Tag: Rain

بھارت: اتر پردیش میں طوفانی بارشیں، 41 ہلاک

دہلی: مون سون کی بارشوں نے بھارت میں‌ تباہی مچا دی، ہلاکتوں‌ کی تعداد میں اضافہ ہوگیا.

تفصیلات کے مطابق آسام اور بہار میں طوفانی بارشوں میں دو سو افراد کی ہلاکتوں کے بعد نئی طوفانی لہر نے اتر پردیش کے علاقے کو آن لیا.

بھارتی ریاست اتر پردیش کو طوفانی بارشوں نے اپنی لپیٹ میں‌ لے لیا، سڑکیں پانی میں‌ ڈوب گئیں، نشیبی علاقے زیر آب آگئے، مکانوں کی چھتیں ڈھ گئیں، درخت اور بل بورڈ گر گئے.

حادثات اور واقعات میں بڑے پیمانے پر ہلاکتوں ہوئیں، اب تک 41 افراد کے زندگی کی بازی ہارنے کی اطلاعات موصول ہوئی ہیں.

قدرتی آفات سے بچاؤ کے ادارے کے سینیر اہلکار. محمد عارف نے بتایا کہ چھ افراد ہفتے کے دن بارشوں‌کی لپیٹ میں‌ آئے تھے، جب کہ تقریباً 35 افراد اتوار کے روز ہلاک ہوئے۔

مزید پڑھیں: مون سون موت کا پیغام بن گیا: بھارت اور نیپال میں‌ 200 سے زاید افراد ہلاک

انھوں نے بتایا کہ زیادہ تر افراد کی ہلاکت آسمانی بجلی گرنے اور اچانک طوفان کی زد میں آنے سے ہوئی۔ درخت اور چھتیں گرنے سے بھی بھاری نقصان ہوا.

اتر پردیش کے وزیر اعلیٰ یوگی ادتیا ناتھ نے ہلاکتوں پر گہرے افسوس کا اظہار کرتے ہوئے متاثر خاندانوں کے امداد کا اعلان کیا ہے.

جولائی 22, 2019
کراچی: شہر کے مختلف علاقوں‌ میں بارش کے بعد موسم خوش گوار

کراچی: شہر قائد کا موسم تبدیل ہوگیا، کالی گھٹائیں چھانے کے بعد مختلف علاقوں‌ میں ہلکی بارش ہوئی ہے.

تفصیلات کے مطابق سہ پہر میں شہر پر کالے بادل چھا گئے. نارتھ ناظم آباد، ناگن چورنگی، نارتھ کراچی، سہراب گوٹھ میں بارش ہوئی، جس سے موسم خوش گوار ہوگیا۔

ناردرن بائی پاس، منگھوپیر، گڈاپ سمیت مختلف علاقوں سے بھی ہلکی اور تیز بارش کی اطلاعات موصول ہوئیں.

ماہرین موسمیات کے مطابق آئندہ چند گھنٹے شہرمیں گرد آلود ہواؤں اور گرج چمک کے ساتھ تیز بارش کا امکان ہے، جنوب مشرقی سندھ میں ہوا کا کم دباؤ بارش کا سبب بنے گا۔

چیف میٹرولوجسٹ کا کہنا ہے کہ گزشتہ تین روز سے گرمی کے باعث ہوا کا کم دباؤمزید پھیل گیا ہے، جس کی وجہ سے آج موسم میں تبدیلی آئی.

خیال رہے کہ دو روز پہلے شہر میں گرمی کی شدت میں اضافہ ہوگیا تھا. ادھر ملک کے مختلف شہروں میں بارشوں کا سلسلہ جاری ہے۔

گزشتہ دونوں طوفانی بارشوں سے تاریخی عمارتیں بھی شدید متاثر ہوئیں، ٹکسالی فوڈ اسٹریٹ کے قریب واقع لاہور کے شاہی قلعے کا داخلی اور چھوٹا دروازہ زمین بوس ہوگیا۔

جولائی 22, 2019
شیخوپورہ میں بارش کے باعث مکان کی چھت گرگئی، بچوں سمیت 7 افراد جاں بحق

