Tag: Ramadan

رمضان اسلامی کیلنڈر کا نواں مہینہ ہے اور اسے اسلام میں بہت مقدس سمجھا جاتا ہے۔ یہ مہینہ مسلمانوں کے لیے روزے، عبادات، اور قرآن کی تلاوت کا مہینہ ہے۔ رمضان کے دوران مسلمان صبح صادق سے لے کر غروب آفتاب تک کھانے پینے سے پرہیز کرتے ہیں۔ اس کے ساتھ ہی برے خیالات اور برے کاموں سے بھی دور رہتے ہیں۔

  • مسجد نبویؐ میں ماہ صیام کے دوران لاکھوں افطار پیکٹس کی تقسیم

    مسجد نبویؐ میں ماہ صیام کے دوران لاکھوں افطار پیکٹس کی تقسیم

    سعودی عرب میں موجود ادارہ امور حرمین شریفین کے زیر انتظام ماہ رمضان المبارک میں مسجد نبویؐ شریف میں 73 لاکھ سے زائد افطار پیکٹس تقسیم کیے گئے۔

    سعودی خبر رساں ادارے کی رپورٹ کے مطابق مسجد نبویؐ شریف کی انتظامیہ کی جانب سے ماہ صیام میں روزہ داروں کو افطار کرانے کے لیے خصوصی انتظامات کیے گئے تھے، افطار دسترخوانوں کی تیاری اور روزہ داروں کے لیے صحت مند افطار کی فراہمی شامل تھا۔

    افطار پیکٹس میں آب زم زم کی بوتل، اعلی کوالٹی کی کھجوروں کا پیکٹ، زمزم کی ایک چھوٹی بوتل، لسی پیک، رمضان میں استعمال ہونے والا خصوصی چاٹ مصالہ (دقہ)، دہی کا پیکٹ، ٹشو پیپر اور کھجور والا بسکٹ شامل ہوتا ہے۔

    مسجد نبوی کی انتظامیہ کے مطابق یومیہ بنیادوں پر مسجد نبوی شریف کے اندرونی و بیرونی صحنوں میں 2 لاکھ 27 ہزار افطار پیکٹس تقسیم کیے گئے۔

    اس سے قبل سعودی عرب میں مسجد الحرام اور مسجد نبوی صلی اللہ علیہ وآلہ وسلم آنے والے زائرین کے لئے اہم ہدایت جاری کی گئی تھیں۔

    رپورٹ کے مطابق سعودی وزارتِ حج وعمرہ نے زائرین سے کہا ہے کہ حرمین شریفین میں سونے اور راہداریوں میں بیٹھنے سے اجتناب برتیں۔

    سوشل میڈیا پلیٹ فارم ایکس پر وزارتِ حج وعمرہ نے ہدایت جاری کی ہے کہ حرمین شریفین کے تقدس کا خیال رکھیں۔ راہداریوں میں بیٹھنے سے لوگوں کو دشواری کا سامنا کرنا پڑتا ہے جس کے باعث رش بڑھ جاتا ہے۔

    ایک ہفتے میں 51 لاکھ زائرین کی مسجد نبویؐ آمد

    وزارت کے مطابق مسجد الحرام میں آنے سے قبل اپنا سامان کمرے یا ہوٹل میں رکھیں محض ضروری شناختی دستاویز وغیرہ ہی اپنے پاس رکھیں اضافی سامان حرمین میں لانے سے گریز کریں۔

  • ماہ رمضان سے قبل اسرائیل کا شرمناک فیصلہ، مسجد اقصیٰ میں فلسطینیوں کا داخلہ محدود کردیا

    ماہ رمضان سے قبل اسرائیل کا شرمناک فیصلہ، مسجد اقصیٰ میں فلسطینیوں کا داخلہ محدود کردیا

    یروشلم: ماہ رمضان سے قبل اسرائیل نے مسجد اقصیٰ میں فلسطینیوں کا داخلہ محدود کردیا ہے۔

    عرب میڈیا رپورٹ کے مطابق اسرائیل نے مسجد اقصی میں فلسطینیوں کے داخلے کو محدود کردیا، ماہ رمضان میں صرف 55 سال سے بڑے مرد، 50 سال سے بڑی خواتین اور 12 سال یا اس سے چھوٹے بچوں کو مسجد اقصیٰ میں داخلے کی اجازت ہوگی۔

