ARYNews.tv | Urdu – Har Lamha Bakhabar

Tag: Raiwind

  • رائیونڈ : تبلیغی اجتماع کے پہلے مرحلے کا اختتام، دوسرا مرحلہ آٹھ نومبر سے ہوگا

    رائیونڈ : تبلیغی اجتماع کے پہلے مرحلے کا اختتام، دوسرا مرحلہ آٹھ نومبر سے ہوگا

    رائیونڈ : تبلیغی اجتماع کا پہلا مرحلہ اتحاد امت اور عالمی امن کی دعاﺅں کے ساتھ اختتام پذیر ہوگیا، دوسرا مرحلہ آٹھ نومبر سے شروع ہوگا۔

    تفصیلات کے مطابق رائے ونڈ میں سالانہ تبلیغی اجتماع کے دوسرے مرحلے کا اختتام ہوگیا، شرکاء نے اپنی زندگیاں دین کے لیے وقف کرنے کے عزم کا اظہار کیا۔ جبکہ پورے سال کے لیے تبلیغی جماعتیں تشکیل دے دی گئیں۔

    لاکھوں فرزندان توحید نے تین دن تک دین اسلام کی تبلیغ سیکھنے میں لگا کر اخروی زندگی کا سامان اکٹھا کرنے کی کوشش کی۔ اختتامی دعا بھارت سے آئے مولانا ابراہیم نے کروائی۔

    علماء کرام کے بیانات سے شرکاء اجتماع بہت متاثر ہوئے، ان کا کہنا تھا کہ تبلیغ کے کام نے ان کی تو زندگی ہی بدل دی ہے۔ شرکا کا کہنا تھا کہ انہیں دوبارہ موقع ملا تو ضرور آئیں گے۔

    اجتماع میں ملک کی معروف شخصیات بھی شریک ہوئیں۔ تبلیغی اجتماع میں پاکستانی علماء کے علاوہ ہندوستان اور دیگر ممالک سے بھی تبلیغ دین کے لیے آنے والے رہنماؤں نے شرکاء کو اتحاد امت کا درس اور تفرقہ بازی سے دور رہنے کا درس دیا ۔

    اجتماع میں شریک لاکھوں فرزندان توحید کے لئے وسیع پارکنگ کا اہتمام کیا گیا تھا۔ تبلیغی اجتماع کے شرکاء کے لئے تما م خارجی راستے کھول کر عام ٹریفک کے لئے بند کردیئے گئے۔ تبلیغی اجتماع کا دوسرا مرحلہ8نومبر سے شروع ہوگا۔

  • رائے ونڈ میں سالانہ تبلیغی اجتماع کے دوسرے مرحلے کا اختتام

    رائے ونڈ میں سالانہ تبلیغی اجتماع کے دوسرے مرحلے کا اختتام

    رائے ونڈ : سالانہ تبلیغی اجتماع کا دو سرا مرحلہ ختم ہوگیا، تفصیلات کے مطابق رائے ونڈ میں سالانہ تبلیغی اجتماع کے دو سرے مرحلے کا اختتام ہوگیا،شرکاء نے اپنی زندگیاں دین کے لیے وقف کرنے کے عزم کا اظہار کیا۔ جبکہ پورے سال کے لیے تبلیغی جماعتیں تشکیل دے دی گئیں۔

    رائیونڈ میں ہونے والے تبلیغی اجتماع میں بلوچستان ، جنوبی پنجاب اور خیبر پختونخوا سے لاکھوں کی تعداد میں لوگ شریک ہوئے شرکاء نے دین کو سمجھا اور سیکھا ۔

    تبلیغی اجتماع میں پاکستانی علماء کے علاوہ ہندوستان اور دیگر ممالک سے بھی تبلیغ دین کے لیے آنے والے رہنماؤں نے شرکاء کو اتحاد امت کا درس اور تفرقہ بازی سے دور رہنے کا درس دیا ۔