شیخوپورہ: صوبہ پنجاب میں شدید بارشوں کے باعث مکان کی چھت گرنے سے ایک ہی خاندان کے سات افراد جاں بحق ہوگئے۔

تفصیلات کے مطابق یہ افسوس ناک واقعہ پنجاب کے شہر شیخوپورہ میں پیش آیا، بارش کے باعث کوٹ عبدالمالک فضل پورہ میں مکان کی چھت گرگئی جس کے نتیجے میں 7 افراد جان کی بازی ہار گئے۔

ریسکیو ذرایع کا کہنا ہے کہ جاں بحق افراد میں میاں،بیوی اور 5 بچے شامل ہیں، جبکہ علاقے میں پولیس موبائل پہنچ چکی ہے جو معاملے کا جائزہ لے رہی ہے۔

اس حادثے میں جاں بحق ہونے والے بچوں میں 5سالہ بیت اللہ، 7 سالہ عبداللہ، 7سالہ علیشاہ اور 10 سالہ مقدس شامل ہیں، انتظامیہ نے اس افسوس ناک واقعے پر گہرے دکھ کا اظہار کیا ہے۔

حال ہی میں صوبہ پنجاب کے دارالحکومت لاہور میں بوسیدہ مکان کی چھت گرنے سے 3 افراد زخمی ہوگئے تھے۔

لاہورمیں مکان کی چھت گرنے سے 3 افراد زخمی

واضح رہے کہ رواں سال مارچ میں بارش کے باعث ہرنائی کے علاقے زندہ پیر میں گھرلینڈ سلائیڈنگ کی زد میں آگیا تھا، ماں اور 5 بچے جاں بحق جبکہ 2 سال کی بچی معجزانہ طور پر محفوظ رہی تھی۔

جولائی 17, 2019
بھارت: مون سون بارشوں کے دوران عمارت منہدم، 11 فوجیوں سمیت 2 شہری ہلاک

شملہ: بھارت میں مون سون بارشوں کے دوران ایک عمارت منہدم ہوگئی جس کے نتیجے میں 11 فوجی اہلکاروں سمیت دو شہری ہلاک ہوگئے، جبکہ متعدد افراد زخمی ہیں۔

تفصیلات کے مطابق بھارت کے شمالی ریاست میں بارش کے دوران عمارت زمین بوس ہوگئی، ملبے سے 5 فوجی اہلکاروں اور 12 شہریوں کو بحفاظت نکالا گیا ہے۔

غیر ملکی خبر رساں ادارے کے مطابق محکمہ موسمیات نے اگلے 24 گھنٹے تک بارشوں کے جاری رہنے کی پیش گوئی کرتے ہوئے شہریوں کو بلا ضرورت گھروں سے نہ نکلنے کی ہدایت کی ہے۔

دو دن سے جاری بارشوں کی ہلاکت خیزی میں مزید اضافہ ہو گیا ہے، تازہ واقعے میں شمالی ریاست ہماچل پردیش میں ایک عمارت گرنے کے بعد دو دنوں میں ہلاک ہونے والوں کی تعداد 51 ہوگئی ہے۔

بھارتی ریسکیو ادارے این ڈی آر ایف کے اہلکاروں نے عمارت کے ملبے سے 5 فوجی اہلکاروں اور 12 شہریوں کو زندہ نکال لیا ہے جنہیں قریبی اسپتال میں طبی امداد فراہم کی جارہی ہے، 6 زخمیوں کی حالت نازک بتائی جارہی ہے۔

حکام کا کہنا تھا کہ نیپال سے بھارت میں داخل ہونے والے بارشوں کے سبب مختلف ریاستوں میں مجموعی طور پر 45 لاکھ افراد متاثر ہوئے ہیں جب کہ 5 ہزار سے زائد شہری بے گھر ہوگئے، سب سے زیادہ نقصان آسام میں ہوا جہاں ہلاک ہونے والوں کی تعداد 11 ہے۔

