Tag: rabta commette

ایم کیو ایم کے اعلیٰ سطحی وفد کی ایم ڈی کے الیکٹرک سے ملاقات

کراچی : متحدہ قومی موومنٹ کے اعلیٰ سطحی وفد نے ڈاکٹرمحمد فاروق ستارکی سربراہی میں کے الیکٹرک کے ایم ڈی سے ملاقات کی۔ وفد میں رابطہ کمیٹی کے قمرمنصور، سندھ اسمبلی میں قائدحزب اختلاف خواجہ اظہارالحسن اورڈاکٹرصغیرشامل تھے، جبکہ کے الیکٹرک کی جانب سے ایم ڈی سمیت مختلف شعبوں کے افسران شامل تھے۔

دوگھنٹے سے زیادہ جاری رہنے والی میٹنگ میں ایم کیوایم کے وفدنے کراچی کے شہریوںکو کے الیکٹرک کے حوالے سے درپیش مختلف مسائل اور بالخصوص غیر اعلانیہ لوڈشیڈنگ اورطویل دورانیئے کی لوڈشیڈنگ کے عذاب سے آگاہ کیااورانہیں فی الفور حل کرنے پرزوردیا۔

ایم ڈی کے الیکٹرک نے صارفین کی شکایات اورمصائب کوحل کرنے اورایم کیوایم کے منتخب نمائندوںسے زیادہ سے زیادہ رابطہ وتعاون رکھنے کی بھرپوریقین دہانی کرائی۔ایم کیوایم نےکے الیکٹرک کی انتظامیہ کے سامنے بجلی کے چیدہ چیدہ جن مسائل پراپنی تشویش کااظہارکیا۔

ان میںطویل دورانیئے کی اعلانیہ اورغیراعلانیہ لوڈشیڈنگ، متوسط اورنچلے طبقے کے مبالغہ آمیزبلنگ کی شکایت،بجلی کے نظام تقسیم میںنہ ہونے والی سرمایہ کاری،مرمت اورتوسیع کے کاموں میںشکایت ،بجلی اوربلنگ کی شکایت کے ازالے میںہونے والی غیرضروری تاخیراورایک ہی گھرمیںرہائش پذیرایک سے زادہ فیملیزکوایک سے زیادہ انفرادی میٹرزکی فراہمی پر بندش اورنیوکنکشن کے اجراء کی ناقص اورتاخیرپرمبنی پالیسیوںسے آگاہ کیا۔

ایم کیوایم کے وفدنے کے الیکٹرککوغریب اورمتوسطہ طبقے کی بستیوںمیں رہائش پذیرعوام پراعلانیہ سات،سات گھنٹے اوراس پرمزیدغیراعلانیہ تین،تین گھنٹے کی لوڈشیڈنگ کے عذاب سے آگاہ کیاپھرستم بالائے ستم پھرانہی علاقوں میںسروس اورمرمت کے نام پرہرماہ دوبارکم ازکم12،12گھنٹے کی مزیدبجلی کے ذریعے ہزاروںصارفین کوخودساختہ مبالغہ آمیزبلوںسے ان کی اذیتوں میں مزیداضافے کی شکایت سے بھی آگاہ کیا۔

ایم کیوایم کے وفدنے کے الیکٹرککی انتظامیہ سے مطالبہ کیاکہ دہندہ صارفین اورباقاعدگی سے بل دینے والی بستیوںاورنادہندہ صارفین کوایک ہی لکڑی سے ہانکنے اوردونوںکی مشترکہ پی ایم ٹی یافراہمی کوبنیادبنانے کی بجائےکے ذریعے بجلی کی فراہمی کے نظام کوالگ الگ کیاجائے۔

وفدنے ایم ڈی کے الیکٹرککوباورکرایاکہ کے الیکٹرکایک پبلک سروس کاادارہ ہے اسے خالصتاً تجارتی مقصدکے استعمال کے بجائے غریب اورپسماندہ علاقوںکے صارفین کے لئے مختلف ریلیف پیکیجز دیئے جائیں۔

