ARYNews.tv | Urdu – Har Lamha Bakhabar

Tag: railway minister

  • خواجہ سعد رفیق کےحلقےمیں دھاندلی کےثبوت مل گئے

    خواجہ سعد رفیق کےحلقےمیں دھاندلی کےثبوت مل گئے

    لاہور : حلقہ این اے 125 میں متعدد پولنگ سٹیشنوں پر کئی افراد نے چھ چھ ووٹ بھی کاسٹ کیے نادرا نے دھاندلی کی تصدیق کر دی۔

    نادرا کی جانب سے حلقہ این اے 125 کے پانچ پولنگ سٹیشنوں 5،6،98،107،110 کے متعلق پچاس صفحات پر مشتمل رپورٹ الیکشن ٹریبونل میں جمع کروائی گئی جس میں بتایا گیا کہ پانچوں پولنگ سٹیشنوں کے متعدد ووٹوں کی تصدیق نہیں ہو سکی بعض جگہوں پر ایک ایک شخص نے چھ چھ بار ووٹ بھی کاسٹ کیے ۔

     جعلی شناختی کارڈ پر ووٹ کاسٹ کیے گئےجس کی وجہ سے متعدد ووٹوں پر لگے انگوٹھوں کے نشانات کی تصدیق بھی نہیں ہوسکی جبکہ کاونٹر فائلوں میں پائے گئے شناخی کارڈ نمبر بھی جعلی پائے گئے ۔

     رپورٹ کے مطابق پانچوں پولنگ سٹیشنوں کے 1254 ووٹوں میں سے 280 ووٹ جعلی نکلے ۔ حلقہ این اے125 سے مسلم لیگ ن کے خواجہ سعد رفیق نے کامیابی حاصل کی تھی جس کے خلاف تحریک انصاف کے حامد خان نے دھاندلی کے الزامات کے تحت الیکشن ٹریبونل میں درخواست دائر کر رکھی ہے۔

  • عمران خان کی تحریکِ انصاف کا حصہ بننے والا تھا، سعد رفیق

    عمران خان کی تحریکِ انصاف کا حصہ بننے والا تھا، سعد رفیق

    اسلام آباد: وفاقی وزیرِ ریلوے خواجہ سعدرفیق نے تسلیم کر لیا کہ وہ عمران خان کی تحریکِ انصاف کا حصہ بننے والے تھے، معروف تجزیہ کارہارون الرشید کا کہنا تھا کہ  ملاقات کے بعد سعد رفیق نے لندن جاکر نواز شریف سے ڈیل کرلی۔

    اے آر وائی کے پروگرام میں گفتگو کرتے ہوئے وفاقی وزیرِ ریلوے خواجہ سعد رفیق کا کہنا تھا کہ ہارون الرشید عمران خان کو پارلیمنٹ لاجز میں ان کے پاس لائے تھے تو عمران خان نے انہیں تحریکِ انصاف کا مرکزی سیکرٹری جنرل بنانے کی پیشکش کی تھی۔

    خواجہ سعد رفیق کے اس بیان پر ہارون الرشید نے اے آر وائی کو بتایا کہ خواجہ سعد رفیق نے عمران خان سے ملاقات کے بعد لندن جا کر نواز شریف سے ڈیل کی اور اپنے اپنی بیگم اور اپنے بھائی کے لئے انتخابی ٹکٹ لے کر واپس آئے۔

    ہارون الرشید کا یہ بھی کہنا ہے کہ خواجہ سعد رفیق ان سے بات کریں تو وہ اور بھی بہت سے باتیں سامنے لاسکتے ہیں، اب گیند خواجہ سعد رفیق کے کورٹ میں ہے اور دیکھنا ہے کہ وہ اس چیلنج کا جواب دیتے ہیں یا خاموشی اختیار کرتے ہیں۔

  • تجزیہ کار ہارون رشید نےخواجہ سعدرفیق کا بھانڈہ پھوڑدیا

    تجزیہ کار ہارون رشید نےخواجہ سعدرفیق کا بھانڈہ پھوڑدیا

    اسلام آباد: سینئرتجزیہ کار ہارون الرشید نے انکشاف کیاہےکہ خواجہ سعد رفیق تحریک انصاف میں شامل ہوچکےتھے۔