بھارت میں مون سون بارشوں سے خوفناک سیلاب، 76 افراد ہلاک

محکمہ موسمیات نے اگلے 24 گھنٹے تک بارشوں کے جاری رہنے کی پیش گوئی کرتے ہوئے شہریوں کو بلا ضرورت گھروں سے نہ نکلنے کی ہدایت کی ہے۔ ریسکیو اداروں کا کہنا تھا کہ زیادی تر ہلاکتیں گھروں کی دیواریں گرنے اور بجلی کے کرنٹ لگنے کے باعث ہوئیں۔

جولائی 16, 2019
ملک کے بالائی علاقوں میں مون سون کی مزید بارشوں کی پیشگوئی

اسلام آباد/ لاہور : محکمہ موسمیات نے آئندہ چار دن کے دوران ملک کے بالائی علاقوں میں مزید مون سون بارش کی پیشگوئی کی ہے۔

تفصیلات کے مطابق لاہور سمیت پنجاب کے مختلف شہروں میں موسلا دھار بارش کے بعد محکمہ موسمیات نے آج بھی ملک کے بیشتر شہروں کشمیر، اسلام آباد، بالائی پنجاب اور بالائی کے پی میں اکثر مقامات پر مزید بارش متوقع ہے۔

اس کے علاوہ ہزارہ، راولپنڈی، گوجرانوالہ اور لاہور میں بھی چند مقامات پر تیز بارش کا امکان ہے، ژوب، ڈی آئی خان، ڈی جی خان، ملتان،بہاولپور اور ساہیوال میں بارش متوقع ہے۔

محکمہ موسمیات کے مطابق ہزارہ، راولپنڈی، گوجرانوالہ، ڈی جی خان اور کشمیرکےندی نالوں میں طغیانی کا بھی خدشہ ہے جبکہ بارشوں سے لاہور، گوجرانوالہ، فیصل آباد اور راولپنڈی کے نشیبی علاقے زیرآب آسکتے ہیں۔

محکمہ موسمیات کے مطابق پشاور، بنوں، ڈی آئی خان میں بھی بارش ہوگی جس سے گرمی اورحبس کی شدت میں کمی آ جائے گی۔

جولائی 14, 2019
کراچی کے مختلف علاقوں میں بونداباندی، موسم خوشگوار

کراچی: شہرقائد کے مختلف علاقوں میں بونداباندی سے موسم خوشگوار ہوگیا اور شہر میں ٹھنڈی ہواؤں کے ڈیرے ہیں۔

تفصیلات کے مطابق کراچی میں دن بھر رہنے والی ہلکی گرمی کا زور ٹوٹ گیا، شہر کے مختلف علاقوں میں بونداباندی سے موسم خوشگوار ہوگیا۔

کراچی کے علاقے گلشن اقبال، حسن اسکوائر اور اطراف کے علاقوں میں بوندا باندی ہوئی، جس کے باعث مختلف علاقوں میں ٹھنڈی ہواؤں کا راج ہے۔

ناظم آباد، نارتھ ناظم آباد، لیاقت آباد اور سائٹ ایریا میں بھی بوندا باندی ہوئی، جبکہ یونیورسٹی روڈ پر ہلکی بارش ریکارڈ کی گئی جس کے نتیجے میں سڑکوں پر کیچڑ جم گیا۔

رات گئے منچلے موٹرسائیکل پر ساحل سمندر کا رخ کررہے ہیں، ہلکی بونداباندی نے شہر کےباسیوں کے چہرے پر خوشی بکھیر دی، شہریوں کا کہنا ہے کہ کراچی بارش کو ترس گیا ہے۔

کراچی کے مختلف علاقوں میں بونداباندی سے موسم خوشگوار

یاد رہے کہ گذشتہ دنوں کراچی میں صبح سویرے ہلکی بارش ہوئی تھی، جس کے بعد موسم ابرآلود ہوگیا تھا۔

خیال رہے کہ رواں ماہ کے آغاز سے شہر میں سمندری ہوائیں چلنے سے گرمی کی شدت میں خاطر خواہ کمی واقع ہوئی تھی جبکہ گرمی کے ستائے شہریوں نے سکون کا سانس لیا تھا۔

