Tag: Quetta

کوئٹہ میں فائرنگ سے نائب تحصیلدار جاں بحق

کوئٹہ: بلوچستان میں فائرنگ سے نائب تحصیلدار جاں بحق عبدالستار جاں بحق ہو گئے۔

تفصیلات کے مطابق کوئٹہ سریاب میں گاڑی پر نامعلوم افراد کی فائرنگ سے نائب تحصیلدار عبدالستار جاں بحق ہو گئے۔

پولیس حکام کے مطابق دوبندی ضلع قلعہ عبداللہ کے نائب تحصیلدار عبدالستار مشوانی اپنے ساتھی محرر کے ہمراہ گاڑی میں کوئٹہ شہر کی جانب جا رہے تھے، کہ ڈگری کالج، ریلوے لائن کے قریب نامعلوم افراد نے ان کی گاڑی پر فائرنگ کر دی۔

فائرنگ کے نتیجے میں 69 سالہ عبدالستار موقع ہی پر جاں بحق ہو گئے جب کہ ان کے ساتھی محرر غلام سرور معجزانہ طور پر محفوظ رہے۔

مکران: سیکورٹی فورسز کے آپریشن میں کالعدم بی ایل ایف کے 6 دہشت گرد ہلاک

مقتول نائب تحصیلدار کی نعش سول اسپتال منتقل کر دی گئی، حملہ آور فائرنگ کے بعد فرار ہو گئے، پولیس نے تفتیش شروع کر دی۔

جون 20, 2022
ماں اور 4 بچوں کا قتل، باپ گرفتار

کوئٹہ: صوبہ بلوچستان کے دارالحکومت کوئٹہ میں نامعلوم افراد نے خاتون اور ان کے 4 بچوں کو تیز دھار آلے سے قتل کردیا، پولیس نے بچوں کے باپ کو گرفتار کرلیا ہے۔

تفصیلات کے مطابق کوئٹہ کے علاقے کچلاک ناصران میں نامعلوم افراد نے خاتون اور 4 بچوں کو قتل کردیا، لاشوں کو بی ایم سی اسپتال منتقل کردیا گیا ہے۔

پولیس کا کہنا ہے کہ ماں اور 3 بچوں کے گلے تیز دھار آلے سے کاٹے گئے، ایک بچے کو گلا دبا کر قتل کیا گیا۔

مقتولین میں 13 سالہ سلمان، 11 سالہ صائمہ، 9 سالہ عنایت اللہ اور 7 سالہ شاہدہ بھی مقتولین میں شامل ہیں۔

تحصیلدار جنید باروزئی کا کہنا ہے کہ بچوں کے باپ کو کچلاک پولیس نے گرفتار کرلیا، باپ نے 2 شادیاں کر رکھی تھیں۔

مئی 1, 2022
سی ٹی ڈی کی کوئٹہ میں کارروائی، 3 مبینہ دہشتگرد ہلاک

کوئٹہ: محکمہ انسداد دہشت گردی (سی ٹی ڈی) نے کوئٹہ کےنواحی علاقے میں کارروائی کرتے ہوئے 3 مبینہ دہشت گردوں کو ہلاک کردیا ہے۔

ترجمان سی ٹی ڈی کے مطابق کوئٹہ کے نواحی علاقے میں فائرنگ کےتبادلے میں تین مبینہ دہشت گرد مارے گئے ہیں، ہلاک دہشتگرد صوبے بلوچستان میں تخریب کاری کی مختلف وارداتوں میں ملوث تھے۔

