Tag: RAJAN PUR

  • پنجاب میں عید الاضحٰی کی چھٹیوں کے دوران بھی کومبنگ آپریشن جاری

    پنجاب میں عید الاضحٰی کی چھٹیوں کے دوران بھی کومبنگ آپریشن جاری

    لاہور: پنجاب میں عید الاضحٰی کی چھٹیوں کے دوران بھی کومبنگ آپریشن جاری رہا، صوبے بھر سے ایک ہزار تین سو انہتر افراد کو گرفتار کیا گیا۔

    پنجاب پولیس کے مطابق صوبے بھر میں عیدالاضحی کے چھٹیوں کے دوران بھی کومبنگ آپریشن بڑے پیمانے پر جاری رہا، مختلف مقامات پر کومبنگ آپریشن کے دوران ایک ہزار تین سو انہتر افراد کو گرفتار کیا گیا۔

    آئی جی پنجاب کا کہنا ہے کہ آپریشن کے دوران دو سو اٹھاسی اشتہاری ملزمان بھی پکڑے گئے، پانچ روز کے دوران ستائیس ہزار پانچ سو اٹھاون افراد سے پوچھ گچھ ہوئی، تین سو پانچ افراد سے خطرناک اسلحہ برآمد ہوا۔

    لاہور میں کومبنگ آپریشن کے دوران ایک سو پچاس، سرگودھا میں ایک سو تیئس، فیصل آباد میں چھ سو باسٹھ، ملتان ڈویژن میں ایک سو اکتالیس اور ڈی جی خان میں ستاون افراد گرفتار کئے گئے۔

    واضح رہے کہ سانحہ کوئٹہ کے بعد آرمی چیف جنرل راحیل شریف نے کومبنگ آپریشن تیز کرنے کی ہدایت کی تھی.

  • کومبنگ آپریشن : راجن پورمیں پینتیس فراری ہلاک، شیخوپورہ سے چودہ گرفتار

    کومبنگ آپریشن : راجن پورمیں پینتیس فراری ہلاک، شیخوپورہ سے چودہ گرفتار

    راجن پور/ شیخوپورہ / گجرات / راولپنڈی / سکھر : سانحہ کوئٹہ کے بعد سے ملک بھر میں کومبنگ آپریشن جاری ہے جس کے دوران کئی جرائم پیشہ افراد کو گرفتارکیا گیا ہے۔ تفصیلات کے مطابق ملک بھر میں جاری کومبنگ آپریشن میں تیزی آگئی ہے۔

    راجن پور میں سیکیورٹی فورسز نے فراریوں کے خلاف کامیاب آپریشن کیا۔ ذرائع کے مطابق آپریشن میں پینتیس فراریوں کی ہلاکت کی اطلاع ہے۔ آپریشن کے دوران بھاری تعداد میں اسلحہ بھی برآمد کیا گیا ہے۔آپریشن عید کے روز بھی جاری رہے گا۔

    شیخوپورہ کے علاقے کالا خطائی میں کومبنگ آپریشن کیا گیا جس میں چودہ مشتبہ افراد کو حراست میں لیا گیا، ملزمان کے قبضے سے پانچ رائفلیں،تین سو پچاس گولیاں اور سو لیٹر شراب برآمد ہوئی۔

    گجرات کے علاقے کنجہ میں پولیس نے سرچ آپریشن کرکے پینتالیس مشتبہ افراد کو حراست میں لے لیا۔

    راولپنڈی میں پولیس اور قانون نافذ کرنے والوں نے مشترکہ سرچ آپریشن کیا۔ سرچ آپریشن میں تیرہ اشتہاری ملزمان کو گرفتارکیا گیا۔

    اٹک کے علاقے پنڈی گھیب میں پولیس نے سرچ آپریشن کرکے چھ مشتبہ افراد کو گرفتار کرلیا۔ لاہور میں رات گئے کومبنگ آپریشن ہوگا۔

