Tag: ramazan

کراچی والوں نے ساتویں سحری بھی اندھیرے میں گزاری

کراچی : ماہ رمضان میں بجلی کی اعلانیہ اور غیراعلانیہ لوڈشیڈنگ کاسلسلہ رک نہ سکا،سحر،افطاراورتراویح کے اوقات میں بجلی کی بندش نے شہریوں کے صبر کا پیمانہ لبریز کردیا،کراچی والوں نے ساتویں سحری بھی اندھیرے میں کی۔

تفصیلات کے مطابق ماہ صیام میں سارے حکومتی دعوی دھرے کے دھرے رہ گئے، پہلے روزے سے شروع ہونے والا لوڈ شیڈنگ کاسلسلہ روشنیوں کے شہر میں اب بھی اندھیرے پھیلا رہا ہے۔

کراچی سمیت اندروں سندھ مختلف شہروں میں بجلی کے بدترین بحران نے شہریوں کا جینا دو بھر کردیا ہے، مختلف علاقوں میں بھی آج بھی شہریوں نےسحری اندھیرے میں کی، ماڈل کالونی، ناظم آباد، لیاقت آباد، اورنگی ٹاؤن، گلستان جوہر، گلشن اقبال، پاک کا لونی، شیر شاہ، ہارون آباد بجلی کی غیراعلانیہ بندش سے متاثر ہیں۔

لوڈ شیڈنگ سے مستثنیٰ علاقوں کے مکینوں کا بھی بُراحال ہے، لوڈشیڈنگ کے لامتناہی سلسلے سے شہری شدید کرب میں مبتلا ہیں، لوڈشیڈنگ سے ستائے شہریوں نے احتجاج بھی کیا لیکن متعلقہ حکام کے کانوں میں جوں تک نہیں رینگی۔

شہریوں کا کہنا ہے کہ بجلی کی طویل بندش سے نہ صرف سحر و افطار میں مشکلات کا سامنا ہے بلکہ مساجد میں وضو کیلئے پانی کی دستیابی بھی محال ہوگئی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

جون 3, 2017
افطار میں مزیدار کشمش والے شامی کباب بنائیں

شامی کباب تو سب ہی کو پسند ہوتے ہیں لیکن اگر شامی کباب کو کچھ الگ طریقے سے بنایا جائے تو اس کا مزہ دوبالا ہوجاتا ہے۔

آج ہم آپ کو ایسے ہی کچھ منفرد طریقے سے شامی کباب بنانے کی ترکیب بتا رہے ہیں جس میں صرف کشمش کا اضافہ کر کے آپ سب کا دل جیت لیں گی۔

اجزا

قیمہ: 1 کلو

دال چنا: آدھا پاؤ

دار چینی: 1 ٹکڑا

انڈے: 3 عدد

ابلا انڈہ: 1 عدد

کشمش: 1 بڑا چمچ

پیاز: 3 عدد

لہسن: 5 جوئے

الائچی: 2 عدد

ادرک: 1 عدد

زیرہ سیاہ: 1 چمچ

نمک، گھی: حسب ضرورت

ترکیب

پسا ہوا قیمہ، کترا ہوا لہسن، پیاز کی گڈی، ادرک، دار چینی، الائچی لونگ، 2 سرخ مرچ، زیرہ سیاہ اور دال کو ملا کر اس میں 2 گلاس پانی ڈال کر ابال لیں۔

پانی خشک ہو جائے تو نمک چھڑک کر اتار لیں۔

اسے ٹھنڈا کر کے باریک پیس کر انڈوں میں ملا دیں۔

اب باقی سبز مرچ، پیاز کی دوسری گڈی، ابلا ہوا انڈہ سب باریک کاٹ کر کشمش میں ملا دیں۔

اس کے بعد اس کی ٹکیاں بنا کر انہیں ڈبل روٹی کا چورا لگا کر تل لیں۔

مزیدار کشمش والے شامی کباب تیار ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جون 3, 2017
سحر و افطار میں کن غذاؤں کا استعمال ضروری ہے

کراچی : رمضان المبارک میں مہینے میں سحر اور افطاری کا خاص اہتمام کیا جاتا ہے ، رمضان مبارک میں سحر و افطار کے اوقات میں غذا کا اعتدال کے ساتھ استعمال بہت ضروری ہے۔

سحر و افطار میں پانی کا استعمال بڑھا دینا چاہیئے، پانی یا پھلوں کے رس زیادہ سے زیادہ پییں اپنی غذا میں دودھ اور دہی کا استعمال بھی ضرور کریں۔

