Tag: raja basharat

  • نئے بلدیاتی نظام میں عوام کا پیسہ عوام پرہی خرچ ہوگا: راجہ بشارت

    نئے بلدیاتی نظام میں عوام کا پیسہ عوام پرہی خرچ ہوگا: راجہ بشارت

    لاہور: وزیرقانون پنجاب راجہ بشارت نے کہا ہے کہ اقتدار کو صحیح معنوں میں نچلی سطح پر منتقل کرنا چاہتے ہیں.

    ان خیالات کا اظہار انھوں‌ نے اپنی میڈیا بریفنگ میں کیا، ان کا کہنا تھا کہ بلدیاتی نمائندوں کو با اختیار بنایا جائے گا، نئےنظام میں عوام اپنے فیصلوں سے پیسے خرچ کرتے ہیں، نئے نظام سے اختیارات نچلی سطح تک پہنچائے جائیں گے، شہری علاقوں میں میٹروپولیٹن کارپوریشن ہوگی.

    [bs-quote quote=”نیا بلدیاتی نظام وزیراعظم کے وژن کےعین مطابق ہے” style=”style-8″ align=”left” author_name=”وزیر قانون پنجاب”][/bs-quote]

    راجہ بشارت نے کہا کہ نئے بلدیاتی نظام میں عوام کا پیسہ عوام پرہی خرچ ہوگا، اقتدار کو صحیح معنوں میں نچلی سطح پرمنتقل کرنا چاہتے ہیں، نیا بلدیاتی نظام وزیراعظم کے وژن کےعین مطابق ہے.

    وزیر قانون پنجاب نے کہا کہ ہمارا مقصد عوام کو ہر صورت ریلیف فراہم کرنا ہے، ہم چاہتے ہیں کہ عوام اپنے ہاتھوں سے پیسہ خرچ کریں، کوشش ہے کہ بجٹ سیشن سے پہلے یہ نظام لےکرآئیں.

    مزید پڑھیں: معاشی بحران سے نکلنے کے لیے مشکل فیصلے کرنے پڑرہے ہیں‘ راجہ بشارت

    راجہ بشارت نے کہا کہ ہمارا مقصد عوام کو بااختیار بنانا ہے، بلدیاتی نظام سے متعلق ایک قدم آگے بڑھے ہیں، نئے بلدیاتی نظام سے لوگوں کے مسائل حل ہوں گے، نئے بلدیاتی نظام پروزیراعظم کی رہنمائی حاصل رہی، عوام کوفیصلہ سازی میں شامل کرنااور بااختیار بنانا ہے.

  • نوازشریف اگر بیرونِ ملک سے ڈاکٹر منگوانا چاہتے ہیں تو بتادیں، پنجاب حکومت  کی پیش کش

    نوازشریف اگر بیرونِ ملک سے ڈاکٹر منگوانا چاہتے ہیں تو بتادیں، پنجاب حکومت کی پیش کش

    لاہور: وزیر قانون پنجاب راجہ بشارت نے شریف خاندان کو پیش کش کی ہے کہ حکومت حساس معاملے پر پوائنٹ اسکورنگ نہیں چاہتی، نوازشریف اور مسلم لیگ ن اگر بیرونِ ملک سے کوئی ڈاکٹر منگوانا چاہتے ہیں تو بتادیں۔

    تفصیلات کے مطابق پنجاب اسمبلی کے اجلاس میں وزیرقانون کا کہنا تھا کہ ہر معاملے پرتحمل کے ساتھ بات کرنےکوتیارہیں، اپوزیشن بیٹھ کر بات کرے کیونکہ اسمبلی کی سیڑھیوں پر مسائل کا حل نہیں نکل سکتا۔

    اُن کا کہنا تھا کہ اپوزیشن حل نکالناچاہتی ہے توپھرمل کر بیٹھے، نوازشریف اگر چاہیں تو حکومت انہیں شفاء اسپتال منتقل کرنےکو بھی تیار ہے ہم اس معاملے پر کوئی پوائنٹ اسکورنگ نہیں چاہتے۔ راجہ بشارت کا کہنا تھا کہ نوازشریف بتائیں انہیں مرض کیا ہے، اگر وہ بیرونِ ملک سے ڈاکٹر بلوانا چاہتے ہیں تو وہ بھی بتادیں۔