خرابپی ایم ٹیزکی درستگی اورمعطل بجلی کی بحالی اورغلط بلوںکی درستگی میںغیرضروری تاخیرکوہرحال میںختم کیاجائے اورہرشکایت کے ازالے کاایک وقت مقررکیاجائے۔وفدنے بجلی کی تقسیم کے نظام کوبہتربنانے کے لئے فی الفورنئے گرڈاسٹیشنز،نئے فیڈزاورنئیپی ایم ٹیزکے لئے خطیرسرمایہ کاری کی جائے تاکہ غیرضروری لوڈشیڈنگ اوربجلی کے تعطل کی اذیت سے لوگوں کوبچایاجائے۔

کے ڈبلیو ایس بی کے بڑے پمپنگ اسٹیشنزپرلوڈشیڈنگ اوربجلی کی معطلی سے ہرحال گریزکیاجائے اورکے الیکٹرک اور کے ڈبلیو ایس بی کے مابین تنازعات بات چیت سے حل کئے جائیں اوران کے سبب عوام کوپانی کی فراہمی میںخلل کی اذیت سے دوچارنہ کیاجائے۔

مئی 7, 2015
الطاف حسین کی کنورنوید کو کامیابی کی پیشگی مبارکباد

کراچی: ایم کیو ایم کے قائد الطاف حسین نے کہا ہے کہ ایم کیوایم کی مقبولیت کم ہونےکی باتیں کرنے والے جلسہ دیکھ لیں گراف بڑھا یاکم ہوا۔

متحدہ قومی مومنٹ نے این اے دوسو چھیالیس کے ضمنی انتخاب کے سلسلے میں منعقد جلسے میں اپنی سیاسی قوت کا مظاہرہ کیا، جلسے سے خطاب کرتے ہوئے ایم کیو ایم کے قائد الطاف حسین نے کہا کہ جلسے سے ایم کیو ایم کی مقبولیت میں اضافے کا اظہار ہوتا ہے۔

انہوں نے کہا کہ عوام نے طالبان کی حمایتی جماعتوں کو رد کرکے ایم کیو ایم کی حمایت کی ہے، انہوں نے کہا کہ تئیس اپریل کو نفرت نہیں محبت کی بات ہوگی مخالفین کو مٹھائی کھلائیں گے۔

الطاف حسین نے پی ٹی آئی اور جے آئی کو پٹائی جی کہہ کر مخاطب کیا اور انہیں کہا کہ وہ انکے غریب خانے پر آئیں انہیں پٹائی نہیں مٹھائی جی کھلائی جائے گی۔

الطاف حسین کا کہنا تھا کہ ہمیں برابر کا پاکستانی سمجھا جائے اور گلے شکوے بھول کر نیا آغاز کیا جائے،الطاف حسین نے کہا کہ جو مجرم ہو اسے سزا دی جائے۔

ایم کیو ایم کے قائد الطاف حسین نے وزیراعظم کو مخاطب کرکے کہا کہ بلوچوں کے زخموں پر مرہم رکھا جائے، باوقار خارجہ پالیسی بنائی جائے اور کراچی کے مسائل کو سمجھا جائے۔

انہوں نے آپریشن ضرب عضب کی کامیابی کی دعا کی،الکرم اسکوائر پرایم کیو ایم نے اپنی سیاسی قوت کا مظاہرہ تحریک انصاف کے شاہراہ پاکستان پر پی ٹی آئی کے جلسے سے ایک روز پہلے کیا ہے۔

کراچی میں جلسے کے دوران ایم کیو ایم کے قائد الطاف حسین خوشگوار موڈ میں دکھائی دیئے،جلسے میں الطاف حسین نے جہاں سنجیدہ باتیں کیں وہاں انھوں نے مذاقاً بھی کئی جملے ادا کیے جس کا حاضرین نے بھرپور لطف اٹھایا۔