    رپورٹ کے مطابق قیدیوں کے تبادلے کے تحت رہا فلسطینیوں کو مسجد اقصیٰ میں داخل ہونے کی اجازت نہیں ہوگی، مسجد اقصیٰ جانے والے راستوں پر مزید 3 ہزار اسرائیلی پولیس اہلکار تعینات کیے جائیں گے۔

    جمعہ کی نماز کے لیے نمازیوں کی تعداد کم کرکے 10 ہزار کر دی جائے گی، وہ لوگ جو مسجد آنا چاہیں گے انہیں آنے سے قبل اسرائیلی حکام کو درخواست دینا ہوگی۔

    اسرائیلی وزیر نے مسجد اقصیٰ کے احاطے میں یہودی عبادت گاہ کی تعمیر کا اعلان کر دیا

    واضح رہے کہ رمضان المبارک کے دوران لاکھوں فلسطینی مشرقی یروشلم میں واقع اسلام کے تیسرے مقدس ترین مقام الاقصیٰ پر نماز ادا کرنے کے لیے آتے ہیں، جس پر اسرائیل نے قبضہ کیا ہوا ہے، مسجد الاقصیٰ فلسطینی قومی شناخت کی علامت بھی ہے۔

    اسرائیلی حکومت کے ترجمان ڈیوڈ مینسر نے صحافیوں کو ایک آن لائن بریفنگ میں کہا کہ عوامی تحفظ کے لیے معمول کی پابندیاں اسی طرح لاگو ہوں گی جیسے ہر سال ہوتی ہیں۔

    یاد رہے کہ پچھلے سال، غزہ جنگ کے دوران، اسرائیلی حکام نے الاقصیٰ آنے والے زائرین پر خاص طور پر مقبوضہ مغربی کنارے سے آنے والے فلسطینیوں پر پابندیاں عائد کر دی تھیں۔

  • رمضان المبارک کے موقع پر مستحقین میں راشن تقسیم کا سلسلہ شروع

    رمضان المبارک کے موقع پر مستحقین میں راشن تقسیم کا سلسلہ شروع

    رمضان المبارک کے موقع پر متحدہ عرب امارات کی جانب سے گزشتہ سالوں کی طرح پاکستان میں مستحقین میں راشن کی تقسیم کرنے کا سلسلہ شروع ہوگیا۔

    تفصیلات کے مطابق ہر سال کی طرح اس سال بھی  رمضان المبارک کی آمد سے قبل متحدہ عرب امارات کی جانب سے مستحقین  میں حفظان صحت کے  اوصولوں کے عین مطابق  راشن کی تقسیم کا سلسلہ جاری ہے۔

    متحدہ عرب امارات کی جانب سے رمضان المبارک کے موقع پر 3000 سے زائد مستحقین میں راشن کی تقسیم کی جائے گی، شیخہ فاطمہ بنت مبارک کی جانب سے راشن کی تقسیم کا آغاز کاٹھوڑ  سے کیا گیا ہے۔

    قونصل جنرل بخیت عتیق الرومیتی نے اپنے ہاتھوں سے راشن کی تقسیم کا آغاز کیا، اس موقعے پر انہوں نے کہا کہ ہر سال کی طرح سندھ اور بلوچستان کے اضلاع میں ہزاروں خاندانوں کو راشن تقسیم کیا جائے گا۔

    یو اے ای کی جانب سے 18 برس  سے پاکستان بھر میں رمضان کے موقع پر راشن تقسیم کیا جا رہا ہے، قونصل جنرل کا مزید کہنا تھا کہ راشن میں ایک خاندان کے لئے 40 کلو آٹا، 20 کلو چاول اور 10 کلو چینی شامل ہیں۔

    کھجور، 10 کلو دالیں، 5 کلو نمک مصالحہ جات، بچوں کا دودھ  اور مشروبات شامل ہیں جس میں حفظان صحت کے اصول کے عین مطابق اشیاء خورد نوش تقسیم کی جارہیں۔ قونصل جنرل کا کہنا تھا کہ یو اے ای ہمیشہ ہر تہوار پر اپنے پاکستانی بہن بھائیوں کو یاد رکھتا ہے۔

