کراچی: متحدہ قومی موومنٹ کی رابطہ کمیٹی نے وضاحت کی ہے کہ الطاف حسین نےعسکری قیادت پرکوئی تنقیدنہیں کی بلکہ راحیل شریف کی تعریف کی ہے۔
ترجمان پاک فوج کےسخت ردعمل پرایم کیوایم کی رابطہ کمیٹی نےاپنےقائد کی تقریرپروضاحتی بیان جاری کردیاہے۔
رابطہ کمیٹی کا کہناہے الطاف حسین نےآرمی پرتنقیدنہیں کی بلکہ سپہ سالارپراعتماد کرتےہوئےان سےمداخلت کی اپیل کی۔
رابطہ کمیٹی کے مطابق الطاف حسین نےآرمی چیف راحیل شریف کومخاطب کرتےہوئےکہا تھا کہ وہ ایم کیوایم کیساتھ انصاف کریں اورضرب عضب جاری رکھنے کے ساتھ ملکی دولت لوٹنے والوں کے خلاف بھی کارروائی کریں۔
الطاف حسین نے ہمیشہ اپنےخطابات میں پاک فوج کےکردارکوسراہاہے۔ رابطہ کمیٹی نےکہاکہ ایم کیو ایم نے پاک فوج کی حمایت میں نہ صرف ملین مارچ کیابلکہ اپنےلاکھوں کارکنان کو فوج کےلئےوقف کرنےکااعلان بھی کیاجوعوام میں فوج کا مورال بڑھانےکا سبب توہو سکتا ہےنفرت پھیلانےکا نہیں۔