سی ٹی ڈی ذرائع کے مطابق مبینہ دہشتگردوں نے پولیس اور لیویزاہلکار کی ٹارگٹ کلنگ کی تھی، ہلاک مبینہ دہشت گردوں کے قبضےسے اسلحہ اور دستی بم برآمد ہوا ہے تاہم ان کا کس کالعدم تنظیم سے تعلق تھا ابھی پتہ نہ چل سکا ہے۔اس سے قبل گذشتہ ماہ سی ٹی ڈی پولیس نے سکھر میں بڑی کارروائی کرتے ہوئے کالعدم قوم پرست جماعت کے 3 دہشتگرد وں کو گرفتار کیا تھا، ایس پی سی ٹی ڈی نے بتایا کہ گرفتار ملزمان میں راشد سولنگی، مہتاب چنا اور عجب تنیو شامل ہیں اور ان سے بارودی مواد بھی برآمد ہوا تھا۔

یہ بھی پڑھیں: سی ٹی ڈی کی بڑی کارروائی، کالعدم تنظیم کے 3 دہشتگرد گرفتار

ایس پی کے مطابق گرفتار دہشتگردوں کا تعلق کالعدم قوم پرست جماعت جئے سندھ متحدہ محاذ (جسمم) سے ہے اور انہوں نے متعدد وارداتوں میں ملوث ہونے کا اعتراف کیا تھا۔

ایس پی سی ٹی ڈی کا کہنا تھا کہ گرفتاردہشت گردوں نےماضی میں ریلوےٹریک پربم نصب کیے اس کے علاوہ پورٹ قاسم پر چائنیز اور رینجرز کی ریکی کرکے انہیں نقصان پہنچانے کی بھی کوشش کی تھی۔

اپریل 1, 2022
کوئٹہ میں سی ٹی ڈی کی کارروائی، 6 دہشتگرد ہلاک

کوئٹہ: کوئٹہ کے علاقے مشرقی بائی پاس پر ملک دشمن عناصر کے خلاف سی ٹی ڈی نے بڑی کارروائی کی ہے۔

ترجمان سی ٹی ڈی کے مطابق رات گئے دہشتگردوں کی موجودگی کی اطلاع پر مغربی بائی پاس کے علاقے نیوکاہان مری کیمپ میں سی ٹی ڈی کی جانب سے آپریشن کیا گیا اس دوران دہشتگردوں نے فائرنگ کردی جوابی فائرنگ کے نتیجے 6 دہشتگرد مارے گئے۔

سی ٹی ڈی کے مطابق دہشت گردوں کے ٹھکانے سے بھاری تعداد میں اسلحہ اورگولہ بارود برآمد کیا گیا، ہلاک دہشت گردوں کا تعلق کالعدم تنظیم سے تھا، ہلاک دہشت گردوں میں کالعدم تنظیم کا اہم رکن بھی شامل ہے،جس کے سر کی قیمت بیس لاکھ روپے مقرر تھی۔

یہ بھی پڑھیں: کوئٹہ: مشرقی بائی پاس پر دھماکا، 2 افراد جاں بحق، 23 زخمی

یاد رہے کہ کچھ روز قبل پولیس ، سی ٹی ڈی اور سکیورٹی فورسز نے مشترکہ آپریشن کے دوران کالعدم تنظیم کے اہم کمانڈر شاہ زیب اور دانیال کو بھی ہلاک کیا تھا، یہ آپریشن ڈیرہ اسماعیل خان میں ٹانک کے علاقے میں کیا گیا تھا۔

جنوری 9, 2022
کوئٹہ ویڈیو اسکینڈل کی اصل کہانی اے آر وائی نیوز پر، فرانزک رپورٹ نے سارے راز کھول دیے

کوئٹہ: کوئٹہ ویڈیو اسکینڈل کی اصل کہانی اے آر وائی نیوز نے حاصل کر لی، فرانزک رپورٹ نے اس کیس کے سارے راز کھول دیے۔

تفصیلات کے مطابق کوئٹہ ویڈیو اسکینڈل فرانزک رپورٹ نے سب کچھ کھول کر رکھ دیا، ذرائع کا کہنا ہے کہ ویڈیو میں دکھائی دینے والی لڑکیاں ملزمان کے ساتھ ملی ہوئی تھیں، ہدایت اور خلیل نے 4 لڑکیاں مردوں کو ورغلانے کے لیے رکھی تھیں۔