    سکھرمیں رینجرز اور پولیس نے ہوٹلوں اور مسافرخانوں میں کومبنگ آپریشن کیا۔ سکھر سے چار اور روہڑی سے چھ افراد کو گرفتار کیا گیا۔

     

  • چھوٹو گینگ نے فوج کے سامنے ہتھیار ڈال دیئے، 24 یرغمالی پولیس اہلکاررہا

    چھوٹو گینگ نے فوج کے سامنے ہتھیار ڈال دیئے، 24 یرغمالی پولیس اہلکاررہا

    راجن پور : چھوٹوگینگ نے پاک فوج کے سامنے ہتھیار ڈال دیئے۔ چوبیس یرغمالی پولیس اہلکار وں کو بھی رہا کردیا گیا، جبکہ پاک فوج نے غلام رسول عرف چھوٹو کو حراست میں لے کر نامعلوم مقام پر منتقل کردیا گیا ہے۔

    تفصیلات کے مطابق سیکیورٹی فورسز کو آپریشن آہن میں بڑی کامیابی مل گئی، چھوٹوگینگ نے گھٹنے ٹیک دیئے۔ذرائع کے مطابق راجن پور کےعلاقے کچہ جمال میں چھوٹوگینگ نے گزشتہ شام فائربندی کردی تھی۔ جس کے بعد رات گئے ڈاکوؤں نے فوج کے سامنے ہتھیار ڈال دیئے اور چوبیس یرغمالی پولیس اہلکاروں کوبھی رہا کردیا گیا۔

    ہتھیار ڈالنے کے بعد ڈاکوؤں کو حراست میں لے کر پاک فوج کے بیس کیمپ سون میانی منتقل کردیا گیا ہے، جہاں بڑی تعداد میں ہتھکڑیاں اور قیدیوں کی گاڑیاں منگوالی گئی ہیں جبکہ نقل مکانی کرنے والوں کی واپسی بھی شروع ہوگئی ہے۔

    ڈاکو تاحال فوج کی حراست میں ہیں جنہیں پاک فوج اور پولیس حکام کے درمیان مذاکرات کے بعد پنجاب پولیس کے حوالے کردیا جائے گا۔ جبکہ پاک فوج نے غلام رسول عرف چھوٹو کو حراست میں لے کر نامعلوم مقام پر منتقل کردیا ہے۔

    چھوٹو گینگ کے ہتھیار ڈالنے کے بعد بند کی گئی نہروں میں پانی چھوڑدیا گیا ہے، تاہم عسکری ذرائع نے تاحال تصدیق نہیں کی ہے اس سے پہلے چھوٹو گینگ نے صرف پاک فوج کے سامنے ہتھیار ڈالنے کا اعلان کیا تھا۔

    پاک فوج نے اب بھی علاقے کوگھیرے میں لے رکھا ہے۔ چھوٹو گینگ کے خلاف پنجاب پولیس کا آپریشن تین ہفتے سے جاری تھا جس میں پولیس کے چھ اہلکار جاں بحق ہوئے جس کے بعد آپریشن میں پاک فوج کی مدد لی گئی تھی۔

     

  • چھوٹو گینگ کیخلاف آپریشن کامیابی سے جاری، علاقے میں کرفیو نافذ

    چھوٹو گینگ کیخلاف آپریشن کامیابی سے جاری، علاقے میں کرفیو نافذ

    راجن پور : چھوٹوگینگ کیخلاف آپریشن بائیسویں روز میں فیصلہ کن مرحلےمیں داخل ہوگیا ہے۔ پاک فوج نےکچے کےعلاقے میں کرفیو نافذ کرکےگینگ کیخلاف گھیرا مزید تنگ کردیا ہے۔ علاقےکے اسپتالوں میں ہنگامی صورتحال سےنمٹنےکیلئےایمرجنسی نافذ کردی گئی۔

