچستان کے مختلف علاقوں میں سواسال کےدوران پانچ سوسےزیادہ افراد کوتشدد کےمختلف واقعات میں ہلاک کیا گیا۔

    محکمہ داخلہ کی رپورٹ کے مطابق دوہزار چودہ اور پندرہ میں اب تک کوئٹہ سمیت بلوچستان کے مختلف علاقوں سے 175سے زیادہ لاشیں ملیں۔

    ان میں سے 60ناقابل شاخت تھیں، رپورٹ کے مطابق قانون نافذ کرنے والے اداروں کے 96اہلکاروں سمیت 275افراد کو تشدد کے 290واقعات میں قتل کیا گیا۔

    پولیس کے 40ایف سی کے 37اور لیویز کے 28اہلکار جاں بحق ہوئے ٹرینوں پر حملوں میں 19افراد جاں بحق اور 61سے زیادہ زخمی ہوئے۔

    بم دھماکوں میں 50راکٹ حملوں میں 3افراد جان سے گئے۔ دیگر حملوں اور واقعات میں 90افراد جاں بحق اور 95سے زائد افراد زخمی ہوگئے۔

  • کوئٹہ: 4 مبینہ خودکش بمباروں سمیت 11 دہشتگرد گرفتار

    کوئٹہ: 4 مبینہ خودکش بمباروں سمیت 11 دہشتگرد گرفتار

    کوئٹہ: کچلاک کے علاقے میں حساس اداروں نے کارروائی کے دوران چار مبینہ خودکش بمباروں سمیت گیارہ دہشتگردوں کو گرفتارکرلیا۔

    کوئٹہ میں سیکورٹی اداروں نے دہشتگردی کا بڑا منصوبہ ناکام بنادیا، سیکیورٹی اداروں نے دہشتگردوں کیخلاف گھیرا تنگ کردیا۔

    ایف سی ترجمان کے مطابق صوبائی دارالحکومت کے نواحی علاقے کچلاک میں خفیہ اطلاع پر ایف سی نے ایک مکان پر چھاپہ مارا جہاں پر موجود 11مبینہ دہشتگردوں کو گرفتار کرلیا گیا ۔

    گرفتار ملزمان کے قبضے سے بھاری تعداد میں خود کار ہتھیار دستی بم اور دھماکہ خیز مواد برآمد کرلئے گئے ہیں۔

     ، ایف سی ترجمان کے مطابق مطابق گرفتار دہشتگرد کوئٹہ میں سیکورٹی فورسز پر حملے اور اہم مقامات کو نشانہ بنانے کیلئے کچلاک آئے تھے۔

    اینٹیلیجینس حکام کے مطابق گرفتار افراد میں چار خود کش بمبار بھی شامل ہیں جبکہ گیارہ میں سے تین کا تعلق وزیرستان سے ہے۔

  • صولت مرزا کے ویڈیو پر نئی جے آئی ٹی کی تشکیل

    صولت مرزا کے ویڈیو پر نئی جے آئی ٹی کی تشکیل

    اسلام آباد: سزائے موت کے منتظر صولت مرزا کے ویڈیو پر جے آئی ٹی کی تشکیل دیدی گئی ہے۔

    پھانسی سے چند گھنٹے قبل ایم کیوایم کے سابق کارکن صولت مرزا کے سنسنی خیز انکشافات پر مبنی ویڈیو بیان آیا جس نےسیاسی حلقوں میں ایک ہلچل برپا کردی۔

     ویڈیو میں سزائے موت کے قیدی صولت مرزانے متحدہ کی اعلی قیادت پر سنگین الزامات لگائے، جس کے بعد ایک جے آئی ٹی بنائی گئی تھی جو صولت مرزا کے ڈیتھ ورانٹ آنے کے بعد معطل کردی گئی تھی۔

     ذرائع کے مطابق اب صولت مرزا سے ازسرنو تفتیش کے لئے جی آئی ٹی تشکیل دے دی گئی ہے، ڈی آئی جی ٹریفک امیر شیخ جے آئی ٹی کے سربراہ مقرر کئے گئے ہیں۔

    ذرائع کا کہنا ہے کہ حساس اداروں کے گریڈ اٹھارہ کے افسران کو جے آئی ٹی میں شامل ہوں گے اور جے آئی ٹی سات روز میں اپنی رپورٹ محکمہ داخلہ کو پیش کرے گی۔

  • ہمیں بیرون ملک سے دھمکی آمیز کالز آرہی ہیں، اہلیہ صولت مرزا

    ہمیں بیرون ملک سے دھمکی آمیز کالز آرہی ہیں، اہلیہ صولت مرزا

    کراچی: صولت مرزا کی اہلیہ نے کہا ہے کہ ہمیں ساؤتھ افریقہ اور کینیڈا سے دھمکی آمیز کالز آرہی ہیں۔

    تفصیلات کے مطابق صولت مرزا کی اہلیہ کا کہنا ہے کہ ہمیں ساؤتھ افریقہ اور کینیڈا سے دھمکی آمیز کالز موصول ہورہی ہیں۔

    انہوں نے بتایا کہ دھمکی آمیز کالز میں کہا جا رہا ہے کہ جو تم لوگ کررہے ہو اس کا انجام سوچ لینا۔

    صولت مرزا کی اہلیہ نے کہا کہ ہمیںا بھی تک تین دھمکی آمیز کالز آئی ہیں جس میں سے دو کو ہم پہلے سے جانتے ہیں جو کہ ہر ممکن تعاون کی یقین دہانی کرایا کرتے تھے۔

    صولت مرزا کی اہلیہ کا کہنا تھا کہ اگر مجھے یا میری فیملی کے کسی فرد کو کچھ ہوا تو اس کی ذمہ دار متحدہ قومی مومنٹ ہوگی۔

  • صولت مرزا کوویڈیو لنک کی سہولت مل گئی، اہل خانہ سے بات چیت

    صولت مرزا کوویڈیو لنک کی سہولت مل گئی، اہل خانہ سے بات چیت

     مچھ : بلوچستان کے مچھ جیل میں قید مجرم صولت مرزا سےاہل خانہ کی ویڈیو لنک کے ذریعے ملاقات کرائی گئی۔

    مچھ جیل حکام کے مطابق ملاقات کرنے والوں میں تہرے قتل کے مجرم صولت مرزا سے ان کے بیرون ملک سے آنے والے بھائی بہن اور بھانجے شامل تھے۔

    یکم اپریل کو سزائے موت پر عملدرآمد مؤخر ہونے کے بعد صولت مرزا سے ان کے خاندان کے افراد کی یہ پہلی ملاقات ہے۔

    واضح رہے کہ انیس مارچ کو پھانسی سے چند گھنٹے قبل تہرے قتل میں ملوث مجرم صولت مرزا کے بیان کی ویڈیو ٹی وی چینلز پر نشر ہوئی تو جیسے کراچی سمیت ملک بھر میں زلزلہ آگیا،جس کے بعد پھانسی کو تین دن کیلئے مؤخر کیا گیا تھا۔

    بعد ازاں صولت مرزا کی پھانسی دوسری بار ایک ماہ کیلئے موخر کی گئی ، جیل ذرائع کے مطابق نئے احکامات موصول ہونے سے قبل  پھانسی سے متعلق تمام تیاریاں مکمل کر لی گئی تھیں۔