لاہور: مسلم لیگ ن کے سینیٹر نہال ہاشمی کی نااہلی کی صورت میں خالی ہونے والی نشست پر غیر سرکاری غیر حتمی نتیجے کے مطابق پنجاب اسمبلی سے ن لیگ کے حمایت یافتہ امیدوار اسد اشرف سینیٹ کے لئے منتخب ہوگئے۔
مسلم لیگ ن کے اسد اشرف نے 298 ووٹ حاصل کئے، پی ٹی آئی کی ڈاکٹر زرقا 38 ووٹ حاصل کرسکیں۔
دراڑیں ڈالنے والی قوتوں کے لیے یہ نتیجہ نوشتہ دیوار ہے، رانا ثناء اللہ
اسد اشرف کی جیت پر صوبائی وزیر قانون رانا ثناء اللہ نے کہا ہے کہ نتیجہ ثابت کرتا ہے ن لیگ نواز شریف، شہباز شریف کی قیادت میں متحد ہے۔
انہوں نے کہا کہ دراڑیں ڈالنے والی قوتوں کے لیے یہ نتیجہ نوشتہ دیوار ہے، مسلم لیگ کے امیدوار کو 309 ووٹ پڑے ہیں، ن لیگ کے 310 کے مقابلے میں 313 ووٹ بنتے ہیں، ڈاکٹر زرقا کو 38 ووٹ پڑے ہیں، ایک ووٹ ضائع ہوا۔
بڑی جماعت کو انتخابی عمل سے باہر رکھنے کی سازش ناکام ہوگئی، مریم نواز
دوسری جانب سابق وزیر اعظم نواز شریف کی صاحبزادی مریم نواز نے سماجی رابطے کی ویب سائٹ ٹویٹر پر کہا کہ ن لیگ اور جمہوریت کے شیروں کو مبارک، سب سے بڑی جماعت کو انتخابی عمل سے باہر رکھنے کی سازش ناکام ہوگئی۔
مریم نواز نے مزید کہا کہ پلاننگ اللہ کی چلتی ہے، مسلم لیگ ن کے ہر ممبر نے پارٹی کو ووٹ دیا، سوائے ناکامی و ادارے کی رسوائی آپ کو کیا ملا جماعت کا نام، نشان چھین کر۔
لاہور: وزیر قانون پنجاب رانا ثناء اللہ نے کہا ہے کہ عمران خان ولیمے میں مجھے نہیں بلائیں گے، عمران خان کو ہنی مون کے لئے ٹکٹ اور ہوٹل کی آفر دوں گا۔
ان خیالات کا اظہار انہوں نے لاہور میں میڈیا سے گفتگو کرتے ہوئے کیا، ان کا کہنا تھا کہ عمران خان نے مفتی سعید کو اپنا نکاح پڑھانے کے لئے رکھا ہے۔
رانا ثناء اللہ نے کہا کہ عمران خان کا کہنا ہے کہ عدلیہ نے کمزور فیصلہ دیا، پاناما لیکس میں نواز شریف کا نام ہی نہیں تھا، کمزور فیصلہ نواز شریف کے بیانیہ کے آگے ٹھہر نہ سکا۔
انہوں نے کہا کہ نواز شریف کے پارٹی صدر رہنے یا نہ رہنے سے فرق نہیں پڑے گا، میاں صاحب کو پارٹی صدارت سے ہٹانے کی کوشش کی جارہی ہے، ان پر ایسے ہٹھکنڈوں سے کچھ نہیں ہوگا۔
شادی کرنا عمران خان کا مشغلہ ہے، امیر مقام
مسلم لیگ ن کے رہنما امیر مقام نے کہا ہے کہ عمران خان کو ایک شادی کی دوسری بار مبارکباد دیتا ہوں، شادیاں کرنا ان کا مشغلہ ہے، اتنی توجہ اپنے صوبے میں بھی دیں۔
انہوں نے مزید کہا کہ اداروں کو ایک دوسرے کے مینڈیٹ کا احترام کرنا چاہئے، نواز شریف اور مریم نواز اداروں کی توہین نہیں کررہے، نواز شریف اور مریم نواز کا عوام کے پاس جانا ان کا حق ہے۔
