ARYNews.tv | Urdu – Har Lamha Bakhabar

Tag: RAHIL SHARIF

  • آرمی چیف جوانوں کے ساتھ عید منارہے ہیں

    آرمی چیف جوانوں کے ساتھ عید منارہے ہیں

    وزیرستان: آرمی چیف جنرل راحیل شریف نے عید الفطرکی نماز شمالی وزیرستان میں اگلے مورچوں پر جوانوں کے ساتھ ادا کی۔

    عید کی نماز کی ادائیگی کے بعد انہوں نے جوانوں سے عید ملی اور انہیں آج کے پر مسرت دن کی مبارک باد دی۔

    ڈی جی آئی ایس پی آر میجر جنرل عاصم سلیم باجوہ نے اپنے ٹویٹر پیغام میں کہا کہ ’’ دہشت گردوں کو شکست ہورہی ہے اور ملک میں امن و امان کی صورتحال بہتر ہورہی ہے مشن کی تکمیل تک آپریشن جاری رہے گا‘‘۔

    گزشتہ روز اپنے پیغام میں انہوں نے کہا تھا کہ آرمی چیف عید منانے کے لئے وزیرستان میں ہیں اس سے زیادہ بہت رمضان کی آخری افطار نہیں ہوسکتی‘‘۔

     

  • دہشت گردوں پرزمین تنگ کردی ہے، آرمی چیف

    دہشت گردوں پرزمین تنگ کردی ہے، آرمی چیف

    خیبر ایجنسی: پاک فوج کے سربراہ جنرل راحیل شریف نے رمضان المبارک کا پہلا روزہ خیبرایجنسی میں پاک افغان بارڈر کے قریب تعینات جوانوں کے ساتھ گزارا،اورشدت پسندوں کے خلاف جاری آپریشن کا جائزہ لیا۔

    دورے کے موقع پرخطاب کرتے ہوئے جوانوں کے عزم و حوصلے اورقربانیوں کو سراہا، پاک فوج کے سربراہ جنرل راحیل شریف کا کہنا تھا کہ پاک افغان بارڈر کے قریب دہشت گردوں کے چند ٹھکانے رہ گئے ہیں۔

    ان کا کہنا تھا کہ باقی ماندہ دہشت گردوں کے گرد گھیرا تنگ کردیا گیا ہے، انہیں دوبارہ منظم ہونے نہیں دیا جائے گا۔   جنرل راحیل شریف نے کہا کہ فورسز نے ایسے علاقوں میں آپریشن کیا جہاں دیسی اورغیر ملکی ساختہ بارودی سرنگوں کی بھرمارتھی، دہشت گرد شمالی وزیرستان کے بعد خیبرایجنسی کے دشوارعلاقوں میں چھپے ہوئے تھے مگراب انہیں کہیں چھپنے کی جگہ نہیں ملے گی۔   آرمی چیف جنرل راحیل شریف نے بعد ازاں باڑہ کا بھی دورہ کیا، جہاں آپریشن کے علاقوں کے متاثرین کو تعلیم اور فنی تربیت فراہم کی جارہی ہے۔      

    انہوں نے قبائلی عمائدین سے بھی ملاقات کی اوران کے عزم اور حوصلے کو سراہا اوریقین دلایا کہ دہشت گردوں کو واپس ان علاقوں میں نہیں آنے دیا جائے گا۔

    انہوں نے ایک بار پھر اس عزم کو دہرایا کہ قوم کے تعاون سے ملک بھرمیں دہشت گردی کا جڑسے خاتمہ یقینی بنایا جائے گا، اس موقع پرکورکمانڈر پشاورلیفٹنٹ جنرل ہدایت الرحمان بھی آرمی چیف کے ہمراہ تھے۔

    >

  • وزیراعظم اورآرمی چیف کل افغانستان روانہ ہورہے ہیں

    وزیراعظم اورآرمی چیف کل افغانستان روانہ ہورہے ہیں

    اسلام آباد: وزیر اعظم نواز شریف اورآرمی چیف راحیل شریف کل ایک روزہ دورے پر اسلام آباد روانہ ہورہے ہیں۔

    ترجمان وزیر ہاؤس کے مطابق وزیراعظم افغان صدر اشرف غنی کی دعوت پرافغانستان کا دورہ کررہے ہیں اور اس موقع پر پاک فوج کے سربراہ جنرل راحیل شریف بھی ان کے ہمراہ ہوں گے۔

    ترجمان کے مطابق افغانستان کے دسورے سے متعلق ایک اعلیٰ سطحی اجلاس وزیراعظم ہاؤس اسلام آباد میں منعقد کیا گیا جس میں پاک افغان دو طرفہ امورپر مشاورت کی گئی۔

