ARYNews.tv | Urdu – Har Lamha Bakhabar

Tag: Ramiz Raja

  • شان مسعود پر طنز کرنا رمیز راجا کو مہنگا پڑ گیا

    شان مسعود پر طنز کرنا رمیز راجا کو مہنگا پڑ گیا

    راولپنڈی ٹیسٹ کے اختتام پر کمنٹیٹر رمیز راجہ کی ٹیسٹ کپتان شان مسعود پر طنزیہ جملے پر پی سی بی نے ایکشن لے لیا۔

    راولپنڈی ٹیسٹ کے اختتام کے بعد کمنٹیٹر رمیز راجہ کے جیت کے باوجود کپتان شان مسعود پر طنزیہ حملہ کرنے پر پاکستان کرکٹ بورڈ نے ایکشن لے لیا۔

    ذرائع کا کہنا ہے پی سی بی نے براڈکاسٹرز کو  خط لکھ کر  رمیز راجہ کے رویے سے آگاہ کیا ہے اور اپنے تحفظات کا اظہار کیا ہے۔

    خیال رہےکہ  رمیز راجہ نے گزشتہ روز جیت کے باجود کپتان شان مسعود سے غیر سنجیدہ گفتگو کی تھی۔ انہوں نے شان مسعود کی بطور کپتان 6 ناکامیوں کا ذکر چھیڑے رکھا اور انگلینڈ کیخلاف بڑے ناموں کو ڈراپ کرنے پر بھی تنقید کی تھی۔

    اس رویے  پر سوشل میڈیا پر صارفین نے انہیں شدید تنقید کا نشانہ بنایا، کرکٹر محمد عامر نے بھی تنقید کی اور کہا کہ کیڑے نکالنے کے  بجائے ٹیم کا جہاں کریڈٹ بنتا ہے وہ دینا چاہیے۔

    واضح رہے کہ پاکستان نے اپنے اسپنرز کی بہترین بالنگ کی بدولت انگلینڈ کو تیسرے اور فیصلہ کن ٹیسٹ میچ میں 9 وکٹوں سے شکست دے کر سیریز 1-2 سے جیت لی۔

    پاکستان تقریباً ساڑھے 3 سال بعد اپنی سرزمین پر ٹیسٹ سیریز جیتنے میں کامیاب ہوا، پاکستان نے آخری ہوم ٹیسٹ سیریز جنوری 2021 میں جنوبی افریقا کے خلاف جیتی تھی۔

  • رمیز راجا نے پاکستان کیخلاف افغانستان کو فیورٹ قرار دیدیا

    رمیز راجا نے پاکستان کیخلاف افغانستان کو فیورٹ قرار دیدیا

    رمیز راجہ نے افغانستان کو پاکستان کے خلاف فیورٹ قرار دیا۔

    سابق کرکٹر رمیز راجا نے کہا کہ ورلڈ کپ 2023 کے میچ میں افغانستان کی پاکستان پر برتری ہو سکتی ہے خاص طور پر اگر پچ پیر کو چنئی میں اسپن کے حق میں ہو۔

    اپنے یوٹیوب چینل پر بات کرتے ہوئے رمیز نے اعلیٰ معیار کی اسپن باؤلنگ کا سامنا کرنے میں پاکستان کی تاریخی مشکلات پر روشنی ڈالی اور تجویز کیا کہ افغان اسپنرز میچ پر حاوی ہوسکتے ہیں۔

    انہوں نے کہا کہ پاکستان کے لیے تبدیلی لانا مشکل ہو گا چنئی میں ان کے اگلے میچ میں افغانستان کے خلاف کچھ بھی ہو سکتا ہے اسپن کے خلاف پاکستانی بلے بازوں کی کارکردگی کو مدنظر رکھتے ہوئے یہاں کچھ بھی ہو سکتا ہے اگر یہ اسپن وکٹ ہے تو مجھے لگتا ہے کہ افغانستان فیورٹ کے طور پر تھوڑا آگے ہوگا۔

  • ’ٹیم کا اتحاد بکھرتا نظر آرہا ہے‘

    لاہور: سابق کپتان انضمام الحق اور سابق چیئرمین پی سی بی رمیز راجا نیوزی لینڈ کے خلاف دوسرے ون ڈے میں قومی ٹیم کی شکست پر برس پڑے۔