فرانزک رپورٹ میں کہا گیا ہے کہ ملزم ہدایت کے ساتھ چیٹ کے دوران کریمہ نے راز کھولنے کی دھمکی دی تھی، فرانزک رپورٹ میں اس چیٹ کا حوالہ دیا گیا ہے، جس کے مطابق ملزم ہدایت کے ساتھ اختلاف ہونے پر کریمہ نے سب راز کھولے ہیں، چیٹ میں کریمہ ملزم کو کہتی ہے میں سب کچھ باہر بتا دوں گی۔

ملزم نے کریمہ کو جوابی دھمکی دیتے ہوئے کہا کہ اگر باہر کچھ بولا تو تمہاری ویڈیوز نیٹ پر چڑھا دوں گا۔

کوئٹہ ویڈیو اسکینڈل کیس نیا موڑ اختیار کرگیا

ذرائع کا کہنا ہے کہ مذکورہ ملزمان پارٹی کے نام پر لوگوں کو بلاتے تھے، اور لڑکیوں سمیت سب کو نشہ پلاتے تھے، اس کے بعد وہ نشے کی حالت میں غیر اخلاقی ویڈیوز بناتے تھے، انھی ویڈیوز کی بنیاد پر مہمانوں اور لڑکیوں کو بلیک میل کیا جاتا تھا، اور مہمانوں سے رقم وصول کی جاتی تھی۔

رپورٹ کے مطابق ملنے والی 280 میں سے 254 ویڈیوز اوریجنل ہیں، جب کہ باقی ویڈیوز میں تھوڑی ایڈیٹنگ ہوئی ہے، تاہم موصول ہونے والی ویڈیوز میں زیادتی نظر نہیں آ رہی، پولیس ذرائع کا یہ بھی کہنا ہے کہ ویڈیوز اور چیٹ میں بچوں کا کوئی ذکر نہیں ہے۔

جنوری 1, 2022
کوئٹہ اور گردونواح میں زلزلے کے شدید جھٹکے

کوئٹہ: صوبہ بلوچستان کے صوبائی دارالحکومت کوئٹہ اور گردونواح میں زلزلے کے جھٹکے محسوس کئے گئے ہیں۔

زلزلہ پیما مرکز کے مطابق زیارت کے علاقے مانگی، منہ، ورچوم ، کواس میں زلزلے کے شدید جھٹکے جبکہ کوئٹہ، خانوزئی، پشین اور بوستان میں زلزلے کے معمولی جھٹکے محسوس کیےگئے ہیں۔

زلزلہ پیما مرکز کے مطابق زلزلے کی شدت 4.8ریکارڈ کی گئی، زلزلے کا مرکز کوئٹہ سے 6 کلومیٹر شمال کی جانب تھا۔

زلزلے کے باعث شہریوں میں شدید خوف وہراس پھیلا اور وہ استغفار اور کلمہ طیبہ کا ورد کرتے ہوئے اپنے گھروں سے باہر نکل آئے، فوری طور پر کسی جانی و مالی نقصان کی کوئی اطلاع موصول نہیں ہوئی ہے۔

یہ بھی پڑھیں: خیبرپختونخوا کے مختلف علاقوں میں زلزلے کے جھٹکے

دوسری جانب کے پی کے علاقے بٹگرام میں بھی زلزلے کےجھٹکےمحسوس کئے گئے ہیں، مقامی افراد کا کہنا ہے کہ رات سے 4 بار زلزلے کے جھٹکےمحسوس کئے گئے ہیں۔

واضح رہے کہ پاکستان کے مختلف علاقے آج کل زلزلوں کی لپیٹ میں ہیں، گذشتہ روز بھی صوبہ خیبرپختونخوا کے علاقوں بٹگرام، شانگلہ، بشام، مانسہرہ میں زلزلے کے شدید جھٹکے محسوس کیے گئےتھے، زلزلہ پیما مرکز کے مطابق زلزلے کی شدت 4.2 جبکہ اس کا مرکز 10 کلو میٹر شمال مغرب میں بالا کوٹ کا علاقہ تھا۔

