میلبورن : ہسپانوی ٹینس اسٹار رافیل نڈال فتوحات کے سلسلے کو برقرار رکھتے ہوئے آسٹریلین اوپن ٹینس کے کوارٹر فائنل میں پہنچ گئے ہیں۔
سال کے پہلے گرینڈ سلیم ایونٹ آسٹریلین اوپن ٹینس میں سنسنی خیز مقابلوں کا سلسلہ جاری ہے۔ مینز سنگلز کے چوتھے راؤنڈ میں ہسپانوی ٹینس اسٹار رافیل نڈال نے جنوبی افریقہ کے کیون اینڈرسن کو دو ایک سے شکست دیکر کوارٹر فائنل راؤنڈ میں جگہ بنائی۔
ویمنز سنگلز میں روسی ٹینس اسٹار ماریہ شراپوا کا مقابلہ چین کی غیر معروف کھلاڑی شوا پینگ سے ہوا۔ یہ میچ شراپوا نے باآسانی چھ تین اور چھ صفر سے جیت کر اگلے مرحلے کیلئے کوالیفائی کرلیا۔