لاہور : وزیر قانون پنجاب رانا ثناءاللہ نے کہا ہے کہ کسی کو پارلیمنٹ کا اختیار سلب کرنے کا حق نہیں، پاکستان کے استحکام کا کریڈٹ ذوالفقار علی بھٹو اور نواز شریف کو جاتا ہے، ایک کے گلے میں پھندا ڈال کر لٹکا دیا گیا اور دوسرے کو رسہ ڈال کر نیب کے سامنے گھسیٹا جا رہا ہے، چوہدری نثار اور نواز شریف کے درمیان اختلافات کی خبریں درست ہیں۔
تفصیلات کے مطابق ایکسپو سنٹر لاہور میں پنجاب فوڈ اتھارٹی کے فوڈ فیسٹیول کے دورے کے موقع پر میڈیا سے گفتگو کرتے ہوئے وزیر قانون رانا ثناءاللہ کا کہنا تھا کہ اپوزیشن سپریم کورٹ اور اداروں کی ترجمان بن کر سامنے آ رہی ہے اور اپنی حرکات سے توہین عدالت کر رہی ہے۔
رانا ثناءاللہ کا کہنا تھا کہ کسی کو حق نہیں پہنچتا کہ وہ سپریم کورٹ کا ترجمان بنے، عدالت بھی ایسے اقدامات کا نوٹس لے، ہم اپنی کوتاہی پر نظرثانی کرنے کے لیے تیار ہیں۔ انہوں نے کہا کہ جب فیصلوں میں شعر و شاعری ہو گی تو سیاسی مخالفین فائدہ اٹھائیں گے۔
انھوں نے کہا کہ آزاد عدلیہ جمہوریت کی بنیادی ضرورت ہے، معزز ججز قانون اور آئین کا ڈیکورم برقرار رکھیں، سیاستدانوں، پارلیمنٹ اور عدلیہ سب کا احترام ضروری ہے۔
وزیر قانون کا کہنا تھا کہ چوہدری نثار علی خان اور نواز شریف کے درمیان اختلافات کی خبریں درست ہیں، اپوزیشن ایک دوسرے کو لعن طعن کرنے کی بجائے مل کر الیکشن لڑے، سارے لعنتی اکٹھے ہو جائیں تو پنجاب میں ایک سیٹ نکال سکتے ہیں۔
انہوں نے کہا کہ آصف زرداری راؤ انوار بہادر بچے کو گود میں لینے کی کوشش کر رہے ہیں، راؤ انوار کو بغیر پیش ہوئے ضمانت دی جا رہی ہے اور جے آئی ٹی بہتر کرنے کا کہا جا رہا ہے۔ دوسری طرف نواز شریف کو کینسر میں مبتلا بیگم کی عیادت کے لئے جانے نہیں دیا جا رہا۔
رانا ثناءاللہ کا کہنا تھا کہ پاکستان کے استحکام کا کریڈٹ ذوالفقار علی بھٹو اور نواز شریف کو جاتا ہے، ایک کے گلے میں پھندا ڈال کر لٹکا دیا گیا اور دوسرے کو رسہ ڈال کر نیب کے سامنے گھسیٹا جا رہا ہے۔
سینٹ الیکشن کے حوالے سے رانا ثناءاللہ نے کہا کہ نواز شریف قانونی اور آئینی پارٹی کے صدر ہیں، سیںٹ کی ٹکٹوں سے متعلق اگر بعد میں کوئی صورتحال پیدا ہوئی تو کوئی فرق نہیں پڑتا۔
ان کا کہنا تھا کہ اگر قانون سازی بھی پارلیمنٹ نے نہیں کرنی، تو اختیارات کی جنگ کا نتیجہ درست نہیں ہو گا، کسی اور ادارے کو پارلیمنٹ کا اختیار سلب کرنے کا حق نہیں ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
لاہور : وزیر قانون پنجاب رانا ثنااللہ کا کہنا ہے کہ عمران خان کی طرح ان کی پولیس بھی لاڈلی ہے، عاصمہ رانی کیس پرشرم کے بجائے تعریفیں کی جارہی ہیں، عمران خان کو وزیراعلیٰ پنجاب کا شکریہ ادا کرنا چاہئے۔
تفصیلات کے مطابق وزیرقانون پنجاب رانا ثنااللہ نے عمران خان کی کے پی کے پولیس کی تعریف کے بیان پر ردعمل کا اظہار کرتے ہوئے کہا کہ مردان کی بچی کے قتل کا کیس حل اور ملزم گرفتارہوگیا ہے، تشدد کے ثبوت، کپڑے فرانزک لیب کو بھجوائے گئے تھے، ڈی این اے رپورٹ آنے کے بعد ملزم کو پکڑا گیا۔
