ARYNews.tv | Urdu – Har Lamha Bakhabar

Tag: Rajkummar Rao

  • راج کمار راؤ اور وامیکا گبی کی فلم ’بھول چوک معاف‘ کا ٹریلر جاری

    راج کمار راؤ اور وامیکا گبی کی فلم ’بھول چوک معاف‘ کا ٹریلر جاری

    بالی ووڈ کے معروف اداکار راجکمار راؤ اور ومیکا گبی کی فلم بھول چوک معاف کے ٹریلر  کو جاری کردیا گیا ہے۔

    کرن شرما کی تحریر اور ہدایت کاری میں بننے والی یہ فلم مین راج کمار راؤ کو ایک عام آدمی کے طور پر متعارف کرایا گیا ہے جو اپنی گرل فرینڈ تتلی (وامیکا گبی) سے گہری محبت کرتا ہے۔

    فلم میں راج کمار راؤ کا کردار، رنجن سرکاری نوکری حاصل کرکے تتلی کے ساتھ ساتھ شادی کرنے کے لیے پورے خاندان کی رضامندی حاصل کرنے کی کوشش کرتا ہے۔

    تقریباً تین منٹ کے ٹریلر میں راج کمار راؤ کو پریشان دیکھا گیا جہاں وہ اپنی پسند کی لڑکی سے شادی کیلئے بےقرار ہوتے ہیں مگر شادی سے صرف ایک دن پہلے 29 کو ٹائم لوپ میں میں پھنس جاتے ہیں۔

    https://www.youtube.com/watch?v=nZEXRZMEd5Y

    یاد رہے کہ راج کمار راؤ اور وامیکا گبی اس فلم کے ذریعے پہلی مرتبہ ایک ساتھ بڑی اسکرین پر جلوہ گر ہوں گے ہنسی کا طوفان لیے یہ فلم 9 مئی 2025 کو سینما میں ریلیز کی جائے گی۔

  • سارو گنگولی کی بائیوپک فلم کا ہیرو کون ہوگا؟ اداکار کا نام سامنے آگیا

    سارو گنگولی کی بائیوپک فلم کا ہیرو کون ہوگا؟ اداکار کا نام سامنے آگیا

    بھارت کرکٹ ٹیم کے سابق کپتان سارو گنگولی کی زندگی پر بننے والی فلم میں مرکزی کردار نبھانے والے معروف اداکار کا نام سامنے آگیا۔

    بھارتی کرکٹ ٹیم کے سابق کپتان سارو گنگولی نے 2021 میں اپنی زندگی پر فلم بنائے جانے کی تصدیق کی تھی لیکن فلم کی تفصیلات شیئر نہیں کی تھی، تاہم اب بھارتی کے مطابق بھارت کرکٹ ٹیم کے سابق کپتان سورو گنگولی نے اپنی بائیوپک کے بارے میں بات کرتے ہوئے کہا کہ بالی ووڈ اداکار راج کمار راؤ فلم میں ان کا کردار ادا کریں گے۔

    بھارتی میڈیا کا کہا ہے کہ جمعرات کو مغربی بنگال میں میڈیا سے گفتگو کرتے ہوئے انہوں نے کہا میں نے سنا ہے کہ راج کمار راؤ میری بائیوپک میں ٹائٹلر رول ادا کریں گے لیکن فلم ریلیز کی تاریخوں کی وجہ اسے اسکرین پر آنے میں ایک سال سے زیادہ کا وقت لگ سکتا ہے۔

     

    View this post on Instagram

     

    A post shared by Rajkumar Rao (@rajkumarraofficial)

    واضح رہے کہ سابق کپتان گنگولی نے بھارت کے لیے 113 ٹیسٹ اور 311 ون ڈے کھیلے، اس دوران بلے باز نے اپنے بین الاقوامی کریئر میں تمام فارمیٹس میں 18,575 رنز بنائے، ان کی کپتانی میں بھارتی ٹیم نے 21 ٹیسٹ میچ جیتنے اور ٹیم 2003 کے ورلڈ کپ کے فائنل تک پہنچی۔

