ARYNews.tv | Urdu – Har Lamha Bakhabar

Tag: Rain

  • سعودی عرب: مکہ اور مدینہ سمیت مختلف علاقوں میں تیز بارش کا امکان

    سعودی عرب: مکہ اور مدینہ سمیت مختلف علاقوں میں تیز بارش کا امکان

    سعودی عرب میں محکمہ موسمیات کا کہنا ہے کہ آج مکہ مکرمہ اور مدینہ منورہ سمیت نجران، جازان، عسیر اور الباحہ میں کہیں درمیانے درجے کی اور کہیں تیز بارش کا امکان موجود ہے۔

    سعودی خبر رساں ادارے کی رپورٹ کے مطابق محکمے کا کہنا تھا کہ ’تیز بارش کے ساتھ گرج چمک ہوگی جبکہ نشیبی علاقوں میں سیلابی ریلوں کا بھی خدشہ ہے‘۔

    محکمے کے مطابق ’مشرقی ریجن، ریاض اور حائل کے بعض علاقوں کے علاوہ قصیم میں کہیں کہیں ہلکی بارش کا امکان ہے۔

    ملک کے ساحلی علاقوں میں مطلع گرد آلود رہے گا جبکہ مغرب میں بالائی علاقوں میں آج دھند چھائی رہے گی۔

    محکمے کے مطابق ’عسیر، جازان میں موسلادھار جبکہ نجران میں درمیانے درجے کی بارش کا امکان ہے‘۔

    سعودی عرب میں محکمہ موسمیات نے بتایا کہ ’مکہ مکرمہ شہر کے علاوہ جموم، القنفذہ، اللیث اور قرب وجوار میں ہلکی بارش کا امکان ہے، جبکہ طائف، کامل، العرضیات اور قرب وجوار میں گرج چمک کے ساتھ تیز بارش ہوسکتی ہے‘۔

    مدینہ منورہ میں موسلا دھار بارش، زائرین کی دعائیں (ویڈیو)

    بیان کے مطابق مدینہ منورہ شہر کے علاوہ بدر، الحناکیہ، المہد اور وادی الفرع میں دوپہر دو بجے سے شام 9 بجے تک بارش کا امکان ہے جبکہ ینبع اور الرایس میں غبار ہوگا۔

  • کراچی سمیت مخلتف شہروں میں موسلادھار بارش کی پیشگوئی، اربن فلڈنگ کا خدشہ

    کراچی سمیت مخلتف شہروں میں موسلادھار بارش کی پیشگوئی، اربن فلڈنگ کا خدشہ

    نیشنل ایمرجنسی آپریشن سینٹر (این ای او سی) نے کہا ہے کہ آئندہ 24 گھنٹوں کے دوران کراچی، حیدرآباد سمیت مختلف شہروں میں موسلادھار بارش متوقع ہے۔

    تفصیلات کے مطابق این ای او سی کی جانب سے جاری کردہ بیان میں کہا گیا ہے کہ اگلے 12 سے 24 گھنٹے میں کراچی میں موسلادھار بارشیں متوقع ہیں، میر پورخاص، سکھر اور ملحقہ علاقوں میں بھی موسلادھار بارش کا امکان ہے، مختصر وقت میں 50 سے 100 ملی میٹر سے زائد بارش ہو سکتی ہے۔

    نیشنل ایمرجنسی آپریشن سینٹر کا کہنا ہے کہ کراچی، حیدرآباد، میر پورخاص اور سکھر میں شدید بارشوں سے اربن فلڈنگ کا خدشہ برقرار ہے جبکہ ٹھٹہ، بدین، جامشورو اور دادو میں سیلاب کا خطرہ  ہے۔

    این ای او سی کا کہنا ہے کہ دریائے سندھ اور قریبی ندیوں میں پانی کی سطح بڑھنے سے نچلے علاقوں میں طغیانی کا خدشہ ہے، مرکزی شاہراہوں اور مقامی سڑکوں کے زیر آب آنے سے آمدو رفت متاثر رہنے کا امکان ہے۔

    نیشنل ایمرجنسی آپریشن سینٹر کا کہنا ہے کہ بجلی اور ٹیلی کمیونیکیشن سروسز میں تعطل کا دورانیہ بڑھ سکتا ہے اور سیلاب کے خطرے سے دو چار علاقوں کے رہائشی قیمتی اشیا، مویشی محفوظ مقامات پر منتقل کریں۔ 