ایک روز قبل بھی خیبر پختونخوا کے مختلف علاقوں میں زلزلے کے جھٹکے محسوس کیے گئے تھے، زلزلے کی شدت 4.5 ریکارڈ کی گئی تھی جبکہ اس کا مرکز جنوب مشرقی افغانستان ‏تھا۔

رواں ماہ کراچی میں زلزلے کے جھٹکے محسوس کئے گئے تھے، جس کی شدت 4.1 تھی، ‏زلزلہ پیما مرکز کے مطابق زلزلے کا مرکز 15 کلومیٹر ڈیفینس کے شمال میں تھا اور گہرائی 15 کلومیٹر ریکارڈ کی ‏گئی تھی۔

دسمبر 25, 2021
سسرال والوں کے ظلم سے تنگ خاتون نے آئی جی بلوچستان سے مدد مانگ لی

کوئٹہ: بلوچستان کے دارالحکومت کوئٹہ میں سسرال والوں کے ظلم سے تنگ خاتون نے آئی جی بلوچستان سے مدد مانگ لی، خاتون کا کہنا ہے کہ ان کے سسرال والے ان کے ڈھائی سال کے بیٹے کو چھین کر کراچی فرار ہوگئے ہیں۔

تفصیلات کے مطابق صوبہ بلوچستان کے دارالحکومت کوئٹہ کی رہائشی خاتون نے سسرالیوں کے ظلم سے تنگ آ کر انسپکٹر جنرل (آئی جی) بلوچستان سے مدد مانگ لی۔

شکیلہ نعمت نامی متاثرہ خاتون نے اپنی ویڈیوز اور تصاویر سوشل میڈیا پر جاری کردیں، خاتون اور ان کی بیٹی کو سسرالیوں نے مبینہ تشدد کا نشانہ بنایا ہے۔

خاتون کا کہنا ہے کہ ان کے سسرال والے ڈھائی سال کے بیٹے کو ان سے چھین کر کراچی فرار ہوگئے ہیں، کراچی میں ان کے شوہر نے دوسری شادی رچالی۔

خاتون کا کہنا ہے کہ سسرالیوں نے انہیں اور ان کی 6 بیٹیوں کو گھر چھوڑنے کو کہا، گھر نہ چھوڑنے پر انہیں جان سے مارنے کی دھمکیاں دی جارہی ہیں۔

دسمبر 20, 2021
بلوچستان کی فٹبالر اقصیٰ پرویز دیگر لڑکیوں کیلئے بہترین مثال

کوئٹہ : پاکستانی نوجوانوں میں کھیلوں کی بے پناہ صلاحیتیں موجود ہیں صرف نوجوان لڑکے ہی نہیں بلکہ لڑکیاں بھی اس میدان میں اپنی صلاحیتوں کے جوہر دکھا رہی ہیں۔

ان ہی میں سے بلوچستان کے شہر کوئٹہ سے تعلق رکھنے والی فٹبالر اقصیٰ پرویز بھی ہیں جنہوں نے اپنی انتھک اور محنت لگن سے اس شعبے میں اپنا علیحدہ مقام بنایا۔

کوئٹہ کی رہائشی اقصیٰ پرویز فٹبال کھیلنے کی خاطر لڑکوں جیسا حلیہ اپناتی ہیں، فٹبالر اقصٰی پرویز کو لڑکوں جیسے حُلیے پر شدید تنقید کا سامنا بھی کرنا پڑتا ہے لیکن انہوں نے اپنے اس شوق کے سامنے کسی رکاوٹ کو نہیں آنے دیا۔

بلوچستان کی اس ہونہار بیٹی کو یہ شوق کیسے ہوا اور اس کی تکمیل کیلئے انہیں کیا کیا مشکلات درپیش آئیں اس حوالے سے اے آر وائی نیوز کے پروگرام باخبر سویرا میں اقصیٰ پرویز نے ناظرین کو تفصیلات سے آگاہ کیا ۔