    کولکتہ کے شہزادے  گنگولی کرکٹ ایسوسی ایشن آف بنگال کے صدر رہ چکے ہیں تاہم انہیں گزشتہ سال اکتوبر میں بورڈ آف کنٹرول فار کرکٹ ان انڈیا(بی سی سی آئی) کا صدر مقرر کیا گیا۔

    راج کمار راؤ اور وامیکا گبی کی ’بھول چُوک معاف‘ کا ٹیزر ریلیز ہوتے ہی مقبول

    اس سے قبل بھارتی کرکٹر سچن ٹنڈولکر کی زندگی پر ’اے بلین ڈریمز’ بنائی گئی تھی جس میں خود سچن ٹنڈولکر نے اداکاری کی تھی اور ’ایم ایس دھونی : دی اَن ٹولڈ اسٹوری’ میں سشانت سنگھ نے دھونی کا کردار ادا کیا تھا، اب گنگولی کی فلم میں راج کمار راؤ اداکاری کریں گے۔

  • ’سر کٹا انفلنسر ہے فالوورز بڑھانا چاہتا ہے‘

    ’سر کٹا انفلنسر ہے فالوورز بڑھانا چاہتا ہے‘

    بالی ووڈ اداکارہ شردھا کپور اور راج کمار راؤ کی نئی فلم ’استری 2’ کا ہارر کمیڈی ٹریلر جاری کردیا گیا جس میں سرکٹا نظر آئے گا۔

    امر کوشک کی ہدایت کاری میں بننے والی اس فلم میں شردھا کپور، راج کمار راؤ، پنکج ترپاٹھی، اپارشکتی کھرانہ اور ابھیشیک بنرجی بھی مرکزی کردار ادا کر رہے ہیں۔جبکہ ابھے ورما، شروری واگھ اور مونا سنگھ جیسے اداکاروں نے اہم کردار ادا کیے ہیں۔

    استری 2 کی ایکشن سے بھرپور مرکزی جوڑی میں شردھا کپور اور راج کمار راؤ اداکاری کے جوہر دکھاتے نظر آئیں گے، ٹریلر میں دیکھا جاسکتا ہے کہ ہارر کامیڈی کا سیکوئل وہیں سے شروع ہو رہا ہے جہاں سے 2018 میں ریلیز ہونے والی فلم استری چھوڑا گیا تھا، جس میں چندیری قصبے کو استری کے بھوت نے ستایا تھا۔

    ٹریلر میں مقامی لوگوں کو دکھایا گیا ہے، ساتھ ہی راج کمار، ابھیشیک، پنکج ترپاٹھی، اور اپارشکتی کھرانہ، ایک اور سر کٹے برائی سے نمٹنے کے مشن پر ہیں۔

    فلم میں ٹریلر پنکج ترپاٹھی نے رودر بھیا کا کردار نبھایا ہے، جو چندیری کے شہریوں کے لیے لاحق ایک نئے خطرے کو متعارف کرواتا ہے، جسے ’سرکاٹا‘ کہا جاتا ہے۔

    فلم کا ٹریلر قہقہوں کا مرکب ہے، رودر بھیا کہتے ہیں کہ مجھے یہ لگتا ہے کہ سر کٹا ایک انفلنسر ہے اور وہ فالوورز بڑھانا چاہتا ہے۔

    واضح رہے کہ بلاک بسٹر فلم ’استری ’ کا سیکوئل ’استری 2 ’ رواں سال اگست 2024 میں سینما گھروں کی زینت بنے گا۔

  • اداکار راج کمار راؤ نے پلاسٹک سرجری کی افواہوں پر خاموشی توڑ دی

    اداکار راج کمار راؤ نے پلاسٹک سرجری کی افواہوں پر خاموشی توڑ دی

    بھارتی اداکار راجکمار راؤ نے سوشل میڈیا پر ٹرولنگ کے بعد پلاسٹک سرجری کی افواہوں کی تردید کردی۔

