جرمن صدر فرینک والٹر نے برلن کی قدیم مسجد میں مسلمانوں کے ساتھ افطار کر کے یک جہتی کی مثال قائم کردی۔
بین الاقوامی خبر رساں ادارے کی رپورٹ کے مطابق مختلف سوشل میڈیا پلیٹ فارمز پر وائرل ویڈیو میں جرمن صدر ایک تقریب کے دوران مسلم کمیونٹی کے ہمراہ خوش گوار وقت گزار رہے ہیں۔
رپورٹس کے مطابق اس تقریب کا مقصد جرمنی میں بڑھتے ہوئے مسلم مخالف رجحان پر قابو پانا اور مسلمانوں سے اظہارِ یک جہتی کرنا ہے۔
جرمن صدر نے اس موقع پر تقریب سے خطاب میں کہا کہ ہم دیگر مذاہب سے یک جہتی کا اظہار اور اپنے عمل سے انہیں اس بات کا یقین دلاتے ہیں کہ ہم دیگر مذاہب کا بھی احترام اسی طرح کرتے ہیں جیسے اپنے مذہب کا کرتے ہیں۔
مسجد الحرام میں غیر ملکی عمرہ زائر کو دل کا دورہ
تقریب میں شریک بین المذاہب گروہوں کے مطابق فرینک والٹر کا افطار میں شرکت کرنا ایک مثبت قدم ہے لیکن بڑھتے ہوئے مسلم مخالف جذبات سے نمٹنے اور رواداری کو قائم رکھنے کے لیے مزید اقدامات کرنا ہوں گے۔
واضح رہے کہ گزشتہ کچھ عرصے سے جرمنی میں مسلمانوں کے خلاف حملوں میں اضافہ ہوا ہے، جرمنی میں مسلمان عیسائیوں کے بعد دوسری سب سے بڑی کمیونٹی ہیں، جن کی آبادی تقریباً 50 لاکھ ہے۔
