Tag: rain forecast in karachi

کراچی : سول ایوی ایشن نے کراچی میں ممکنہ بارشوں کے پیش نظر ایئر سائیڈ اور محکمہ فائربریگیڈ سمیت دیگر اداروں کو احکامات جاری کردیئے ہیں۔

تفصیلات کے مطابق سول ایوی ایشن نے ممکنہ بارشوں سے متعلق الرٹ جاری کردیا ، جس میں ایئر سائیڈ اور محکمہ فائربریگیڈ سمیت دیگر اداروں کو احکامات جاری کردیئے ہیں۔

الرٹ میں کہا گیا ہے کہ محکمہ موسمیات نے 5 جنوری سے بارشوں کی پیش گوئی کی، ہوائی اڈوں پرمتعین متعلقہ شعبہ جات الرٹ اوراحتیاطی تدابیرکولازمی بنائیں۔

سی اے اے کا کہنا ہے کہ ہلکے وزن کےطیاروں کی محفوظ مقامات پرمنتقلی کویقینی بنایاجائے اور تیز ہواؤں سے آلات کی کسی بھی دوسرے ایکوپمنٹ سے رگڑ سے بچایا جائے۔

سول ایوی ایشن نے کہا ہے کہ برڈشوٹرائرسائیڈانسپکٹرزکی ایروڈروم پرتعیناتی یقینی بنائی جائے اور جہاں ضرورت ہوفیومی گیشن اسپرےپرلازمی عمل کیا جائے۔

دوسری جانب بارشوں کے پیش نظرواٹربورڈ میں ایمرجنسی نافذ کرتے ہوئے افسران کوعملہ اورمشینری سمیت تیار رہنے کے احکامات جاری کردیئے ہیں۔

ایم ڈی واٹربورڈ کا کہنا ہے کہ نشیبی علاقوں میں ڈی واٹرنگ پمپس سمیت دیگرمشینری پہنچادی جائیں۔

خیال رہے کراچی میں آج رات سےبارش کاسلسلہ شروع ہونے کا امکان ہے ، محکمہ موسمیات کا کہنا ہے کہ بارش کاسسٹم 7 جنوری تک کراچی کواپنی لپیٹ میں لے رکھے گا، کراچی، جامشورو، دادو، سکھر میں تیز بارش ہو سکتی ہے۔

محکمہ موسمیات کے مطابق بلوچستان کی نسبت کراچی میں طوفانی بارش کا امکان نہیں تاہم سرد ہوائیں کراچی میں 8 جنوری سے چلنے کی توقع ہے اور رات میں درجہ حرارت 8 سے 10 ڈگری تک گرسکتاہے جبکہ دن میں درجہ حرارت 20 سے 22 ڈگری تک ہوسکتاہے۔