Tag: railway minister

لاہور : وفاقی وزیر ریلوے شیخ رشید احمد کا کہنا ہے کہ چالیس لوگوں کے کیسز شروع ہونے والے ہیں، شہباز شریف اور زرداری سمیت کسی کو این آر او نہیں ملے گا، اکتیس مارچ تک جھاڑو پھر جائے گا، عمران خان سے دوستی پر سب کچھ قربان کر دوں گا۔

تفصیلات کے مطابق ریلوے ہیڈکوارٹرز لاہور میں میڈیا سے گفتگو کرتے ہوئے وفاقی وزیر ریلوے شیخ رشید احمد نے کہا زیراعظم12فروری شام 5 بجے تھل ایکسپرس کا افتتاٖح کررہے ہیں، 30 مارچ کو پہلی وی آئی پی ٹرین لاہور سے کراچی جائے گی اور 30 مارچ کو ہی لاہور اسٹیشن کی رینویشن کا افتتاح کریں گے۔

وزیر ریلوے کا کہنا تھا کہ لاہور ،کراچی اسٹیشن پر2روپےنہیں لگے ، فوری فنڈ ریلیز کر رہے ہیں، ریلوے میں 90 فیصد وقت کی پابندی ہے، سابقہ حکومت نے ریلوے کو تباہ و بربادکردیا۔

نوازشریف، آصف زرداری سمیت کسی کواین ا راونہیں ملے گا ،یہ ساری بیماری ملک سے بھاگنے کی ہے

شیخ رشید نے کہا عبدالعلیم خان کو قانون کے مطابق گرفتار کیا گیا، قانون سب کے لئے برابر ہے،عمران خان کے بیان کی حمایت کرتاہوں، چالیس لوگوں کے کیسز شروع ہونے والے ہیں، شاہد خاقان عباسی کو بلایا تو وہ ملک سے باہر، کچھ اور لوگوں کو بلایا جائے تو وہ بھی ملک سے باہر ہوں گے۔

ان کا کہنا تھا کہ نوازشریف، آٖصف زرداری کواین ا راونہیں ملے گا ،یہ ساری بیماری ملک سے بھاگنے کی ہے ، پتھری کا علاج لال حویلی میں ہے، قطری سے پتھری کی سیاست دفن ہونے جا رہی ہے ، اکتیس مارچ تک جھاڑو پھر جائے گی ، اپنی بات پرقائم ہوں ، ایک ماہ مزید ان کو ملنا چاہیئے۔

شہبازشریف گھٹنے کے بل لیٹے ہیں شیخ رشید کو کمیٹی میں نہ لاؤ

اے پی سی چیئرمین کے حوالے سے وزیر ریلوے نے کہا شہباز شریف کسی صورت قبول نہیں، کسی کا پابند نہیں، عمران خان نے خود مجھے پی اے سی میں شامل کیا، شہبازشریف گھٹنے کے بل لیٹے ہیں شیخ رشید کو کمیٹی میں نہ لاؤ، عمران خان کو شہباز شریف کیخلاف عدم اعتماد کا مشورہ دیا ہے۔

شیخ رشید احمد کا کہنا تھا عمران خان نے ملک کو بینک ڈفالفٹر ہونے سے بچایا ہے، ہر جگہ لوگ مجھے کہتے ہیں مہنگی بجلی گیس منظور، چور منظور نہیں۔

عمران خان سے اچھی دوستی ہے، سب کچھ قربان کر دوں گا

اسپیکر قومی اسمبلی کو مخاطب کرتے ہوئے ان کا کہنا تھا کہ اسمبلیاں ایسے نہیں چلتی، شہباز شریف کا تقرر پی ٹی آئی کے شایان شان نہیں، سپریم کورٹ جانے کیلئے تیار بیٹھا ہوں، میری اللہ نے سنی ہے اور عمران خان سے اچھی ہے، دوستی پر سب کچھ قربان کر دوں گا۔