  • بارش کے بعد کے الیکٹرک کا ڈسٹری بیوشن نظام مستحکم ہے، ترجمان

    بارش کے بعد کے الیکٹرک کا ڈسٹری بیوشن نظام مستحکم ہے، ترجمان

    کراچی(20 اگست 2025):کے الیکٹرک کا کہنا ہے کہ کراچی کے شدید مون سون اسپیل کے بعد کے الیکٹرک کا جنریشن، ٹرانس میشن اور ڈسٹری بیوشن نظام مستحکم ہے۔

    کے الیکٹرک ترجمان کے مطابق شہر کے 2100 فیڈرز میں سے 1700 سے زائد فیڈرز سے بجلی فراہمی جاری ہے، کے الیکٹرک کے 400 فیڈرز سے تاحال بجلی کی سپلائی بند ہے، بارش کا پانی کم ہونے کے بعد سیفٹی کلیئرنس ملتے ہی بحالی کا کام کیا جا رہا ہے۔

    کے الیکٹرک ترجمان کا کہنا ہے کہ نارتھ ناظم آباد بلاک ایل، ایم میں بجلی بحال کردی گئی، عسکری 5، ملیر کینٹ سیکٹر جے، اورنگی ٹاؤن شمسی کالونی، فیروز شاہ کالونی، بنگلہ بازار، سیکٹر 14 اے، بی، سی، ڈی، ای، ایف میں بھی بجلی بحال کردی گئی ہے۔

    ترجمان کے مطابق پاک کالونی، ایف بی ایریا بلاک11، 10، 14، سرحد کالونی، نوبہار کالونی  میں بھی بجلی فراہمی بحال کردی گئی، بدر کمرشل اسٹریٹ 2، 6، 9، 12، ڈیفنس فیز 5 میں بجلی بحال کردی گئی ہے۔

    ترجمان کا کہنا تھا ہے کلفٹن بلاک 2، 9، گلستانِ جوہر بلاک 15، 17، سٹی ریلوے کالونی، ڈیفنس، دھوراجی، فاران سوسائٹی، زمزمہ کمرشل میں بھی بجلی بحال کردی گئی ہے اس کے علاوہ اعظم بستی کے علاقوں میں بھی بجلی بحال کر دی گئی ہے۔؎ 

  • پیر سے مزید بارش کی پیشگوئی، پانچویں اسپیل کا الرٹ جاری

    پیر سے مزید بارش کی پیشگوئی، پانچویں اسپیل کا الرٹ جاری

    لاہور(26 لاہور 2025): پنجاب میں پیر سے پھر بارش کا امکان ہے، پی ڈی ایم اے پنجاب نے پانچواں اسپیل الرٹ جاری کر دیا۔

    ترجمان پی ڈی ایم اے کےمطابق بیشتر اضلاع میں بارش 28 سے 31 جولائی کے درمیان جاری رہی سکتی ہے، مون سون ہواؤں کے باعث اسلام آباد، پنجاب، خیبر پختونخوا، کشمیر، گلگت بلتستان میں کہیں کہیں موسلادھار بارش کا امکان ہے۔

    ترجمان پی ڈی ایم اے کے مطابق مری، گلیات، اٹک، چکوال، جہلم، منڈی بہاوالدین، گجرات، گجرانوالہ، حافظ آباد میں بارش کی پیشگوئی ہے۔

    لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، خوشاب، سرگودھا، میانوالی، ننکانہ صاحب، چنیوٹ، فیصل آباد، اور اوکاڑہ میں بارش ہوسکتی ہے۔

    29 جولائی سے ڈیرہ غازی خان، بھکر، بہاولپور، خانیوال، پاکپتن، وہاڑی، لودھراں، مظفرگڑھ اور راجن پور میں بھی بارشوں کی پیشگوئی ہے۔

    موسم سے متعلق خبریں

    صوبہ بھر کے کمشنراور ڈپٹی کمشنروں کو الرٹ رہنے کی ہدایت کر دی ہیں، لاہور، راولپنڈی، گجرانوالہ اور فیصل آباد میں اربن فلڈنگ کا خدشہ ہے۔

    دوسری جانب محکمہ موسمیات کا کہنا ہے کہ ملک کے بیشتر علاقوں میں آج موسم گرم اور حبس برقرار رہنے کی توقع ہے۔ چند ایک مقامات پر گرج چمک کیساتھ بارش کا بھی امکان ہے۔