    بالی ووڈ اداکار راجکمار راؤ نے ایک ایونٹ میں شرکت جہاں کی تصویر سوشل میڈیا پر وائرل ہوئی تھی، جس کے بعد صارفین کی جانب سے انہیں ٹرول کرنا شروع کردیا گیا تھا۔

    سوشل میڈیا صارفین کی جانب سے کہا گیا تھا کہ راجکمار راؤ نے پلاسٹک سرجری کروائی ہے، اس حوالے سے بات کرتے ہوئے انٹرویو میں اداکار نے کہا کہ اگر آپ نے وہ تصویر دیکھی ہے تو وہ میری نہیں ہے۔

    انہوں نے کہا کہ میرے ساتھ کسی نے مذاق کیا ہے اور یہ ایک ٹچ اپ تصویر ہے، سوشل میڈیا پر تصویر سامنے آنے کے بعد لوگوں نے میری پرانی تصاویر نکالیں اور پلاسٹک سرجری جسیے الزامات بھی لگانا شروع کردیے، میں تو اس چھری کے نیچے کبھی آیا ہی نہیں ہوں۔

    اداکار نے پلاسٹک سرجری کی تردید کی تاہم راج کمار نے بتایا کہ انہوں نے اپنے چہرے پر فلرز کا استعمال ضرور کیا ہے، اور یہ بھی تقریباً 8 یا 9 سال پرانی بات ہے۔

    راجکمار نے وضاحت دیتے ہوئے کہا کہ جب میں نے اپنے کیریئر کی شروعات کی تو لوگ میری شکل پر تبصرہ کرتے تھے، تو میں بہتر نظر آنے کیلئے فلرز حاصل کیے تھے، اور میں سمجھتا ہوں اگر کوئی اعتماد حاصل کرنے کیلئے ایسا کرنا چاہتا ہے تو اس میں کوئی حرج نہیں ہے۔

  • راج کمار راؤ اور پترا لیکھا کی شادی ہو گئی

    راج کمار راؤ اور پترا لیکھا کی شادی ہو گئی

    ہریانہ: بالی ووڈ ادکار راج کمار راؤ اور پترا لیکھا پال شادی کے بندھن میں بندھ گئے۔

    تفصیلات کے مطابق ہریانہ کے شہر چندی گڑھ میں بالی وڈ کے ورسٹائل اداکار راج کمار راؤ اور ان کی دوست اداکارہ پترا لیکھا پال کی شادی ہو گئی۔

    راج کمار راؤ نے انسٹاگرام پوسٹ پر دلہن کے ہمراہ تصاویر شیئر کرتے ہوئے نئی زندگی کی شروعات کا اعلان کیا۔

    راج کمار نے کہا کہ انھوں نے آخر کار اپنی گیارہ سالہ محبت کو اپنا جیون ساتھی بنا کر نئی زندگی کا آغاز کر دیا ہے، اداکار نے پترالیکھا کو اپنا سکون، محبت، خوشی اور سب کچھ قرار دے دیا۔

    راج کمار نے لکھا کہ ان کے لیے اس سے بڑھ کر اور کوئی اعزاز اور خوشی کی بات نہیں کہ انھیں اب پترا لیکھا کا شوہر پکارا جائے گا۔

     

    View this post on Instagram

     

    A post shared by RajKummar Rao (@rajkummar_rao)

    چندی گڑھ میں شادی کی تقریبات گزشتہ روز منعقد ہوئیں، مرکزی تقریب میں پترا لیکھا پال نے روایتی سرخ عروسی لباس زیب تن کیا تھا، جب کہ تصاویر میں راج کمار سفید لباس میں ملبوس نظر آتے ہیں۔

    شادی کے استقبالیے میں ہریانہ کے وزیر اعلیٰ منوہر لال کھٹر نے بھی شرکت کی، دونوں کی تصاویر پر شوبز شخصیات، سیاسی و سماجی افراد سمیت ان کے مداحوں نے کمنٹس کرتے ہوئے انھیں نئی زندگی شروع کرنے پر مبارک باد پیش کی۔