ARYNews.tv | Urdu – Har Lamha Bakhabar

Tag: rabi pirzada

  • خواتین کو مکھیاں کہنے کا معاملہ، رابی پیرزادہ بھی بول اُٹھیں

    خواتین کو مکھیاں کہنے کا معاملہ، رابی پیرزادہ بھی بول اُٹھیں

    کراچی: سابق اداکارہ اور آرٹسٹ رابی پیرزادہ بھی خواتین کو مکھیاں کہنے کے معاملے پر چپ نہ رہ سکیں۔

    سوشل میڈیا پوسٹ میں رابی پیرزادہ کا کہنا تھا کہ تمام خواتین نہیں بلکہ کچھ خواتین ایسی ہوتی ہیں جن کی وجہ سے سب خواتین کو اچھا نہیں سمجھا جاتا، خواتین اداکاروں اور گلوکاروں کے ساتھ چپک جاتی ہیں اور ان کے ساتھ تصاویر بنوانے کے لئے فضول قسم کی حرکتیں کرتی ہیں۔

     

    View this post on Instagram

     

    A post shared by Rabi Pirzada (@rabi.fairy)

    سابقہ اداکارہ کا کہنا تھا کہ عدنان صدیقی کے خواتین کو مکھیاں کہنے کے بیان سے میں پوری طرح سے متفق ہوں، تاہم اسی طرح مرد بھی مکھیاں اور مچھر ہوتے ہیں۔

    رابی پیر زادہ کا مزید کہنا تھا کہ خواتین کو مکھی کہنا غلط ہے لیکن اپنی عزت خود کروائیں، عدنان صدیقی کو ایسے الفاظ نہیں کہنے چاہیے تھے لیکن حقائق کو بھی دیکھنا چاہیے۔

    سنجے دت سیاست میں قدم رکھ رہے ہیں؟

    سابقہ اداکارہ نے کہا کہ جب میں علی ظفریا عاطف اسلم کے ساتھ کنسرٹ کرتی تھی تو لڑکیاں آکر گلوکاروں سے چپک جاتی تھیں اور ایسی ایسی جگہ آٹوگراف لیتی تھیں کہ سب حیران ہوجاتے تھے۔

  • رابی پیرزادہ نے مداحوں کو خوشخبری سنادی ؟

    رابی پیرزادہ نے مداحوں کو خوشخبری سنادی ؟

    سابق گلوکارہ رابی پیرزادہ نے اپنے چاہنے والوں کو خوشخبری سناتے ہوئے ’حیا بائیرابی‘ کے نام سے کپڑوں کا برانڈ لانچ کر دیا۔

    شوبز انڈسٹری کی سابقہ اداکارہ نے سوشل میڈیا پر ایک پوسٹ شیئر کی، جس میں انہوں نے ’حیا بائیرابی‘ کے نام سے کپڑوں کا ایک برانڈ لانچ کرنے کی خبردی۔ اُنہوں نے اپنی پوسٹ میں لکھا کہ ’آخرکار مجھے اب ’حیا بائیرابی‘کا پہلا آڈٹ مل گیا۔

    رابی پیرزادہ کا کہنا تھا کہ مجھے دعاؤں میں یاد رکھیں، میں ’حیا بائیرابی ‘کو پاکستان میں اعلیٰ ترین معیار کیساتھ کپڑوں کا بہترین برانڈ بنانے اور رابی پیرزادہ فاؤنڈیشن میں کام کرنیوالی خواتین کی مدد کرنے کے لیے پر عزم ہوں۔

    رابی پیرزادہ نے شادی کرلی؟

    واضح رہے کہ سابقہ اداکارہ رابی پیرزادہ کا شمار پاکستان کی سابق پاپ گلوکارہ، نغمہ نگار اور ٹیلی ویژن میزبان طور پر ہوتا تھا۔ انہوں نے اچانک شوبز انڈسٹری سے کنارہ کشی اختیار کرلی تھی۔