سحری

ماہرین کا کہنا ہے کہ روزے داروں کو سحری ضرور کرنی چاہیئے تاکہ دن بھر جسم میں پانی اور توانائی کی کمی نہ ہو،سحری میں ایسی غذا استعمال کرنی چاہیئے جس میں کاربوہائیڈریٹس زیادہ ہوں۔

سحری میں ایک پیلالہ دلیہ دودھ کے ساتھ استعمال کریں ، ساتھ ہی ایک مٹھی میوے کا استعمال بھی فائدے مند ہے ۔

سحری میں چکی کے آٹے کی روٹی کا استعمال کیا جائے۔ دلیہ یا دوسرے کسی غلے اور اسپغول کی بھوسی کا استعمال ہمیں دیر تک بھرے پیٹ کا احساس دلاتا ہے اور صحت کے لئے بھی اچھا ہے۔ گوشت، مچھلی، مرغی اور انڈے کا استعمال اپنی صحت اور بیماری کو سامنے رکھتے ہوئے اور دودھ اور دودھ سے بنی چیزیں بھی استعمال کی جا سکتی ہیں۔

سحری کے وقت سخت غذا، بھنے ہوئے گوشت اور مصالحہ دار غذا وغیرہ کھانے سے دن میں پیاس لگنے کا امکان ہوتا ہے۔

سحری میں تیز یا سٹرونگ چائے، کافی، کوک ، سیون اپ یا اس جیسی دیگر مشروبات،مصالحہ جات، تیز مرچ، نمکین غذا کھانے سے پیاس زیادہ لگنے کا خطرہ ہے۔

افطاری

ماہرین کہتے ہیں کہ روزہ کھولنے کے لیے کھجور اور دہی، پانی اور تازہ پھلوں کا رس استعمال کرنا چاہیئے۔ اس کے بعد دس منٹ تک انتظار کرنے کے بعد ایسی خوراک لینی چاہیئے جس میں معدنیات زیادہ ہوں۔

افطار پر پھل کا پیالہ یا بغیر پاپڑی کی چنا چاٹ کھا کر افطار کیا جاسکتا ہے لیکن ان چیزوں میں چینی، نمک اور تیل کا استعمال نہ کریں۔

افطار پر اعتدال سے خوراک لینی چاہیئے۔ کوشش کرنی چاہیئے کہ چینی اور چربی سے بنی چیزوں سے پرہیز کیا جائے، کیونکہ یہ کھانے نہ صرف انسانی میٹابولیزم پر منفی اثرات ڈالتے ہیں، بلکہ اس سے سر میں درد ہو سکتا ہے اور انسان تھکاوٹ محسوس کرتا ہے۔

افطار میں مرغی کا گوشت اور ابلے ہوئے چاول ، جبکہ سبزیوں اور پھلوں والے کریم سلاد کا بھی استعمال کریں۔

افطار اور سحری کے درمیان سبزی جات اور فروٹ جسیے تربوز،آڑو وغیرہ دن کے بھوک اور پیاس سے بچانے میں موثر ہیں۔

ہمارے ہاں سموسوں، پکوڑوں کے بغیر افطار نامکمل سمجھی جاتی ہے اگر اس کے بغیر افطاری ممکن نہیں ہے تو ان سموسوں یا رول پر تیل برش کر کے بیک کر لیں۔

ایسے کھانے جن میں تیل گھی وغیرہ کا استعمال بالکل نہیں ہوتا یا بہت کم مقدار میں ہوتا ہے، جیسے آلو چھولے کی چاٹ اور دہی بڑے وغیرہ کا استعمال کریں، تیل و گھی والے سموسے، پکوڑے، کچوریوں کے بجائے سینڈوچ بہتر متبادل ثابت ہوگا۔

ماہرین نرم اور زود ہضم غذا جیسے یخنی،شوربہ ، مرغی کا گوشت،کھیر اور دیگر نرم غذا کھانے کی تاکید کرتے ہیں اسکے علاوہ سبزی جات، فروٹ،سوپ وغیرہ بھی افطاری اور سحری دونوں میں بہت مفید ہے جو نہ صرف بدہضمی سے بچاتا ہے بلکہ آرام دہ نیند میں بھی مفید ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