    تفصیلات کے مطابق کچےکےعلاقےمیں چھوٹوکی بڑوں سےٹکر آخری مرحلےمیں داخل ہوگئی، چھوٹوگینگ کیخلاف آپریشن بائیسویں روزمیں فیصلہ کن مرحلے میں داخل ہوگیا۔

    پاک فوج کےکمانڈوزنےچھوٹوگینگ کو گھیرے میں لے رکھا ہے۔ ذرائع کے مطابق فوج نےنو کلو میٹر لمبا اورڈھائی کلومیٹرچوڑا جزیرہ کچا جمال کےعلاوہ تمام علاقےکلئیرکراکرجزیرےمیں محصورچھوٹو گینگ کےگردگھیرا مزید تنگ کردیاہے۔

    کچےکےتمام داخلی اور خارجی علاقےمکمل سیل کرکےسونمیانی تک کرفیو نافذکردیاگیا۔ چھوٹو گینگ کےٹھکانوں کوبھاری ہتھیاروں سے نشانہ بنایاجارہا ہے۔

    علاقے میں وقفے وقفے سے دھماکوں کی آوازیں سنائی دی رہی ہیں۔ ڈی پی اوکےمطابق اگلےمورچوں پرفوج اورپیچھےپولیس بھی موجود ہے جبکہ کسی بھی ناخوشگوار سے نمٹنے کے لئے ضلع بھر کی اسپتالوں میں ایمرجنسی نافذکردیاگیا ہے۔

    چھوٹوگینگ کےٹھکانوں پر فائرنگ و گولہ باری کا سلسلہ رات بھر جاری رہا۔ ڈرون اور ہیلی کاپٹرکی مدد سے گینگ پر نظر رکھی جارہی ہے۔ آپریشن کےدوران کچےکےعلاقےمیں صبح آٹھ سےدوپہرایک بجےتک کرفیونافذ ہے۔

     

  • چھوٹو گینگ کیخلاف گھیرا تنگ ہوگیا، پاک فوج کا آپریشن خاتمے کے قریب

    چھوٹو گینگ کیخلاف گھیرا تنگ ہوگیا، پاک فوج کا آپریشن خاتمے کے قریب

    ڈی جی خان : راجن پور میں چھوٹو گینگ منطقی انجام کے قریب پاک فوج نے آپریشن کی کمانڈ سنبھال لی.

    تفصیلات کے مطابق چھوٹوگینگ پرعرصہ حیات تنگ کردیا گیا، پاک فوج نےکچی جمال کوچاروں طرف سے گھیرلیا۔

    آئی جی پنجاب کا کہنا ہے کہ یرغمال اہلکاروں کی بحفاظت بازیابی اولین ترجیح ہے, راجن پور میں ڈاکوؤں کے خلاف جاری آپریشن ضرب آہن خاتمے کے قریب ہے۔

    چھوٹو گینگ کو نرغے میں لے لیا گیا ہے اور سیکیورٹی فورسز کی جانب سے ہتھیار ڈالنے کے اعلانات کئے جارہے ہیں۔ بکتر بندگاڑیاں،گن شپ ہیلی کاپٹرز اورجدید اسلحہ سے لیس جوانوں نے شرپسندوں پر اپنا شکنجہ کس لیا۔

    پاک فوج نے یرغمالی پولیس اہلکاروں  کوبچانے کیلئے آپریشن میں محتاط حکمت عملی اختیار کی ہے ۔ پاک فوج کی جانب سے اعلانات کیے جا رہے ہیں کہ ڈاکو ہتھیارڈال دیں اورمغویوں کو چھوڑدیں۔

    چھوٹوگینگ نےپنجاب پولیس پرعدم اعتماد ظاہرکرتےہوئےمطالبہ کیا ہےکہ یرغمالیوں کےبدلے بچوں اورساتھیوں کو محفوظ راستہ دیا جائے۔

