ARYNews.tv | Urdu – Har Lamha Bakhabar

Tag: randy orton

  • معروف ریسلر کی انوکھی حرکت، دنیا حیران، ویڈیو وائرل

    معروف ریسلر کی انوکھی حرکت، دنیا حیران، ویڈیو وائرل

    نیویارک: ڈبلیو ڈبلیو ای کے معروف ریسلر رینڈی اورٹن نے انوکھی حرکت کرکے دنیا کو حیران کردیا جس کی ویڈیو وائرل ہوگئی۔

    تفصیلات کے مطابق ڈبلیو ڈبلیو ای را ایونٹ میں ریسلر رینڈی اورٹن حریف ریسلر اے جے اسٹائلز سے محو گفتگو تھے اور رینڈی اورٹن رنگ میں بیساکھیوں کے ہمراہ پہنچے۔

    اے جے اسٹائلز نے اورٹن پر طنز پر کرتے ہوئے کہا کہ ’اپنی ٹانگیں دیکھو، تم ریسل مینیا میں شرکت نہیں کرسکو گے تم ریٹائرڈ ہوگئے ہو، اگر ریسل مینیا میں پہنچے تو ملاقات ہوگی۔

    اے جے اسٹائلز نے جاتے جاتے اورٹن کی ایک بیساکھی بھی گرا دی جس سے وہ لڑا کھڑا گئے۔

    رینڈی اورٹن نے اے جے کو مخاطب کرتے ہوئے کہا کہ تم جانتے ہو میرے اور تمہارے درمیان میں واضح فرق آگیا ہے لیکن تمہارے جذبہ میرے لیے کوئی معنی نہیں رکھتا۔

    رینڈی نے یہ کہتے ہی اپنی دوسری بیساکھی سائیڈ میں پھینکی اور اے جے اسٹائلز کو زمین پر پھٹک دیا جسے دیکھ کر سب حیران رہ گئے۔

    سماجی رابطے کی ویب سائٹ ٹویٹر پر رینڈی اورٹن کے اس ناٹک کو 7 لاکھ 7 ہزار مداحوں نے پسند کیا اور 1 لاکھ 8 ہزار افراد نے اسے ری ٹویٹ کیا ہے۔

  • ڈبلیو ڈبلیو ای منی ان دی بینک: جہندرمل ٹائٹل کا دفاع کرنے میں کامیاب

    ڈبلیو ڈبلیو ای منی ان دی بینک: جہندرمل ٹائٹل کا دفاع کرنے میں کامیاب

    سینٹ لوئس: ڈبلیو ڈبلیو ای منی ان دی بینک ایونٹ میں جندر مہل نے اورٹن کو شکست دیکر ٹائٹل کا کامیاب دفاع کیا، اسی ایونٹ میں بیرن کوربن نے پہلی بار ڈبلیو ڈبلیو ای مسٹر منی ان دی بینک کا اعزاز اپنے نام کیا۔


    تفصیلات کے مطابق ڈبلیو ڈبلیو ای منی ان دی بینک ایونٹ میں جندر مہل نے ایک بار پھر رینڈی اورٹن کو سنگھ برادرز کی مدد سے شکست دے کر’ڈبلیو ثبلیو ای چیمپئن‘ ٹائٹل کا کامیاب دفاع کرلیا ہے۔

    ڈبلیو ڈبلیو ای ٹائٹل میچ کا آغاز ہوا تو یو محسوس ہو رہا تھا کہ رینڈی اورٹن جندر مہل کو باآسانی شکست دے دیں گے تاہم سنگھ برادرز کی بار بار مداخلت پر ایسا ممکن نہ ہوسکا۔

    ریفری نے سنگھ برادرز کو باہر جانے کا کہہ دیا تاہم سنگھ برادرز نے رینڈی اورٹن کے والد جو قریب ہی تماشائیوں میں بیٹھے نظر آرہےتھے ان پر حملہ کردیا۔ رینڈی اورٹن سے یہ دیکھا نہ گیا اور انہوں نے سنگھ برادرز کو رنگ سے باہر جاکر خوب داؤ پیج لگائے۔