جولائی 11, 2019
کراچی کے مختلف علاقوں میں بوندا باندی، موسم خوشگوار ہوگیا

کراچی: شہرقائد کے مختلف علاقوں میں بوندا باندی سے موسم خوشگوار ہوگیا اور ہرطرف ٹھنڈی ہواؤں کا راج ہے۔

تفصیلات کے مطابق کراچی کے مختلف علاقوں میں بوندا باندی سے گرمی کا زور ٹوٹ گیا، شہر میں ٹھنڈی ہواؤں کے ڈیرے ہیں۔

کراچی کے علاقے صدر، بہادرآباد، کارساز، طارق روڈ، گلشن اقبال، نمائش چورنگی، اورنگی ٹاؤن، سائٹ ایریا، ناظم آباد اور لیاقت آباد میں بوندا باندی ہوئی۔

محکمہ موسمیات کا کہنا ہے کہ شہر میں آج موسم ابر آلود رہے گا، جبکہ کراچی میں 24 گھنٹے کے دوران مزید ہلکی بارش کا مکان ہے۔ شہر کا درجہ حرارت 27 ڈگری سینٹی گریڈ ریکارڈ کیا گیا۔

ادھر شہر میں بوندا باندی کے ساتھ ہی بجلی کا نظام درہم برہم ہوگیا، نارتھ کراچی، نیوکراچی، گودھرا، فیڈرل بی ایریا اور بلدیہ ٹاؤن میں بجلی بند ہوگئی۔

شاہ فیصل کالونی، لانڈھی، کورنگی، کورنگی نمبر5ایریا36سی، جےایریا، آئی ایریا، کھڈی اسٹاپ سمیت لانڈھی 36 بی، زمان آباد اور اطراف میں بجلی غائب ہے۔

ملیر، ماڈل کالونی اور اطراف کے علاقوں میں بجلی نہ ہونے سے شہریوں کو مشکلات کا سامناہے، سائٹ ایریا، میڑوول، بنارس میں بھی بجلی کی فراہمی معطل ہے۔

جولائی 5, 2019
ورلڈ کپ : پاکستان اور آسٹریلیا کے درمیان اہم میچ آج ٹاونٹن میں ہوگا

ٹاونٹن : ورلڈ کپ میں پاکستان اپنا اہم میچ آج دفاعی چیمپئن آسٹریلیا کے خلاف کھیلے گا، پاکستانی وقت کے مطابق دوپہر ڈھائی بجے شروع ہوگا تاہم میچ بارش سے متاثر ہونے کا خدشہ ہے۔

تفصیلات کے مطابق آئی سی سی ورلڈ کپ2019میں پاکستان اور آسٹریلیا کے درمیان اہم میچ آج ٹاونٹن کے کاونٹی کرکٹ گراونڈ میں کھیلا جائے گا، ٹاؤنٹن میں میچ ایک ہوگا، جیت کے امیدوار تین ہوں گے۔

سیاہ بادل رنگ میں بھنگ ڈالنے کے لئے پہلے سے پہنچ گئے۔ محکمہ موسمیات نے ٹاؤنٹن میں بدھ کو وقفے وقفے سے تیزبارش کی پیشگوئی کردی ہے۔

گزشتہ دو روز سے موسم آبرآلود ہے، جس کے باعث ٹیموں کو پریکٹس میں مشکلات درپیش ہیں۔ کپتان سرفراز احمد کا کہنا ہے کہ آسٹریلیا کو قابو کرنے کیلئے ہمیں جارحانہ کرکٹ کھیلنا ہوگی۔

آسٹریلوی کپتان فنچ نے کہا کہ پاکستان خطرناک ٹیم ہے۔ عامر کی سوئنگ واپس آگئی ہے، کھیلنے میں مشکلات ہوسکتی ہیں۔ ٹورنامنٹ میں آسٹریلیا دو اور پاکستان ایک میچ جیت چکا ہے۔

فاتح ٹیم پوائنٹس ٹیبل پر پوزیشن مستحکم بنالے گی۔ میگا ایونٹ کا یہ بڑا مقابلہ پاکستانی وقت کے مطابق دوپہر ڈھائی بجے شروع ہوگا۔

جون 12, 2019
کیا بارش ورلڈ کپ 2019 کے حسن کو گہنا دے گی؟

لندن: کیا بارش ورلڈ کپ 2019 کے حسن کو گہنا دے گی؟ شائقین میں‌ تشویش کی لہر دوڑ گئی.