    دوسری جانب پنجاب کے صوبائی وزیر قانون پنجاب رانا ثنا اللہ نے کہا ہے کہ چھوٹو گینگ کو گھیرلیا گیا ہے، آپریشن ہر صورت کامیاب ہوگا۔

    پاک فوج کے آنے کی وجہ سے علاقے میں لوگوں کا مورال بلند ہوا ہے۔ مقامی آبادی کو چھوٹوگینگ سےنجات کا یقین ہو چلا ہے۔

     

  • یرغمال پولیس اہلکاروں کو جلد بازیاب کرالیں گے، آئی جی پنجاب

    یرغمال پولیس اہلکاروں کو جلد بازیاب کرالیں گے، آئی جی پنجاب

    راجن پور : آئی جی پنجاب مشتاق سکھیرا نے کہا ہے کہ چھوٹو گینگ کے خلاف آرمی، رینجرز اور پولیس مشترکہ آپریشن کررہی ہیں، یرغمال پولیس اہلکاروں کو جلد بازیاب کرالیں گے۔

    تفصیلات کے مطابق آئی جی پنجاب مشتاق سکھیرا نے کہا ہے کہ چھوٹو گینگ کےخلاف آپریشن کی منصوبہ بندی فوج اوررینجرزافسران نے کی جبکہ اس بار پولیس نے بھی مکمل تیاری کی تھی اور اہلکاروں کو آپریشن سے پہلے اسپیشل ٹریننگ دی گئی جبکہ ایک ایک پولیس اہلکار کو 2میگزین کے بجائے 5 میگزین دیئے تھے۔

    آئی جی پنجاب کا کہنا تھا کہ وہ اہلکاروں کا حوصلہ بڑھانے کے لئے راجن پور آئے ہیں۔ انہوں نے کہا کہ ڈاکوؤں کے ٹھکانوں پر شیلنگ اور فائر نگ جاری ہے۔

    کچے کے علاقے میں ڈاکوؤں کی کمین گاہوں تک جانے کے لئے اہلکاروں نے مرضی سے نام لکھوائے،آپریشن کی پلاننگ مشترکہ تھی۔

     

  • راجن پور میں رینجرز اور پولیس کا آپریشن، ڈاکوؤں کے گرد گھیرا تنگ

    راجن پور میں رینجرز اور پولیس کا آپریشن، ڈاکوؤں کے گرد گھیرا تنگ

    راجن پور: کچے کے علاقے راجن پور میں رینجرز اور پولیس نے آپریشن کرکے چھوٹو گینگ کے سرغنہ سمیت بیس ڈاکوؤں کوگھیرے میں لے لیا۔

    چھوٹو گینگ کے ڈاکوؤں کی موجودگی کی اطلاع پر قانون نافذ کرنے والے اداروں نے بڑے سرچ آپریشن کاآغاز کیا۔

    کارروائی میں سات سو سے زائد اہلکار حصہ لے رہے ہیں۔ ڈاکوؤں سیکورٹی اداروں کے اہلکاروں پر بھاری اسلحے سے فائرنگ شروع کردی۔

    جس پر رینجرز اور پولیس نے بھی جوابی کارروائی کی۔ دونوں جانب سے شدید فائرنگ کاتبادلہ جاری ہے۔

    پولیس کے مطابق چھوٹو گینگ کو کئی کالعدم تنظیموں کی معاونت حاصل ہے، دریائی علاقوں میں ڈاکوؤں کے محاصرے کیلئے کشتیاں بھی طلب کی گئی ہیں۔

  • ملک بھرکے دریاؤں میں سیلاب کی صورتحال

    ملک بھرکے دریاؤں میں سیلاب کی صورتحال

    لاہور:ملک بھرکے دریاؤں میں طغیانی کے بعد سیلاب کی صورتحال پیدا ہوگئی ہے دریائے کابل میں ایک لاکھ کیوسک سے زائد کا ریلا گزررہاہے۔