  • رمضان المبارک کی آمد سے قبل ہی مہنگائی کی شرح میں اضافہ ریکارڈ

    رمضان المبارک کی آمد سے قبل ہی مہنگائی کی شرح میں اضافہ ریکارڈ

    اسلام آباد: رمضان المبارک کی آمد سے قبل ہی مہنگائی کی شرح میں اضافہ ریکارڈ ہوا ہے جبکہ ہفتہ وار مہنگائی کی شرح 0.27 فیصد مزید بڑھ گئی۔

    تفصیلات کے مطابق ادارہ شماریات پاکستان نے مہنگائی کی شرح کی ہفتہ وار رپورٹ جاری کردی جس کے مطابق ہفتہ وار بنیاد پر مہنگائی کی شرح میں 0.27 فیصد کا اضافہ ہوا، ملک میں مہنگائی کی مجموعی سالانہ شرح 1.21 فیصد ہوگئی۔

    رپورٹ کے مطابق بے لگام چینی کی قیمتوں میں مسلسل بارہویں ہفتے بھی اضافہ ریکارڈ کیا ہے، ایک ہفتے میں چینی ایک روپے فی کلو مزید مہنگی ہوگئی، ملک میں چینی کی اوسط قیمت 155 روپے 27 پیسے فی کلو ہوگئی ہے۔

    جنوری میں مہنگائی 2.4 فیصد پر آگئی، برآمدات میں بھی اضافہ ہورہا ہے، وزیراعظم

    ادارہ شماریات کی جانب سے جاری کردہ رپورٹ کے مطابق حالیہ ہفتے 11 اشیاء کی قیمتوں میں اضافہ ریکارڈ کیا گیا ہے، حالیہ ہفتے انڈے 19 روپے 65 پیسے کیلے 18 روپے فی درجن مہنگے ہوئے۔

    رپورٹ کے مطابق ایک ہفتے میں برائلر مرغی 19 روپے 78 پیسے، لہسن 7 روپے 54 پیسے، مٹن 4 روپے 30 پیسے فی کلو مہنگا ہوا، حالیہ ہفتے بیف 5 روپے 36 پیسے فی کلو اور دال مسور 46 پیسے فی کلو مہنگی ہوئِی۔

    ادارہ شماریات کا کہنا ہے کہ ایک ہفتے میں 16 اشیاء سستی جبکہ 24 کی قیمتوں میں استحکام رہا، حالیہ ہفتے ٹماٹر 1 روپے 58 پیسے، دال چنا 4 روپے 13 پیسے فی کلو سستی ہوئی۔

    ادارہ شماریات کی جانب سے جاری کردہ رپورٹ کے مطابق پیاز 1 روپے 2 پیسے، آلو 61 پیسے، دال ماش، خوردنی گھی، دال مونگ اور 20 کلو  آٹے کا تھیلا بھی سستا ہوا۔

  • سعودی عرب: عمرہ زائرین کو رمضان میں فراہم کی جانے والی خدمات کا جائزہ

    سعودی عرب: عمرہ زائرین کو رمضان میں فراہم کی جانے والی خدمات کا جائزہ

    سعودی عرب حرمین شریفین میں ماہ رمضان المبارک کے دوران عازمین و زائرین کی تعداد ایام حج سے بھی زیادہ بڑھ جاتی ہے، جس کی تیاری کے لئے نائب گورنر مکہ مکرمہ شہزادہ مشعل بن عبدالعزیز کی سربراہی میں مرکزی حج کمیٹی نے عمرہ زائرین کو فراہم کی جانے والی خدمات کی تیاریوں کا جائزہ لیا ہے۔

    غیر ملکی ذرائع ابلاغ کے مطابق سعودی پریس ایجنسی کا اس حوالے سے کہنا ہے کہ وزارت حج و عمرہ نے عمرہ زائرین کے خیرمقدم کے حوالے سے تیاریوں سے آگاہ کیا۔

    سعودی عرب میں عمرہ کمپنیوں اور اداروں کو یکم ذی القعدہ سے قبل عمرہ زائرین کی واپسی کے شیڈول پر عمل کرنے کی ضرورت پر زور دیا گیا۔

    رپورٹس کے مطابق رمضان سیزن میں مکہ میونسپلٹی کی تیاریوں کے حوالے سے بھی کمیٹی کو بریف کیا گیا، اس میں ماحولیاتی صفائی کی خدمات کے علاوہ دیکھ بھال کے منصوبے شامل ہیں۔