رانا ثنااللہ نے عمران خان کو مخاطب کرتے ہوئے کہنا تھا کہ آُپ کی پولیس کیس پر اثراندازہونے کی کوشش کرتی ہے، عمران کوتھوڑی شرم ہے تو پنجاب کی لیب کا شکریہ اداکرناچاہئے۔
انکا کہنا تھا کہ عاصمہ رانی کیس پرشرم کےبجائےتعریفیں کی جارہی ہیں، پولیس کی ناکامی کے باعث عاصمہ رانی کا قاتل بیرون ملک فرار ہوا اورکے پی پولیس کویہ بھی نہیں معلوم کے ملزم بیرون ملک کہاں فرارہوا۔
صوبائی وزیرقانون نے کہا کہ پنجاب کی پولیس کااسٹینڈرد لیول ہے، عمران خان کووزیر اعلیٰ پنجاب کا شکریہ ادا کرنا چاہئے، 2008 سےاب تک کوئی پولیس اہلکاربغیر این ٹی ایس بھرتی نہیں ہوا پنجاب میں تمام پولیس اہلکاروں کو میرٹ پر تعینات کیا گیا۔
انکا کہنا تھا کہ عمران خان کا فارنزک لیب ٹیسٹ کرنےکی ضرورت نہیں، عمران خان کا بلڈ ٹیسٹ کرلیں ساری صورتحال سامنے آجائیگی۔
رانا ثنااللہ نے کہا کہ مسلم لیگ ن سینیٹ میں سب سے بڑی جماعت ہوگی، سینیٹ الیکشن پرپارٹی لیڈرشپ کام کررہی ہے ، شام تک امیداروں کی فہرست سامنے آجائےگی،نئےچہرے بھی ہونگے، ماڈل ٹاؤن میں جمع ہونے والے آج پھر ایک دوسرے کےخلاف ہوگئے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔
لاہور : صوبائی وزیر قانون راناثنااللہ کا کہنا ہے مریم نوازاورحمزہ شہباز مسلم لیگ ن کا مستقبل ہیں، آصف زرداری گالم گلوچ میں عمران خان کو پیچھے چھوڑنا چاہتے ہیں، گھٹیازبان استعمال کرنے سے کسی کو کوئی فائدہ نہیں پہنچے گا۔
تفصیلات کے مطابق وزیر قانون پنجاب رانا ثنا اللہ نے میڈیا سے گفتگو کرتے ہوئے کہا کہ پنجاب اسمبلی کی کارروائی میڈیاکےذریعےعوام تک پہنچتی ہے، سینیٹ الیکشن تک پنجاب اسمبلی کا اجلاس جاری رہے گا۔
راناثنااللہ کا کہنا تھا کہ مریم نواز اور حمزہ شہباز شریف فیملی کے چشم وچراغ اور مسلم لیگ ن کامستقبل ہیں ہیں، مریم نوازاورحمزہ شہباز فی الوقت معاونت کررہے ہیں، نااہلی کے بعد معاملہ آیا کہ کسے پارٹی سربراہی دی جائے، نوازشریف نے کمیٹی میں بذات خود تجویز دی تھی، نوازشریف نے کہا تھا شہباز شریف پارٹی کی سربراہی کریں۔
وزیر قانون نے کہا کہ کمیٹی میں فیصلہ ہوا، پنجاب میں ترقی کےسفرکونہ روکاجائے، شہبازشریف پارٹی سربراہی کےمنصب پر پورا اترتے ہیں۔
زرداری پر تنقید کرتے ہوئے انھوں نے کہا کہ آصف زرداری نے کل لاہور میں جلسی سےخطاب کیا، پنجاب میں آصف زرداری کی پارٹی سب کے سامنے
آچکی ہے، آصف زرداری گالم گلوچ میں عمران خان کو پیچھے چھوڑنا چاہتے ہیں، گھٹیا زبان استعمال کرنے سے کسی کوکوئی فائدہ نہیں پہنچے گا۔
انکا مزید کہنا تھا کہ عزیربلوچ کی جے آئی ٹی سےزرداری صاحب خوفزدہ ہیں، زرداری صاحب کی کل کی تقریرسےانہیں نقصان پہنچے گا فائدہ نہیں۔
