ARYNews.tv | Urdu – Har Lamha Bakhabar

Tag: raheel sharif

  • وزیر اعظم اورآرمی چیف کی سعودی فرمانروا سے ملاقات

    وزیر اعظم اورآرمی چیف کی سعودی فرمانروا سے ملاقات

    ریاض : وزیراعظم نواز شریف کی شاہی محل میں سعودی فرمانروا سلمان بن عبدالعزیز سے ملاقات کی، آرمی چیف جنرل راحیل شریف اور طارق فاطمی بھی ملاقات میں شریک تھے۔

    تفصیلات کے مطابق پاکستانی قیادت ایران سعودی عرب کشیدگی ختم کرانے کے لئے سرگرم ہوگئی، سعودی عرب کے دارالحکومت ریاض کے کنگ سلمان ایئر بیس پہنچنے پر ریاض کے گورنر نے ان کا پرتپاک استقبال کیا۔

    بعد ازاں نواز شریف نے سعودی فرما روا شاہ سلمان بن عبدالعزیز سے ملاقات کی،ملاقات کے دوران خطے کی صورت حال اور باہمی دلچسپی کے دیگر امور پر تبادلہ خیال کیا گیا۔

    آرمی چیف جنرل راحیل شریف نے مشرق وسطیٰ کی صورتحال پر پاکستان کا مؤقف پیش کیا اور سعودی عرب اور ایران کے درمیان رابطے بڑھانے کی ضرورت پر زور دیا۔ان کا کہنا تھا کہ مشرق وسطیٰ کی موجودہ صورتحال کے باعث امت مسلمہ کمزور ہو رہی ہے۔

    آئی ایس پی آر کی جانب سے جاری بیان کے مطابق آرمی چیف جنرل راحیل شریف نے ریاض میں سعودی عرب کے وزیر دفاع شہزادہ محمد بن سلمان سے بھی ملاقات کی ہے.

  • جنرل راحیل شریف کی امریکی قومی سلامتی کی مشیرسوزن رائس سے ملاقات

    جنرل راحیل شریف کی امریکی قومی سلامتی کی مشیرسوزن رائس سے ملاقات

    واشنگٹن : آرمی چیف کادورہ امریکا کامیابی سے جاری ہے۔جنرل راحیل شریف نے امریکی قومی سلامتی کی مشیرسوزن رائس سے ملاقات کی جس میں دہشت گردوں کی فنڈنگ روکنے سمیت اہم معاملات پر گفتگو کی گئی۔ س

    پہ سالار نے دورہ امریکا کے آخری مرحلے میں اعلی امریکی حکام سے اہم ملاقاتیں کیں جن میں تفصیلی تبادلہ خیال کیا گیا۔

    جنرل راحیل شریف نے امریکی قومی سلامتی کی مشیرسوزن رائس سے ملاقات میں دہشت گردوں کی مالی معاونت روکنے پربات چیت کی۔

    اس نشست میں دہشت گردی کا مکمل قلع قمع کرنے اور علاقائی سلامتی کے امور پر بھی تبادل خیال کیا گیا۔ آرمی چیف جنرل راحیل نیشنل سیکورٹی ایجنسی کے اعلیٰ حکام سے بھی ملے۔

    اس موقع پر سیکورٹی تعاون اور دیگر مشترکہ دلچسپی کے امورپرتفصیلی گفت و شنید ہوئی۔

    جنرل راحیل شریف سے ملاقات کرنے والوں میں ڈپٹی سیکیورٹی ایڈوائزر ایورل ہینس اورہوم لینڈ سیکیورٹی پر تعینات صدر اوباما کی اسسٹنٹ لیزا موناکو بھی شامل ہیں ۔

  • جنرل لائیڈ آسٹن کی جنرل راحیل شریف سے ملاقات

    جنرل لائیڈ آسٹن کی جنرل راحیل شریف سے ملاقات

    راولپنڈی: امریکی سینٹرل کمانڈ کے سربراہ جنرل لائیڈ آسٹن نے آرمی چیف جنرل راحیل شریف سے ملاقات کی۔

    پاکستان کے دورے پر آئے ہوئے امریکی سینٹرل کمانڈ کے سربراہ جنرل لائیڈ آسٹن نے جنرل ہیڈ کوارٹرز راولپنڈی کا دورہ کیا اور جی ایچ کیو میں قائم یادگار شہداء پر حاضری دی اور پھولوں کی چادر چڑھائی۔