    مکہ مکرمہ کے داخلی راستوں کے علاوہ مرکزی علاقے کے اطراف ٹرانسپورٹ اسٹیشنوں پر بیرونی پارکنگ کے علاوہ عمرہ زائرین کے خیرمقدم کے لیے مسجدالجعرانہ اور مسجد عائشہ کے اطراف کے علاقوں کو بھی تیار کیا گیا ہے۔

    ان تیاریوں کے علاوہ ڈسٹ بین، چوبیس گھنٹے کام کرنے والے 1500 سے زائد صفائی کارکنان کی فراہمی، 1500 میٹر طویل شہزادہ محمد بن سلمان واکنگ ٹریک کے فٹ پاتھ کی بحالی شامل ہے۔

    عازمین حج کیلئے مزید چار پیکیجز کا اعلان

    مسجد الحرام جنرل پریذیڈنسی نے رمضان آپریشنل پلان سے آگاہ کیا جس میں صفائی ستھرائی، افطار، قالین، ویل چیئر، خوشبویات کا استعمال،ِ ماحولیاتی تحفظ، ترجمہ، رہنمائی، مسجد الحرام کے مختلف حصوں میں زمزم کی فراہمی، اعتکاف اور دیگر امور شامل ہیں۔

    کمیٹی کی جانب سے سعودی ہلال احمر اتھارٹی کی رمضان تیاریوں کا جائزہ بھی لیا، جس میں کہا گیا کہ 99 ایمبولینیں سینٹرز اور 75 ایمبولینسز موجود ہیں۔ اجلاس میں عمرہ زائرین کو بہترین خدمات کی فراہمی کو یقینی بنانے کے لیے مسلسل کوششیں جاری رکھنے کا عزم کیا گیا۔

  • وزیراعظم رمضان ریلیف پیکج :  اس بار عوام کو کتنے ہزار روپے کیش ملے  گا؟

    وزیراعظم رمضان ریلیف پیکج : اس بار عوام کو کتنے ہزار روپے کیش ملے گا؟

    اسلام آباد : وزیراعظم رمضان ریلیف پیکج کے تحت مستحق خاندان کیلئے 5 ہزار روپے کی کیش مالی امداد کی تجویز دی گئی ہے۔

    تفصیلات کے مطابق وزیراعظم شہباز شریف نے رمضان پیکج کی سمری منظوری کیلئے وفاقی کابینہ میں پیش کرنے کی ہدایت کردی۔

    ذرائع نے بتایا کہ وزیراعظم رمضان ریلیف پیکج کے تحت 39 لاکھ خاندانوں کو نقد رقم دینے کی تجویز دی گئی ہے۔

    پیکج کے تحت فی مستحق خاندان کیلئے ایک بار 5 ہزار روپے کی کیش مالی امداد کی تجویز ہے۔

    وزیراعظم رمضان ریلیف پیکج کے بجٹ کا تخمینہ20  ارب50 کروڑ روپے لگایا گیا ہے اور پیکج کیلئے10ارب روپے وزارت صنعت وپیداوار کے بجٹ سےفراہم کرنے کی تجویز دی گئی ہے۔

    پیکج کیلئے 2 ارب روپے بی آئی ایس پی کے بجٹ سے دینے کی تجویز سامنے آئی ہے، وزارت خزانہ پیکج کیلئے8  ارب50 کروڑ روپےفراہم کرے گی۔

    ریلیف پیکج کے بجٹ میں میڈیا مہم پر اٹھنے والے اخراجات سمیت مالیاتی اداروں کے چارجز، نادرافیس اور دیگر اخراجات شامل ہوں گے، اس بار رمضان ریلیف پیکج یوٹیلیٹی اسٹورز کے ذریعے فراہم نہیں کیا جارہا۔

    مفت سولر پینل اسکیم میں  درخواست دینے کا طریقہ

  • رمضان کی آمد پر 10 ہزار روپے کیش، عوام کے لئے بڑی خبر آگئی

    رمضان کی آمد پر 10 ہزار روپے کیش، عوام کے لئے بڑی خبر آگئی

    لاہور : رمضان المبارک میں عوام کو 10 ہزار روپے کیش دیتے کا اعلان کردیا گیا، گھر کے دروازے پر 10 ہزار روپے فراہم کئے جائیں گے۔