انہوں نے این اے دو سو چھیالیس سے ایم کیو ایم کے امیدوار کنور نوید جمیل کی کامیابی کی دعا کے ساتھ انھیں دوبارہ دلہا نہ بننے کی بھی تلقین کی، الطاف حسین ہلکے پھلکے انداز کے علاوہ گنگناتے بھی رہے، جلسے کے اختتام پر شاندار آتشبازی کا بھی مظاہرہ کیا گیا۔

اپریل 18, 2015
الطاف حسین کا اراکین ایم کیو ایم رابطہ کمیٹی پر اظہار برہمی

کراچی : متحدہ قومی مومنٹ کےقائد الطاف حسین نے کہا ہے کہ میں کسی کولڑائی اور قتل کادرس نہیں دےسکتا۔یہ بات انہوں نے جناح گراؤنڈ میں عوامی اجتماع سے خطاب کرتے ہوئے کہی۔

انہوں نے کہا کہ مخالفین نےشکست تسلیم کرلی ہےابھی سے دھاندلی کےنعرے لگا رہے ہیں،انہوں نے مشورہ دیا کہ جماعت اسلامی اورپی ٹی آئی کوانتخابی مہم کے پیسے خیراتی ادارےمیں دے دینے چاہیئں۔

انہوں نے اس موقع پر ایم کیو ایم رابطہ کمیٹی سے اپنی شدید ناراضگی اور شدید برہمی کا بھی اظہار کیا اور دوران خطاب الطاف حسین رو دیئے۔

، ان کا کہنا تھا کہ آج کے بعد تمام ہدایات رابطہ کمیٹی دے گی اب کارکنان جانیں اور رابطہ کمیٹی، الطاف حسین کی یہ بات سن کر وہاں موجود کارکنان آبدیدہ ہوگئے اور اپنے قائد کے حق میں جذباتی ہوکر نعرے لگانے لگے ۔

تاہم بعد ازاں رابطہ کیمٹی اراکین کی جانب سے معذرت کرنے پر الطاف حسین نے ناراضگی ختم کردی۔

اپریل 18, 2015
مخصوص شادی ہالز کیخلاف کارروائی قابل مذمت ہے، ایم کیو ایم رابطہ کمیٹی

کراچی : متحدہ قومی موومنٹ کی رابطہ کمیٹی نے صوبائی وزیر بلدیات شرجیل میمن کی نگرانی میں کراچی میں تجاوزات کے خلاف کارروائی کے نام پر ایم کیوایم کے عہدیداروں،کارکنوں اورپارٹی سے وابستہ افرادکے شادی ہالز کومسمارکرنے کی شدیدمذمت کی ہے۔

اپنے ایک بیان میں رابطہ کمیٹی نے کہاکہ صوبائی وزیر بلدیات شرجیل میمن تجاوزات کے خلاف کارروائی کے نام پر ایم کیوایم سے وابستہ افرادکوخاص طورپر نشانہ بنارہے ہیں اوران شادی ہالزکوبھی مسمار کیا جارہا ہے جوگزشتہ 20سے 25سال حتیٰ کہ 30سال سے قانونی طورپرقائم ہیں۔

بلدیہ سے باقاعدہ قانونی طورپر حاصل کئے گئے ہیں اور جن کاکرایہ باقاعدہ طور پر بلدیہ کواداکیاجاتاہے ۔رابطہ کمیٹی نے کہاکہ کراچی میںبے شمارشادی ہالزقائم ہیں جن میں مختلف اداروںکی جانب سے قائم کئے گئے ہالزبھی شامل ہیں لیکن صوبائی وزیربلدیات شرجیل میمن کی نگرانی میں صرف ان شادی ہالزکوڈھونڈڈھونڈکرمسمارکیاجارہاہے جن کاکسی بھی طرح سے ایم کیوایم کے کسی ذمہ دار ، یا کارکن سے کوئی تعلق ہے ۔