    رابی پیرزادہ نے اپنے کیرئیر کا آغاز 2004 میں کیا، ان کا اپنا پہلا گانا ’ڈاہڈی کڑی‘ 2005 میں ریلیزہوا تھا۔

  • رابی پیرزادہ نے ’ارطغرل غازی‘ کی پیٹنگ بنا لی

    رابی پیرزادہ نے ’ارطغرل غازی‘ کی پیٹنگ بنا لی

    لاہور: سابق پاکستانی گلوکارہ رابی پیرزادہ نے ترکی ڈرامے ’ارطغرل غازی‘ کے کردار کی پینٹنگ بنا لی۔

    تفصیلات کے مطابق شوبز کو خیرباد کہنے والی گلوکارہ رابی پیرزادہ نے چند دن قبل دنیا بھر میں مشہور ترکش ڈراما سیریز ارطغرل غازی کے مرکزی کردار کو اپنے خوبصورت رنگوں سے کینوس پر اتار دیا ہے۔

    اس پینٹنگ میں ترکی ڈرامے میں مرکزی کردار ادا کرنے والے اداکار انگین التان کو گھوڑے پر سوار دکھایا گیا ہے۔

    یہ خوب صورت پینٹنگ ٹویٹر پر فعال نظر آنے والی رابی پیرزادہ نے اپنے اکاؤنٹ سے شیئر کی ہے، انھوں نے اس کے ساتھ دیگر تیار کردہ پینٹنگز بھی شیئر کیں۔

    رابی پیرزادہ نے اپنے ٹویٹ میں لکھا کہ وہ پہلی بار اپنے فن پاروں کو ایک بین الاقوامی پلیٹ فارم پر پیش کر رہی ہیں، انھوں نے لکھا ’میرا آرٹ پہلی دفعہ انٹرنشنل پلیٹ فارم پر پاکستان کی نمائندگی کرے گا۔‘

    رابی پیرزادہ نے اس حوالے سے تفصیل نہیں لکھی تاہم انھوں نے مزید لکھا کہ جب وہ واپس جائیں گی تو انھیں ایک خاص تھیم پر کام کرنا ہے، اور یہ تھیم کشمیر سے متعلق ہے۔

    ٹویٹ میں ان کا کہنا تھا کہ جو لوگ میرا ہمیشہ سے ساتھ دیتے ہیں ان کے لیے میری بہت سی دعائیں ہیں۔

  • رابی پیرزادہ نے عمرہ کی سعادت حاصل کرلی

    رابی پیرزادہ نے عمرہ کی سعادت حاصل کرلی

    کراچی: سابق پاکستانی گلوکارہ رابی پیرزادہ نے عمرہ کی سعادت حاصل کرلی۔

    تفصیلات کے مطابق پاکستانی معروف سابق گلوکارہ رابی پیرزادہ نے زندگی اسلام کے عین اصولوں کے مطابق گزارنے کے اعلان کے بعد عمرہ کی سعادت بھی حاصل کرلی۔

    انہوں نے لکھا کہ ’مکہ مکرمہ میں مجھے اللہ کا مہمان ہونے کی طرح محسوس ہوتا ہے، میں اسے ہر جگہ دیکھتی ہوں، مجھے اپنے اہل خانہ، اپنے گھر، اپنی پینٹنگز اور میری زندگی یاد نہیں ہے، مجھے جو یاد ہے وہ ایک ایسی جگہ میں سانس لے رہی ہوں جس کی میزبانی کری ایٹر کے علاوہ کوئی اور نہیں کرسکتا۔

    رابی پیرزادہ نے لکھا کہ میں اس موقع پر کوئی آیت نہیں لکھ سکتی بس اتنا کہوں گی ’ لبيك اللهم لبيك۔‘

