لاہور: پنجاب کے وزیر قانون رانا ثناءاللہ نے مینار پاکستان میں تحریک انصاف کے میگا پاور شو پر رد عمل دیتے ہوئے اخلاقیات کا دامن ہاتھ سے چھوڑ دیا۔

ن لیگ کے رہنما نے تضحیک آمیز رویہ اختیار کرتے ہوئے کہا کہ پی ٹی آئی کے جلسے میں شریک خواتین گھریلو نہیں تھیں، ناچ گانا بتارہا تھا کہ وہ کہاں سے آئی ہیں۔

پی ٹی آئی جلسے پر رانا ثناءاللہ کا رد عمل نہایت افسوس ناک رہا، نازیبا زبان استعمال کرتے ہوئے کہا کہ کل اسٹیج پر فصلی بٹیرے اور لوٹے براجمان تھے، جلسے میں دہاڑی دار طبقے کو اکھٹا کیا گیا تھا۔

سابق ن لیگی رہنما ندیم افضل چن کے بارے میں نامناسب تبصرہ کرتے ہوئے انھوں نے کہا کہ ایک لوٹے کے دانت نظر آرہے تھے، روشنی پڑی تو پتا چلا کہ ندیم افضل چن ہے۔ ان کا کہنا تھا کہ نواز شریف کی قیادت میں لوٹوں کا پیچھا کریں گے، پنجاب کے سب سے بڑے لوٹے کا مقابلہ نواز شریف یا یا مریم نواز کریں گی۔

تحریک انصاف اور پیپلز پارٹی کا رد عمل

رانا ثناءاللہ کے بیان پر رد عمل ظاہر کرتے ہوئے تحریک انصاف کی مرکزی رہنما شیریں مزاری نے کہا جلسے میں سیاست دانوں کی فیملیاں بھی شریک تھیں، ن لیگ کی لیڈر شپ گندی زبان استعمال کر رہی ہے، رانا ثنا جیسے لوگوں کی باتوں کا اثر نہیں ہوتا۔

نوازشریف کو جیل ہوبھی گئی تو ضمانت پر آجائیں گے، رانا ثناءاللہ

دوسری طرف پیپلز پارٹی کی رہنما اور سندھ اسمبلی کی ڈپٹی اسپیکر شہلا رضا نے بھی لیگی رہنما کے بیان پر سخت رد عمل دیتے ہوئے کہا ایسے بیانات سے بے حد افسوس ہوا، عمران خان کی اہلیہ کے لیے طلال چوہدری کے الفاظ بھی افسوس ناک ہیں، ہمیں کسی کی ذات سے متعلق ایسی باتیں نہیں کرنی چاہئیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

لاہور: وزیرقانون پنجاب رانا ثنااللہ کا کہنا ہے کہ جوڈیشل مارشل لاپرچیف جسٹس کا بیان قوم کی ترجمانی ہے، ملک کسی غیرآئینی اقدام کا متحمل نہیں ہوسکتا۔

تفصیلات کے مطابق وزیرقانون پنجاب رانا ثنااللہ نے ایکسپوسینٹر میں میڈیا سے گفتگو کرتے ہوئے کہا کہ آئین سے بالا اقدام برداشت نہیں کیا جائے گا۔

رانا ثنااللہ نے کہا کہ مقدمے میں مفرور ہونے پربھی عمران خان سے خاص برتاؤ ہو رہا ہے، عمران خان نے 10 ارب کی پیشکش کی کہانی خود گڑھی، ان کے الزامات پرفیصلہ جلد ہونا چاہیے تاکہ الزام تراشی کا سلسلہ ختم ہو۔

وزیرقانون پنجاب رانا ثنااللہ نے کہا کہ بعض لوگ عدلیہ کے ازخود ترجمان بنے ہوئے ہیں، عدلیہ کی ترجمانی کے لیے اس کا ادارہ بننا چاہیے۔

انہوں نے کہا کہ نوازشریف کوسیاست سے مائنس نہیں کیا جاسکتا، نوازشریف کو2 ہفتے مل جاتے تو وہ اپنی بیماراہلیہ کی عیادت کرلیتے، افسوس ہے عدالت نے نوازشریف کوحاضری سے استثنیٰ نہیں دیا۔

وزیرقانون پنجاب رانا ثنااللہ نے کہا کہ مسلم لیگ ن کے قائد نوازشریف عوام میں مقبولیت کے ٹاپ لیول پرہیں۔