    تبلیغی اجتماع کے دوسرے مرحلے کا اختتام مولانا حاجی عبدالوہاب کی دعا سے کیا گیا اور ملک کے مختلف علاقوں کے لیے تبلیغی جماعتیں نکالی گئیں

  • بزدل بھائیوں کو رائےونڈ سےنکلنا نصیب نہیں ہوگا، طاہرالقادری

    بزدل بھائیوں کو رائےونڈ سےنکلنا نصیب نہیں ہوگا، طاہرالقادری

    پاکستان عوامی تحریک کے سربراہ ڈاکٹر طاہرالقادری کا کہناہے کہ جبرکےخوف سے پیچھےنہیں ہٹیں گے،بزدل بھائیوں کو رائےونڈسےنکلنانصیب نہیں ہوگا، یہ بزدل میرے کارکنان کا مقابلہ نہیں کرسکتے۔

    رات شیلنگ سےطبیعت خراب ہوگئی تھی،میں آنکھوں کا آپریشن کروا کرآیا تھا،ان خیالات کا اظہار پی اےٹی کے سربراہ نے کارکنان سے خطاب کرتے ہوئے کیا، ان کا کہنا تھا کہ نواز شریف اور دیگر وزراء کیخلاف قتل اور اقدام قتل کا مقدمہ درج کرائیں گے ۔

    حکمران کسی خوش فہمی میں نہ رہیں، ہم اپنے مطالبات کی منظوری کے بغیر کسی صورت واپس نہیں جائیں گے، ڈاکٹر طاہرالقادری نے کہا کہ عمران خٓن اور میری جنگ مشترکہ ہے، میری جگہ میرے چھوٹے بھائی نے خطاب کیا۔

    پولیس نے میرے کارکنان پر رات بھر تشدد کیا گیا لیکن وہ میرے کارکنان کو پسپا نہیں کر سکے۔

  • جمہوریت کیخلاف کوئی اقدام برداشت نہیں کریںگے،نوازشریف

    جمہوریت کیخلاف کوئی اقدام برداشت نہیں کریںگے،نوازشریف

    رائے ونڈ: وزیراعظم نوازشریف اور وزیراعلیٰ پنجاب شہباز شریف سے رائیونڈ میں ملاقات ہوئی جس میں موجودہ سیاسی صورتحال پر تبادلہ خیال کیا گیا۔ ملاقات کے بعد وزیراعظم نوازشریف نے میڈیا سے گفتگو کرتے ہوئے کہا کہ جمہوریت کےخلاف کوئی اقدام برداشت نہیں کریں گے۔

    چند ہزار لوگ کروڑوں کےمینڈیٹ کونقصان نہیں پہنچاسکتے،اصلاحات سےمتعلق مطالبات کوہم نےتسلیم کرلیاہے۔  وزیراعظم نواز شریف کا کہنا تھا کہ دھرنےوالوں نےقوم کی خوشحالی کےسفرمیں خلل ڈالا۔  قومی اسمبلی کہہ چکی ہے کہ جمہوریت کیخلاف سازش کامیاب نہیں ہوگی۔

    انہوں نے کہا کہ چندروزمیں ہیجانی کیفیت ختم ہوجائےگی۔ وزیراعظم نوازشریف کا کہنا تھا کہ مجھ سےوہ مطالبات بھی کئےجارہے ہیں جومیرے اختیارمیں نہیں۔ عمران خان کےساتھ بنی گالہ میں تفصیلی گفتگوہوئی تھی۔

    ایک سوال کے جواب میں انہوں نے کہا کہ ممکن ہےعمران خان اور ڈاکٹر طاہرالقادری کوایک ہی دن خواب آیاہو کہ اسلام آباد پریلغارکرنی ہے۔ عوام دیکھ رہے ہیں کہ دھرنےمیں لوگ کتنےاورکرسیاں کتنی ہیں۔