    رینڈی اورٹن سنگھ برادرز کو رنگ سے باہر ڈھیر کرنے کے بعد جیسے ہی رنگ میں داخل ہوئے تو انہوں نے جندر مہل پر حملہ کرنا چاہا تاہم جندر مہل نے انہیں اپنا آخری داؤ (خلاص) مار کر ٹائٹل کا کامیاب دفاع کرلیا۔

    دوسرے مقابلے میں مسٹر منی ان دی بینک کا اعزاز بیرن کوربن نے اپنے نام کرلیا اس لیڈر میچ میں بیرن کوربن کے ساتھ اے جے اسٹائلز، سمیع زین، کیون اونز، ڈولف زیگلر نے حصہ لیا مگر کامیابی بیرن کوربن کے نام رہی۔

    اس کامیابی کے بعد کوربن کو منی ان دی بینک بریف کیس مل گیا جس کی بدولت وہ کسی بھی وقت ڈبلیو ڈبلیوای چیمپئن شپ میچ کے لیے اسے استعمال کرسکتے ہیں۔

  • بیک لیش، جندر مہل پہلی بار ڈبلیو ڈبلیو ای چیمپئن بن گئے

    بیک لیش، جندر مہل پہلی بار ڈبلیو ڈبلیو ای چیمپئن بن گئے

    شکاگو: ڈبلیو ڈبلیو ای بیک لیش اسمیک ڈاؤن ایونٹ میں جندر مہل نے رینڈی اورٹن سے ڈبلیو ڈبلیو ای کا ٹائٹل ہتھیا لیا، یونائیٹڈ اسٹیٹ ٹائٹل چیمپئن شپ میں کیون اونز نے ٹائٹل کا کامیاب دفاع کرتے ہوئے اے جے اسٹائلز کو شکست سے دوچار کردیا۔

    تفصیلات کے مطابق شکاگو میں جاری ڈبلیو ڈبلیو ای بیک لیش چیمپئن شپ میں آٹھ مقابلے ہوئے جس میں ڈبلیو ڈبلیو ای چیمپئن شپ اور یونائیٹڈ اسٹیٹ چیمپئن شب کے مقابلے بھی شامل تھے۔

    ڈبلیو ڈبلیو ای چیمپئن شپ میں رینڈی اورٹن کو حیران کن طور پر جندر مہل سے اس وقت شکست کا سامنا کرنا پڑا جب وہ جندر مہل کے ساتھیوں پر حملہ آور ہوئے کہ پیچھے سے جندر مہل نے آکر اپنا آخری داؤ پیج استعمال کرتے ہوئے اورٹن کو شکست سے دوچار کرتے ہوئے پہلی بار ڈبلیو ڈبلیو چیمپئن بننے کا اعزاز حاصل کرلیا ہے۔

    کینڈین نژاد بھارتی ریسلر جندر مہل کا کہنا ہے کہ مجھے خوشی ہے کہ پہلی بار ڈبلیو ڈبلیو چیمپئن شپ کا ٹائتل اپنے نام کیا ہے، ان کا کہنا تھا کہ میرے اس ٹائٹل جیتنے پر پورا بھارت خوش ہوگا۔

    جندر مہل نے جیت کے ساتھ ہی سینا سے لڑائی کی خواہش کا اظہار بھی کردیا، دیکھنا یہ ہے کہ فلمی دنیا میں مصروف سینا جندر مہل کے اس چیلنج کو قبول کرتے ہیں یا نہیں۔

    واضح رہے کہ اس سے قبل ڈؓبلیو ڈبلیو دو اور بھارتی ریسلر دی گریٹ کھلی اور دلیپ سنگھ رانا بھی حصہ لیتے رہے ہیں۔

    یونائیٹڈ اسٹیٹ چیمپئن شپ میں اے جے اسٹائلز جو کہ کیون اونز کو شکست دینے کے لیے بے تاب تھے یہ خواب اسٹائلز کے لیے خواب ہی رہ گیا اور کیون اونز نے اپنے تائٹل کا کامیاب دفاع کرتے ہوئے اے جے اسٹائلز کو شکست دے دی۔