    اس موقع پر انہیں پاک فوج کے چاک و چوبند دستے نے سلامی بھی دی، بعد ازاں امریکی سینٹرل کمانڈ کے سربراہ جنرل لائیڈ آسٹن نے پاک فوج کے سربراہ جنرل راحیل شریف سے تفصیلی ملاقات کی۔

    ڈی جی آئی ایس پی آر میجر جنرل عاصم سلیم باجوہ کے ٹویٹ پیغامات کے مطابق ملاقات میں پاک امریکہ دفاعی اور فوجی تعلقات اور تعاون پر تفصیلی بات چیت کی گئی جبکہ امریکی سینٹرل کمانڈ کے سربراہ جنرل لائیڈ آسٹن نے خطے میں امن اور استحکام کیلئے پاک فوج کے کردار کی تعریف کی اور دہشت گردوں کے خلاف جاری آپریشن ضرب عضب کی کامیابیوں کو سراہتے ہوئے پاک فوج کی قربانیوں کو خراج تحسین پیش کیا۔

  • سانحہ صفورہ: آرمی چیف کراچی کے لئے روانہ

    سانحہ صفورہ: آرمی چیف کراچی کے لئے روانہ

    راولپنڈی: آرمی چیف جنرل راحیل شریف سانحہ صفورا کےپیشِ نظر کراچی کے لئے روانہ ہوگئے ہیں۔

    آئی ایس پی آر کی جانب سے جاری کردہ اعلامیے کے مطابق آرمی چیف کراچی میں مقتولین کے اہلِ خانہ سے تعزیت اور زخمیوں کی عیادت کریں گے۔

    آج صبح صفورہ چورنگی کے نزدیک اسمعیلی کمیونٹی کی بس پر نامعلوم مسلح افراد نے حملہ کردیا جس کے نتیجے میں 45 افراد جاں بحق جبکہ 13 زخمی ہوئے ہیں۔

    اسماعیلی کمیونٹی کی بس پر فائرنگ ، 45 افراد جاں بحق

    ذرائع کا کہنا ہے کہ آرمی چیف شہر میں امن وامان کی صورتحال سے متعلق اہم سیاسی اورانتظامی شخصیات سے ملاقاتیں بھی کریں گے۔

    دوسری جانب وزیر اعظم کی زیرِ صدارت ہونے والے آل پارٹیزاجلاس میں فیصلہ کیا گیا ہے کہ اجلاس کے فوراً بعد تمام سیاسی قیادت بھی کراچی جائے گی۔

  • ایرانی وزیرِ خارجہ کی آرمی چیف جنرل راحیل سے ملاقات

    ایرانی وزیرِ خارجہ کی آرمی چیف جنرل راحیل سے ملاقات

    راولپنڈٰی: ایرانی وزیر خارجہ جواد ظریف نے آرمی چیف جنرل راحیل شریف سے ملاقات کی جس میں باہمی دلچسپی کے امور زیرِ گفتگو آئے۔

    آئی ایس پی آر کی جانب سے جاری کردہ اعلامیے کے مطابق آج جمعرات کے روز جنرل راحیل شریف نے راولپنڈٰی میں واقعی آرمی کے جنرل
    ہیڈکوارٹرمیں پاکستان کے دورے پر آئے ہوئے وزیرخارجہ سے ملاقات کی ہے۔

    ملاقات میں دونوں ممالک کے دو طرفہ دلچسپی کے امور پر گفتگو ہوئی اور دہشت گردی کے خلاف جنگ پرتبادلہٗ خیال کیا۔

    جواد ظریف نے آپریشن ضربِ عضب میں حاصل ہونے والی کامیابیوں اورپاک فوج کی قربانیوں کا سراہا۔

    ایرانی وزیرخارجہ اورآرمی چیف کے درمیان یمن میں جاری جنگ کے موضوع پربھی تبادلہ خیال کیا اور خطے میں قیامِ امن کے لئے دونوں ممالک کی جانب سے مثبت کردار ادا کرنے پر اتفاق کیا۔

    پاکستان اور ایران یمن کا مسئلہ پر امن طور پر حل کرنے پر متفق

    ایرانی وزیرِ خارجہ جواد ظریف دوروزہ دورے پر پاکستان آئے ہوئے ہیں اورآرمی چیف سے ملاقات سے قبل انہوں نے وزیراعظم نواز شریف اور مشیرِ خارجہ سرتاج عزیز سے بھی ملاقات کی تھی۔