جون 2, 2017
رمضان اسپیشل : فروٹ چاٹ جس کے بغیر افطاری کا دسترخوان بے رونق

فروٹ چاٹ ہر ایک کی دلعزیز اور رمضان میں تو دسترخوان کی زینت ہوتی ہے، پھلوں کی قیمتوں میں ہوشربا اضافے کے باعث افطار کا یہ لازمی جز ہے۔

کریمی فروٹ چاٹ

اجزاء

انگور- ایک کپ

آڑو – دو عدد کٹے ہوئے

کیلے – چار عدد

امرود – چار عدد کٹے ہوئے

اُبلے ہوئے چنے – ایک کپ

فروٹ کوکٹیل – ایک کین

آلو – ایک عدد اُبلا اور کُٹا ہوا

کریم – دو پیکٹ ٹھنڈی

نمک – آدھا چائے کا چمچ

کالی مرچ – ایک چوتھائی چائے کا چمچ

کاسٹر شوگر – چار کھانے کے چمچ

چاٹ مصالحہ – ڈیڑھ چائے کا چمچ

ترکیب

ایک پیالے میں تمام کٹے ہوئے پھل سیب، کیلے، انگور، امرود، آم، آڑو، فروٹ کوکٹیل ڈالیں، اس میں ابلے ہوئے چنے اور الو مکس کریں، پھر ٹھنڈی کریم ، کاسٹر شوگر، کالی مرچ، نمک اور چاٹ مصالحہ ڈال کر اچھی طرح مِکس کریں۔

اب فروٹ چارٹ کو فریج میں رکھ دیں اور ٹھنڈا ٹھنڈا سرو کریں۔

جون 2, 2017
گرمیوں کے طویل روزے ، افطاری کیلئے مشروبات

کراچی سمیت ملک بھر میں گرمی کی لہر جاری ہے اور اس موسم میں روزہ کا دورانیہ پندرہ گھنٹے سے زیادہ ہے اس لیے روزہ رکھنے کے لیے احتیاطی تدابیر اختیار کرنا ضروری ہے تاکہ صحت متاثر نہ ہو چونکہ گرمی کا موسم ہے اور جسم سے پانی بذریعہ پسینہ خارج ہو جاتا ہے اس لئے شدت کی پیاس لگتی ہے اور بعض افراد افطاری ٹھنڈے مشروبات سے کرتے ہیں۔

جسم میں نمیکیات کی مقدار کو برقرار رکھنے کیلیے افطار میں گھرکے مشروبات اور لیموپانی اور لسی پینا انتہائی مفید ہوتا ہے تاکہ جسم کو تقویت بھی پہنچے اور پانی کی کمی بھی پوری ہو۔

ماہ رمضان میں گرمی کے توڑ اور روزے میں ترو تازہ رہنے کیلئے فرحت بخش مشروبات جو آپ گھر پرباآسانی بنائیں۔

لسی

گرمی کے موسم میں دہی کا استعمال نہایت مفید ہوتا ہے، اس لیے میٹھی یا نمکین لسی کو سحر وافطار کا حصہ بنا لیجیے، ٹھنڈی ٹھنڈی اور مزے دار لسی سے نہ صرف ہاضمہ درست رہتا ہے بلکہ لسی گرم ہوا سے بھی محفوظ رکھتی ہے۔

اجزا

آدھا لیٹر – دودھ

دہی – ایک کلو

پانی – آدھا لیٹر

چینی – حسب ضرورت

برف کے کیوب – چند عدد

گلاب اور دارچینی کا عرق – چند قطرے

ترکیب

برف کے علاوہ سب چیزوں کو بلینڈ کر لیں اور بعد میں برف کے کیوب ڈال کر پیش کریں، نمکین لسی بنانے کے لیے چینی کی بجائے نمک لے لیں۔

لیموں پانی یا سکنجبین

لیموں کی سکنجبین موسمِ گرما کے لیے بہترین مشروب ہے، رمضان میں افطاری کے وقت لیموں کی سکنجبین پینے سے معدہ کی تلخی ،پسینہ کی کثرت اور نقاہت جیسے مسائل پیدا نہیں ہوتے اور پہلا ہی گھونٹ جسم میں سکون کی لہر دوڑا دیتا ہے۔

اجزا

لیموں – 2 عدد

چینی – حسب ضرورت

پانی – حسب ضرورت

ترکیب

لیموں کو نچوڑ کر رس نکال لیں پھر اس میں چینی اور پانی ملا کر اچھی طرح مکس کریں اور آئس کیوب ڈال کر پیش کریں، مزیدار سکنجبین تیار ہے۔