حتیٰ کہ پرائیویٹ پراپرٹیزپربنے ہوئے ہال تک کوگرایاجارہاہے۔ اس سے صاف ظاہر ہے کہ یہ کارروائی سراسرجانبدارانہ اور امتیازی طورپرکی جارہی ہے جس کی جتنی بھی مذمت کی جائے کم ہے۔

صوبائی وزیربلدیات شرجیل میمن کی ہدایت پرآج نارتھ ناظم آبادمیں ایم کیوایم کے سابق سینیٹربابرغوری کے فلورینس گارڈن کوبھی گرادیاگیا جس کیلئے جگہ 29سال قبل باقاعدہ قانونی طورپر حاصل کی گئی تھی اور اس شادی ہال کاہرسال باقاعدہ انکم ٹیکس ادا کیاجاتاہے۔

رابطہ کمیٹی نے کہاکہ یہ بات بھی قابل ذکر ہے کہ کسی بھی جگہ کارروائی کیلئے پہلے سے کوئی نوٹس نہیں دیاجارہاہے بلکہ اچانک کارروائی کی جارہی ہے اور شادی ہالز کے مالکان کے ساتھ ساتھ شادی بیاہ اورتقریبات کیلئے بکنگ کرانے والے شہریوں کے ساتھ بھی کھلی زیادتی کی جارہی ہے ۔

رابطہ کمیٹی نے کہاکہ کراچی میں تجاوزات کی بھرمار ہے،سینکڑوںغیرقانونی بستیاں آبادہیں جومنشیات،اسلحہ ،جرائم پیشہ عناصر اورغیرقانونی اسلحہ کاگڑھ بنے ہوئے ہیں جہاں طالبان کاقبضہ ہے، اندرون سندھ بلدیاتی نظام تباہ وبرباد ہوچکاہے لیکن شرجیل میمن کویہ سب کچھ نظرنہیں آرہاہے، ان کے خلاف کسی قسم کی کوئی کارروائی نہیں کی جارہی ہے۔

اہوں نے کہا کہ خاص طورپرایم کیوایم کے ذمہ داروں اورکارکنوںکے شادی ہالزکونشانہ بنایا جارہا ہے جو سراسر زیادتی ہے ۔ رابطہ کمیٹی نے کہاکہ قوم اچھی طرح جانتی ہے کہ کراچی کی سڑکوںاورفٹ پاتھوںپر اربوںروپے کی رشوت لے کرسائن بورڈ اوربل بورڈزکاجنگل کس نے قائم کیاہے اور اس سے حاصل ہونے والی اربوں روپے کی رشوت کہاں جارہی ہے۔

رابطہ کمیٹی نے مطالبہ کیاکہ تجاوزات کے خلاف کارروائی کے نام پر یہ انتقامی کارروائیاں بند کی جائیں اورجن لوگوں کے نقصانات ہوئے ہیں ان کے نقصانات کاازالہ کیاجائے۔

اپریل 3, 2015
محمد انور نے اسکاٹ لینڈ یارڈ کے سامنے خاموش رہنے کاحق استعمال کیا

لندن: منی لانڈرنگ کیس میں ضمانت پررہا ایم کیو ایم کے رہنما محمد انورنے اسکاٹ لینڈ یارڈ کے سامنے خاموش رہنے کاحق استعمال کیا۔

ذرائع کے مطابق ایم کیو ایم رہنما پولیس کے آگے بالکل خاموش رہے، محمد انور کو اب لندن پولیس کے جج کے سامنے پیش کیا جائے گا۔

اسکاٹ لینڈ یارڈ پولیس نےمنی لانڈرنگ کیس میں گرفتار ایم کیوایم کےمحمدانور سے دس گھنٹے تفتیش کی تھی جس کے بعد انہیں ضمانت پررہاکردیا گیا تھا۔

محمد انورکوجولائی کے وسط تک ضمانت پرچھوڑاگیا ہےاس دوران ایم کیوایم رہنما پربرطانیہ سےباہرجانے پرپابندی ہوگی اور کسی بھی وقت پوچھ گچھ کیلئے انھیں طلب کیاجاسکتا ہے۔