    محکمہ موسمیات کے مطابق کراچی، کوئٹہ، اسلام آباد، پشاور سمیت بیشتر علاقوں میں دن کے اوقات میں موسم گرم اور حبس برقرار رہے گا، چترال ،دیر، سوات،کشمیراورگلگت بلتستان میں گرج چمک کیساتھ بارش کاامکان ہے۔

  • راولپنڈی، شہریوں کو گھروں سے باہر نہ نکلنے کے لیے وارننگ جاری

    راولپنڈی، شہریوں کو گھروں سے باہر نہ نکلنے کے لیے وارننگ جاری

    (17 جولائی 2025): ڈپٹی کمشنر راولپنڈی انتظامیہ نے شہریوں کو گھروں سے باہر نہ نکلنے کے لیے وارننگ جاری کر دی۔

    ڈپٹی کمشنر راولپنڈی حسن وقار چیمہ کے مطابق اگلے دو سے تین گھنٹے تک شہری غیر ضروری گھروں سے باہر نہ نکلیں نکاسی اب کے لیے اور ہنگامی صورتحال سے نمٹنے کے لیے ہمارا عملہ افسران اور امدادی ٹیمیں مصروف عمل ہیں۔

    اب تک راولپنڈی میں 200 ملی میٹر سے زائد بارش ریکارڈ کی جا چکی ہے مزید بارش کا امکان ہے موصلہ دار بارش فلڈ ایمرجنسی ہے۔

    رات سے راولپنڈی اور اسلام آباد میں موسلا دھار بارش کا سلسلہ جاری، خطرے کے سائرن بج گئے

    فیصل آباد میں دو روز کے دوران مختلف مقامات پر بارش کے باعث چھتیں گرنے سے اب تک گیارہ افراد جاں بحق اور بیس سے زائد زخمی ہو چکے ہیں، مختلف واقعات میں جاں بحق ہونے والے افراد میں میاں بیوی، ماں بیٹی، دو بھائی اور ماں بیٹا بھی شامل ہیں۔

    جمعرات کی صبح علامہ اقبال کالونی کے جی بلاک میں دوسری منزل کے کمرے کی کمزور چھت گرنے سے دو بھائی سترہ سالہ محمد اور گیارہ سالہ مصعب حسین جاں بحق ہو گئے جبکہ ان کا والد پچاس سالہ خالد ، والدہ فرحانہ اور بارہ سالہ بہن شانزہ زخمی ہوئے۔

    علامہ اقبال کالونی ہی کے غوثیہ چوک میں بھی دوسری منزل کی خستہ حال چھت گرنے سے 36 سالہ شمیم اور اس کی بارہ سالہ بیٹی عائشہ جاں بحق ہو گئیں۔

    گزشتہ روز رچنا ٹاؤن کے قریب حویلی میں سرکنڈوں سے بنی چھت بارش کے باعث گرنے سے پچاس سالہ شہامند اور اس کی بیوی ریاض بی بی جاں بحق ہوئے۔

    مدینہ کالونی میں ٹی آر گارڈر کی چھت گرنے سے پچاس سالہ نسرین اور اس کا چودہ سالہ بیٹا عدیل جاں بحق ہوئے، احمد نگر میں چھت گرنے سے پچاس سالہ خاتون تارا اور اس کا سترہ سالہ بیٹا نعمان موت کا شکار ہوئے جبکہ جھپال میں چھت گرنے سے پنتالیس سالہ عبدالرحمان جاں بحق ہو گیا تھا۔

     

  • نیو یارک، موسلا دھار بارشوں سے سیلاب کا خطرہ، ایمرجنسی نافذ

    نیو یارک، موسلا دھار بارشوں سے سیلاب کا خطرہ، ایمرجنسی نافذ

    نیو یارک سٹی کے اطراف میں موسلا دھار بارشوں کے باعث سیلاب کا خطرہ پیدا ہوگیا ہے، جس کے سبب ایمرجنسی نافذ کردی گئی ہے۔

    غیر ملکی ذرائع ابلاغ کے مطابق نیو یارک، نیو جرسی اور کنیٹیکٹ سے گزرنے والا طوفان سُست رفتاری سے آگے کی جانب بڑھ رہا ہے اور وہاں بارشیں ابھی مزید کچھ گھنٹے جاری رہیں گی۔