تربوز کا شربت

تربوز کا شربت موسم گرما میں جسم میں پانی کی کمی پوری کرنے کے لیے تربوز بہترین پھل ہے، تربوز کے شربت کا ایک گلاس آپ کو فوری توانائی فراہم کرتا ہے۔

اجزا

تربوز – دو کپ (ٹکڑوں میں

پانی – حسبِ ضرورت

لیموں کا رس – ایک کھانے کے چمچ

لال سیرپ – ایک چائے کا چمچ

چینی – حسبِ ضرورت

برف کے ٹکڑے – حسبِ ضرورت

لیموں اور پودینے کے پتے – گارنشنگ کے لئے

ترکیب

بلینڈر میں تربوز شامل کرکے تھوڑے سے پانی کے ساتھ بلینڈ کرلیں۔ ھر اسے کسی برتن میں نکال کر چھان لیں اور لیموں کا رس، لال سیرپ اور چینی شامل آخر میں لیموں، پودینے کے پتے اور برف کے ٹکڑوں کے ساتھ گلاس میں ٹھنڈا ہونے کے لئے رکھ دیں۔ تربوز کا شربت تیار ہے۔

لیموں اور پودینے کا شربت

اجزاء

سوڈا واٹر – ایک بوتل

کٹی ہوئی کالی مرچ – ایک چٹکی

برف – ایک پیالی

پودینے کی پتیاں – ایک پیالی

براؤن چینی – ایک کھانے کا چمچ

کالا نمک – آدھا چائے کا چمچ

لیموں کا رس – چار کھانے کے چمچ

پودینے کے پتے – سجانے کے لیے

ترکیب

بلینڈر میں تمام اجزاﺀ یکجان کرلیں، اسے گلاسوں میں ڈالیں اور پودینے کے پتوں سے سجا کر پیش کریں۔

کیری کا شربت

کچے آم کا شربت بھی خاصا فرحت بخش ہوتا ہے۔

اجزاء

کیری – ایک کلو

چینی – تین پاؤ

پیلا رنگ – ایک چٹکی

مینگو ایسنس – دو سے تین قطرے

ترکیب

کیری دھو کر چھلکے سمیت ابال لیں، اب چھلکا اتار کر گودا نکال لیں۔ پھر چینی اور پیلا رنگ ڈال کر پکائیں، گاڑھا ہونے پر مینگو ایسنس شامل کرکے اتاریں اور پیش کریں۔

فالسے کا شربت

کٹھے میٹھےفالسے گرمیوں میں فرحت بخشتے ہیں اور گرمی دور کرتے ہیں۔

اجزا

فالسہ – 1 پاؤ

چینی – حسب پسند

نمک – حسب ذائقہ

ترکیب

فالسے کو دھو کر ایک گلاس پانی کے ساتھ بلینڈر میں بلینڈ کر لیں، پھر اسے چھلنی یا باریک رومال کی مدد سے اچھی طرح چھان لیں ۔1 کپ پانی میں حسب پسندچینی اور نمک حل کریں ۔ چھنےہوئے فالسے کے رس میں حسب ضرورت ٹھندا پانی اور چینی والا پانی شامل کر لیں، پسند کریں تو ذرا سی کالی مرچ بھی شامل کر لیں۔

فالسے کو پانی کے ساتھ بلینڈ کر نے کے بعد چھان کر آئس کیوبز ڈالیں، ٹھنڈا ٹھنڈا فالسے کا شربت تیار ہے۔

کھجور کا شیک

اجزاء

کھجور – پانچ عدد نرم

دودھ – ایک گلاس

الائچی – ایک عدد

شہد – ایک چمچ

ترکیب

کھجور اگر سخت ہو تو اس کو آدھ گھنٹہ پانی میں بھگو دیں، اس کے بعد گٹھلی نکال دیں اور چھلکا اگر سخت ہے تو اتار دیں۔ الائچی کے دانے نکال کر باریک کوٹ لیں۔ اب کھجوروں شہد اور دودھ کو بلینڈر میں ڈال کر دو منٹ تک مکس کریں، گلاس میں نکال کر الائچی کا سفوف شامل کریں اور ٹھنڈا کر کے پیش کریں۔