    اے آر وائی نیوز کے مطابق سابق کپتان انضمام الحق نے نیوزی لینڈ کے خلاف دوسرے ون ڈے میں گرین شرٹس کی شکست پر کہا کہ ٹیم کا اتحاد بکھرتا نظر آرہا ہے لگتا ہے کہ کھلاڑی صرف ٹیم میں اپنی جگہ پکی کرنے کے لیے کھیل رہے ہیں۔

    سابق چیئرمین پی سی بی رمیز راجا نے ٹیم کی کارکردگی پر تنقید کرتے ہوئے کہا کہ ٹرننگ وکٹ پر ہدف حاصل کرنا بہت مشکل ہوتا ہے۔

    انہوں نے کہا کہ لیفٹ ہینڈر بیٹر شان مسعود کے باہر ہونے سے اوپنرز پر اضافی دباؤ آرہا ہے۔

    واضح رہے کہ نیوزی لینڈ نے پاکستان کو دوسرے ون ڈے میچ میں 79 رنز سے شکست دے کر تین میچز کی سیریز 1-1 سے برابر کردی تھی۔

    دونوں ٹیموں کے درمیان سیریز کا فیصلہ کن میچ کل نیشنل اسٹیڈیم کراچی میں کھیلا جائے گا۔

  • ’لگتا ہے سرفراز کا کیریئر ختم ہوگیا‘ رمیز راجہ تنقید کا نشانہ بن گئے

    کراچی ٹیسٹ میں نیوزی لینڈ کے خلاف شاندار سنچری اسکور کرکے میچ بچانے والے سرفراز احمد کی تعریف سرحد پار سے بھی ہورہی ہے، قومی کرکٹرز سمیت سوشل میڈیا صارفین بھی سابق کپتان کی کارکردگی کو سراہا رہے ہیں۔

    سابق کپتان سرفراز احمد نیوزی لینڈ کے خلاف ٹیسٹ سیریز میں تین نصف سنچریاں اور ایک شاندار سنچری اسکور کی اور اپنی بیٹنگ سے شائقین کرکٹ کے بھی دل جیت لیے۔

    تاہم گزشتہ کچھ عرصہ قبل سابق چیئرمین رمیز راجا کی جانب سے دیا گیا بیان سوشل میڈیا پر وائرل ہورہا ہے جس میں ان کا کہنا تھا کہ ’نوجوان وکٹ کیپر بیٹر محمد حارث کی صورت میں ایک نیا وکٹ کیپر موجود ہے۔

    انہوں نے اپنے بیان میں مزید کہا تھا کہ ’لگتا ہے کہ اب سرفراز احمد کا کیریئر ختم ہوگیا ہے۔‘

    سوشل میڈیا صارفین رمیز راجا کے اس بیان کو لے کر دلچسپ میمز بنا رہے ہیں ان کے بیان پر تبصرے بھی کررہے ہیں۔

    ایک مداح نے سرفراز کی مسکراتے ہوئے تصویر شیئر کرتے ہوئے لکھا کہ ’اور بتاؤ رمیز راجا یوٹیوب چینل کیسا چل رہا ہے۔‘

    راؤ نامی صارف نے لکھا کہ ’ایک دفعہ کسی نے کہا کہ سرفراز احمد کا کیریئر تقریباً ختم ہوگیا ہے لیکن اللہ تعالیٰ نے اپنا پلان دکھا دیا۔‘

    کئی سوشل میڈیا صارفین کا کہنا ہے کہ سرفراز احمد کی نصف سنچریوں اور آخری ٹیسٹ میں سنچری کی بدولت ٹیم شکست سے بچ بھی گئی اور سرفراز نے ناقدین کو اپنے بلے سے جواب بھی دے دیا ہے۔

  • تمام کرکٹرز کے معاہدوں میں توسیع کردی، نجم سیٹھی

    لاہور : چیئرمین پی سی بی نجم سیٹھی نے کہا ہے کہ تمام کھلاڑیوں کے معاہدوں میں توسیع کر دی گئی ہے، میں رمیز راجہ کی کسی بات پر تبصرہ نہیں کرنا چاہتا۔