  • کراچی: وزیراعظم نواز شریف کی آرمی چیف سے اہم ملاقات

    کراچی: وزیراعظم نواز شریف کی آرمی چیف سے اہم ملاقات

    کراچی: وزیراعظم نواز شریف سے آرمی چیف جنرل راحیل شریف نے ملاقات کی ہے،ملاقات میں کراچی آپریشن اور قومی ایکشن پلان پر تفصیلی تبادلہ خیال کیا گیا ۔

    وزیراعظم ہاوس میں ہو نے والی اس ملاقات میں آپریشن ضرب عضب آئی ڈی پیز کی بحالی ،مغربی سرحد پر ایف سی کی اضافی نفری کی تعیناتی اور کراچی اپریشن میں پیش رفت اور قومی ایکشن پلان پر عمل درآمد کا جائزہ لیا گیا۔

     اس سے پہلے وزیر اعظم سے مختلف اراکین اسمبلی نے بھی ملاقات کی، وزیر اعظم کا اس موقع پر کہنا تھا کراچی میں آپریشن شروع کرنےسےقبل تمام سیاسی جماعتوں کواعتمادمیں لیاگیا تھا۔ پاکستان کےمعاشی حب کراچی کو پرامن بناناملکی مفادمیں ہے ۔

    ان کا کہنا تھا غیرقانوی ہتھیاررکھنےکاکسی کےپاس کوئی جواز نہیں،سنگین جرائم میں ملوث ملزمان کوکٹہرےمیں لایاجائےگا۔

  • دہشتگرد شہر میں ہوں یا دور دراز، دھونڈ نکالیں گے، آرمی چیف

    دہشتگرد شہر میں ہوں یا دور دراز، دھونڈ نکالیں گے، آرمی چیف

    نوشہرہ: پاک فوج کے سربراہ جنرل راحیل شریف نے ایک بار پھر اس عزم کا اعادہ کیا ہے کہ پاکستان سے ہر قسم کی دہشتگردی کا خاتمہ یقینی بنایا جائے گا۔

    آرمی چیف جنرل راحیل شریف پبی کی پہاڑیوں پر قائم کردہ قومی انسداد دہشت گردی کے تربیتی مرکز میں خصوصی تربیت حاصل کرنے والے پانچ سو اہلکاروں کے پہلے بیج کی تقریب میں مہمان خصوصی تھے، جس میں صوبائی پولیس کے دو سو ،ایف سی رینجرز ،ایس پی ڈی اور اے این ایف کے دو سو اہلکاروں سمیت فضائیہ اور بحریہ کے سو سابق اہلکار شامل ہیں۔

    اس موقع پر خطاب کرتے ہوئے آرمی چیف جنرل راحیل شریف نے کہا کہ پاک فوج دہشت گردی کے خاتمے کیلئے موثر انداز میں قانون نافذ کرنے والے اداروں کے اہلکاروں کی تربیت کررہی ہے تاکہ دہشت گردوں کا پیچھا کرکے ان کا خاتمہ کیا جاسکے۔

    آرمی چیف نے زور دیا کہ تربیت کے ساتھ ساتھ موئثر انٹلیجنس میکنزم بھی ضروری ہے تاکہ دہشتگردی کے واقعات کو رونما ہونے سے پہلے روکا جاسکے، اس سلسلے میں ابہام مشتبہ عناصر کی نشاندہی کرے۔

     

    انہوں نے کہا کہ آئیں سب ملکر بلاخوف و خطر اس سلسلے میں اپنا کردار ادا کریں، جنر ل راحیل شریف نے کہا ہے کہ دہشگرد شہروں میں ہوں یا دور دراز علاقوں میں انہیں دھونڈ نکالیں گے، دہشتگردی کے خاتمے کا تہیہ کر رکھا ہے ۔

     

    اس موقع پر آرمی چیف کو بریفنگ دیتے ہوئے بتایا گیا کہ دہشتگردی کے خلاف لڑنے کیلئے پاک فوج نے پانچ سو جوانو ں پر مشتمل دستے کو تربیت دی ہے، تربیت حاصل کرنے والے دو سو اہلکاروں کا تعلق مختلف صوبوں کی پولیس سے جبکہ ایف اسی اے این ایف اور رینجرز کے دو سو اور بحریہ اور فضائیہ کے سو جوان شامل ہیں ۔

  • جنرل راحیل شریف کی ابوظہبی میں بین الاقوامی دفاعی نمائش میں شرکت

    جنرل راحیل شریف کی ابوظہبی میں بین الاقوامی دفاعی نمائش میں شرکت

    دبئی: چیف آف آرمی سٹاف جنرل راحیل شریف نے اتوار کو بین الاقوامی دفاعی نمائش اور کانفرنس (آئی ڈی ای ایکس) کا دورہ کیا جو ابوظہبی نیشنل ایگزی بیشن سنٹر میں منعقد ہوئی۔