بادام کا شربت

اجزاء

بادام پاﺅڈر – ایک کپ

دودھ – دو کپ

کریم – دو کھانے کے چمچ

چینی – آدھا کپ

روز واٹر – دو کھانے کے چمچ

آئس کیوب – ایک کپ

ترکیب

شربت بادامی بنانے کےلئے سب سے پہلے بلینڈر میں تمام اجزاءڈال کر اچھی طرح بلینڈ کر لیں اور گلاس میں نکال کر آئس کیوب ڈال کر ٹھنڈا ٹھنڈا سرو کریں۔

جون 1, 2017
رمضان میں چترال کے شہری قدرتی برف خریدنے پر مجبور

چترال: رمضان کے مہینے میں بھی 18 سے بیس گھنٹے کا طویل ترین لاؤڈ شیڈنگ کا سلسلہ جاری ہے‘ لوگ ٹھنڈے پانی اور شربت بنانے کے لئے پہاڑ کی قدرتی برف خریدنے پر مجبور ہوگئے۔

تفصیلات کے مطابق اس وقت چترال اور مضافات میں اٹھارہ سے بیس گھنٹوں تک بجلی کا طویل ترین لاؤڈ شیڈنگ کا سلسلہ جاری ہے۔ جس کی وجہ سے لوگ فریج، ریفریجریٹر، ڈیپ فریزر وغیرہ میں نہ تو پانی ٹھنڈا کرسکتے ہیں نہ برف بنا سکتے ہیں تاکہ افطاری کے وقت اس ٹھنڈے پانی سے شربت بنا کر اپنا پیاس بجھائے یہی وجہ ہے کہ یہاں کے لوگ لواری ٹاپ اور تریچ میر کے پہاڑوں سے قدرتی برف لاکر بیچتے ہیں۔

گاہکوں نے ہمارے نمائندے سے باتیں کرتے ہوئے شکایت کی کہ یہ گاڑی مالکان اس قدرتی برف کو بھی نہایت مہنگے دام فروخت کرتے ہیں جس پر نہ ٹیکس دینا پڑتا ہے نہ خریدنا پڑتا ہے۔ اسلم نامی ایک شحص کا کہنا ہے کہ پہلے وہ پانچ کلو برف پچاس روپے پر خریدتا تھا اب وہ سو روپےکی ملتی ہے۔

جب گاڑی مالک سے پوچھا گیا کہ وہ اس قدرت کے انمول تحفے کو کیوں اتنا مہنگا بیچ رہا ہے تو اس کا کہنا تھا کہ وہ صبح سویرے تریچ میر سے روانہ ہوتا ہے اور چھ سات گھنٹوں میں یہاں پہنچتا ہے جس پر گاڑی کا تیل کا بہت خرچہ آتا ہے۔

یاد رہے کہ چترال سے کچھ فاصلے پر سینگور کے مقام پر چھوٹا سا بجلی گھر جو صرف چھ سو کے وی بجلی فراہم کرتا ہے یہ بجلی گھر 1975 میں بنا تھا مگر اس کے بعد اس کی ترقی اور مرمت پر کوئی کام نہیں ہوا ہے اوروہ اب خراب ہے اور بار بار ٹرپ ہوجاتا ہے جس کی وجہ سے اس بجلی گھر سے مستفید ہونے مشکلات کا شکار ہیں۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

مئی 31, 2017
ہالی ووڈ اداکار ون ڈیزل بھی رمضان المبارک کے معترف

ہالی ووڈ کے معروف اور اپنی فٹنس کے حوالے سے نہایت مشہور اداکار ون ڈیزل بھی ماہ رمضان کی فضیلتوں معترف ہوگئے اور اسے نظم و ضبط حاصل کرنے کا بہترین ذریعہ قرار دیا۔

امریکی ہپ ہاپ فنکار فرنچ مونٹانا نے اپنے انسٹاگرام اکاؤنٹ پر ایک ویڈیو شیئر کی جس میں ان کے ساتھ ون ڈیزل بھی موجود ہیں۔

ویڈیو میں دونوں فنکار دنیا بھر کے مسلمانوں کو ماہ رمضان کی مبارک باد دیتے اور ان کے لیے نیک خواہشات کا اظہار کرتے نظر آرہے ہیں۔

مزید پڑھیں: ہالی ووڈ اداکار ون ڈیزل شیروانی میں ملبوس

ویڈیو میں ون ڈیزل کہتے نظر آتے ہیں، ’ہم یہاں رمضان کی نہایت اہم تعطیلات ایک ساتھ گزار رہے ہیں۔ مجھے فخر ہے کہ میرا بھائی یہاں رمضان کے روزے رکھ رہا ہے‘۔