    یہ بات انہوں نے لاہور میں پریس کانفرنس سے ےخطاب کرتے ہوئے کہی، انہوں نے کہا کہ جتنے بھی کھلاڑی تھے ان سب کے معاہدوں میں توسیع کردی گئی ہے، تمام اداروں کے ساتھ رابطہ ہوگیا ہے، جلد ڈیپارٹمنٹل کرکٹ بھی بحال ہوگی۔

    اگلے ہفتے 8سے 10ڈیپارٹمنٹل ٹیموں کے سربراہان سے ملاقات کروں گا، تمام ڈو میسٹک کرکٹرزکے معاہدے مکمل کیے جائیں گے، ڈومیسٹک کرکٹرز کے معاہدے اگست 2023تک ہیں۔

    رمیز راجہ سے متعلق سوال پر نجم سیٹھی کا صاف جواب

    ایک سوال کے جواب میں نجم سیٹھی نے کہا کہ کرکٹ بورڈ میں جمہوریت واپس آ رہی ہے، میں سابق چیئرمین رمیز راجہ کی کسی بات پر تبصرہ نہیں کرنا چاہتا۔

    نجم سیٹھی نے کہا کہ تمام ریجنل کرکٹ ایسوسی ایشنز کے عہدیداروں کو آئندہ ہفتے بلایا لیا ہے، شاہد آفریدی کے ساتھ بھی مینجمنٹ کمیٹی نے رابطہ کیا تھا، وہ کراچی میں پچ کا معائنہ کررہے ہیں، پچ کی بہتری کے لئے چکوال سے ایک کوئیٹر کو کراچی بھجوایا ہے۔

    چیئرمین پی سی بی کا کہنا تھا کہ کوشش ہے کہ اگلے میچ کے لئے پہلے سے بہتر پچ بناسکیں، کوئٹہ میں بگٹی کرکٹ اسٹیڈیم کے لئے فنڈز فراہم کئے جارہے ہیں۔

    ویمنز لیگ کی تیاری مکمل

    انہوں نے کہا کہ ویمنز لیگ کی تیاری مکمل کرلی گئی ہے، دیکھتے ہیں آئندہ پی ایس ایل میں ویمنز لیگ کروا سکتے ہیں کہ نہیں، زیادہ تنخواہ والوں سے بات کی ہے جو رہنا چاہتے ہیں وہ رہیں تنخواہیں کم کرینگے۔

  • شاہین آفریدی سے متعلق رمیز راجہ کا اہم بیان

    شاہین آفریدی سے متعلق رمیز راجہ کا اہم بیان

    کراچی: پاکستان کرکٹ بورڈ کے چیئرمین رمیز راجہ کا کہنا ہے کہ شاہین آفریدی کے مسئلے کو بلا ضرورت متنازع بنایا گیا ہے، کوئی کیسے کہہ سکتا ہے کہ ہم شاہین آفریدی کا خیال نہیں رکھیں گے۔

    تفصیلات کے مطابق آج منگل کو پاک انگلینڈ میچ کے سلسلے میں چیئرمین پی سی بی رمیز راجہ نیشنل اسٹیڈیم کراچی پہنچے، میڈیا سے گفتگو میں انھوں نے بتایا کہ شاہین آفریدی انگلینڈ میں ہے اور ان کا ری ہیب ہو رہا ہے، وہ ورلڈ کپ میں پاکستان ٹیم میں شامل ہوں گے۔

    قبل ازیں، رمیز راجہ کے ساتھ انگلینڈ کرکٹ بورڈ کے ڈپٹی چیئرمین مارٹن ڈارلو، اور ای سی بی کے دیگر عہدیداران بھی اسٹیڈیم پہنچے، جہاں ڈائریکٹر انٹرنیشنل ذاکر خان نے مہمان وفد کا استقبال کیا، برطانوی ہائی کمشنر کرسچن ٹرنر بھی میچ دیکھنے اسٹیڈیم آئیں گے۔

    چیئرمین پی سی بی رمیز راجہ نے کہا کہ میں صرف کرکٹ کی طرف توجہ دے رہا ہوں، امید کرتا ہوں آج اچھا مقابلہ ہوگا، ورلڈ کپ کی تیاری کے لیے یہ ایک اہم سیریز ہے۔