    اجلاس میں دہشت گردی کے خلاف جنگ میں پاکستان اورافغانستان کے کردارپربھی تبادلہٗ خیال کیا گیا۔

    اجلاس میں آرمی چیف اورڈی جی آئی ایس آئی رضوان اختربھی موجود تھے۔

    اجلاس میں طے پایا کہ افغانستان کے دورے میں دو طرفہ باہمی دلچسپی کے اموراوردہشت گردی کے موضوع پر واضح پالیسی اختیار کی جائے گی۔

  • پشاور: پاک فوج کی ٹیموں نے امدادی کام شروع کردیا، آئی ایس پی آر

    پشاور: پاک فوج کی ٹیموں نے امدادی کام شروع کردیا، آئی ایس پی آر

    پشاور:بارش سے متاثرہ علاقوں میں پاک فوج کی ٹیموں نے امدادی کام شروع کردیا ہے، ڈی جی آئی ایس پی آر کا کہنا ہےکہ پاک فوج کی ٹیمیں بحالی کےکاموں میں انتظامیہ کی مدد کریں گی۔

    پشاورمیں بارشوں سے ہونیوالی تباہی پر ٹوئٹر پر پیغام میں پاک فوج کے ترجمان کا کہنا ہے کہ سی ایم ایچ میں ہنگامی حالت نافذ کردی گئی ہے جہاں ڈاکٹرزعلاج کیلئےموجودرہیں گے۔

     بحریہ ٹاؤن کے ترجمان کا کہنا ہے کہ بحریہ ٹاؤن نے متاثرہ افراد کے لئے امدادی ٹیمیں روانہ کردی ہیں، جس میں موبائل اسپتال اور اسٹاف شامل ہے۔

     قائمقام صدر رضا ربانی اور وزیر اعظم نواز شریف نے پشاور میں بارشوں سے ہونیوالے جانی نقصان پر گہرے افسوس کا اظہار کیا ہے،وزیراعظم نےصوبائی حکومت کومشکلات حل کرنے کیلئے فوری اقدامات کی ہدایت کی ہے۔

  • آئی ایس پی آرکی سبین محمود کے بہیمانہ قتل پر مذمت

    آئی ایس پی آرکی سبین محمود کے بہیمانہ قتل پر مذمت

    روالپنڈی: ڈائریکٹر جنرل آئی ایس پی آر میجر جنرل عاصم سلیم باجوہ نے سبین محمود کے بہیمانہ قتل کی شدید الفاظ میں مذمت کرتے ہوئے کہا ہے کہ حساس ادارے اس واقعے کی تحقیقات کے لئے ہرممکن تعاون کریں گے۔

    ٹوئٹر پیغام میں انہوں نے سبین محمود کے اہل خانہ سے اظہار تعزیت کرتے ہوئے اسے ایک افسوس ناک واقعہ قرار دیا ہے۔

     

     انہوں نے کہا ہے کہ عسکری قیادت کی جانب سے انٹیلی جنس ایجنسیوں کو ہدایات جاری کی گئی ہیں کہ سبین محمود کے قتل کی تحقیقات کے لئے تفتیشی اداروں سے بھرپور تعاون کیا جائے تاکہ واقعے کے ذمے داروں کو بے نقاب کرکے گرفتار انصاف کے کٹہرے میں لایا جائے۔

  • پاک سعودی مشترکہ فوجی مشقیں معمول کا حصہ ہیں، آئی ایس پی آر

    پاک سعودی مشترکہ فوجی مشقیں معمول کا حصہ ہیں، آئی ایس پی آر

    راولپنڈی: ترجمان پاک فوج میجر جنرل عاصم باجوہ نے کہا ہے کہ پاکستان اور سعودی عرب کی مشترکہ فوجی مشقیں معمول کا حصہ ہیں۔

    سماجی رابطے کی ویب سائٹ ٹوئٹر پر ترجمان پاک فوج کا کہنا تھا کہ پاکستان اور سعودی عرب کے درمیان طائف میں انیس مارچ سے “صمصام فائیو″ مشقیں جاری ہیں جو معمول کا حصہ ہیں۔

     گزشتہ سال یہ مشترکہ مشقیں جہلم میں ہوئی تھیں۔ میجر جنرل عاصم باجوہ نے کہا کہ مشترکہ فوجی مشقوں میں پاک فوج کے دو سو بانوے افسران اور جوان شریک ہیں ۔

     

  • سانحہ پشاور کا ایک اوراہم ملزم تاج محمد گرفتار، آئی ایس پی آر

    سانحہ پشاور کا ایک اوراہم ملزم تاج محمد گرفتار، آئی ایس پی آر

    راولپنڈی: آئی ایس پی آر کا کہنا ہے کہ سانحہ پشاور میں ملوث ایک اور اہم مرکزی ملزم کو گرفتار کرلیا گیا ہے۔