مونٹانا نے جواب میں کہا، ’ہاں میں کوشش کررہا ہوں کہ میرا بھائی بھی میرے ساتھ روزے رکھے، رمضان مبارک‘۔

ماہ رمضان کے حوالے سے ون ڈیزل کا کہنا تھا کہ ماہ رمضان میں لوگ نظم وضبط کو طویل وقت کے لیے اپناتے ہیں جو سب کے لیے اچھا ہے۔ یہ مہینہ پھر سے کھوئی ہوئی توانائی بحال کرنے اور شفا پہنچانے کا ذریعہ بھی ہے۔

with my brother @vindiesel 1st day of Ramadan

A post shared by French Montana (@frenchmontana) on May 27, 2017 at 5:58am PDT

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

مئی 31, 2017
افطار میں مزیدار گولا کباب بنائیں

آج افطار میں اپنے گھر والوں، رشتہ داروں اور احباب کی تواضع دوسرے لذیذ اور ذائقہ دار پکوانوں کے ساتھ گرما گرم اور لذیذ گولا کبابوں سے کریں۔

اجزا

قیمہ: آدھا کلو

کالی مرچ پاؤڈر: 1 چائے کا چمچ

کچا پپیتا: ایک کھانے کا چمچ

ادرک و لہسن کا پیسٹ: 1 کھانے کا چمچ

پسی ہوئی لال مرچ: 1 چائے کا چمچ

نمک: حسب ذائقہ

ہری مرچ: 3 عدد

ہرا دھنیہ: 2 کھانے کے چمچ

ثابت دھنیہ: 1 چائے کا چمچ

پیاز: 1 عدد پسی ہوئی

گھی: 2 کھانے کے چمچ

جائفل: 1 چوتھائی چائے کا چمچ

جاوتری: 1 چوتھائی چائے کا چمچ

ثابت زیرہ: آدھا چائے کا چمچ

کالا زیرہ: آدھا چائے کا چمچ

ترکیب

پہلے قیمہ کو چوپر میں کچا پپیتا، ادرک لہسن کا پیسٹ، لال مرچ، نمک، کالا زیرہ و سفید زیرہ، ثابت دھنیہ و کالی مرچ، ہری مرچ، ہرا دھنیہ، پیاز، گھی، جائفل، جاوتری اور ہری الائچی ڈال کر اچھی طرح چوپ کرلیں، یہاں تک کہ وہ اچھی طرح مکس ہو جائے۔

اب قیمہ کو 1 گھنٹے کے لیے فریج میں رکھ دیں۔

اس کے بالز بنا کر سیخوں پر لگاتے جائیں۔

انگلیوں سے مکسچر کو اچھی طرح دبا دیں۔

اب کباب کوئلے پر سینک لیں۔

تیار کبابوں کو سلاد اور پودینہ کی چٹنی کے ساتھ کھانے کے لیے پیش کریں۔

آپ گولا کبابوں کو فرائی کر کے یا بیک کر کے بھی بنا سکتے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

مئی 31, 2017
افطار کے ساتھ ساتھ سحری میں بھی کھجور کا استعمال فائدہ مند

کراچی : کھجور ایسا با برکت اور لذیذ پھل ہے، کھجور میں بے پناہ توانائی پوشدہ ہے، رمضان المبارک میں افطار کے وقت کھجور کا استعمال اسکی افا دیت کا منہ بولتا ثبوت ہے، دن بھر بھوکا پیاسا رہنے سے جسم میں توانائی کم ہو جاتی ہے۔

طبی ماہرین افطار کے ساتھ ساتھ سحری میں بھی کھجور کے استعمال کو سود مند قرار دیتے ہیں۔

حضور اکرم ﷺ نے کھجور پھل کو بے حد پسند فر مایا ہے ۔آپ ﷺ اس ہی سے روزہ افطار کر نے کو پسند فرماتے تھے ، آپ ﷺ نے فرمایا "کھجور میں ہر بیماری کی شفا مو جود ہے "۔

مسلمان روزہ کھجور کے ساتھ ہی افطار کرنے کو ترجیح دیتے ہیں کیونکہ یہ ہمارے پیارے نبی کا پسندیدہ پھل اور سنت ہے، کھجور رمضان المبارک میں استعمال ہونے والا سب سے پسندیدہ پھل ہے۔