شیخ رشید نے کہا کہ بلاول نے تین جملے کہے تو میں نے چھے، اب صلح ہو گئی ہے۔

لاہور : وزیر ریلوے شیخ رشید نے شہبازشریف کوپبلک اکاؤنٹس کمیٹی کاچیئرمین بنانے پرتنقید کرتے ہوئے کہا بلے کودودھ کی رکھوالی دینےپرمثبت پیغام نہیں گیا،شہباز شریف دیانتدارہیں توپھرن لیگ میں کوئی بےایمان نہیں ہے، خواجہ سعد رفیق بڑے باپ کا چھوٹا بیٹا ہے۔

تفصیلات کے مطابق ریلوے ہیڈ کوارٹرز لاہور میں پریس کانفرنس کرتے ہوئے وزیر ریلوے شیخ رشید نے کہا خواہش ہے اس سال ایک وی وی آئی پی ٹرین چلا دیں، غریبوں کےلیے 3 ٹرینیں چلا رہے ہیں، لاہور کےکرائے میں لوگوں کوکراچی لےجا رہے ہیں۔

وزیر ریلوے کا کہنا تھا کہ اپنے پٹرول پمپ بنا کر ایک ارب بچانے کی کوشش کریں گے، رحمان بابا ایکسپریس 23 دسمبر کو پشاور سے کراچی کیلئے روانہ ہو گی، دس پندرہ دن میں ٹریکر کی سہولت دستیاب ہوگی، ٹریکر آنے کے بعد لوگ ٹرین کو ٹریک کر سکیں گے۔

[bs-quote quote=” خواجہ سعد رفیق بڑے باپ کا چھوٹا بیٹا ہے، وہ پیسوں کی خاطر ٹیں ٹیں کر رہا ہے” style=”style-6″ align=”left” author_name=”شیخ رشید "][/bs-quote]

شیخ رشید نے کہا بغیر ٹکٹ سفرکرنےوالوں کا محاسبہ کریں گے، کنٹرول ہیڈروم کو جدید بنانے کی کوشش کریں گے ، فوگ میں ایمرجنسی سے نمٹنے کے لیے لوگ موجودہوں گے،  بہت سارے ہوٹلوں نے ٹرین چلانے کےلیے رابطہ کیا ہے، ٹرین میں کھانے اور صفائی کا خیال رکھنے کا کہا ہے، ریلوے ٹریک کی صورتحال بہت خراب ہے، ہمارے پاس جو لوگ کنٹریکٹ پر ہیں ان کو ترجیح دیں گے۔

وفاقی وزیر کا شہبازشریف کوپبلک اکاؤنٹس کمیٹی کاچیئرمین بنانے پرتنقید کرتے ہوئے کہنا تھا کہ بلے کی دودھ کی رکھوالی دینے سے اچھا پیغام نہیں گیا،  عوام بے ایمانوں کا احتساب چاہتے ہیں، شہباز شریف اگر دیانتدار ہیں تون لیگ میں کوئی بے ایمان نہیں۔

انھوں نے مزید کہا میرے 3 سال تک کسی نے پروڈکشن آرڈر نہیں کیا، 7 سال کلاشنکوف کیس میں قید میں رہا، کی ماں کی لاش گھر پڑی تھی تو گرفتار کر لیا گیا، یہاں چوروں ڈاکوؤں کو ایسے پیش کررہے ہیں جیسے ان سے ناانصافی ہوئی۔

سعد رفیق کے حوالے سے شیخ رشید کا کہنا تھا کہ خواجہ سعد رفیق بڑے باپ کا چھوٹا بیٹا ہے، وہ پیسوں کی خاطر ٹیں ٹیں کر رہا ہے۔

[bs-quote quote=”مریم اور کلثوم نواز کے بارے کبھی کوئی بات نہیں کی لیکن بلاول تو اپنا جانی ہے” style=”style-6″ align=”left” author_name=”شیخ رشید "][/bs-quote]

وزیر ریلوے نے کہا سپریم کورٹ کے ڈبل نیشنلٹی کے فیصلے پر تبصرہ نہیں کروں گا، بیس فریٹ ٹرینیں چلانے پر صحافیوں کو کھانا کھلاؤں گا، وزیر اطلاعات بھی میرا بھائی ہے اور وہ بہترین کام کر رہا ہے۔