    ٰیاد رہے کہ اے جے اسٹائلز نے یونائیٹڈ اسٹیٹ چیمپئن شپ میں کیون اونز سے ٹکرانے کے لیے ٹرپل تھریٹ میچ میں سیمی زین اور بیرون کوربن کو شکست دی تھی۔

  • رومن رینز زخمی‘ کئے ہفتے تک رنگ میں نہیں اتر سکیں گے

    رومن رینز زخمی‘ کئے ہفتے تک رنگ میں نہیں اتر سکیں گے

    کیلی فورنیا: ڈبلیو ڈبلیو ای کے ایک مقابلے میں اورٹن کو برے وائٹ نے شکست دے دی جب کہ ایک اور مقابلے میں زخمی رومن رینز اسٹرومین کے سامنے نہیں ٹک سکے، براؤن اسٹرومین نے رینز کو کئی ہفتوں کے لیے رنگ سے دور کردیا ساتھ ہی مزید زخمی ہونے سے  رومن رینز کی ڈبلیو ڈبلیو ای کے بڑے مقابلے میں شرکت مشکوک ہوگئی۔

    تفصیلات کے مطابق ڈبلیو ڈبلیو ای پے بیک ایونٹ کے دو اہم میچز ہوئے جس میں برے وائٹ نے اورٹن اور اسٹرومین کے ہاتھوں رینز شکست سے دوچار ہوگئے ہیں۔

    میچ سے قبل دونوں ہی ریسلرز کی دھواں دار انٹری ہوئی، میچ میں لگ ایسا رہا تھا کہ کہ اورٹن باآسانی برے وائٹ کو شکست دے دیں گے مگر کچھ لمحوں کے بعد برے وائٹ نے ان خیالات کو غلط ثابت کرتے ہوئے اورٹن کو شکست دے دی۔

     ڈبلیو ڈبلیو ای کے ایک اورمقابلے میں سپر اسٹار ریسلر رومن رینز کو معروف ریسلر اسٹرومین نے شکست دے کر ایک بار پھر رنگ سے دور رہنے پر مجبور کردیا۔

    رومن رینز پہلے ہی اسٹرومین کے متعدد حملوں کے باعث زخمی ہوچکے تھے، میچ سے قبل رینز رنگ میں آئے تو اسٹرومین نے شروع میں ہی رینز پر حملہ کردیا، لیکن رومن نے تھوڑی دیر طویل القامت ریسلر اسٹرومین کے سامنے مزاحمت کی تاہم سپر مین پنچ ریسلررینز، اسٹرومین کے سامنے بے بس نظر آئے اور شکست کھا کر کئی ہفتوں سے رنگ سے دور ہوگئے۔

    دریں اثنا ہر سال منعقد ہونے والے ڈبلیو ڈبلیو ای کے بڑے ایونت ریسل مینیا میں رینز نے انڈر ٹیکر کو شکست دے کر ریٹائرمنٹ لینے پر مجبور کردیا تھا۔

    ریسل مینیا ایونٹ سے قبل رینز اور اسٹرومین کے درمیان لفظی جنگ جاری تھی تاہم اسٹرومین سے رینز کا مقابلہ ریسل مینیا کے بجائے ڈبلیو ڈبلیو ای انتظامیہ نے ڈبلیو ڈبلیو ای پے بیک میں کرایا گیا تھا۔

    انڈر ٹیکر نے ریٹائرمنٹ کا اعلان کردیا

     385 پاونڈ وزن رکھنے والے اسٹرومین کے سامنے 265 پاؤنڈ کے حامل رینز شکست سے اپنے آپ کو نہ بچاسکے۔

    واضح رہے کہ مداحوں کی بڑی تعداد اسٹرومین کی شکست کی خواہاں تھی، رومن رینز جب شکست سے دوچار ہوئے تو بڑی تعداد میں مداح مایوس دکھائی دئیے، اب دیکھنا یہ ہے ک ہآئندہ آنے والے ڈبلیو ڈبلیو اے ایونٹس میں رومن رینز شرکت کرپائیں گے یا نہیں۔