    رپورٹس کے مطابق شدید بارشوں اور اچانک سیلاب کے خطرے کے باعث نیو جرسی کے گورنر فِل مرفی نے ہنگامی صورتِ حال ایمرجنسی نافذ کر دی ہے اور لوگوں کو غیر ضروری سفر سے گریز کرنے کا کہا ہے۔

    مغربی میڈیا کا کہنا ہے کہ میساچیوسٹس سے لے کر ورجینیا تک سیلاب کی وارننگ جاری کی گئی ہے جبکہ پانی کے چڑھاؤ میں 2 سے 3 انچ فی گھنٹہ اضافہ ہو رہا ہے۔

    امریکا کے ایسٹ کوسٹ میں ہوا میں نمی کا تناسب بہت زیادہ ہے اور ہوا بھی کم چل رہی ہے جس کی وجہ سے طوفان ایک ہی جگہ پر معمول سے زیادہ دیر تک اٹکا ہوا ہے۔

    ٹرمپ کا سیلابی مقامات کا دورہ:

    امریکی صدر ڈونلڈ ٹرمپ نے گزشتہ ہفتے میلانیا ٹرمپ کے ساتھ ریاست ٹیکساس میں سیلابی مقامات کا دورہ کیا، اور مقامی حکام کی تعریف کی، تاہم امریکی میڈیا کا کہنا ہے کہ مقامی حکام شہریوں کو سیلاب کے سلسلے میں بر وقت خبردار کرنے میں ناکام رہے تھے۔

    امریکی صدر ٹرمپ نے جمعہ، 11 جولائی کو ٹیکساس میں سیلاب متاثرہ علاقوں کا دورہ کیا، اور وہاں ریسکیو اہلکاروں سے ملاقات کی، انھوں نے کہا یہ امریکی تاریخ کا بد ترین سیلاب تھا جس میں انتظامیہ نے بہترین کام کیا، میں ان کی کارکردگی کو سراہتا ہوں۔

    ڈونلڈ ٹرمپ کا کہنا تھا کہ سیلاب خوف ناک تھا، اس طرح کا واقعہ پہلے کبھی نہیں ہوا، پہلے کبھی ٹیکساس میں ایسی تباہی نہیں ہوئی، انتظامیہ نے فرائض کو بہترین انداز میں انجام دیا ہے، کوسٹ گارڈز نے 169 بچوں کی جان بچائی، ابھی بھی بہت سے بچے لا پتا ہیں جن کی تلاش جاری ہے، سیلاب میں جانی نقصان پر افسوس ہے۔

    سعودی عرب: سورج آج خانہ کعبہ کے عین اوپر ہوگا

    امریکی میڈیا کے مطابق صدر نے دورے کے موقع پر ریاستی اور مقامی حکام کی بھرپور تعریف کی، اس کے باوجود کہ مقامی حکام شہریوں کو اس حوالے سے بر وقت خبردار کرنے میں ناکام رہے تھے کہ پانی کی ایک مہلک دیوار ان کی طرف چلی آ رہی ہے، جس کی وجہ سے مقامی حکام پر تنقید بڑھتی جا رہی ہے۔

  • کراچی: 24 گھنٹوں میں سب سے زیادہ بارش کہاں ہوئی؟

    کراچی: 24 گھنٹوں میں سب سے زیادہ بارش کہاں ہوئی؟

    شہر قائد میں گزشتہ رات مون سون کی پہلی بارش سے موسم خوشگوار ہوگیا، سب سے زیادہ بارش سرجانی ٹاؤن میں ریکارڈ کی گئی۔

    تفصیلات کے مطابق کراچی میں جمعرات کی رات سے کہیں ہلکی تو کہیں تیز بارش کا سلسلہ جاری ہے جس سے گرمی کا زور تو ٹوٹ گیا لیکن شہر کا نظام درہم برہم ہوگیا، محکمہ موسمیات کا کہنا ہے کہ شہر میں آج بھی بادل برسیں گے، آج شام ھی وقفے وقفے سے بوندا باندی اور بارش متوقع ہے۔

    محکمہ موسمیات کی جانب سے کراچی میں گزشتہ روز سے اب تک ہونیوالی بارشوں کے اعدادوشمار جاری کردیے جس کے مطابق شہر میں سب سے زیادہ بارش سرجانی ٹاؤن میں 58.2 ملی میٹر ریکارڈ کی گئی ہے۔