ہمارے کیس میں کچھ نہ ہونےکے باوجود بھی کچھ نکالا جارہا ہے‘ نوازشریف

خیال رہے کہ 20 مارچ کو سابق وزیراعظم نوازشریف کا کہنا تھا کہ پرانے ریفرنس میں کچھ نہ ملا تو نئے ریفرنس کیوں دائرکیے؟ نئے ریفرنس پہلے ریفرنس پرخول چڑھانے کے مترادف ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

لاہور : صوبائی وزیر قانون رانا ثناءاللہ کا کہنا ہے کہ موجودہ صورتحال کا ذمہ دار عمران خان ہے، یہ سب لوگ جس کےآگے یہ جھکے ہیں وہ نامعلوم پارٹی ہے، صادق سنجرانی اورعبدالقدوس بزنجو جیسے مہرے عبرت کا نشان بنیں گے۔

تفصیلات کے مطابق وزیر قانون پنجاب رانا ثناءاللہ نے میڈیا سے گفتگو کرتے ہوئے کہا کہ جو بکواس چار سال سے کرتا رہا ہوں کیا وہ غلط تھی ، تمام سیاسی جماعتوں کے قائدین کی عزت ہونی چاہئے، پہلے لوگ ہر جماعت کے رہنماؤں سے ہاتھ ملاتے تھے۔

رانا ثناءاللہ کا کہنا تھا کہ موجودہ صورتحال کا ذمہ دار عمران خان ہے ، یہ کلچر عمران خان نے پھیلایا ہے، تمام سیاسی جماعتوں کو مل کر مسئلے کا حل نکالنا چاہئے ورنہ حالات بہتر نظر نہیں آرہے، آپ کوئی غلط بات کریں گے تو اس کی ذمہ داری میری تو نہیں ہوگی۔

انھوں نے کہا کہ صوبائی وزیر سانحہ ماڈل ٹاؤن پر دیت کی بات خرم نواز گنڈاپور نے کی تھی ، خرم نواز گنڈا پور نے گھر بلا کر دیت کی بات کی تھی، خرم نواز نے کہا تھا ملزمان پولیس والے ہیں تو آئی جی کوساتھ لیکرآئیں، خرم نوازکے کہنے پر میں آئی جی کو لیکر ان کے گھر گیا تھا۔

عمران خان پر جوتا مارنے والے شخص کے حوالے سے انکا کہنا تھا کہ محمد رمضان مسلم لیگ(ن) کا کارکن ہے اس میں کوئی شک نہیں ، محمد رمضان کو میں نے یا میرے بیٹے نے جوتا مارنے کا نہیں کہا رمضان کا کہنا ہے دلبرداشتہ ہونے پر عمران خان کو جوتا مارنے کا ارادہ کیا، پی ٹی آئی والوں نے زبردستی نام لینے کیلئے کہا گیا۔

مزید پڑھیں : زرداری صاحب کسی کی اینٹ سے اینٹ بجانے نکلے تھے لیکن بھاگ گئے، رانا ثناء اللہ

رانا ثناءاللہ نے کہا کہ 2018 کے الیکشن کے امکانات بہت روشن ہے، پاکستان میں جمہوریت کے روشن ہونے کے امکانات روشن ہیں، سب پر بھاری زرداری پر بھی نامعلوم پارٹی کے لوگ بھاری ہوچکے ہیں، عمران خان کہتا تھا میں کبھی سمجھوتہ نہیں کروں گا وہ بھی جھک چکا ہے۔

صادق سجرانی کے حوالے سے وزیر قانون کا کہنا تھا کہ یہ سب لوگ جس کے آگے یہ جھکے ہیں وہ نامعلوم پارٹی ہے، نامعلوم یا فرشتہ پارٹی کا ایک پاؤں زرداری اور دوسرا عمران خان کے کندھے پر ہے، نامعلوم یا فرشتہ ان کے کندھوں پر چل کر نوازشریف کا مقابلہ کرینگے، صادق سنجرانی اورعبدالقدوس بزنجو جیسے مہرے عبرت کا نشان بنیں گے۔

انھوں نے مزید کہا کہ عمران خان اور شیخ رشید نفرت پھیلانےوالے لوگ ہیں ، سب سےزیادہ گھٹیا زبان عمران خان اور شیخ رشید نے استعمال کی، میرے پاس پنکی پیر تو نہیں مگرجوتا کلب میں شیخ رشیدنمبر ون پر ہوگا، نوازشریف جسے مقرر کرینگے، وہ پنجاب میں مسلم لیگ ن کا صدر بنے گا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

لاہور : وزیر قانون پنجاب رانا ثنااللہ کا کہنا نے مخالفین پر تنقید کرتے ہوئے کہا کہ زرداری صاحب کسی کی اینٹ سے اینٹ بجانے نکلے تھے لیکن بھاگ گئے اور اب جمہوریت کی اینٹ سے اینٹ بجارہے ہیں، کے پی کے میں جو ضمیر فروشی ہوئی ہے اس کی وجہ عمران خان ہیں۔