    انھوں نے کہا ہم نے کوشش کی تھی انگلینڈ کو پاکستان لے کر آئیں، وہ روٹھ کر گئے تھے اور انھیں بہت محنت کر کے لے کر آئے ہیں۔

    رمیز راجہ کا کہنا تھا کہ پاکستان نے ایشیا کپ کا فائل کھیلا، ایونٹ میں بھارت کو شکست دی، کیا اب اس ٹیم کو غلطی کرنے کی تھوڑی سی لچک دیں گے یا نہیں؟ انھوں نے کہا میں بابر اعظم کو بھی یہی سمجھاتا ہوں کہ فینز کی یادداشت کمزور ہے، فینز کو خوش کرنے کے لیے آپ کو ہر میچ جیتنا ہوگا۔

    پی سی بی چیئرمین نے یہ بھی کہا کہ کرسیوں کی امپورٹ بند ہونے پر اب فینز کو گراؤنڈ میں شادی کی کرسیوں پر بٹھا رہے ہیں۔

  • ملتان کی گرمی میں کلین سوئپ، رمیز راجہ کا اہم اعلان

    ملتان کی گرمی میں کلین سوئپ، رمیز راجہ کا اہم اعلان

    ملتان: پاکستان ٹیم نے ویسٹ انڈیز کو پنجاب کے شہر ملتان میں پڑنے والی شدید گرمی میں کلین سوئپ کر دیا ہے، جس کے بعد رمیز راجہ نے ایک اہم اعلان کر دیا ہے۔

    چیئرمین پاکستان کرکٹ بورڈ رمیز راجہ نے سخت گرمی میں شائقین کی آمد پر شکریہ ادا کرتے ہوئے کہا ہے کہ ویسٹ انڈیز کے بعد اب انگلینڈ کرکٹ ٹیم کو بھی یہاں لانے کی کوشش کریں گے۔

    رمیز راجہ نے کہا ہم کوشش کریں گے کہ پی ایس ایل کے میچز بھی ملتان میں کرائیں، اتنی گرمی میں دونوں ٹیموں نے یہاں کرکٹ کھیلی یہ بالکل بھی آسان نہیں تھا۔

    خیال رہے کہ پاکستان نے ویسٹ انڈیز کے خلاف ون ڈے سیریز میں کلین سوئپ کر لیا ہے، گزشتہ روز تیسرا ون ڈے میچ پاکستان نے ملتان میں 53 رنز سے جیتا، ویسٹ انڈین ٹیم 270 رنز کے تعاقب میں 216 رنز تک محدود رہی، عقیل حسین نے 60 اور کیسی کارٹی نے 33 رنز بنائے، شاداب خان نے 4، حسن علی اور محمد نواز نے 2،2 کھلاڑی آؤٹ کیے۔

    پلیئر آف دی سیریز نے رن آؤٹ کس کی غلطی قرار دیا؟

    پاکستان نے پہلے کھیل کر 9 وکٹوں پر 269 رنز اسکور کیے، خراب موسم کے باعث میچ 48 اوورز فی اننگز تک محدود کیا گیا تھا، پاکستان کی آدھی ٹیم 117 رنز پر آؤٹ ہوئی تھی، تاہم شاداب نے 86 رنز کی شان دار اننگز کھیل کر ٹیم کو مشکل سے نکالا، امام الحق 62، فخر 35 اور خوشدل 34 رنز بنا کر نمایاں رہے، نکولس پوران نے 4، کیموپال نے 2 وکٹیں حاصل کیں۔

  • "رمیز راجہ کو کام کرنے دیا جائے”

    "رمیز راجہ کو کام کرنے دیا جائے”

    سابق چیئرمین پی سی بی توقیر ضیا نے رمیز راجہ کے کام جاری رکھنے سے متعلق سفارش کی خبروں کی تردید کرتے ہوئے کہا کہ بطور چئیرمین پی سی بی وہ درست راستے پر ہیں انہیں وقت دیا جائے۔