    کراچی میں آج بارش ہوگی یا نہیں، محکمہ موسمیات نے بتادیا

    محکمہ موسمیات کے مطابق سعدی ٹاؤن میں 47.5،گلشن معمار میں 37.4،گلشن حدید 37 ملی میٹر بارش ریکارڈ کی گئی ہے، شارع فیصل 32، نارتھ کراچی 29.8 اور جناح ٹرمینل پر 29.2 ملی میٹر بارش ہوئی۔

    محکمہ موسمیات نے بتایا کہ ڈی ایچ اے فیز 2 میں 25.5، کورنگی میں 25.2 ملی میٹر بارش ہوئی، یونیورسٹی روڈ پر 24، ناظم آباد میں 20.5، کیماڑی میں 19.5، اورنگی ٹاؤن میں 19.4 ملی میٹر بارش ریکارڈ ہوئی۔

    محکمہ موسمیات کا مزید بتانا ہے کہ ایئرپورٹ اولڈ ایریامیں18.2 ملی میٹر جبکہ مسرور بیس پر 10 ملی میٹر بارش ریکارڈ ہوئی۔

  • کراچی کی بیشتر شاہراہیں کلیئر ہیں کہیں بارش کا پانی نہیں کھڑا، مرتضیٰ وہاب

    کراچی کی بیشتر شاہراہیں کلیئر ہیں کہیں بارش کا پانی نہیں کھڑا، مرتضیٰ وہاب

    کراچی: میئر کراچی بیرسٹر مرتضیٰ وہاب نے کہا ہے کہ شہر کی بیشتر شاہراہیں کلیئر ہیں کہیں سے شکایت موصول نہیں ہوئی۔

    تفصیلات کے مطابق شہر قائد میں چند گھنٹے قبل بارش کے پہلے اسپیل کے دوران میئر کراچی بیرسٹر مرتضیٰ وہاب نے رات گئے شہر کے مختلف علاقوں کا دورہ کیا اور نکاسی آب کے انتظامات کا جائزہ لیا۔

    میئر کراچی نے میڈیا سے گفتگو میں کہا کہ شہر کی بیشتر مرکزی شاہراہیں بارش کے بعد کلیئر ہیں اور کہیں سے بھی پانی جمع ہونے کی کوئی شکایت موصول نہیں ہوئی۔

    انہوں نے کہا کہ کےایم سی ٹیمیں اہم شاہراہوں پر موجود ہیں، گرو مندر پر تھوڑا پانی جمع ہوا لیکن کے ایم سی نے نکاسی مکمل کرلی، شارع فیصل، سر شاہ سلیمان، آئی آئی چندریگر روڈ، ایم اے جناح، نرسری، طارق روڈ کلیئر ہے۔

    https://urdu.arynews.tv/karachi-weather-rain-today-june-27-2025/

    مرتضیٰ وہاب کا کہنا تھا کہ کے ایم سی ٹیمیں مشینری کے ساتھ متحرک رہیں، ٹیمیں اس بات کو یقینی بنارہی ہے کہ شہر میں بارش کا پانی جمع نہ ہونے پائے۔

    خیال رہےکہ کراچی میں مون سون سسٹم کے زیر اثر جمعہ سے اتوار کے دوران بارش کی پیشگوئی کی گئی ہے۔

    میٹرولوجسٹ انجم نذیر نے اس حوالے سے بتایا تھا کہ ہفتے کو تیزبارش کے باعث اربن فلڈنگ کا خدشہ ہے جب کہ شہر میں اتوار کو بھی وقفے وقفے سے بارش کا سلسلہ جاری رہنےکا امکان ہے۔

  • کراچی میں کل سے اب تک سب سے زیادہ بارش کہاں ہوئی؟

    کراچی میں کل سے اب تک سب سے زیادہ بارش کہاں ہوئی؟

    شہر قائد میں گزشتہ رات مون سون کی پہلی بارش سے موسم خوشگوار ہوگیا، سب سے زیادہ 17 ملی میٹر بارش گلشن حدید میں ریکارڈ کی گئی۔

    تفصیلات کے مطابق کراچی میں گزشتہ رات کہیں ہلکی تو کہیں تیز بارش کے بعد بعد گرمی کا زور ٹوٹ گیا جس سے موسم خوشگوار ہوگیا۔

    محکمہ موسمیات کا کہنا ہے کہ شہر میں آج بھی بادل جم کر برسیں گے، آج شام سے وقفے وقفے سے گرج چمک کے ساتھ بارش متوقع ہے۔