اپریل 2, 2015
الطاف حسین کے قریبی ساتھی محمد انور 7 گھنٹے بعد رہا

لندن: ایم کیو ایم رابطہ کمیٹی کے رکن محمد انور کو سات گھنٹے کی تفتیش کے بعد ضمانت پر رہا کر دیا۔

اسکاٹ لینڈ یارڈ پولیس نے محمد انور کوجولائی کے وسط تک ضمانت پر رہا کر دیا۔ لیکن انہیں کسی بھی وقت تفتیش کیلئے طلب کیا جا سکتا ہے ۔

اسکاٹ لینڈ یارڈ کے مطابق محمد انور کے برطانیہ سے باہر جانے پر پابندی ہے، اسکاٹ لینڈ یار ڈ پولیس نے گزشتہ روز محمد انور کے گھر کی تیرہ گھنٹے تک تلاشی لی تھی،اسے وہاں سے کیا ثبوت ملے ابھی اس کے بارے میں کچھ نہیں بتایا گیا ۔

پولیس نے زیر حراست محمد انور سے سات گھنٹے تک پوچھ گچھ بھی کی ۔ اور محمد انور کو وکیل فراہم کرنے کے ایک گھنٹے بعد ہی انہیں ضمانت پر رہا کر دیا گیا ۔

محمد انور کے گھر کی تلاشی کے دوران برطانوی پولیس نے فرانزک ماہرین سے مدد بھی لی تھی ۔

اپریل 1, 2015
ایم کیوایم نےمنی لانڈرنگ میں ملوث ہونےکی سختی سےتردید کردی

کراچی : ایم کیو ایم ترجمان نےکہاہے کہ ایم کیوایم کی کی رابطہ کمیٹی کے رکن محمد انور کو شمالی لندن میں ان کے گھر سے آج صبح گرفتار کیا گیا ۔

انہیں اس وقت لندن کے ایک مرکزی پولیس اسٹیشن میں انٹر ویو کیا جارہا ہے ۔ یہ منی لانڈرنگ کے الزامات میں میٹروپولیٹن پولیس کی جاری تفتیش کا حصہ ہے ۔

تر جمان نے کہا کہ ایم کیو ایم سختی سے منی لانڈرنگ میں ملوث ہونے کے امکان کی تردید کرتی ہے ۔ ایم کیوایم لندن پولیس کے ساتھ تعاون کرتی رہےگی اور اس معاملے کی بر وقت اختتام پذیر ہونے کی امید جاری رکھیں گے ۔

اپریل 1, 2015
عمران خان الطاف فوبیا میں مبتلا ہیں، رابطہ کمیٹی

کراچی: ایم کیوایم کی رابطہ کمیٹی کا کہنا ہے عمران خان الطاف فوبیا میں مبتلا ہیں کراچی کے بارے میں بات کرنے سے پہلے عمران خان خیبرپختونخوا کو طالبان سے آزاد کرائیں۔

ایم کیوایم کی رابطہ کمیٹی نے پاکستان تحریک انصاف کے سربراہ عمران خان کی جانب سے ایم کیوایم کے قائد الطاف حسین کے بارے میں بیان پر شدید ردعمل کا اظہار کیا ہے، رابطہ کمیٹی کا کہنا ہے عمران خان الطاف فوبیا میں مبتلا ہیں ۔ عمران خان کو معلوم ہے کہ کراچی کے حلقہ دوسوچھیالیس میں ضمنی انتخاب نہیں جیت سکیں گے اسی لیے وہ اوچھے ہتکنڈوں پر اتر آئے ہیں

رابطہ کمیٹی کا کہنا ہے الطاف حسین پر تنقید کرنے والے عمران خان کا اصل چہرہ تو لوگوں نےاسلام آباد میں دھرنے کے دوران دیکھ لیا جہاں وہ جمہوریت کے خاتمے کے لیے کسی امپائر کی انگلی کا انتظار کرتے رہے ۔