تفصیلات کے مطابق بارش کرکٹ کے سب سے بڑے میلے کو شدید متاثر کر رہی ہے. یکے بعد دیگرے میچز بارش کی زد میں آرہے ہیں.

پاکستان اور سری لنکا کے اہم مقابلے کے بعد اب جنوبی افریقا اور ویسٹ انڈیز کا میچ بھی بارش کے باعث منسوخ ہوچکا ہے.

ماہرین ماحولیات کے مطابق انگلینڈ میں بارہ ماہ بارش کا امکان ہوتا ہے، ایسے میں آئی سی سی کو ایونٹ کے میزبان کا تعین کرنے سے قبل اس پہلو کا خصوصی طور پر جائزہ لینا چاہیے تھا، مگر شاید اس ضمن میں‌ غفلت برتی گئی.

اندیشہ ظاہر کیا جا رہا ہے کہ آنے والے کئی میچز بارش سے متاثر ہوسکتے ہیں، جب کہ مزید میچز کی منسوخی کا بھی خدشہ ہے.

سوشل میڈیا پر بارش کو آئی سی سی ورلڈکپ کی گیارہویں ٹیم قرار دیا جارہا ہے، شائقین کو تشویش ہے کہ کہیں یہی ٹیم ورلڈ ٹرافی اپنے نام نہ کر لے.

بارش سے ٹیموں کو نقصان ہورہا ہے، ڈک ورتھ لوئس قانون سے کمزورٹیم بھی فائدہ اٹھا رہی ہے۔

جون 10, 2019
کوئٹہ: بارش سے نظام زندگی درہم برہم، ایک خاتون جان بحق، پرواز تاخیر کا شکار

کوئٹہ: موسلادھار بارش اور ژالہ باری نے کوئٹہ میں نظام زندگی درہم برہم کر دیا.

تفصیلات کے مطابق کوئٹہ میں ہونے والی تیز بارشوں کے باعث کچے مکانات کو شدید نقصان پہنچا، چھت گرنے سے ایک عورت زندگی کی بازی ہار گئی، شہرکی بیش تر سڑکیں سیلاب کا منظرپیش کرنے لگی.

شدید موسم کے باعث اسلام آباد ایئر پورٹ سے کوئٹہ جانے والی پرواز تاخیر ہوگئی، جس پر مسافروں نے ڈومیسٹک ڈیپارچرلاؤنج میں شدید احتجاج کیا.

ترجمان پی آئی اے نے موقف اختیار کیا ہے کہ پروازمیں تاخیرموسم کی خرابی کے باعث ہوئی.

کوہلو اور خیرپور میں‌ بھی برسات

کوئٹہ کے علاوہ دیگر شہروں میں‌ بھی تیز بارش ہوئی ہے.کوہلو اور گردونواح میں گرج چمک کے ساتھ موسلا دھار بارش ہوئی، جس سے نشیبی علاقے زیرآب آگئے.

ژالہ باری سے گندم کی فصل تباہ ہوگئی، جب کہ کوہلو ٹو کوئٹہ رو ڈسناری نالہ کے مقام پرپل بہہ جانے سے زمینی رابطہ منقطع ہوگیا.

سندھ کے شہر خیرپوراورگردو نواح میں گرج چمک کےساتھ تیز بارش ہوئی ہے،بارش سےبجلی کی فراہمی معطل ہوئی.

حب میں‌ بھی بارشوں کے باعث ندی نالوں میں‌ طغیانی آگئی.

مئی 16, 2019