Tag: Rana Sanaullah arrest

اسلام آباد : وفاقی وزیر فیصل واوڈا نے کہا ہے کہ رانا ثناءاللہ کی گرفتاری سے مریم بی بی جتنی خوش ہیں اور کوئی نہیں، احتساب کیئے ہر قربانی دیں گے، پبلک اکاؤنٹس کمیٹی کے ٹکرے ہوجائیں گے۔

ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے گفتگو کرتے ہوئے کیا، فیصل واوڈا نے کہا کہ احتساب کے عمل سے پیچھے نہیں ہٹیں گے، عدل کی راہ میں جسٹس قیوم اور سیف کی طرح مداخلت نہیں کریں گے احتساب کے لیے ہرقربانی دیں گے، وزیراعظم عمران خان کا مؤقف واضح ہے کہ مجرم کو مجرم کی طرح ٹریٹ کیا جائے گا، پی ٹی آئی کے لوگوں کی بھی ٹی ٹیاں نکال لیں سب کا احتساب کریں۔

فیصل واوڈا نے کہا کہ ملک میں اب سب کے لئے قانون سازی ہورہی ہے، آج ساڑھے6گھنٹے کابینہ کا اجلاس ہوا مگر لابیز کے اے سی بند تھے، حکومت نے آکر اداروں کو آزاد کردیا ہے۔

ایک سوال کے جواب میں فیصل واوڈا نے کہا کہ راناثناءاللہ کے جانے سے مریم بی بی جتنی خوش ہے اور کوئی نہیں، ادارے خودمختار ہیں، جس جماعت میں بھی کرمنلز ہیں انہیں پکڑا جانا چاہیے،۔

کرمنل حرکتیں کرنیوالوں کو اے سی بھی ملتا ہے قافلے کی شکل میں لایا جاتا ہے، ان کا مزید کہنا تھا کہ ہم نے معیشت مستحکم کردی اور بجٹ بھی منظور کرالیا، حکومت کہیں نہیں جارہی، پبلک اکاؤنٹس کمیٹی کے بھی ٹکرے ہوجائیں گے۔

وفاقی وزیر نے کہا کہ منسٹرانکلیو کا گھر اس لئے چھوڑا تھا کہ میرے گھر کے باہر سیکیورٹی نہیں ہے، جبکہ دوسری طرف شہباز شریف کے گھر کے سامنے 25گاڑیاں کھڑی ہوتی ہیں۔

فیصل واوڈا نے کہا کہ ان کا ڈپٹی چیئرمین سینیٹ ہماری مرہون منت ہے، یہ مذاق کررہے ہیں کہ چیئرمین سینیٹ کو ہٹادیں گے، ان کے پاس کرنے کو کچھ بھی نہیں ہے۔