    مزید پڑھیں: نوازشریف 3 بار وزیراعظم رہے اُن کا احترام کرتے ہیں، علی محمد خان

    وزیر قانون کا کہنا تھا کہ نوازشریف نے خود ہی اسپتال منتقل ہونے سے انکار کیا، حکومت بورڈ کی سفارشات پر مکمل عمل کررہی ہے اگر نوازشریف کے لندن میں موجود ڈاکٹر سے رابطہ کرنا ہے تو ٹیلی کانفرنس کے ذریعے یہاں کے معالج بات کرلیں گے۔

    بعد ازاں اسپیکرپنجاب اسمبلی نےنوازشریف کی صحت کے معاملےپر حکومت اور اپوزیشن کے درمیان اتفاق رائے کرادیا جس کے بعد دونوں مسئلے کو حل کرنے کے لیے ایک ساتھ بیٹھنے کو تیار ہوئے۔

    اسپیکر اسمبلی کا کہنا تھا کہ نوازشریف کی صحت کولے کر سنجیدہ ہیں، اس معاملے پر کوئی سیاست نہیں ہوگی اور نہ کسی کو اجازت دی جائے گی، حکومت اوراپوزیشن بیٹھ کرمسئلےکاحل نکالے جبکہ ایوان  اس مسئلے پر وفاق سے بھی بات کرے گا۔

    یہ بھی پڑھیں: نواز شریف کوبہترین طبی سہولتیں دی جائیں ،وزیراعظم عمران خان کا اعلان

    اُن کا کہنا تھا کہ علم میں ہےوزیرقانون وفاقی حکومت سےرابطےمیں ہیں، راجہ بشارت  اور وزیرصحت کےساتھ اپوزیشن کے2 ممبر بیٹھ جائیں اور مسئلے کا حل تلاش کر کے تجاویز ایوان میں پیش کریں۔

  • معاشی بحران سے نکلنے کے لیے مشکل فیصلے کرنے پڑرہے ہیں‘ راجہ بشارت

    معاشی بحران سے نکلنے کے لیے مشکل فیصلے کرنے پڑرہے ہیں‘ راجہ بشارت

    لاہور: وزیرِ قانون پنجاب راجہ بشارت کا کہنا ہے کہ بہتری کے لیے جہاں سے بھی تجاویزآئیں گی اس پرعمل کریں گے۔

    تفصیلات کے مطابق پنجاب کے وزیرقانون راجہ بشارت کا کہنا ہے کہ وزیراعظم کی ہدایت پر 100 روزہ پلان میں ترجیحات کا تعین کیا، طے کردہ ترجیحات پرآئندہ 5 سال میں کام کریں گے۔

    انہوں نے کہا کہ عدالتی ریمارکس حکومتی کارکردگی کودرست کرنے کے لیے ہوتے ہیں، حکومت کی کارکردگی کودرست کرنا ہماری ذمہ داری ہے۔

    وزیرقانون پنجاب نے کہا کہ عثمان بزدارکی قیادت میں کوتاہی کودرست کریں گے، بہتری کے لیے جہاں سے بھی تجاویزآئیں گی اس پرعمل کریں گے۔

    راجہ بشارت نے کہا کہ اپوزیشن کےساتھ طے ہوا کل اسٹینڈنگ کمیٹی سے متعلق بیٹھنا ہے، ہماری حکومت کا فیصلہ ہے ہم نے اپوزیشن کوساتھ لے کرچلنا ہے، قوائد وضوابط کے مطابق جواپوزیشن کا حق بنتا ہے وہ دیں گے۔

    انہوں نے کہا کہ اسمبلی اجلاس میں کسی معاملے کوحکومت نے اپنی انا کا مسئلہ نہیں بنایا، رولز کے مطابق جوکرنا پڑے گا وہ کریں گے۔