    ترجمان پی ڈی ایم اے کے مطابق دریائے راوی میں شاہدرہ کے مقام پرنچلے درجے کا سیلاب ہے ،دریائے جہلم میں منگلاکے مقام پراونچے درجے کا سیلاب ہے اور پانی کابہاؤ63ہزار832کیوسک ہے۔

    دریائے ستلج میں اسلام پورہ کے مقام پراونچے درجے کا سیلاب اورپانی کابہاؤ5ہزار613کیوسک ہے،دریائے سندھ میں کالاباغ کے مقام پردرمیانے درجے کا سیلاب ہے،تربیلا اورتونسہ کے مقام پراونچے درجے کا سیلاب ہے۔

    تربیلا کے مقام پرپانی کا بہاؤ35ہزا600کیوسک جبکہ تونسہ کے مقام پر305713کیوسک ہے،دریائے کابل نوشہرہ کے مقام پرپانی کا بہاؤ1لاکھ11ہزار9سوکیوسک درمیانےدرجے کا سیلاب ہے۔

  • عمر کوٹ : ٹرین پٹری سے اتر گئی، بیس مسافر زخمی

    عمر کوٹ : ٹرین پٹری سے اتر گئی، بیس مسافر زخمی

    عمر کوٹ : ٹرین پٹڑی سےاترگئی،جس کےنتیجےمیں بیس مسافر زخمی ہوگئے، مسافروں کو طبی امدادکےبعدراجن پورمنتقل کردیاگیا۔

    تفصیلات کے مطابق کراچی سے پشاور جا نے والی ٹرین عمر کوٹ کے مقام پر پٹڑی سے اتر گئی اور ٹرین کی چار بوگیاں الٹ گئیں، جس کے نتیجہ میں بیس مسافر زخمی ہو گئے۔

    واقعہ کی اطلاع ملتے ہی ریسکیو ٹیمیں موقع پر پہنچ گئیں، پولیس کے مطابق پٹڑی کمزور ہو نے کی وجہ سے ٹرین الٹی ہے تاہم کوئی جانی نقصان نہیں ہو ا۔

    تحقیقات کے لئے پولیس ریلوے عملے کے ساتھ موقع پر موجود ہے، مسافروں کو طبی امداد کے بعد بسوں کے ذریعے راجن پور منتقل کردیا گیا ہے۔

  • راجن پوراورحافظ آباد میں ٹریفک حادثات،10مسافرجاں بحق متعدد زخمی

    راجن پوراورحافظ آباد میں ٹریفک حادثات،10مسافرجاں بحق متعدد زخمی

    کراچی: راجن پور اور حافظ آباد میں دو مختلف ٹریفک حادثات کے دوران دس افرادزندگی کی بازی ہارگئے۔

    ریسکیو ذرائع کا کہناہےکہ روجھان انڈس ہائی وےپرمُسافرکوچ ٹرک سے ٹکرا گئی، خُونی حادثے میں چھ مسافرزندگی سےہاتھ دھو بیٹھےاور اکیس زخمی ہوگئے۔

    کراچی سے روانہ ہونےوالی مسافر کوچ کی منزل سوات تھی، تاہم تیز رفتاری کے باعث بد قسمت مسافرمنزل پر نہ پہنچ سکے اور سفر ِآخرت پر روانہ ہوگئے۔

    دوسرا ٹریفک حادثہ شہر حافظ آباد میں گوجرانوالہ روڈ پر پیش آیا۔ جہاں مسافر وین ڈمپر کی زد میں آگئی۔

     حادثے کے نتیجے میں چار افراد جاں بحق جبکہ متعددزخمی ہوئے۔ واقع کی اطلاع ملتے ہی ریسکیو اہلکاروں نےوین سے زخمیوں اور لاشوں  کو نکال کر ڈی ایچ کیو اسپتال منتقل کیا۔