    محکمہ موسمیات کی جانب سے مختلف علاقوں میں رات گئے بارش کے اعداد و شمار جاری کردیے گئے، سب سے زیادہ بارش 17 ملی میٹر بارش گلشن حدید میں ریکارڈ کی گئی ۔

    یہ پڑھیں: حیدرآباد اور گردونواح میں تیز ہوا کے ساتھ بارش، بجلی غائب

    اسی طرح شاہراہ فیصل پر 12ملی میٹر، اولڈ سٹی ایریا میں 9 ملی میٹر، ڈیفنس فیز 2 میں 7.8 ملی میٹر، ائیرپورٹ پر 5 ملی میٹر اور یونیورسٹی روڈ پر 2 ملی میٹر بارش ریکارڈ کی گئی۔

    محکمہ موسمیات نے بتایا تھا کہ ہفتے اور اتوار کو بھی وقفے وقفے سے بارش کا سلسلہ جاری رہنے کا امکان ہے، مون سون بارشوں کا پہلا اسپیل 2 جولائی تک بادل برسائے گا جبکہ مون سون بارشوں کا دوسرا اسپیل 5 جولائی سے ملک پر اثرانداز ہو گا۔

    دوسری جانب کراچی میں مون سون کی بارش کے بعد کے الیکٹرک کا بجلی کی ترسیل کا نظام درہم برہم ہو گیا جس سے کئی علاقوں میں بجلی کی فراہمی گھنٹوں سے بند ہے۔

  • کراچی میں جمعہ سے گرج چمک اور آندھی کے ساتھ بارش کا امکان

    کراچی میں جمعہ سے گرج چمک اور آندھی کے ساتھ بارش کا امکان

    کراچی: شہرِ قائد میں جمعہ سے آندھی اور گرج چمک کے ساتھ بارش کا امکان ہے جبکہ شام میں بوندا باندی ہوسکتی ہے۔

    محکمہ موسمیات کے مطابق کراچی میں آج شام سے مغربی ہواؤں کا سسٹم داخل ہوگا اس سسٹم کے زیر اثر شام میں بوندا باندی کا امکان ہے۔

    محکمہ موسمیات کا کہنا ہے کہ جمعہ یعنی کل سے وقفے وقفے سے آندھی اور گرج چمک کیساتھ کراچی میں بارش متوقع ہے اور مون سون کا پہلا اسپیل 2 جولائی تک بادل برسائے گا۔

    محکمہ موسمیات کے مطابق آج زیادہ سے زیادہ درجہ حرارت 37 ڈگری سینٹی گریڈ تک جانے کا امکان ہے، شہرمیں مطلع جزوی ابر آلود ہے جبکہ سمندری ہوائیں جزوی طور پر بند ہیں۔

    محکمہ موسمیات کا یہ بھی کہنا ہے کہ شمال مشرقی سمت سے ہلکی رفتار سے ہوائیں چل رہی ہیں اور ہوا میں نمی کا تناسب 76 فیصد ہے۔

    بارشوں کی پیشگوئی، کراچی ایئرپورٹ پر الرٹ جاری

     پنجاب کے دارالحکومت کے کئی علاقوں میں بارش کا سلسلہ جاری رہنے سے لاہور میں موسم خوشگوار ہو گیا، دریں اثنا، کمشنر لاہور زید بن مقصود نے ضلعی انتظامیہ کو ہائی الرٹ رہنے اور کسی بھی ہنگامی صورتحال سے نمٹنے کے لیے فوری ردعمل کو یقینی بنانے کی ہدایت کی ہے۔

    دوسری جانب نیشنل ڈیزاسٹر مینجمنٹ اتھارٹی نے آئندہ 12 سے 24 گھنٹوں کے دوران ملک کے مختلف حصوں بشمول آزاد جموں و کشمیر، سندھ، خیبرپختونخوا اور پنجاب اور وفاقی دارالحکومت میں کہیں کہیں بارش، گرج چمک اور تیز ہواؤں کی پیش گوئی کی ہے۔

    اسی طرح سندھ کے بیشتر علاقوں بشمول سکھر، لاڑکانہ، جیکب آباد، خیرپور، کراچی، حیدرآباد، تھرپارکر، میرپور خاص، ٹھٹھہ اور بدین میں بھی اس دوران موسم کے ایک جیسے رہنے کا امکان ہے۔