شیریں ، خوش ذائقہ، ذود ہضم اور توانائی سے بھرپور پھل کھجور کا استعمال رمضان المبارک میں کثرت سے کیا جاتا ہے، غذائیت اور کیلوریز سے بھی بھرپور ہونے کے باعث طبی ماہرین نے افطاری کے ساتھ ساتھ سحری میں بھی کھجور کے استعمال کو انتہائی مفید قرار دیتے ہیں کیونکہ یہ روزہ داروں کو دن بھرتوانا رکھتا ہے۔

"آپ ﷺ نہ صرف افطار ی میں بلکہ سحری میں بھی کھجور تناول فر ماتے اور فرمایا: ” مسلمان کے لئے سحری کا بہترین کا کھانا کھجور ہے ۔

کھجور قدرت کا وہ پھل ہے کہ جو اپنے اندر بے شمار افادی پہلو رکھتا ہے، جس کے ہر تین اجزاء کارآمد ہیں۔ قدرت نے ایسے غذائی اجزاء اس میں شامل کر دیئے ہیں۔ جن کی ہمارے جسم کو ضرورت ہوتی ہے۔

مسلمانوں کو کھجور سے روزہ افطار کرنے کی ہدایت دی گئی ہے کیوں کہ روزہ رکھنے سے جسمانی قوت میں کمی آ جاتی ہے، قدرت نے کھجور میں اسے غذائی عمل پیدا کر دیتے ہیں جنکی ہمیں ضرورت ہوتی ہے کھجور پیٹ کے لئے بہت مفید ہے۔

کھجور صرف روزہ افطار کرنے میں ہے مفید نہیں بلکہ کھجور کے اور بہت سارے فوائد ہیں غذائیت کے لحاظ سے یہ ایک بہترین غذا ہے اس میں طاقت کے خزانے پوشیدہ ہیں کھجور خون پیدا کرنے کا خزانہ ہے۔

مزید پڑھیں : روزہ بے شمار جسمانی فوائد کا باعث

یہ کمزور جسم کے لئے مفید ہے طاقت دیتی ہے اس کے علاوہ دماغ اعصاب کے لئے مفید ہے، جو لوگ جسمانی طور پر کمزور ہوں یا دماغی طور پر کمزور ہوں پا پھر جنہیں خون کی کمی ہو انہیں زیادہ سے زیادہ کھجور استعمال کرنی چاہیے ان کے لئے بہت ہے مفید چیز ہے، جن افراد کو آیوڈین کی کمی ہوتی ہے انہیں خاص طور پر کھجور استعمال کرنی چاہیے۔

کھجور کے استعمال سے خون میں کولیسٹرول کی مقدار نہیں بڑھتی اور یہ بات سبھی جانتے ہیں کے خون میں کولیسٹرول کی مقدار بڑھ جائے تو دل کا دورہ بھی پڑ سکتا ہے، پس کھجور ایک مکمل غذا ہے جس میں غذائیت بھی ہے۔

ڈاکٹر فائزہ رشید غذائی ماہر ڈاکٹر خرم اکرم گھمن ڈاکٹرز کا کہنا ہے کہ سحرو افطار میں دودھ یا جوس کے ساتھ کھجور کا استعمال جہاں دل کو قوت فراہم کرتا ہے تو وہیں انسانی معدے کی کارکردگی میں بھی بہتری آتی ہے لیکن شرط ہے کہ استعمال مناسب مقدار میں ہو۔

کھجور انسان کو طاقتور اور مضبوط بناتی ہے، کھجور کھانے سے انسان دل کی بیماریوں سے بھی محفوظ رہتا ہے، کھجور سے خون بھی بڑھتا ہے اور رنگت بھی سرخ و سفید ہو جاتی ہے، اس کی گھٹلی آنتوں کے لئے بے حد مفید ہے۔اس کے علاوہ کھجور جسمانی کمزوری کو بھی دور کرتی ہے، اس میں وٹامن اے، نشاستہ ، کیلشیم، فولاد اور فاسفورس ہوتا ہے۔

قرآن مجید میں اس کا ذکر بیس سے زائد بار ملتا ہے ۔آپﷺ نے فر مایا ” جس گھر میں کھجوریں نہ ہوں وہ گھر ایسا ہے جس میں کھانا نہ ہو ۔لہذا اس انمول اور منفرد پھل کا استعمال ہماری صحت کا بھی ضامن ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

مئی 30, 2017
رمضان المبارک میں عمرے کی سعادت ہزاروں پاکستانیوں کیلئے حسرت بن کر رہ گئی