    واضح رہے کہ گزشتہ سال نومبر میں رابی پیرزادہ نے شوبز انڈسٹری چھوڑنے کے بعد نئے سفر کا آغاز کیا تھا۔
    راپی پیرزادہ نے خانہ کعبہ کی پینٹنگز شیئر کرتے ہوئے لکھا تھا کہ ’’یہ ایک نیا آغاز ہے‘‘۔

    گلوکارہ رابی پیرزادہ کوئٹہ میں پیدا ہوئیں، وہ تعلیم کے میدان میں بہترین طالبہ رہیں تاہم موسیقی سے لگاؤ انہیں شوبز انڈسٹری میں کھینچ لایا تھا۔ انہوں نے 2005 میں اپنے گانے ’داہدی کُڑی‘ سے ڈیبیو کیا، جس کے بعد ’مجھے عشق ہے‘ اور ’جادو‘ بہت مقبول ہوئے اور گلوکارہ کی ترقی کا سفر شروع ہوا۔

  • گلوکارہ رابی پیرزادہ نے شوبز کو خیرباد کہہ دیا

    گلوکارہ رابی پیرزادہ نے شوبز کو خیرباد کہہ دیا

    لاہور: معروف گلوکارہ رابی پیرزادہ نے شوبز انڈسٹری سے کنارہ کشی اختیار کرنے کا اعلان کردیا۔

    تفصیلات کے مطابق گلوکارہ رابی پیرزادہ نے سماجی رابطے کی ویب سائٹ ٹویٹر پر اپنے پیغام میں اعلان کیا ہے کہ وہ شوبز سے کنارہ کشی اختیار کررہی ہیں۔

    انہوں نے اپنے پیغام میں اللہ سے اپنے گناہوں کی معافی بھی طلب کی اور ساتھ ہی لکھا کہ اللہ ان کے حق میں لوگوں کا دل نرم کرے۔

    رابی پیرزادہ نے اپنے پیغام کے آخر میں لکھا کہ اللہ پاک جسے چاہے عزت دے اور جسے چاہے ذلت دے، انہوں نے اپنے ٹویٹ میں ’سیو اے سول‘ ہیش ٹیگ بھی استعمال کیا۔

    واضح رہے کہ گلوکارہ رابی پیرزادہ کوئٹہ میں پیدا ہوئیں، وہ تعلیم کے میدان میں بہترین طالبہ رہیں تاہم موسیقی سے لگاؤ انہیں شوبز انڈسٹری میں کھینچ لایا تھا۔

    رابی پیرزادہ نے 2005 میں اپنے گانے ’داہدی کُڑی‘ سے ڈیبیو کیا، ان کے گانے ’مجھے عشق ہے‘ اور ’جادو‘ بھی بے حد مقبول ہوئے تھے۔

    شعیب منصور کے لکھے گانے ’کسی کے ہو کے رہو‘ میں رابی پیرزادہ نے اپنی آواز کا جادو جگایا تھا جو مداحوں کو بے حد پسند آیا تھا، رابی پیرزادہ کے گانوں کے البم مداحوں میں آج بھی مقبول ہیں۔

    رابی پیرزادہ نے مختلف ٹی وی چینلز پر پروگرام کی میزبانی کی اور سوشل ایشوز سمیت کشمیر کے مسئلے پر اپنی آواز بلند کی۔

  • گلوکارہ رابی پیرزادہ گرفتاری سے بچ گئیں

    گلوکارہ رابی پیرزادہ گرفتاری سے بچ گئیں

    لاہور : عدالت نے گلوکارہ رابی پیرزادہ کے خلاف خطرناک جانور رکھنے کے معاملے پر وارنٹ گرفتاری منسوخ کر دیے ، جوڈیشل مجسریٹ نے رابی پیر زادہ کے قابل ضمانت وارنٹ گرفتاری جاری کیے تھے۔

    تفصیلات کے مطابق خطرناک جانور رکھنے کے معاملے پر گلوکارہ رابی پیرزادہ عدالت میں پیش ہوئیں، جس پر عدالت نے ان کے وارنٹ گرفتاری منسوخ کر دیے۔