    تفصیلات کے مطابق لاہور قلندرز ہائی پرفارمنس سینٹر کے دورے پر میڈیا سے گفتگو میں کہا کہ چیئرمین پی سی بی رمیز راجا درست راستے پر کام کر رہے ہیں، انہیں کام کرنے کے لیے وقت دیں۔

    توقیر ضیاء نے کہا کہ میں نے بھی اخبار میں یہ خبر پڑی تھی کہ میں نے رمیز راجا کے لیے کسی سے دو ہفتوں کے لیے مزید کام کرنے دینے کی سفارش کی ہے، میں ایسی خبر کی سختی سے تردید کرتا ہوں، میں نے کسی سے سفارش کرنا ہوتی تو تین برسوں کے لیے کرتا اور میں نے سفارش کرنا کس سے تھی؟

    انہوں نے کہا کہ اس وقت پیٹرن تو عمران خان تھے جو وزیر اعظم نہیں رہے اور میری کیا ویلیو ہے مجھے تو فوج اور کرکٹ سے ریٹائر ہوئے 20 برس ہوچکے

    سابق چیئرمین پی سی بی کا کہنا تھا کہ نجم سیٹھی کو بھی تین برس مکمل کرنے چاہیئے تھے کیونکہ ہر بورڈ کا سربراہ کا اپنا ویژن ہوتا ہے، سب کو کام کرنے کا پورا موقع ملنا چاہیے، ہاں اگر خدانخواستہ کوئی چیئرمین ملک کی کرکٹ کا بیڑہ غرق کررہا ہو تو ضرور تبدیلی لانی چاہیئے۔

    یہ بھی پڑھیں: شاباش لڑکوں، شاہد آفریدی کا فتح کے بعد کھلاڑیوں کو پیغام

    توقیر ضیا نے کہا کہ پہلے شکایت یہ ہوتی تھی کہ چیئرمین کرکٹر نہیں، سیاسی تقرری ہوتی ہے، اب تو کرکٹر آیا ہے، رمیز راجا پاکستان کرکٹ کو جانتے ہیں، کپتان رہے ہوئے ہیں، ڈیپارٹمنٹ کھیلے ہوئے ہیں انہیں علم ہے کہ ڈیپارٹمنٹ کرکٹ کو کیا موجودہ نظام کے ساتھ متوازی چلانا ہے یا نہیں، روزی روٹی دیکھنی ہے یا کرکٹ کو دیکھنا ہے، لیکن پہلے ڈیپارٹمنٹس کو تو پوچھیں کہ آیا انہوں نے ٹیمیں رکھنی بھی ہیں یا نہیں؟

    انہوں نے کہا کہ رمیز جانتے ہیں کہ گراس روٹ لیول سے کرکٹ کو کیسے اوپر لے کر جانا ہے، مجھے امید ہے کہ رمیز راجا کے ہوتے ہوئے اکیڈمیز کی سطح پر اچھا کام ہوگا۔

  • پی ایس ایل انڈر 19 سے متعلق رمیز راجہ کا اہم بیان

    پی ایس ایل انڈر 19 سے متعلق رمیز راجہ کا اہم بیان

    لاہور: چیئرمین پاکستان کرکٹ بورڈ رمیز راجہ نے پی ایس ایل کی بڑھتی مقبولیت کے پیش نظر اب ملک میں‌ پی ایس ایل انڈر 19 ٹورنامنٹ منعقد کرانے کا بھی عندیہ دے دیا۔

    تفصیلات کے مطابق پاکستان کرکٹ بورڈ کے چیئرمین رمیز راجہ کا کہنا ہے کہ پی ایس ایل بڑا برانڈ بن چکا ہے، اب ہم پی ایس ایل انڈرنائنٹین اور ویمنز ایونٹ کے انعقاد کا بھی سوچ رہے ہیں۔

    میڈیا سے غیر رسمی گفتگو کرتے ہوئے انھوں نے کہا سری لنکا، جنوبی افریقہ اور زمبابوے سے اس پر اچھا رسپانس ملا ہے۔

    رمیز راجہ کے مطابق پی ایس ایل سیزن 7 سے 900 ملین روپے کا فائدہ ہوا، 540 کروڑ روپے فرنچائزز میں بانٹے جائیں گے، پی ایس ایل میں ویور شپ کا بھی ریکارڈ ٹوٹا ہے۔