ان کا کہنا تھا کہ میرے والدین نے معاشرے کی شدید تنقید کے باوجود ہر موقع پر میری حوصلہ افزائی کی اور میرا بھرپور ساتھ دیا، جس کی وجہ سے آج میں اس مقام پر ہوں۔

فٹبالر اقصٰی پرویز نے کہا کہ اپنے ماموں کو کھیلتا دیکھ کر مجھے بھی شوق ہوا میرے پسندیدہ کھلاڑی کرسٹیانو رونالڈو ہیں ان کا انداز دیکھ کر میں بھی ان کی نقل کرنے کی کوشش کرتی ہوں۔

دسمبر 9, 2021
کوئٹہ : بولان میڈیکل کمپلیکس ہسپتال میں آوارہ کتے گھومنے لگے

کوئٹہ : بلوچستان کے سب سے بڑے شہر اسپتال میں آوارہ کتوں کی موجودگی اسٹاف اور مریضوں کے لیے درد سر بن گئی۔

کوئٹہ کے سب سے بڑے ہسپتال میں بولان میڈیکل کمپلیکس کے آئی سی یو وارڈ کے سامنے آوارہ کتوں کا راج ہے، ٹولیوں کی شکل میں مٹر گشت کرتے نظر آتے ہیں جس کی وجہ ہسپتال آنےوالے لوگوں میں حوف و ہراس پھیل گیا ہے۔

ذرائع کے مطابق ہسپتال انتظامیہ نے اب تک شکایت کے علاوہ کوئی دوسرا قدم نہیں اٹھایا کہ جس سے لوگوں کی مشکلات میں کمی آسکے۔

اس حوالے سے بولان میڈیکل اسپتال انتظامیہ کا مؤقف ہے کہ متعلقہ حکام کو آگاہ کردیا گیا ہے، ایم ایس نے بتایا ہے کہ آوارہ کتوں کی تلفی سے متعلق میٹرو پولیٹن کو تحریری درخواست دی ہے۔

بولان میڈیکل اسپتال انتظامیہ نے درخواست کی کاپی جاری کردی جس میں درخواست کی گئی ہے کہ اسپتال میں آوارہ کتوں کی بھرمار ہے جس کے سد باب کیلئے فوری کارروائی کی جائے۔

نومبر 9, 2021
انٹیلی جنس کا میجر بن کے جعل سازی کرنے والا ملزم گرفتار

کوئٹہ: محکمہ انسداد دہشت گردی (سی ٹی ڈی) کراچی نے کوئٹہ سے خود کو انٹیلی جنس کا میجر ظاہر کر کے جعل سازی کرنے والے ملزم کو گرفتار کرلیا۔

تفصیلات کے مطابق محکمہ انسداد دہشت گردی (سی ٹی ڈی) کراچی نے صوبہ بلوچستان کے دارالحکومت کوئٹہ میں کارروائی کرتے ہوئے عثمان شاہ عرف میجر عثمان نامی ملزم کو گرفتار کرلیا۔

ترجمان سی ٹی ڈی کا کہنا تھا کہ ملزم نے ساتھیوں سے مل کر فضل نامی شخص کو قتل کیا تھا۔ گرفتار ملزم عثمان شاہ کا تعلق چھالیہ مافیا سے ہے، ملزم اپنے آپ کو انٹیلی جنس کا میجر ظاہر کرتا تھا۔

ترجمان کے مطابق ملزم نے فضل کو 7 کروڑ کی چھالیہ کسٹمز انٹیلی جنس میں پکڑوانے پر قتل کیا، فضل سے متعلق اطلاع بھی کسٹم اہلکار نے عثمان شاہ کو دی تھی۔

ترجمان کا مزید کہنا ہے کہ گرفتار ملزم عثمان سے مزید تفتیش جاری ہے۔

اکتوبر 22, 2021