    جوڈیشل مجسریٹ حارث صدیقی نے عدم حاضری پر رابی پیر زادہ کے قابل ضمانت وارنٹ گرفتاری جاری کیے تھے۔

    مزید پڑھیں : گلوکارہ رابی پیرزادہ کے وارنٹ گرفتاری جاری

    رابی پیرزادہ کے خلاف وائلڈ لائف نے غیر قانونی طور پر سانپ اور مگرمچھ پالنے کے الزام میں چالان پیش کر رکھا ہے، ذرائع کا کہنا تھا کہ رابی پیرزادہ کے خلاف کارروائی سوشل میڈیا پر موجود ویڈیوز کا نوٹس لے کر عمل میں لائی گئی۔

    محکمہ جنگلی حیات نے رابی پیرزادہ پر الزام عائد کیا تھا کہ انہوں نے مگرمچھ، سانپ ، اژدھے رکھے ہیں جو کہ وائلد لائف ایکٹ کی خلاف ورزی ہے۔

    واضح رہے کہ گلوکارہ رابی پیرزادہ اکثر اپنے سوشل میڈیا اکاؤنٹ ٹویٹر اور انسٹاگرام پر سانپ، اژدھے اور مگر مچھ کے ہمراہ ویڈیو اور تصاویر شیئر کرچکی ہیں۔

    خیال رہے کہ رابی پیرزادہ نے سانپ اور مگرمچھ کے ساتھ ایک ویڈیو بنائی تھی، جس میں انہوں نے بھارتی وزیراعظم نریندر مودی کو دھمکی دیتے ہوئے کہا تھا کہ یہ نریندری مودی کے لیے تحفہ ہے۔

  • قربانی کے لیے بکرا تو مل گیا مگر قصائی نہیں ملا، گلوکارہ رابی پیرزادہ

    قربانی کے لیے بکرا تو مل گیا مگر قصائی نہیں ملا، گلوکارہ رابی پیرزادہ

    لاہور: گلوکارہ رابی پیرزادہ نے کہا ہے کہ قربانی کے لیے بکرا تو مل گیا مگر قصائی نہیں ملا، ایسا لگتا ہے کہ اصل اسٹار تو قصائی بن گئے ہیں۔

    تفصیلات کے مطابق دنیا بھر کی طرح ملکی شوبز حلقوں میں عید الاضحیٰ انتہائی جوش اور جذبے کے ساتھ منائی جارہی ہے، معروف گلوکارہ رابی پیرزادہ بھی قربانی کے لیے بکرا تو لے آئیں ہیں لیکن انہیں قصائی نہیں مل سکا۔

    قربانی کے لیے قصائی نہ ملنے پر گلوکارہ رابی پیرزادہ نے کہا کہ ایسا لگتا ہے اصل اسٹار تو قصائی ہیں، لڑکیوں کو بھی یہ کام سیکھ لینا چاہئے۔

    گلوکارہ کا کہنا تھا کہ چلیں آج نہیں کل قربانی ہوجائے گی، بکرے کی اور خدمت کا موقع مل گیا ہے۔

    معروف اداکارہ ریشم نے ہر سال کی طرح بیل اور بکروں کی قربانی کی، اداکارہ نے قربانی کی جانوروں کی کھالیں سپریم کورٹ ڈیم فنڈ میں عطیہ کرنے کا اعلان کیا ہے جبکہ عید کے بعد وہ ڈیم فنڈ میں رقم بھی جمع کروانا چاہتی ہیں۔

    اداکارہ ریشم کے ہاں قربانی کے وقت ان کے اہل خانہ اور قریبی عزیز و اقارب موجود تھے مگر ریشم خوشی کے ان لمحات میں بھی مستحق افراد کو نہ بھولیں اور ان میں گوشت تقسیم کیا۔