ان کا مزید کہنا تھا کہ سندھ کی قیادت کے ملازمین کے نام پر چار چار گھر نکل رہے ہیں، ان کے جلسے جلوسوں پر کچھ نہیں ہو گا، مریم اور کلثوم نواز کے بارے کبھی کوئی بات نہیں کی لیکن بلاول تو اپنا جانی ہے۔

راولپنڈی: وزیرریلوے شیخ رشید کا کہنا ہے کہ راولپنڈی نے نامور لیڈر پیدا کیے، سو دن میں دس ٹرینیں چلائیں، جو بیس کے برابر ہیں، ریلوے ترقی نہیں کرے گی تو معیشت ترقی نہیں کرے گی، سکھوں کے لئے ننکانہ صاحب اور کرتاپور تک ٹرینیں چلائیں گے۔

تفصیلات کے مطابق وزیرریلوے شیخ رشید نے گورنمنٹ گرلزکالج گوالمنڈی میں تقریب سے خطاب کرتے ہوئے کہا دنیا کا سب سے پہلا مدرسہ ساہیوال میں بنا، دنیا کی پہلی یونیورسٹی ٹیکسلا میں بنی، بچوں کی تعلیم میں راولپنڈی نمبر ون ہے۔

شیخ رشید کا کہنا تھا کہ لڑکیوں کے مقابلے میں لڑکے بہت پیچھے رہ گئے ہیں، دنیا میں علم صرف کتابوں میں نہیں ہوتا، راولپنڈی نے نامور لیڈر پیدا کیے۔

[bs-quote quote=”سکھوں کے لئے ننکانہ صاحب اور کرتاپور تک ٹرینیں چلائیں گے” style=”style-6″ align=”left”][/bs-quote]

وزیرریلوے نے کہا کراچی سے راولپنڈی و پشاورتک نیاڈبل ٹریک لگانے جا رہے ہیں، ریلوے ترقی نہیں کرے گی تو معیشت ترقی نہیں کرے گی، سو دن میں دس ٹرینیں چلائیں جو بیس کے برابر ہیں ، 25دسمبرکومزید2ٹرینیں چلائیں گے۔

ان کا کہنا تھا کہ غریب کی ٹرین رحمان بابا ٹرین کاخود افتتاح کروں گا، کراچی میں ریل ٹریک پر جولوگ آباد ہیں، انہیں معاوضہ دیں گے،70 سال کا ذمہ دار میں نہیں،ان لوگوں کے لیے گھر بنائے جائیں گے، ریلوے کی 66 ہزار ایکٹر زمین پر 10 ہزار گھر ہیں۔

مقبوضہ کشمیر کے حوالے سے شیخ رشید نے کہا کشمیرمیں بہت ظلم ہورہاہے،بھارت وہاں قبرستان آباد کر رہا ہے۔

وزیرریلوے نے کرتارپوربارڈر کے افتتاح سے متعلق کہنا تھا کہ سکھوں کی زیادہ ترعبادت گاہیں پاکستان میں ہیں، ننکانہ صاحب اور کرتاپور تک ٹرینیں چلائیں گے، سکھوں کی تمام عبادت گاہوں کےقریب فائیواسٹارہوٹل بنائیں گے۔

مزید پڑھیں : قوم سے درخواست ہے کہ مجھے ایک مہینہ زیادہ دے دیں، شیخ رشید

یاد رہے دو روز قبل وزیرریلوے شیخ رشید کا کہنا تھا کہ ہم نے سودن میں دس ٹرینوں کا منصوبہ پورا کیا،نوازشریف اورآصف زرداری نے ملک کوبری طرح نوچاہے، قوم چوراورچوکیدارمیں بےایمان اورایماندارمیں فرق کرے۔

وزیرریلوے نے قوم سے درخواست کی کہ مجھے ایک مہینہ زیادہ دے دیں، 30 دسمبر تک ریلوے میں بڑے اقدامات کیے ہیں، سفاری ٹرین پر بھی کام ہو رہا ہے، جلد خوشخبری دی جائے گی۔