    تفصیلات کے مطابق پنجاب کے مستحق 30 لاکھ خاندانوں کیلئے رمضان پیکج کے تحت 30 ارب روپے جاری کردیئے۔

    پرائس کنٹرول اینڈ کموڈیٹیز مینجمنٹ پنجاب کی سمری محکمہ خزانہ نے منظور کرلی ہے ، مستحق لوگوں کو گھر کے دروازے پر 10 ہزار روپے فراہم کئے جائیں گے۔

    دستاویز میں کہا گیا ہے کہ 30 لاکھ خاندانوں کو فی کس 10 ہزار روپے رمضان پیکج دیا جائے گا ، بینک آف پنجاب فی خاندان پے آرڈر پاکستان پوسٹ کے زریعے گھر گھر تقسیم کرے گا۔

    دستاویز میں کہنا تھا کہ پے آرڈر وصول کرنے کے بعد فی خاندان اپنے بینک میں جمع کرا کر پیسے وصول کرے گا ، فی خاندان بینک اکاؤنٹ نہ ہونے پر بینک آف پنجاب کے سپر ایجنٹ کے پاس جانا ہوگا۔

    دستاویز کے مطابق پے آرڈر کا کیش وصول کرنے کیلئے شناختی کارڈ ،بائیومیٹرک کرانا لازم ہوگا، لاہور رمضان پیکج پے آرڈر کی مدت 15اپریل 2025 تک ہے ،دستاویز

    رمضان کیش پیکج فراہمی پر بینک آف پنجاب کو 51کروڑ 9لاکھ روپے سروس چارجزمد میں ادا ہوں گے، پاکستان پوسٹ کو سروسز چارجز کی مد میں 82 کروڑ روپے ادا کئے جائیں گے۔

    دستاویز میں کہنا تھا کہ پرائس کنٹرول اینڈ کموڈیٹیز مینجمنٹ پنجاب کو رمضان پیکج کا ذمہ دار قرار دے دیا گیا۔

    Gold Price in Pakistan Today- پاکستان میں آج سونے کی قیمت

  • سعودی عرب میں پہلا روزہ کب ہوگا؟ ایوان شاہی کے مشیر کا اہم بیان

    سعودی عرب میں پہلا روزہ کب ہوگا؟ ایوان شاہی کے مشیر کا اہم بیان

    ریاض: سعودی عرب میں فلکی حساب سے پہلا روزہ کس دن ہوگا، اس حوالے سے سعودی ایوان شاہی کے مشیر کا اہم بیان سامنے آیا ہے۔

    غیر ملکی ذرائع ابلاغ کے مطابق سعودی ایوان شاہی کے مشیر اور سعودی علمابورڈ کے رکن شیخ عبد اللہ بن سلیمان المنیع کا کہنا ہے کہ فلکی حساب سے یکم مارچ بروز ہفتے کو سعودی عرب میں پہلا روزہ ہوگا۔

    رپورٹس کے مطابق سعودی ایوان شاہی کے مشیر اور سعودی علمابورڈ کے رکن شیخ عبد اللہ بن سلیمان المنیع نے بتایا کہ فلکی حساب سے پتہ چلا ہے کہ اس بار ماہ رمضان 29 دن کا ہوگا اور 29 مارچ کو آخری روزہ ہوگا۔

    سعودی عرب میں اس حساب سے عیدالفطر 30 مارچ کو ہونے کا قوی امکان ہے۔

    سعودی ایوان شاہی کے مشیر اور سعودی علمابورڈ کے رکن نے واضح کیا کہ یہ رپورٹ فلکی حساب سے تیار کی گئی ہے، یکم رمضان کا باقاعدہ اعلان سعودی سپریم کورٹ کی جانب سے کیا جائے گا۔

    شیخ عبد اللہ بن سلیمان کے مطابق جمعہ 29 رجب کو رات 3 بج کر 44 منٹ پر ماہ رمضان کے چاندکی پیدائش ہوگی اور رمضان کا چاند سورج غروب ہونے کے بعدکم و بیش 32 منٹ تک افق پرموجود رہے گا، جس کے سبب اسے آسانی سے دیکھا جاسکے گا۔