    پشاور کے آرمی پبلک اسکول پر حملہ ایک قیامت صغری کا منظرتھا، اس المناک واقعہ میں کا مبینہ اہم ملزم تاج محمد کو گرفتار کرلیا گیا۔

     آئی ایس پی آر کےترجمان  کے مطابق تاج محمد اسکول پر حملہ کرنے والے دوسرے گروپ میں شامل تھا۔

    ملزم کو پشاور کے قریب سے گرفتار کیا گیا، تاج محمد پواکئی نامی گاؤں میں آئی ڈی پیز کیمپ میں آئی ڈی پی کے طور پر مقیم تھا۔

    آئی ایس پی آر کا کہنا ہے کہ اسکول پر حملہ کرنے والے پہلے گروپ کی قیادت عتیق الرحمان کررہا تھا۔

     آئی ایس پی آر کے مطابق تاج محمد نے دوہزار آٹھ میں کالعدم تحریک طالبان سے تعلق کا بھی اعتراف کیا ہے، ملزم شمالی وزیرستان اور پشاور میں کئی کارروائیوں میں بھی ملوث رہا ہے۔

  • سانحہ پشاورکےذمہ دارشناخت کرلیے گئے، آئی ایس پی آر

    سانحہ پشاورکےذمہ دارشناخت کرلیے گئے، آئی ایس پی آر

    راولپنڈی: ڈی جی آئی ایس پی آر کا کہنا ہے سانحہ پشاورمیں ملوث دہشتگردوں کوشناخت کرلیا گیا ہے۔

    جی ایچ کیو میں آپریشن ضرب عزب اورآرمی پبلک اسکول سانحے سے متعلق پریس کانفرنس میں ڈی جی آئی ایس پی آرعاصم سلیم باجوہ نے سانحہ پشاور میں ملوث گرفتار دہشت گرد عتیق اور سہولت کار فیصل کے اعترافی بیان کی ویڈیو جاری کردی ۔

    ترجمان آئی ایس پی آر نے ملا فضل اللہ اورخود کش بمبار کے درمیان ٹیلی فونک گفتگو بھی سنائی ۔

    ڈی جی آئی ایس پی آرکا کہنا تھا کہ 226 فوجی جوان آپریشن ضرب عضب میں شہید ہوئے، انہوں نے کہا کہ اب تک تقریبا 6002 انٹیلی جنس آپریشن ہوئے،  جبکہ پشاوراسکول حملہ میں ملوث ملزم عتیق کو پکڑ لیا ہے۔ پشاور حملے کا حکم ملا فضل اللہ کی جانب سے دیا گیا تھا۔ باقی دہشت گردوں کی تلاش جاری ہیں۔

    انہوں نے کہا کہ اسکو ل پر حملہ کرنے والے چار دہشتگردوں کو جمرود میں رکھا گیا، ایک پارٹی تہکال میں کرائےکےمکان میں ٹھہری، تین خودکش بمبار امام مسجد کےگھر اور تین بمبار دوسری جگہ ٹھہرے،پھر دونوں پارٹیاں امام مسجد کے گھرجمع ہوئیں ،عمر امیر نے حملہ آوروں کی کمان سنبھالیں، ٹی ٹی پی کمانڈر حضرت علی نے حملےکیلئے رقوم فراہم کیں۔

    میجر جنرل عاصم سلیم باجوہ نے بتایا کہ اسکول حملے میں ملوث زیادہ تردہشت گرد پاکستانی ہیں،حملہ کرنے والے ستائیس دہشتگردوں میں سے چھ اسکول میں مارے گئے،تین دہشتگرد سیکورٹی فورسز سے مقابلے کے دوران خیبرایجنسی میں مارے جا چکے ہیں ۔

    انہوں نے انکشاف کیا کہ تحریک طالبان کے پیچھے بھارت کا ہاتھ ہے، پاکستان اور افغانستان کے تعالقات میں بہتری آئی ہے ، انہوں نے کہا کہ بارڈر منیجمنٹ میں بھی بہتری آئی ہے ۔

    ان کا کہنا تھا کہ شمالی وزیرستان کے بیشترعلاقے کلیئر کرا لیے۔

  • دہشت گردوں کیخلاف بلاتفریق کارروائی جاری ہے، ڈی جی آئی ایس پی آر

    دہشت گردوں کیخلاف بلاتفریق کارروائی جاری ہے، ڈی جی آئی ایس پی آر

    لندن :ڈی جی آئی ایس پی آر میجر جنرل عاصم سلیم باجوہ نے کہا ہے کہ سانحہ پشاورپاکستان کےلیےاندوہناک حادثہ تھا، بھارت میں ایسے بہت کام ہورہےہیں جوہمارےعلم میں ہیں۔