تفصیلات کے مطابق صوبائی وزیرقانون رانا ثنااللہ نے پنجاب اسمبلی میں میڈیا سے گفتگو کرتے ہوئے کہا کہ عمران خان نے آن ریکارڈ کہا کہ کرپشن اوپر ہوتی ہے، لیڈر ٹھیک ہو تو کرپشن ختم ہو جاتی ہے کہتے تھے کہ میں کرپشن سے پاک ہوں۔

رانا ثنااللہ کا کہنا تھا کہ اب میں عمران خان سے سوال کرتا ہوں کہ آپ کی پارٹی میں جو کرپشن سامنے آئی ہے ضمیر فروشی ہوئی ہےاور یہ آپ خود کہ رہے ہیں کہ پانچ پانچ کڑوڑ میں ضمیر بیچا، کے پی کے میں یہ ضمیر فروشی جو ہوئی ہے اس کی وجہ آپ ہیں۔

وزیر قانون نے کہا کہ میاں نوازشریف کا ییانیہ سر چڑھ کر بول رہا ہے ، سینیٹ میں بھی اس حوالے سے تقاریر ہوئی ہیں، ہم آئندہ الیکشن کارکردگی کی بنیاد پر لڑنا چاہتے تھے لیکن باوجود پوری قوم کو اس راستے سے ہٹایا گیا کیونکہ محسوس ہورہا تھا کہ میاں نوازشریف نے ملک کی ترقی کے لئے کام کیا اور انہیں روکنے کے لئے اس ایجنڈے میں اور بہت سی قوتیں بھی ہیں جن کا ذکر سینیٹ میں کیا گیا۔

نئی حلقہ بلندیوں کے حوالے سے بات کرتے ہوئے کہا کہ میرے حلقہ کا چیر پھاڑ کردی گئی ہے لیکن میں الیکشن لڑوں گا اور بھی جیتوں گا، چئیرمین سینیٹ کے لئے سب سے رابطے ہوں گے، یہ کونسی قوت ہے جو صرف نوازشریف کا راستہ روکنا چاہتی ہے۔

میاں رضا ربانی کی تعریف کرتے ہوئے صوبائی وزیر کا کہنا تھا کہ بہت عزت دار شخص ہیں، انھوں نے سینیٹ کی عزت میں اضافہ کیا، رضاربانی حقیقی ڈیموکریٹ اورعوامی بالادستی کےخواہاں ہیں اور اسی بیانیےکےحامل ہیں، رضارانی نے جمہوریت کی بےمثال خدمت کی ہے۔

مزید پڑھیں : شیر کو سینیٹ سے نکالا گیا تھا، لیکن شیر پھر سینیٹ میں دھاڑ رہا ہے: رانا ثناء اللہ

انھوں نے مزید کہا کہ رضاربانی کو پیپلزپارٹی بطور چیئرمین لاتی تو ن لیگ کیلئے رد کرنامشکل ہوتا، رضاربانی ایک ایسےامیدوار تھے جو متفقہ امیدوار ہوسکتے تھے لیکن پیپلزپارٹی کہتی رہی ہے کہ یہ ہمارا بندہ نہیں۔

آصف زرداری پر تنقید کرتے ہوئے رانا ثنااللہ نے کہا کہ زرداری صاحب کسی کی اینٹ سے اینٹ بجانے نکلے تھے لیکن بھاگ گئے اور اب جمہوریت کی اینٹ سے اینٹ بجارہے ہیں ۔

انکا کہنا تھا کہ بنیادی طور پر وکیل ہوں زندگی کا آغاز عدلیہ کے احترام سے کیا، کہاں نہال ہاشمی اورکہاں سپریم کورٹ، ہر وہ قانون جس کا بنچ سے تعلق ہو نہال ہاشمی نے جو تقریر کی تھی وہ کچھ بھی نہیں تھا اور انھوں نے غیر مشروط معافی مانگی ، بابر اعوان جیسےکو معاف کردیا گیا ، نہال ہاشمی کو غیر مشروط پر معافی دیتے تو ان کے وقار میں اضافہ ہوتا۔

وزیر قانون نے کہا کہ اس ملک نے انشااللہ قائم رہنا ہے تو الیکشن ہونا ہے اور الیکشن فری اور فئیر ہوگا، پارلیمنٹ بالادست نہیں تو پھر کس بات کی جمہوریت، ختم نبوت ہمارے ایمان کا حصہ ہے لیکن ڈھائی مہینے معافی نہیں ملی۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