وزیر قانون پنجاب نے کہا کہ آئی جی کے پی نے خود اسما کیس میں اہلخانہ کو یرغمال بناکررکھا، پولیس کانسٹیبل کےخلاف کوئی ایکشن نہیں ہوا، عمران خان کے پی پولیس کے قصیدے پڑھ رہے ہوتےہیں، 145 کےقریب سیمپلز ڈی این اے کے لئے بھیجے گئے تھے، بھیجے گئے سیمپلزمیں سے ایک کا ڈی این اے میچ کر گیا ہے، فرانزک ایجنسی نےڈی این اےرپورٹ حوالے کردی ہے۔
عاصمہ رانی قتل کیس کے حوالے سے رانا ثنا اللہ کا کہنا تھا کہ عاصمہ رانی کوبربریت کانشانہ بنایاگیا، عاصمہ کےاہل خانہ نےشکایتیں کی تھیں لیکن شنوائی نہ ہوئی۔
انھوں نے کہا کہ خیبر پختو نخوا میں ہر تھانے کے ساتھ ورکشاپس بنی ہوئی ہیں، پنجاب سےجتنی گاڑیاں چوری ہوتی ہیں ان ورکشاپس سے ملتی ہیں، کے پی میں پولیس کا ڈرگس کا کاروبارہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔
فیصل آباد : پنجاب کے وزیر قانون رانا ثناءاللہ نے کہا ہے کہ ہرغاصب اور آمر کے جانے کے بعد عدالتوں نے اپنے فیصلوں کو غلط قرار دیا، زرداری کی کرپشن کے خلاف تقریریں قیامت کی نشانی ہے، ختم نبوت سے متعلق سازش کے تحت پروپیگنڈا کیا گیا۔
ان خیالات کا اظہار انہوں نے فیصل آباد میں ووکیشنل ٹریننگ سینٹرکی افتتاحی تقریب سے خطاب کرتے ہوئے کیا۔ رانا ثناءاللہ نے کہا کہ جو لوگ کہتے ہیں کہ نوازشریف عدلیہ سے محاذ آرائی کررہا ہے تو یہ غلط بات ہے۔
عدالتی فیصلے کے کسی نکتے پراعتراض کرنا محاذآرائی نہیں کہلاتی، نوازشریف نے عدالتی فیصلے کا سن کر وزارت عظمیٰ کا منصب فوری طور پر چھوڑدیا تھا، محاذ آرائی تو تب ہوتی جب نوازشریف کہتے کہ میں فیصلے کو نہیں مانتا۔
انہوں نے کہا کہ پیپلزپارٹی کے لوگ آج ہمیں عدالت سے محاذآرائی کا طعنہ دیتےہیں، پیپلزپارٹی نے تو ذوالفقارعلی بھٹو سے متعلق فیصلے کو عدالتی قتل کہا، بد قسمتی سے ہرغاصب اور آمر کے جانے کے بعد عدالتوں نے اپنے فیصلوں کو غلط قرار دیا۔
رانا ثناءاللہ کا کہنا تھا کہاگر کوئی یہ سمجھتا ہے کہ ہم کسی خوف سے زبان بند کرلیں گے تو یہ اس کی بھول ہے، زرداری صاحب کی کرپشن کےخلاف تقرریں قیامت کی نشانی ہے، اگر انہوں نے کرپشن پرچند تقریریں اورکردیں تو ملک پر عذاب نازل ہوسکتا ہے۔
صوبائی وزیر قانون نے مزید کہا کہ نوازشریف کو بیٹے کی کمپنی سے تنخواہ نہ لینے پر نااہل کردیا گیا، کہا گیا کہ تنخواہ لے سکتےتھے پرلی نہیں جبکہ عمران خان نے آف شور کمپنی کا بینیفشل اونر ہونا تسلیم کیا۔
ان کے اقرار کے باوجود اسے صادق و امین قرار دیا گیا، کام برابرکرنے کے لیے جہانگیرترین کونااہل کیا گیا، عمران خان وہ واحد شخص ہے جو طلاق کے بعد سابقہ بیوی سے کروڑوں روپے کے تحائف لیتا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