    جنرل راحیل شریف کے دورہ برطانیہ کے موقع پرلندن میں بریفنگ دیتے ہوئے ڈی جی آئی ایس پی آر میجرجنرل عاصم سلیم باجوہ نے کہا ہے کہ دہشت گردوں کیخلاف بلاتفریق کارروائی جاری ہے جس کے دوران اہم کامیابیاں بھی حاصل ہوئیں۔

    عاصم سلیم باجوہ کا کہنا تھا کہ بھارتی جارحیت کےباعث مغربی سرحد پرمسائل ہورہے ہیں،پاکستان نےاب تک صبرسےکام لیا ہے لیکن بھارت ہمارےصبرکےجواب میں بےبنیادالزامات لگارہاہے۔

     عاصم سلیم باجوہ کا کہنا تھا کہ دونوں ملکوں کےتعلقات بہتربنانےکیلئےوزیراعظم نے نریندر مودی سےملاقات میں ڈائرکٹر جنرل کی سطح پر مذاکرات کی تجویز دی تھی ،جس کے بعدمذاکرات میں پیشرفت ہوئی لیکن بھارتی جارحیت اپنی جگہ برقرار ہے۔

    عاصم سلیم باجوہ نے کہا کہ امن وامان قائم کرنےکیلئےفریقین کوکام کرناہوگا، بھارت میں ایسی بہت کام ہورہےہیں جوہمارےعلم میں ہیں۔

    عاصم سلیم باجوہ بھارت اورپاکستان کےدرمیان کشمیرکامسئلہ اہم ہے، ان کا کہنا تھا کہ سانحہ پشاور،عالمی برادری کی ہمدردی کےشکرگزارہیں، دہشت گردوں سےمذاکرات بھی ہوئےلیکن کوئی فائدہ ہونے بجائے انہوں نےحملے کئے،دہشتگردوں نےجنوبی وزیرستان میں خفیہ ٹھکانےبنارکھےتھے،دہشتگرد فورسزپرحملہ کرکےافغانستان فرارہوتےتھے، دہشت گردوں کی کمرتوڑدی،فنڈنگ روکنالازمی ہے۔

  • بڑے فیصلے کرنے کا وقت آگیا، راحیل شریف

    بڑے فیصلے کرنے کا وقت آگیا، راحیل شریف

    راولپنڈی: پاک فوج کے سربراہ جنرل راحیل کاکہنا ہے کہ بڑے فیصلے کرنے کا وقت آگیا ہے آئندہ نسلوں کے تحفظ کے لئے ملک سے دہشت گردی کا خاتمہ کرنا لازمی ہے۔

    جنرل راحیل شریف اسلام آباد میں منعقدہ آل پارٹیز کانفرنس میں سیاسی رہنماؤں سے خطاب کررہے تھے اور ان کا کہنا تھا کہ خیبرون اور ضربِ عضب میں بڑی کامیابیاں حاصل کی ہیں اوران کے مثبت نتائج حاصل ہورہے ہیں۔

    انہوںنے اجلاس کے شرکاء کو بتایا کہ سانحہ پشاور کے براہ راست مجرم موقع پرہی ہلاک کردئیے گئے تھے جبکہ پس پردہ عوامل کو بے نقاب کرنے کے لئے بڑے پیمانے پرگرفتاریاں کی جارہیں ہیں اور تفتیش کے نتیجے میں مزید گرفتاریاں بھی کی جائیں گی۔

    ذرائع کے مطابق ملا فضل اللہ کے بارے میں ابھی واضح اطلاعات افغانستان سے موصول نہیں ہوئی ہیں کہ وہ گرفتار ہوا ہے یا مارا جاچکا ہے۔

    اس موقع پر آرمی چیف نے یہ بھی کہا کہ ایساف کمانڈر کی جانب سے یقین دہانی اور عملی ثبوت کے باعث بڑی کامیابیاں متوقع ہیں۔ دو طرفہ تعاون سے دور رس نتائج حاصل ہوں گے۔

    راحیل شریف کا مزید کہنا تھا کہ اس وقت قوم کا ایک ہونا ضروری ہے متحد ہوکر ہی یہ جنگ جیتی جاسکتی ہے۔

    انہوں نے یہ بھی کہاکہ آئندہ نسلوں کو ایک پر امن مستقبل دینے کے لئے دہشت گردی کو صفحہ ہستی سے مٹانا بے حد ضروری ہے۔