ممبئی: بھارت کے نوجوان اداکار راہول ڈکشت نے خودکشی کر کے اپنی زندگی کا خاتمہ کرلیا۔
بھارتی میڈیا رپورٹ کے مطابق 28 سالہ اداکار نے 30 جنوری بروز بدھ پنکھے سے لٹک کر اپنی زندگی کا خاتمہ کیا، اُن کے اہل خانہ نے جب کمرہ کھولا تو اُن کا دم نکل چکا تھا۔
پولیس کے مطابق راہول کے اہل خانہ نے جب کمرے کا دروازہ کھولا تو اُس کے گلے میں پھندا تھا اور اُس کا جسم ہوا میں جھول رہا تھا، جب اُسے نیچے اتارا گیا تو جسم بالکل ٹھنڈا تھا۔
مزید پڑھیں: جوانی میں خودکشی کا ارادہ کیا، مگراسلام نے جینے کی نوید دی، اے آر رحمان
یہ بھی پڑھیں: محبت کا افسوسناک اختتام، شوہر نے موت کا ڈرامہ رچایا تو بیوی نے بچوں سمیت خودکشی کرلی
اہل خانہ نے اداکار راہول ڈکشت کو اسپتال پہنچایا تو وہاں لاش کا پوسٹ مارٹم ہوا جس کی رپورٹ میں یہ بات سامنے آئی کہ نرخرے پر دباؤ اور دم گھٹنے کی وجہ سے اداکار کا دم نکلا۔
اداکار کی موت سے متعلق واضع معلومات سامنے نہیں آسکیں البتہ ممبئی پولیس نے مقدمہ درج کر کے تحقیقات کا آغاز کردیا۔
ٹی وی اداکار کے والد منیش نے نوجوان بیٹے کی موت کا یقین نہیں کیا البتہ جب انہیں تصدیق ہوئی تو وہ صدمے کا شکار ہوگئے۔ صاحبزادے کی موت کی تصدیق کرتے ہوئے انہوں نے دکھ کا اظہار کرتے ہوئے لکھا ’راہول تم کیوں چھوڑ کر چلے گئے؟‘۔
https://www.facebook.com/rdserialkisser/posts/2982856248406738
بھارتی میڈیا رپورٹ کے مطابق اداکار کا تعلق جے پور سے تھا اور وہ چند ماہ پہلے انڈسٹری میں نام بنانے کے لیے بی ٹاؤن (ممبئی) منتقل ہوئے تھے۔