فیصل آباد : اداروں کو الرٹ رہنے کی نصیحت کرنے والے رانا ثناءاللہ خود میاں فضیحت بن گئے، صوبائی وزیر قانون سماعت سے محروم بچوں کی تقریب میں نیند پوری کرتے رہے۔
تفصیلات کے مطابق فیصل آباد میں خصوصی بچوں کے حوالے سے ایک تقریب کا انعقاد کیا گیا جس کے مہمان خصوصی صوبائی وزیر قانون رانا ثناء اللہ تھے۔
اس موقع پر پنجاب کے طاقت ور وزیر قانون نیند کی دیوی کے سامنے بے بس نظر آئے، رانا ثناء اللہ کبھی جماہیاں لے کر اور کبھی تالیاں بجا کر نیند سے لڑتے رہے۔
شرکاء کی تالیاں اور ڈپٹی کمشنر بھی وزیر قانون کو الرٹ کرتے رہے، تقریب کے شرکاء بھی رانا ثناء اللہ کا محو خواب ہونا دیکھ کر محظوظ ہوتے رہے۔
تقریب سے قبل میڈیا سے گفتگو کرتے ہوئے رانا ثناء اللہ نے اداروں کو الرٹ رہنے کی تلقین کی تھی، بعد ازاں رانا ثناء اللہ نے تقریب میں خصوصی بچوں میں آلہ سماعت تقسیم کئے۔
فیصل آباد : صوبائی وزیر قانون راناثناء اللہ نے کہا ہے کہ استعفیٰ مانگنے والےمئی 2018 تک انتظار کریں، دھرنے اور لانگ مارچ منفی سوچ رکھنے والے سیاستدانوں کے ہتھکنڈے تھے، نوازشریف سعودی عرب مسلم امہ کے رہنما کے طور پر گئے ہیں۔
ان خیالات کا اظہار انہوں نے فیصل آباد میں میڈیا سے گفتگو کرتے ہوئے کیا، رانا ثناءاللہ نے کہا کہ مجھ سے ساڑھے چارسال سے استعفیٰ مانگا جارہاہے، استعفیٰ مانگنے والےمئی 2018 تک انتظارکریں انہیں استعفیٰ مل جائے گا۔
انہوں نے مزید کہا کہ ساڑھے چار سال سےملک میں عدم استحکام، افراتفری کا ماحول پیدا کرنے کی کوشش ہورہی ہے، دھرنے، لاک ڈاؤن کا مقصد یہ تھا کہ پاکستان آگے نہ بڑھے، دھرنے، لانگ مارچ منفی سیاستدانوں کے ہتھکنڈے تھے۔
وزیر قانون کا کہنا تھا کہ شریف برادران کے دورہ سعودی عرب سے اپوزیشن ابہام کا شکار ہے، نواز شریف سعودی عرب مسلم امہ کے رہنما کے طور پر گئے ہیں، وہ امت مسلمہ کیلئے مثبت کردار ادا کررہے ہیں۔
ایک سوال کے جواب میں انہوں نے کہا کہ سانحہ ماڈل ٹاؤن کی جےآئی ٹی میں تمام افراد پیش ہوئے تھے، جے آئی ٹی نے کچھ پولیس اور کچھ پاکستان عوامی تحریک کے کارکنان کو ذمہ دارقرار دیا ہے۔
اس مقدے میں 149 افراد پر الزام عائد ہوا، جن لوگوں پر الزامات ہیں وہ عدالتوں میں بھی پیش ہورہے ہیں۔
راناثناء اللہ نے کہا کہ باقر نجفی رپورٹ میں کسی خاص شخصیت کو ذمہ دارنہیں ٹھہرایا گیا، پاکستان میں لاشوں کی سیاست کسی کو نہیں کرنے دینگے، ماڈل ٹاؤن مقدمہ چل رہاہے، شہر کے چوکوں اور چوراہوں پر تقاریر کرنا ٹھیک نہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
لاہور : وزیر قانون پنجاب رانا ثناء اللہ نے کہا ہے کہ ہمیں بلاول بھٹو کی طرح کسی کو لاکر پگڑی پہنانے کی ضرورت نہیں، قانون میں ترمیم کرکے نوازشریف دوبارہ آسکتے ہیں، طاہرالقادری اپنے بیٹوں کیلئے ٹکٹ کے خواہشمند ہیں،حمزہ شہباز اور مریم نواز ن لیگ کا مستقبل ہیں۔