    سعودی عرب کی نئی ایئرلائن کا پاکستان کے لیے فلائٹ آپریشن شروع

    رپورٹس کے مطابق مملکت میں 2031 تک رمضان المبارک موسم سرما میں ہوگا اورپھر 8 سال تک یعنی 2039 تک موسم خزاں میں رمضان المبارک کی آمد ہوگی۔

  • یکم رمضان اور عید الفطر سے متعلق فلکیاتی ماہرین کی پیشگوئی سامنے آ گئی

    یکم رمضان اور عید الفطر سے متعلق فلکیاتی ماہرین کی پیشگوئی سامنے آ گئی

    رمضان المبارک کا مقدس مہینہ چند ماہ کی دوری پر ہے اور ہر سال دنیا بھر کے مسلمان رمضان المبارک کے بابرکت مہینےکا بے صبری سے انتظار کرتے ہیں۔

    ایسے میں کئی کئی ماہ قبل ہی فلکیاتی ماہرین رمضان اور عید الفطر کی متوقع تاریخوں کی پیشگوئی کردیتے ہیں۔

    فلکیاتی ماہرین کے مطابق رواں برس سعودی عرب، خلیجی ممالک سمیت کئی یورپی ممالک میں یکم رمضان یکم مارچ کو ہوگا، جبکہ پاکستان میں رمضان المبارک کا چاند 28 فروری یا پھر یکم مارچ کو نظر آئے گا، اس طرح یکم رمضان المبارک یکم مارچ یا 2 مارچ کو ہوگا۔

    رمضان المبارک کے روزوں کی فرضیت کی حکمتیں 

    فلکیاتی ماہرین کے مطابق عیدالفطر کا چاند 29 یا 30 مارچ کو نظر آنے کا امکان ہے جس کے بعد عیدالفطر 30 یا 31 مارچ کو منائی جائے گی۔

    فلکیاتی ماہرین کا کہنا ہے کہ چاند نظر آنے کا حتمی اعلان رویت ہلال کمیٹی ہی کرے گی، اس سال رمضان المبارک کا آغاز  مارچ میں ہوگا جبکہ کچھ ممالک میں رمضان المبارک  کا آغاز یکم مارچ اور کچھ کا 2 مارچ کو ہوگا۔

    فلکیاتی ماہرین کا مزید کہنا ہے کہ رواں سال بیشتر ممالک میں رمضان کے ابتدائی ایام میں روزے کا دورانیہ تقریبا 13 گھنٹے ہوگا۔

    پاکستان اور دنیا بھر سے آڈیو خبریں – ARY Radio

  • شیخ عبدالرحمان السدیس نے زائرین کے نام پیغام میں کیا کہا؟

    شیخ عبدالرحمان السدیس نے زائرین کے نام پیغام میں کیا کہا؟

    ریاض: رمضان المبارک کی آمد کے موقع پر شیخ عبدالرحمان السدیس نے زائرین کے نام پیغام میں کہا ہے کہ وہ زیادہ سے زیادہ وقت عبادت میں گزاریں۔

    عرب میڈیا کے مطابق حرمین شریفین اتھارٹی میں دینی امور کے سربراہ شیخ ڈاکٹر عبدالرحمان السدیس نے شاہ سلمان بن عبدالعزیز، ولئ عہد شہزادہ محمد بن سلمان، سعودی عوام اور دنیا بھر کے تمام مسلمانوں کو رمضان کی مبارک باد دی ہے۔

    انھوں نے اپنے پیغام میں کہا زائرین زیادہ سے زیادہ وقت عبادت میں گزاریں، امید ہے رمضان صحت و سلامتی کے ساتھ مسلمانوں کے لیے امن اور بہتری لائے گا، سعودی عرب کے لیے حرمین شریفین، عمرہ و حج زائرین کی خدمت انمول اعزاز ہے۔

    شیخ سدیس نے کہا شاہ سلمان بن عبدالعزیز اور ولئ عہد کی قیادت میں زائرین کے لیے بہترین اقدامات کیے جاتے ہیں، زائرین کے آرام و راحت، امن و سلامتی کے لیے انتظامات میں کوئی کسر نہیں اٹھا رکھی جائے گی۔ ان کا کہنا تھا کہ 2024 میں گزشتہ برسوں کے مقابلے میں زیادہ تعداد میں زائرین کی آمد متوقع ہے۔