    عمران خان سے متعلق ہرزہ سرائی خواجہ سعدرفیق کومہنگی پڑگئی، سینئرتجزیہ کار ہارون الرشید نے ن لیگ کے شعلہ بیاں وزیر کی سیاست کاکچہ چٹھہ کھول دیا، کہتے ہیں آج عمران خان ذہنی مریض دینے والےسعدرفیق پی ٹی آئی میں شامل کیوں ہوناچاہتے تھے۔

    ہارون الرشید نےوفاقی وزیرریلوے کے معاشی معاملات پربھی کئی سوالات اٹھادیئے، سینئرتجزیہ کار ہارون الرشید نے خواجہ سعدرفیق کی پریشانی کی وجہ بھی بیان کرڈالی، خواجہ سعدرفیق حکومت کے دفاع کیلئے تورہتے ہیں ہمہ وقت تیار دیکھتے ہیں وہ اپنادفاع کب اورکیسے کرتے ہیں۔

  • چھوٹےشہروں میں ریلوےکی زمین نجی شعبےکودیجائےگی، سعدرفیق

    چھوٹےشہروں میں ریلوےکی زمین نجی شعبےکودیجائےگی، سعدرفیق

    لاہور: وفاقی وزیر ریلوے خواجہ سعد رفیق نے چھوٹے شہروں میں ریلوے کی زمین نجی شعبے کو دینے کا اعلان کر دیا ۔

    ریلوے ہیڈ کوارٹر لاہور میں میڈیا سے گفتگو میں خواجہ سعد رفیق کا کہنا تھا کہ خیبر پختونخواہ کے علاوہ کسی صوبے نے ریلوے کی ز مین واپس نہیں کی، انہوں نے کہا کہ رواں مالی سال ریلوے کی کی آمدنی اٹھائیس ارب سے بڑھ کر اکتیس ارب روپے ہو جائے گی، ایک ہفتے میں کراچی سے ملتان اور فیصل آباد کے درمیان کارگو ایکسپریس شروع کی جائے گی، انھوں نے کہا کہ چودہ نومبر کو این ایل سی کے ساتھ فریٹ انجن حاصل کرنے کے لیے معاہدہ کیا جائے گا۔

  • جبر،دھونس سے جمہور کے فیصلے تبدیل نہیں ہوتے، خواجہ سعد رفیق

    جبر،دھونس سے جمہور کے فیصلے تبدیل نہیں ہوتے، خواجہ سعد رفیق

    اسلام آباد: وفاقی وزیر ریلوے خواجہ سعدرفیق نے کہا ہے کہ جبر اور دھونس کےذریعے جمہور کے فیصلے تبدیل نہیں کیے جا سکتے اگر یہ اصول مان لیا گیا تو ملک میں کوئی آئین و قانون باقی نہیں رہے گا اور جنگل کا قانون رائج ہو جائے گا۔

    انھوں نے کہا کہ طاہر القادری اور عمران خان پاکستان میں جنگل کا قانون نافذ کرنا چاہتے ہیں لیکن وہ جتنا چاہے زور لگالیں اس ملک کی پارلیمنٹ ان کی کوشش کو ناکام بنادے گی، عمران خان سب کچھ ہوسکتے ہیں لیکن سیاست دان نہیں ہوسکتے، عمران خان سر کے بل بھی کھڑے ہوجائیں تو نواز شریف استعفیٰ نہیں دیں گے۔

    سعد رفیق کا کہنا تھا کہ کوئی طاقت یا گروہ ہمیں جمہوریت کے راستے سے نہیں ہٹا سکتے، اس طرح نہ استعفے لیے جاتے ہیں اور نہ دیئے جاتے ہیں۔