ان خیالات کااظہار انہوں نے اے آر وائی نیوز کے پروگرام سوال یہ ہے میں گفتگو کرتے ہوئے کیا، انہوں نے کہا کہ آئندہ الیکشن میں ہمارا نعرہ سویلین بالادستی اور نظام عدل کی بحالی ہوگا۔ عوام سےمینڈیٹ شعوری طور پرحاصل کریں گے۔
آئندہ انتخابات میں ایک طرف نوازشریف اور دوسری طرف تمام سیاسی جماعتیں ہوں گی، دیگر سیاسی جماعتوں کو نظرنہیں آرہا کہ اب کیا کریں۔
انہوں نے کہا کہ عدالتی نظام عام شہری کوانصاف نہیں دےپاتا، الیکشن میں ووٹ کا تقدس، سول بالادستی ، نظام عدل کی بحالی پر ووٹ لیں گے۔
نواز شریف کے بعد شہبازشریف پارٹی کو لیڈ کرسکتےہیں، مستقبل میں حمزہ شہبازاورمریم نواز ہی ن لیگ کو لیڈ کریں گے۔
ایک سوال کے جواب میں راناثنااللہ کا کہنا تھا کہ28جولائی کا فیصلہ نوازشریف نہیں بلکہ پاکستان کےخلاف تھا، سپریم کورٹ کے فیصلےکی وجہ سے نوازشریف کو عہدے سے ہٹنا پڑا، اگرنوازشریف اہل ٹھہرتےہیں تو اگلےوزیراعظم نوازشریف ہی ہوں گے۔
نوازشریف کا یہی فیصلہ تھا کہ شہبازشریف ہی وزیراعظم بنیں، آئندہ الیکشن میں کامیابی حاصل کرتےہیں توشہبازشریف وزیراعظم ہوں گے،وزیراعلیٰ پنجاب سے متعلق ابھی فیصلہ نہیں ہوا، نوازشریف کووزیراعظم بنانےمیں شہبازشریف کاکلیدی کردارتھا۔
میں نے کئی بار کہا ہے کہ حمزہ شہباز کو پنجاب میں کوئی بڑی ذمہ داردی جائے، حمزہ شہبازنے پنجاب میں بہت کام کیا ہے، نوازشریف پرپارٹی کے تمام کارکنوں کا اعتماد ہے، پوری جماعت نوازشریف کے28جولائی کے بیانیے کے ساتھ ہے۔
راناثنااللہ کا کہنا تھا کہ کچھ لوگوں کی سیاست ڈیڈلائن پر چل رہی ہے، بےچین پرندوں کو پارٹی میں لینا سیاسی مجبوری ہے، جب پارٹی بحران کا شکار ہوتی ہے تو یہ پرندے اڑنا شروع کردیتے ہیں،اس بارصرف 12،13فصلی بٹیروں پرہی اثرہوا ہے، مستعفیٰ ہونے والے فصلی پرندے استعفیٰ دے کر پچھتارہے ہیں۔
ان کا کہنا تھا کہ مخالفین کیلئے گزشتہ ہفتہ بہت بھاری گزراہے، طاہرالقادری قادری صاحب نوازشریف کامقابلہ نہیں کرپارہے، باقر نجفی رپورٹ سے طاہرالقادری جو چاہتے تھے وہ نہیں ہوسکا، رپورٹ میں کسی کو بھی ذمہ دار نہیں ٹھہرایا گیا۔
پی اے ٹی نے جےآئی ٹی اور تفتیش کا بائیکاٹ کیا، عدالت میں جو مقدمہ چل رہا ہے وہی اصول ہے اور وہی قانون ہے، طاہرالقادری اپنا پاور شو کرکے دکھائیں، وہ اپنے دو بیٹوں کو اسمبلی میں لانا چاہتے ہیں، لاہور سے طاہرالقادری کو بیٹوں کیلئے ٹکٹ چاہئیں۔
راناثناءاللہ نے مزید کہا کہ فیض آباد دھرنے کو طاقت سے ختم نہیں کرنا چاہتے تھے، فیض آباد آپریشن سے ہماری حکومت کو کوئی نقصان نہیں پہنچا۔
مخالفین کو مجھ سےخاص محبت ہے اس لیے میرا استعفیٰ مانگتے رہتے ہیں، میرا استعفیٰ میری قیادت کے پاس ہے وہ جب چاہیں لے سکتے ہیں۔
