Tag: Rahet fateh ali khan

لندن: برطانیہ کی آکسفورڈ یونیورسٹی نے راحت فتح علی خان کو اعزازی شیلڈ سے نوازنے کا اعلان کردیا۔

آکسفورڈ یونیورسٹی کی خصوصی دعوت پر پاکستان کے معروف گلوکار راحت فتح علی خان یونیورسٹی کا دورہ کرینگے، راحت فتح علی کے لیے یونیورسٹی کا دو سو سالہ قدیم میوزک روم کھلوایا جائے گا۔

آکسفورڈ شعبہ میوزک کے طلبا و طالبات راحت فتح علی خان کے ساتھ میوزک سیشن بھی کرینگے، راحت فتح علی خان کو اعزازی شیلڈ سے نوازا جائے گا ، یہ اعزاز اب تک صرف بھارتی سپر اسٹار امیتابھ بچن کے پاس ہے۔

راحت فتح علی خان کا کہنا ہے کہ آکسفورڈ یونیورسٹی کی طرف سے ملنے والا اعزاز صرف ان کا نہیں بلکہ پاکستانی قوم اور پاکستان میوزک انڈسٹری کا اعزاز ہے ۔

Rahat Fateh Ali to be Awarded a Honorary Shield… by arynews

اسلام آباد: ایف بی آرنے انکم ٹیکس گوشواروں میں آمدن کے ذرائع چھپانے پر گلوکار راحت فتح علی خان کو نوٹس جاری کردیا۔

ذرائع کے مطابق ایف بی آر نے معروف گلوکار راحت فتح علی خان کو نوٹس جاری کیاہے، جس میں دو ہزار تیرہ کے انکم ٹیکس گوشواروں میں آمدن کی تفصیلات جمع کرانے کا حکم دیا گیا ہے۔

ایف بی آر حکام کے مطابق راحت فتح علی نے بیرون ملک پرفارمنس سے کروڑوں روپے کمائے، جن کا گوشواروں میں کوئی ذکر نہیں کیاگیا،نوٹس میں راحت فتح علی خان سے معاوضے کی مکمل تفصیلات طلب کی گئی ہیں۔

ایف بی آرذرائع کا کہنا ہےکہ گلوکار راحت فتح علی خان نے بھارت میں گائے گئے گانوں کا معاوضہ بھی گوشواروں میں ظاہر نہیں کیا ہے۔ریجنل ٹیکس آفس ون نے گلوکار راحت فتح علی خان کو سکیشن ایک سوبائیس پانچ اے کے تحت نوٹس بھیج کر تفصیلات طلب کرلی ہیں۔

ایف بی آر نے ڈیفنس میں واقع راحت فتح علی خان کی رہائشگاہ پر نوٹس بھیج دیاہے، ایف بی آر نے راحت فتح علی خان کو بھیجے گئے نوٹس میں بیرون ملک سے ملنے والے معاوضہ کی مکمل تفصیلات مانگی ہیں۔
راحت فتح علی خان کے ترجمان نے ایف بی آر کا نوٹس ملنے کی تردید کرتے ہوئے کہا ہے کہ مجھے انکم ٹیکس کے حوالے سے کوئی نوٹس نہیں ملا۔