    دوسرا ٹیسٹ: تماشائیوں کی طرف سے آسٹریلوی کھلاڑیوں کو بریانی کی دعوت

    انھوں نے کہا ایشیا کپ کی میزبانی 2023 میں کریں گے، بھارت آتا ہے یا نہیں بعد میں دیکھیں گے، چیئرمین پی سی بی نے مزید کہا کہ دو ملکی ٹورنامنٹ سے فائدہ نہیں ہوتا اس لیے ٹرائی سیریز پر جائیں گے، آسٹریلیا اور انگلینڈ سے ٹرائی سیریز کھیل سکتے ہیں۔

    واضح رہے کہ آسٹریلوی مینز ٹیم کے پاکستان کے دورے کے بعد اب ویمن کرکٹ سیریز کی راہ بھی ہموار ہو گئی ہے، آسٹریلوی کرکٹ بورڈ اپنی ویمنز اور اے ٹیم پاکستان بھیجنے کو رضا مند ہو گیا ہے۔

    آسٹریلوی ویمنز ٹیم کا رواں سال پاکستان میں فل سیریز کھیلنے کا پلان ترتیب دیا گیا ہے، اے ٹیم بھی پاکستان میں مکمل سیریز کھیلے گی، دونوں بورڈز نے اس پر رضا مندی کا اظہار کر دیا ہے۔

  • کنڈیشن کے حساب سے کوچز کی خدمات حاصل کر سکتے ہیں: رمیز راجہ

    کنڈیشن کے حساب سے کوچز کی خدمات حاصل کر سکتے ہیں: رمیز راجہ

    لاہور: پاکستان کرکٹ بورڈ (پی سی بی) کے چیئرمین رمیز راجہ کا کہنا ہے کہ اسکولنگ کے ساتھ مل کر جلد ہی 100 بہترین کھلاڑیوں کا اعلان کریں گے، کنڈیشن کے حساب سے کوچز کی خدمات حاصل کر سکتے ہیں۔

    تفصیلات کے مطابق پاکستان کرکٹ بورڈ (پی سی بی) کے چیئرمین رمیز راجہ نے پریس کانفرنس کرتے ہوئے کہا کہ کرکٹ میں تاثر ہے کہ کوچ کارکردگی کا فیصلہ کرتے ہیں، یہ تاثر ٹھیک نہیں، کوشش ہے کہ ماحول اور لیڈر شپ کے ذریعے کچھ کر سکیں۔

    رمیز راجہ کا کہنا تھا کہ جتنا بھرپور سیزن آنے والا ہے اس سے پہلے کبھی نہیں آیا، نتائج اچھے ہیں اور امید ہے کہ آئندہ مزید اچھے نتائج ملیں گے، اسکولنگ کے ساتھ مل کر جلد ہی 100 بہترین کھلاڑیوں کا اعلان کریں گے، ہم نشاندہی کردیں گے کہ یہ ہمارا مستقبل ہوں گے۔

    انہوں نے کہا کہ آل پاکستان ٹیلنٹ ہنٹ بھی چل رہا ہے، تمام چیزیں 15 دن میں سامنے آجائیں گی، اسکول کرکٹ 2 دن ہفتے اتوار کو پورے پاکستان میں ہو رہی ہے۔

    رمیز راجہ کا کہنا تھا کہ آسٹریلیا سے مٹی بھی منگوا رہے ہیں اور پچز بھی منگوا رہے ہیں، کوشش ہے کہ 40 ہائبرڈ پچز کلب میں بچھائیں۔ کراچی میں تماشائیوں کی طرف سے ردعمل مایوس کن رہا، پارکنگ اور دیگر مشکلات کی وجہ سے تماشائیوں کی آمد کم رہی۔

    انہوں نے کہا کہ میں سمجھتا ہوں کہ ہمیں اسپیشلسٹ کی ضرورت ہے، کنڈیشن کے حساب سے کوچز کی خدمات حاصل کر سکتے ہیں، پاور ہٹنگ کے لیے کوچ کی خدمات لینا چاہتے ہیں، ہمیں یہ تجربہ کرنا چاہیئے۔