فیض آباد دھرنے کی وجہ سے زاہد حامد کو استعفیٰ دینا پڑا، حالانکہ اصولی طور پر انہیں استعفیٰ نہیں دینا چاہئےتھا، سینیٹ کا الیکشن 2مارچ کو ہونا ہی ہے۔
فیصل آباد : مہندی کی تقریب میں وقاص نامی نوجوان کی فائرنگ سے ہلاکت کے واقعہ کی فوٹیج اے آر وائی نیوز کو موصول ہوگئی، سوال پوچھنے پر رانا ثناءاللہ نے خاتون اینکر سے غیرمہذبانہ انداز گفتگو اختیارکیا۔
تفصیلات کے مطابق 28نومبر کو پنجاب کے وزیر قانون رانا ثناءاللہ کے شہر فیصل آباد میں دلہے کی فائرنگ سے وقاص نامی نوجوان جاں بحق ہوا تھا۔
حیدر آباد ٹاؤن کے رہائشی محنت کش لیاقت علی کا 20 سالہ بیٹا وقاص پیر کی رات محلہ عثمان غنی میں اپنے دوست یاسین کے دو بھائیوں وسیم اور امین کی مہندی کی تقریب میں شریک تھا کہ اچانک اندھا دھند فائرنگ شروع ہوگئی۔
واقعے کی فوٹیج دیکھیں
سات سے آٹھ افراد ہوائی فائرنگ کررہے تھے، اے آر وائی کو موصول فوٹیج میں دیکھا جاسکتا ہے کہ وقاص دولہا کی فائرنگ سے جاں بحق ہوا تھا۔
پانچ گولیاں فائر ہوئیں جبکہ آخری گولی پستول میں ہی پھنس گئی تھی، پھنسنے والی گولی فائر ہوکر وقاص کے سینے میں جا لگی، وقاص اسپتال پہنچنے سے قبل ہی زخموں کی تاب نہ لاتے ہوئے چل بسا۔
واقعے کے بعد دونوں بھائی گرفتاری کے خوف سے فرار ہوگئے تھے تاہم دو روز بعد ہی پولیس نے دونوں بھائیوں کو حراست میں لے لیا تھا۔
تھانہ غلام محمد آباد پولیس نے دلہے اور اُس کے بھائیوں کے خلاف مقدمہ درج کر کے شادی کے گھر سے چار افراد کو گرفتار کیا بعد ازاں مقتول وقاص کے والد لیاقت کی نشاندہی کے بعد چاروں افراد کو رہا کردیا گیا تھا۔
آپ نے یہ گھٹیا سوال کیا ہے،شرم آنی چاہیئے رانا ثناءاللہ
اس حوالے سے پنجاب کے وزیر قانون رانا ثناءاللہ سے اے آر وائی نیوز نے خصوصی گفتگو کیلئے رابطہ کیا، سوال کرنے پرانہوں نے خاتون اینکر سے غیر مہذبانہ اندازِ گفتگو اختیارکیا۔
خاتون اینکر کی جانب سے رانا ثناءاللہ سے سوال کیا گیا تھا کہ آپ کے شہر فیصل آباد میں ہونے والی شادی میں ہوائی فائرنگ سے ایک شخص جاں بحق ہوگیا، کیا آپ کے اپنے شہر میں قانون کی کوئی عملداری نہیں ہے؟
جس پر موصوف نے کہا کہ آپ نے یہ گھٹیا سوال کیا ہے،انہوں نے یہ بھی کہا کہ بریکنگ نیوز کے چکرمیں گھٹیا گفتگو کرتے ہوئے آپ کو شرم آنی چاہئیے۔
راناثناءاللہ کا مزید کہنا تھا کہ کہ آپ لوگ خود کوئی ایسا نظام بنالیں اور واقعے سے دو گھنٹے پہلے ہمیں بتادیا کریں، پنجاب کے وزیرقانون نے مزید کیا کہا ویڈیو دیکھیں۔
انہوں نے کہا کہ فیصل آباد صرف میرا شہر نہیں ہے، یہاں50لاکھ سے زائد لوگ رہتے ہیں، ملزم دلہا ہوا یا دلہا کا باپ گرفتار کرلیں گے، واضح رہے کہ وزیرقانون کو یہ بھی علم نہیں کہ مذکورہ واقعے کے ملزمان گرفتارہو چکےہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