رابطہ کمیٹی کا کہنا ہے عمران خان کراچی پر قبضے کا جو خواب دیکھ رہے ہیں وہ کبھی پورا نہیں ہوگا، کراچی کے باشعور عوام ماضی کی طرح اس بار بھی اپنے اتحاد سے سازشی ہتھکنڈوں کو ناکام بنادیں گے ۔

اپریل 1, 2015
پیپلزپارٹی کا بلاول ہاؤس اور اطراف سے بیریئرز ہٹانے کا فیصلہ

کراچی: سیکیورٹی خدشات کے باوجود پیپلزپارٹی نے بلاول ہاؤس اور اطراف سے بیریئرز ہٹانے کا فیصلہ کرلیا۔

پیپلزپارٹی کے شریک چیئرمین آصف علی زرداری نے اپنی ہی صوبائی حکومت کو ہدایت کی ہے کہ وہ بلاول ہاؤس اور اس کے اطراف میں لگے ہوئے تمام بیریئرز کو ہٹادیں۔

پیپلزپارٹی پارلیمنٹرین کی نائب صدر شیریں رحمان کے مطابق بلاول ہاؤس اورا س کے اطراف کے بیریئرز پیپلزپارٹی کے شریک چیئرمین آصف علی زرداری کی ہدایت پر ہٹائے جارہے ہیں۔

واضح رہے کہ اس سے قبل جب ڈی جی رینجرز نے شہر بھر سے بیریئرز ہٹانے کی ہدایت کی تھیں تو اس دوران صوبائی حکومت نے بلاول ہاؤس کے اطراف لگے ہوئے بیریئرز کا دفاع کرتے ہوئے اپنے ہی ماتحت محکمہ داخلہ کے ذریعے ڈی جی رینجرز کو ایک خط لکھا تھا جس میں بیریئرز نہ ہٹانے کا کہا گیا تھا۔

تاہم ذرائع کے مطابق ڈی جی رینجرز نے بیریئرز ہٹانے کے معاملے پر کسی بھی تفریق کو ملحوظ خاطر نہ رکھنے کی ہدایت کی جس کے بعد اب پیپلزپارٹی نے بلاول ہاؤس اور اس کے اطراف رضاکارانہ طور پر بیریئرز ہٹانے کا فیصلہ کیا ہے ۔

وزیراعلیٰ سندھ سید قائم علی شاہ یہ بھی کہہ چکے ہیں کہ بلاول ہاؤس کے اطراف بیریئرز نہیں سیکیورٹی کیلئے پولیس چیک پوسٹ قائم ہیں۔

مارچ 31, 2015
تحریک انصاف طالبان کا سیاسی ونگ ہے، رابطہ کمیٹی

کراچی: ایم کیو ایم کی رابطہ کمیٹی کا کہنا ہے کہ تحریک انصاف طالبان کا سیاسی ونگ ہے۔

ایم کیوایم رابطہ کمیٹی نے کراچی میں پریس کانفرنس کرتے ہوئے تحریک انصاف اور عمران خان کو آڑے ہاتھوں لیا، کنور نوید کا کہنا تھا کہ تحریک انصاف کے کارکنوں نے پی ٹی وی پر حملہ کیا تو عمران خان نے شاباش دی۔

ان کا کہنا تھا کہ تحریک انصاف طالبان کا سیاسی ونگ ہے،ان کا کہنا تھا کہ کراچی والے اگر ان کو ووٹ دیں تو اچھے ہیں۔

اس موقع پر ایم کیو ایم کے رہنما وسیم اختر نے عمران خان کو خبردار کیا کہ آئندہ کراچی کی عوام کے لیے نازیبا الفاظ استعمال نہ کریں، وسیم اختر نے کہا کہ این اے دو سو چھیالیس سے حق پرست امیدوار ہی کامیاب ہوگا۔

مارچ 30, 2015