    سعد رفیق کا کہنا تھا کہ وفاقی دارالحکومت میں آج جو بھی ہورہا ہے وہ ایک سازش کا حصہ ہے اور اس میں طاہر القادری، عمران خان، شیخ رشید، چوہدری برادران اور پرویز مشرف شامل ہیں، انھوں نے کہا کہ عمران خان کہتے ہیں کہ امپائر کی انگلی اٹھنے والی ہے، کسی جمہوری شخص کو یہ زیب نہیں دیتا کہ وہ ڈنڈے اٹھا کر دارالحکومت کو فتح کرنے پہنچ جائے۔ انہوں نے ملک میں جمہوریت کو ڈانواڈول کرنے کی کوشش کی ہے۔ انہوں نے اپنی پارٹی میں پھوٹ ڈال دی ہے لیکن اپنی انا سے باز نہیں آتے۔

  • دھاندلی ثابت ہوگئی تو ہم سب استعفیٰ دے دیں گے،خواجہ سعد رفیق

    دھاندلی ثابت ہوگئی تو ہم سب استعفیٰ دے دیں گے،خواجہ سعد رفیق

    اسلام آباد: قومی اسمبلی میں اظہار خیال کرتے ہوئے خواجہ سعد رفیق کا کہنا تھا کہ عمران خان کا الزام سچ ثابت ہوا تو ہم سب استعفیٰ دے دیں گے، عمران خان اور طاہرالقادری ڈیڈلائن واپس لیں، مذاکرات کاروں کو قیادت تک رسائی دی جائے۔

    قومی اسمبلی میں سیاسی صورتحال میں سدھارلانے کیلئے کی گئی کوششوں سے آگاہ کرتے ہوئے خواجہ سعد رفیق کا کہنا تھا کہ تحریک انصاف کے تمام مطالبات مان لئے ہیں ، عمران خان کا دھاندلی کا الزام ثابت ہوگیا تو ہم سب استعفے دے دیں گے۔

    سعد رفیق نے کہا کہ عمران خان وزیر اعظم کے استعفے پر اڑے ہوئے ہیں۔

    وفاقی وزیر ریلوے نے بتایا کہ مسائل کے حل کیلئے پاکستان عوامی تحریک سے سات مرتبہ رابطہ ہوا، خواجہ سعد رفیق نے بتایا کہ طاہرالقادری سے کہا کہ کیاوہ چاہتے ہیں بے گناہ لوگوں کیخلاف مقدمہ ہو؟

    خواجہ سعد رفیق کا کہنا تھا کہ دھرنوں کے خلاف کسی کریک ڈاؤن کا فیصلہ کیا نہ کوئی کریک ڈاؤن ہوگا۔

    خواجہ سعد رفیق نے مطالبہ کیا کہ مسائل کے حل کیلئے عمران خان، طاہرالقادری تک مذاکرات کاروں کورسائی دی جائے، اُنہوں نے دونوں قائدین سے اپیل کی کہ وہ ڈیڈ لائن واپس لیں پھانسیوں، کفن اور الٹی میٹم سے مسائل حل نہیں ہوتے۔

  • عمران خان طالبان سے مذاکرات کے حامی ہیں تو حکومت سے ٹیبل ٹاک میں کیا حرج، سعد رفیق

    عمران خان طالبان سے مذاکرات کے حامی ہیں تو حکومت سے ٹیبل ٹاک میں کیا حرج، سعد رفیق

    لاہور: وفاقی وزیر ریلوے خواجہ سعد رفیق کا کہنا ہے کہ تحریک انصاف کے سربراہ طالبان سے بات چیت کرنے کے حامی ہیں تو حکومت سے ٹیبل ٹاک میں کیا حرج ہے ۔

    لاہور میں یوم آزادی کی تقریبات کا آغاز کرتے ہوئے وفاقی وزیر ریلوے خواجہ سعد رفیق نے کہا کہ عمران خان بات چیت کو ڈیل نہ سمجھیں، طالبان سے مذاکرات ۔کے حامی تحریک انصاف کے سربراہ کو حکومت سے ٹیبل ٹاک میں کیا مسئلہ ہے، عمران خان کو سیاسی اختلافات ہیں تو دھرنوں سے اختلافات دور نہیں ہوں گے۔

