بارسلونا : سابق عالمی نمبر ایک اسپین کے رافیل نڈال نے بارسلونا اوپن ٹینس ٹورنامنٹ کے سیمی فائنل کے لئے کوالیفائی کرلیا۔
تفصیلات کے مطابق بارسلونا میں اسپین کے رافیل نڈال کی فتوحات کا سلسلہ جاری ہے۔ ایونٹ کے کوارٹرفائنل میں ٹاپ سیڈ نڈال نے اٹلی کے فوگیو فوگنینی کی ایک نہ چلنے دی۔
نڈال نے کھیل کے آغاز سے ہی حریف کھلاڑی کو دباؤ میں رکھا اور پہلا سیٹ باآسانی چھ دو سے جیت کر برتری حاصل کی۔
دوسرے سیٹ میں نڈال کو کچھ مزاحمت کا سامنا کرنا پڑا۔ اٹالین کھلاڑی نے مقابلہ ٹائی بریک تک پہنچایا لیکن وہ سات چھ سے ناکام ہوگئے۔