    وزیرقانون پنجاب نے کہا کہ معاشی بحران سے نکلنے کے لیے مشکل فیصلے کرنے پڑرہے ہیں۔

  • وزیرِ قانون پنجاب راجہ بشارت کی نا اہلی سے متعلق درخواست قابلِ سماعت قرار

    وزیرِ قانون پنجاب راجہ بشارت کی نا اہلی سے متعلق درخواست قابلِ سماعت قرار

    اسلام آباد: وفاقی دار الحکومت کی عدالتِ عالیہ نے پنجاب کے وزیرِ قانون راجہ بشارت کی نا اہلی سے متعلق درخواست کو قابلِ سماعت قرار دے دیا۔

    تفصیلات کے مطابق اسلام آباد ہائی کورٹ نے راجہ بشارت کے خلاف دائر ہونے والی نا اہلی سے متعلق درخواست قابلِ سماعت قرار دیتے ہوئے فریقین کو نوٹس جاری کر دیے۔

    [bs-quote quote=”راجہ بشارت نے اپنی منقولہ و غیر منقولہ جائیداد اور اس کی مالیت کو چھپایا۔” style=”style-7″ align=”left” color=”#dd3333″ author_name=”درخواست گزار”][/bs-quote]

    ہائی کورٹ میں وزیرِ قانون کی نا اہلی کے لیے درخواست سیمل راجہ نے دائر کی۔

    درخواست گزار سیمل راجہ نے درخواست میں مؤقف اختیار کیا ہے کہ راجہ بشارت نے اپنی منقولہ و غیر منقولہ جائیداد اور اس کی مالیت کو چھپایا۔

    عدالت میں دائر درخواست میں یہ بھی کہا گیا ہے کہ راجہ بشارت کی جانب سے بیرون ملک دوروں پر اخراجات کی تفصیلات کو بھی بد نیتی سے چھپایا گیا۔

    عدالت نے کیس کی سماعت 2 ہفتے کے لیے ملتوی کر دی۔


    یہ بھی پڑھیں:  وزیرِ قانون پنجاب کی سرکاری اسپتال کے ڈاکٹر کا تبادلہ کرانے کی کوشش


    خیال رہے کہ دو دن قبل وزیرِ قانون پنجاب کی ایم ایس بے نظیر اسپتال سے دھمکی آمیز گفتگو منظرِ عام پر آئی تھی، وزیرِ قانون نے سرکاری اسپتال کے ڈاکٹر کا تبادلہ کرانے کی کوشش کی تھی۔

    وزیرِ قانون نے ایم ایس سے مطالبہ کیا کہ حنیف عباسی کی بیٹی کا تبادلہ اسکن ڈیپارٹمنٹ میں کر دیں۔ ایم ایس کے انکار پر راجہ بشارت نے انھیں دھمکیاں دیں۔ بعد ازاں وزیرِ اعظم نے اس معاملے کا نوٹس لے لیا تھا۔

  • سابق وفاقی وزیر کےبھانجےکے قتل میں ملوث 2ملزمان گرفتار

    سابق وفاقی وزیر کےبھانجےکے قتل میں ملوث 2ملزمان گرفتار

    کراچی : ناظم آباد میں پولیس نے اسنیپ چیکنگ کے دوران دو ملزمان کو گرفتار کرلیا۔ ملزمان سابق وفاقی وزیر راجا بشارت کے بھانجے کے قتل میں ملوث ہیں۔

    \تفصیلات کے مطابق کراچی کے علاقے ناظم آباد میں پولیس نے اسنیپ چیکنگ کے دوران دو ملزمان کو گرفتار کیا۔ ملزمان راول پنڈی میں سابق وفاقی وزیر راجا بشارت کے بھانجے شعیب کے قتل میں ملوث ہیں۔

    ملزمان قتل کے بعد کراچی آکر روپوش ہوگئے تھے۔ پولیس کارروائی کے دوران ملزمان کے تین ساتھی فرار ہونے میں کامیاب ہوگئے۔

    پولیس ذرائع کے مطابق ملزمان کو آج راول پنڈی منتقل کیا جائے گا۔ ملزمان نے پانچ دسمبر کو راجا بشارت کے بھانجے شعیب کو قتل کیا تھا۔