اسلام آباد : سعودی سفارتخانے میں عمرہ ویزہ سٹیکرز کی شدید قلت بحران شدت اختیار کرگیا، رمضان المبارک میں عمرے کی سعادت ہزاروں پاکستانیوں کیلئے حسرت بن کر رہ گئی، عمرہ زائرین ، ٹریول ایجنٹس اور ایئر لائنز کو کروڑوں روپے کا نقصان کا سامنا ہے۔

تفصیلات کے مطابق سعودی سفارت خانہ اسلام آباد اور کراچی سعودی قونصلیٹ میں ماہ شعبان کے آخر سے سعودی حکام نے روزانہ کی بنیاد پر پاسپورٹس کی وصولی میں کمی کررکھی ہے اور اس کی وجہ ویزہ اسٹیکرز کی کمی بتائی گئی ہے، اس کمی کے جلد پورا ہونے کے بعد معمول کے مطابق پاسپورٹس کی وصولی کی یقین دہانی کروائی گئی تاہم اب تقریباً دو ہفتے گزرنے کو ہیں مگر صورتحال بہتر ہونے کے بجائے مزید سنگین ہوگئی ہے۔

رمضان المبارک میں عمرے کی سعادت کیلئے ہزاروں پاکستانی سال بھر پہلے جانے کی منصوبہ بندی کرتے ہیں اور اس سلسلے میں ایئر لائنز سے ٹکٹ بھی ایڈوانس خرید لیتے ہیں، مختلف ایئر لائنز رمضان المبارک کیلئے نان ریفنڈ ایبل ٹکٹ آفر کرتی ہیں جو کہ کم ریٹ کی وجہ سے خرید لئے جاتے ہیں۔

سعودی حکومت کی جانب سے اس سال اعلان کیا گیا تھا کہ عمرہ ویزہ اوپن کردیا گیا ہے اور اس حوالے سے کسی قسم کا کوٹہ نہیں لگایا جائے گا لہذا ہزاروں افراد نے مختلف ایئر لائنز سے اپنی بکنگ کروائی اور ٹکٹ خرید لئے۔

سعودی وزارت حج اور سعودی وزارت خارجہ کی جانب سے بھی پاکستان کیلئے رمضان المبارک میں دو لا کھ سے زائد ویزوں کی اپروول جاری کی جاچکی ہے جس کیلئے پاکستان کی عمرہ کمپنیوں نے سعودی عمرہ کمپنیوں کو کروڑوں روپے کی ادائیگی بھی کی ہے۔

اب صورتحال یہ ہے کہ سعودی سفارتخانہ اسلام آباد اورکراچی قونصلیٹ نے عمرہ ویزا کی سٹمپنگ کیلئے ویزا سٹیکرز کی کمی کو بہانہ بنا کر پاسپورٹ وصولی کو انتہائی محدود کردیا ہے، سعودی سفارتخانے نے اسلام آباد، راولپنڈی ،پنجاب کے دیگر شہروں اور کے پی کے کیلئے آٹھ ڈراپ باکسز قائم کیے ہیں، ان ڈراپ باکسز کا روزانہ کی بنیاد پر کوٹہ چار سے پانچ ہزار پاسپورٹ جبکہ اتنی ہی تعداد کا کوٹہ کراچی سمیت سندھ کے دوسرے شہروں اور بلوچستان کیلئے تھا۔

اس وقت سعودی حکام معمول کے مطابق روزانہ 8 ہزار سے 10 ہزار پاسپورٹس کے بجائے محض چند سو پاسپورٹس وصول کررہے ہیں، پیر کو اس سلسلے میں عمرہ کمپنیوں کے نمائندوں نے اسلام آباد میں سعودی عرب کے نائب سفیر سے رابطہ کیا تو انہوں نے اپنی بے بسی ظاہر کرتے ہوئے بتایا کہ اس حوالے سے سفارت خانہ ریاض میں سعودی وزارت خارجہ کو کئی بار آگاہ کرچکا ہے۔

پاکستانی عمرہ کمپنیوں اور عمرہ زائرین نے وزیراعظم اور وزارت خارجہ سے پرزور اپیل کی ہے کہ وہ صورتحال کا نوٹس لیں اور فوری طورپر سعودی حکام سے رابطہ کرکے اس بحران کو ختم کرنے کیلئے اقدامات کریں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

مئی 30, 2017