    چیف آف آرمی سٹاف نے نمائش میں چین، روس، متحدہ عرب امارات اور پاکستان سمیت مختلف ممالک کے سٹالوں کا دورہ کیا۔

    آرمی چیف جنرل راحیل شریف نےعالمی دفاعی نمائش کےدورے کےموقع پرچین،عرب امارات،روس اورپاکستان کےاسٹالزکامعائنہ کیا۔

     اپنے ایک روزہ دورہ کے دوران جنرل راحیل شریف نے متحدہ عرب امارات مسلح افواج کے چیف آف سٹاف جنرل حماد محمد اور متحدہ عرب امارات کے سینئر فوجی افسران سے علیحدہ علیحدہ ملاقاتیں بھی کیں۔

     آئی ایس پی آر کے مطابق ملاقاتوں کے دوران دفاع، سیکیورٹی آپریشن اور تعاون اور علاقائی سلامتی کے دوطرفہ دلچسپی کے امور زیربحث آئے۔

    اس موقع پر متحدہ عرب امارات کی قیادت نےآپریشن ضرب عضب میں مسلح افواج کی کامیابیوں کوسراہا۔

  • جنرل راحیل شریف سے چین کے وزیرخارجہ کی ملاقات

    جنرل راحیل شریف سے چین کے وزیرخارجہ کی ملاقات

    راولپنڈی: پاک فوج کے سربراہ جنرل راحیل شریف سےچین کے وزیرخارجہ نے ملاقات کی اور علاقائی صورتحال اوردفاعی تعلقات پربات چیت کی گئی ۔

    پاک فوج کے ترجمان کے مطابق چینی وزیر خارجہ نے آرمی چیف جنرل راحیل شریف کو دہشت گردی کے خلاف جاری آپریشن ضرب عضب میں کامیابیوں پرمبارکباد پیش کرتے ہوئے خطےمیں امن واستحکام کےلیےپاک فوج کی قربانیوں پرخراج تحسین پیش کیا ۔

     آئی ایس پی آر کے مطابق دونوں ملکوں کےدرمیان وفودکی سطح پربھی مذاکرات ہوئے، چینی وزیرخارجہ نے جی ایچ کیومیں یادگارشہداپر بھی حاضری دی اورپھول چڑھائے۔

    واضح رہے کہ اس سے قبل جینی وزیر خارجہ کی  وزیر اعظم نواز شریف اور سابق صدر آصف زرداری سے بھی ملاقات کی۔

  • انسداددہشت گردی فورس کی پہلی پاسنگ آؤٹ پریڈ

    انسداددہشت گردی فورس کی پہلی پاسنگ آؤٹ پریڈ

    لاہور: انسداددہشت گردی فورس کے پہلےدستےنےفوج سےتربیت حاصل کرلی۔آرمی چیف نے خطاب میں کہا کہ امن عامہ اور سیکیورٹی سب کی مشترکہ ذمہ داری ہے۔

    تفصیلات کے مطابق لاہورمیں انسداددہشت گردی فورس کے پہلےکورس کی پاسنگ آؤٹ پریڈکی تقریب منعقد ہوئی ۔ آرمی چیف جنرل راحیل شریف، وزیراعظم نوازشریف، اور وزیراعلیٰ پنجاب شہباز شریف خصوصی مہمان تھے۔

    تقریب سے خطاب کرتے ہوئےجنرل راحیل شریف نے کہا کہ امن عامہ اور سیکیورٹی سب کی مشترکہ ذمہ داری ہے۔ انہوں نے کہا کہ ٹریننگ کا دائرہ کار پورے ملک تک بڑھایا جائے۔

    پاسنگ آؤٹ پریڈ میں تربیت حاصل کرنے والے جوانوں نے شاندار عملی مظاہرہ کیا۔پریڈ میں دہشت گردوں کا سراغ لگانے کیلئے انٹیلیجنس اہلکار کس کس روپ میں کام کرتے اس کا بھی عملی مظاہرہ کیاگیا۔

    پاس آؤٹ کرنیوالےفوج کے تربیت یافتہ جوانوں کے پہلےدستے میں چارسواکیس جوان شامل ہیں جن میں سولہ خواتین اہلکار بھی ہیں۔ ایلیٹ فورس میں مجموعی طورپرایک ہزار ایک سو بیاسی اہلکاروں کو تربیت دی جائے گی جس کا دورانیہ نو ماہ ہے۔