    خواجہ سعد رفیق نے کہا کہ حکومت تحریک انصاف سے گزشتہ ایک ماہ سے رابطوں میں ہے۔

  • اسلام آباد ہو یا کوئی شہر فوج کو آئین کے تحت بلائیں گے، سعدرفیق

    اسلام آباد ہو یا کوئی شہر فوج کو آئین کے تحت بلائیں گے، سعدرفیق

    اسلام آباد: وفاقی وزیر خواجہ سعد رفیق نے کہا ہے کہ عمران خان محاذ آرائی ترک کر دیں حکومت اسلام آباد اور دیگر شہروں میں فوج کی مدد آئین کے تحت ہی لے گی۔

    اسلام آباد میں فوج کو سول انتظامیہ کہ مدد کیلئے بلائے جانے پر تحریک انصاف کی جانب سے عدالت سے رجوع کرنے کے فیصلے پر خواجہ سعد رفیق کا کہنا ہے کہ عمران خان کو چاہیئے کہ وہ دہشت گردی کےخلاف حکومت اورفوج کاساتھ دیں، عمران خان کو سمجھنا چاہیئے کہ محاذ آرائی کی پالیسی سے وہ صرف ملک وقوم کو نقصان پہنچا سکتے ہیں، خواجہ سعد رفیق نے کہا کہ اسلام آباد میں فوج بلائی جائے یا کسی اور شہر میں اسے بلایا آئین کے تحت ہی جائے گا۔

  • پاکستان کا یوم آزادی پورے ماہ منایا جائے گا، خواجہ سعد

    پاکستان کا یوم آزادی پورے ماہ منایا جائے گا، خواجہ سعد

    اسلام آباد: وزیر ریلوئے خواجہ سعد رفیق کا کہنا ہے کہ پاکستان کا یوم آزادی پورے ماہ منایا جائے گا۔

    پریس کانفرنس کرتے ہوئے وزیر ریلوئے خواجہ سعد رفیق کا کہنا تھا کہ یوم آزادی پاکستان کی تقریبات تیس روز تک جاری رہیں گی ، انہوں نے اپیل کی ہے کہ اسلام آباد کے علاوہ ملک کے کسی حصے میں آزادی وک نہیں کی جائے گی ،خواجہ سعد رفیق نے بتایا کہ یکم اگست سے قومی پرچم لہرانے کی تقریبات کاآغاز ہوگا۔

  • یوم آزادی دہشت گردی کےخاتمےکی نویدلائےگا، سعدرفیق

    یوم آزادی دہشت گردی کےخاتمےکی نویدلائےگا، سعدرفیق

    لاہور: وفاقی وزیر ریلویز خواجہ سعد رفیق نے عمران خان کو مشورہ دیا ہے کہ وہ یوم آزادی کو یوم احتجاج میں نہ بدلیں جبکہ ڈاکڑ طاہر القادری چوہدری برادران اور شیخ رشید جیسے سنگل سیڑ اور پھپے کٹنیوں سے خود کو بچائیں۔

    پریس کلب لاہور میں میڈیا سے گفتگو کرتے ہوئے وفاقی وزیر ریلوے خواجہ سعد رفیق نے کہا کہ قوم حالت جنگ میں ہے اور ایسے میں عمران خان کی جانب سے یوم آزادی کو یوم احتجاج میں بدلنے سے پاکستان کے دشمنوں کو بحثیت قوم ہمارے انتشار کا پیغام جائے گا، انہوں نے تحریک انصاف کے سربراہ کو مشورہ دیا کہ وہ احتجاج کیلئے دن اور تاریخ تبدیل کرلیں، ایک سوال کے جواب میں انہوں نے کہا کہ چودہ اگست کو عمران خان کو احتجاج کی اجازت دینا یا نہ دینا وزارت داخلہ کا اختیار ہے مگر ہم چاہتے ہیں کہ اس روز صرف پاکستان کا جھنڈا بلند ہو۔

    ایک سوال کے جواب میں وفاقی وزیر کا کہنا تھا کہ جنرل پرویز مشرف کے حوالے سے یوسف رضا گیلانی کے بیان نے صدر آصف علی زرداری اور پیپلز پارٹی کو پھنسا دیا ہے، خواجہ سعد رفیق نے ڈاکٹر طاہرالقادری کو مشورہ دیا کہ وہ چوہدری برادران جیسے پھپے کٹنیوں اور شیخ رشید جیسی بے جمالو سے بچیں یہ انہیں لے ڈوبیں گئے۔